Asebter amenzawi

Yenqes cwiṭ umatar n laman n yimḍebbren n tkebbaniyin deg Lezzayer deg Yunyu (Anmager n yimḍebbren n tkebbaniyin)

LEZZAYER – Amatar n laman ay sɛan yimḍebbren n tkebbaniyin deg Ldzzyer yuweḍ ayyur n Yunyu ɣer -12, yerna yenqes-d s 3 n tenqiḍin ɣef leḥsab n wayyur n Mayu, ɣef wakken ay d-tenna tsestant tamayyurt n Unmager n yiɣellaten n tkebbaniyin (FCE).

Amatar-a n laman ttheyyin-t-id ɣef leḥsab n wanect ay ḍemɛent tkebbaniyin ad t-id-farsent, assuter ay d-yellan d wacḥal n sselɛa ay ffren, yerna yettwaqaran akk waya ɣer leḥsabat yerzan icriken imeqranen n Lezzayer.

ɣef leḥsab n tsestant-a, amatar n laman yenqes s 3 n tenqiḍin yerna yuweḍ ɣer -12 deg Yunyu n 2015 deffir ma yella -9 deg Mayu.

D acu kan, deg Yunyu n useggas yezrin, amatar-a yuweḍ armi d -18. Yunyu n useggas-a yeɣli-d deg tezwara n unebdu d Remḍan, dɣa d aya ay yesneqsen amahil (axeddim) deg yiḥricen yexḍan tamguri n tuččit yerna ayen ay yettekkan deg waya netta d awway ay wwin aṭas n yixeddamen imuras-nsen deg tallit-a.

Seg yidis niḍen, deg wayen yerzan Tadukli Tuṛufit d Fṛansa, tagnit mazal-itt akken tella seg wayyur n Fuṛaṛ. Amatar n laman n yimguranen n Tdukli Tuṛufit yerked deg -3,3, ma deg Fṛana, yeqqim kan -6,9.