ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵍⵡⴰⵢ ⴰⵚⴻⵃⵔⴰⵡⵉ ⵎⵧⵀⴰⵎⴻⴷ ⴰⴱⴷⴻⵍⴰⵣⵉⵣ ⵢⴻⵔⵔⴰ ⵜⴰⵊⵎⵉⵍⵜ ⵉ ⵢⵉⵎⴻⵃⴱⴰⵙ ⵉⵙⴻⵔⵜⵉⵢⴻⵏ ⵉⵚⴻⵃⵔⴰⵡⵉⵢⴻⵏ
ⴱⵉⵔ ⵍⴻⵃⵍⵓ (ⵉⴽⴰⵍⴻⵏ ⵢⴻⵜⵜⵡⴰⵙⵍⴻⵍⵍⵉⵏ) – ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵜⴰⵄⵕⴰⴱⵜ ⵜⴰⵚⴻⵃⵔⴰⵡⵉⵜ ⵜⴰⵎⴻⴳⴷⴰⵢⵜ (ⴰⵏⴻⵥⵔⵓⴼ ⵓⵜⵔⵉⵎ) ⴷ ⵓⵎⴰⵔⵓ ⴰⵎⴰⵜⵓ ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ, ⵎⴰⵙⵙ ⵎⵧⵀⴰⵎⴻⴷ ⴰⴱⴷⴻⵍⴰⵣⵉⵣ, ⵢⴻⵔⵔⴰ ⵜⴰⵊⵎⵉⵍⵜ ⵉ ⵓⵣⴱⵓ ⵏ ⵢⵉⵎⴻⵃⴱⴰⵙ ⵉⵙⴻⵔⵜⵉⵢⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵍⵍⴰⵏ ⴷⴻⴳ ⵍⴻⵃⴱⴰⵙ ⵏ ⵎⴻⵕⵕⵓⴽ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵃⴻⵜⵜⴻⵜ ⵖⴻⴼ ⵜⴻⴳⵏⴰⵜⵉⵏ ⵢⴻⵙⵙⴻⵡⵃⴰⵛⴻⵏ ⴷⴻⴳ ⵍⵍⴰⵏ ⵢⵉⵎⴻⵃⴱⴰⵙ-ⴰ ⴷⴻⴳ ⵢⵉⵡⴻⵜ ⵏ ⵜⴻⴱⵕⴰⵜ ⴰⵢ ⴰⵙⴻⵏ-ⵉⵡⴻⵀⵀⴰ ⵉ ⵍⵎⴻⵏⴷ ⵏ ⵍⵄⵉⴷ ⵜⴰⵎⴻⵥⵢⴰⵏⵜ.
ⵜⵉⴳⵏⴰⵜⵉⵏ ⵜⵉⵡⴻⵄⵕⴰⵏⵉⵏ ⴷⴻⴳ ⴷⴷⵔⴻⵏ ⵢⵉⵎⴻⵃⴱⴰⵙ ⵉⵙⴻⵔⵜⵉⵢⴻⵏ ⵉⵚⴻⵃⵔⴰⵡⵉⵢⴻⵏ ⵓⵔ ⵔⵥⵉⵏⵜ ⴰⵔⴰ ⵜⴰⴱⵖⴻⵙⵜ-ⵏⵙⴻⵏ ⵓⵍⴰ ⵎⴰ ⵜⴻⵎⵃⴻⵇ-ⵉⵜⴻⵏ ⵎⴻⵕⵕⵓⴽ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵙⴻⵍⵡⴰⵢ ⴰⴱⴷⴻⵍⴰⵣⵉⵣ ⴷⴻⴳ ⵢⵉⵣⴻⵏ-ⵏⵏⴻⵙ ⴰⵢ ⴷ-ⵜⴻⴱⴷⴻⵔ ⵜⵏⴻⴳⴳⴰ ⵏ ⵜⵖⴻⵎⵙⴰ ⵜⴰⵚⴻⵃⵔⴰⵡⵉⵜ ⵙⵒⵙ.
« ⵜⵉⴳⵏⴰⵜⵉⵏ ⵢⴻⵙⵙⴻⵡⵃⴰⵛⴻⵏ ⵏ ⵓⵃⴱⴰⵙ ⴷ ⵜⴻⴳⵏⵉⵜ ⵜⴰⵡⴻⵄⵕⴰⵏⵜ ⵏ ⵜⴷⴰⵡⵙⴰ ⴷⴻⴳ ⵍⵍⴰⵏ ⵢⵉⵎⴻⵃⴱⴰⵙ ⵓⵔ ⵙⵙⴰⵡⴹⴻⵏⵜ ⴰⵔⴰ ⴰⴷ ⵔⵥⴻⵏⵜ ⵜⴰⴱⵖⴻⵙⵜ ⵏ ⵢⵉⵎⴻⵃⴱⴰⵙ-ⴰ ⴰⴽⴽⴻⵏ ⴰⴷ ⵜⵜⴰⴱⴷⴰⴷⴻⵏ ⵢⴰⵍ ⴰⵙⵙ ⴷⴻⴳ ⵡⵓⴷⴻⵎ ⵏ ⵢⵉⵎⵄⴻⵜⵜⴱⴻⵏ ⵏ ⵜⵓⴹⴹⴼⴰ ⵜⴰⵎⴻⵕⵕⵓⴽⵉⵜ ⵢⴻⵔⵏⴰ ⴰⴷ ⵜⵜⴻⴽⴽⴰⵢⴻⵏ ⴷⴻⴳ ⵢⵉⵙⵓⵏⴷⵉⴷⴻⵏ ⵏ ⵍⴰⵥ ⴰⵢ ⵢⴻⵜⵜⴻⵎⵙⴻⴹⴼⴰⵔⴻⵏ ⴰⴽⴽⴻⵏ ⴰⴷ ⵙⵙⵉⵥⵔⴻⵏ ⵜⴰⴳⵏⵉⵜ ⵜⴰⵎⴻⵙⴱⴰⵟⵍⵉⵜ, ⵓⵔ ⵢⴻⵜⵜⵡⴰⵇⴱⴰⵍⴻⵏ, ⴷⴻⴳ ⵍⵍⴰⵏ ⵢⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ ⵏ ⵓⵏⴻⵥⵔⵓⴼ ⵓⵜⵔⵉⵎ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ.
ⴰⵙⴻⵍⵡⴰⵢ ⴰⵚⴻⵃⵔⴰⵡⵉ ⵉⵡⴻⴽⴽⴻⴷ-ⴷ ⴷⴰⵖ ⴷ ⴰⴽⴽⴻⵏ « ⴰⴽⴽ ⵉⵎⴻⵃⴱⴰⵙ ⵉⵙⴻⵔⵜⵉⵢⴻⵏ ⵉⵚⴻⵃⵔⴰⵡⵉⵢⴻⵏ ⴰⵜⵏⵉ ⴷⴻⴳ ⵡⵓⵍⴰⵡⴻⵏ ⴷ ⵍⴱⴰⵍ ⵏ ⵢⵉⵚⴻⵃⵔⴰⵡⵉⵢⴻⵏ ».
« ⵢⴻⵔⵏⴰ ⵙⴻⴳ-ⵙⴻⵏ ⴰⵢ ⴷ-ⵢⴻⵜⵜⴰⴳⴻⵎ ⵓⵖⵔⴻⴼ ⴰⵚⴻⵃⵔⴰⵡⵉ ⵣⵣⵓⵅ ⴷ ⵍⴻⴱⵖⵉ ⵉ ⵓⵣⴱⵓ, ⵉⵎⵉ ⴰⵢ ⵜⵜⵏⴰⵖⴻⵏ ⵢⴻⵔⵏⴰ ⴱⴻⴷⴷⴻⵏ ⵢⴰⵍ ⴰⵙⵙ ⴷⴻⴳ ⵡⵓⴷⴻⵎ ⵏ ⵍⴱⴰⵟⴻⵍ ⵓⵎⵉ ⴳⴳⵓⵎⴰⵏ ⴰⴷ ⴽⵏⵓⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⵓⵔⴰ.
« ⵜⵉⴷⴷⵉⵜ ⵜⵓⵣⵍⵉⴳⵜ ⵏ ⵓⵙⴻⵀⵔⴰⵙ ⵓⵔ ⵜⴻⵙⵙⴰⵡⴰⴹ ⴰⵔⴰ ⵖⴻⵔ ⵢⵉⵙⵡⵉ-ⵏⵏⴻⵙ ⵢⴻⵔⵏⴰ ⵍⴰⴱⵓⴷⴷ ⴰⴷ ⵜⴻⵅⵚⴻⵔ, ⴰⵙⵙ-ⴰ ⵏⴻⵖ ⴰⵣⴻⴽⴽⴰ ».
« ⵎⴻⵕⵕⵓⴽ ⵜⴻⵥⵔⴰ ⴷ ⴰⴽⴽⴻⵏ ⴰⵎⵃⴰⵇ, ⴰⵙⵙⵉⴳⴻⴷ ⴷ ⵓⵃⵕⴰⵙ ⵏ ⵢⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ ⴰⴷ ⵙⴵⴻⵀⴷⴻⵏ ⴽⴰⵏ ⴰⵄⴻⵡⵡⴻⵍ ⴷ ⵜⵓⴹⴹⴼⴰ ⵏ ⵢⵉⵚⴻⵃⵔⴰⵡⵉⵢⴻⵏ ⴷⴻⴳ ⵢⵉⵣⴻⵔⴼⴰⵏ-ⵏⵙⴻⵏ ⵓⵣⵔⵉⴼⴻⵏ », ⵖⴻⴼ ⵍⴻⵃⵙⴰⴱ ⵏ ⵓⵙⴻⵍⵡⴰⵢ ⴰⵚⴻⵃⵔⴰⵡⵉ.
ⵙⴹⵉⵙⴻⵜ ⵏ ⵜⵎⴻⵔⵡⵉⵏ (60) ⵏ ⵢⵉⵎⴻⵃⴱⴰⵙ ⵉⵙⴻⵔⵜⵉⵢⴻⵏ ⵉⵚⴻⵃⵔⴰⵡⵉⵢⴻⵏ ⴰⵢ ⵢⴻⵍⵍⴰⵏ ⴷⴻⴳ ⵍⴻⵃⴱⴰⵙ ⵉⵎⴻⵕⵕⵓⴽⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵢⵉⵡⴻⵜ ⵏ ⵜⴻⵖⴱⴰⵍⵓⵜ ⵜⵓⵏⵚⵉⴱⵜ ⵜⴰⵚⴻⵃⵔⴰⵡⵉⵜ.
ⴰⵎⴹⴰⵏ-ⴰ ⵎⴻⵖⵖⵔⴻⵏ ⴷ ⴰⵢⴻⵏ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ « ⴰⵣⴱⵓ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴰⵢ ⵉⵄⴻⵡⵡⵍⴻⵏ ⴰⴷ ⴷ-ⵢⴻⴽⴽⴻⵙ ⴰⵣⵔⴻⴼ-ⵏⵏⴻⵙ ⵓⵣⵔⵉⴼ ⵏ ⵜⵍⴻⵍⵍⵉ ⴷ ⵓⵣⴰⵔⵓⴳ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⴰⵚⴻⵃⵔⴰⵡⵉ ⴷⴻⴳ ⵢⵉⵡⴻⵜ ⵏ ⵜⴻⴱⵕⴰⵜ ⵉⵛⵓⴱⴰⵏ ⵜⴰ ⴰⵢ ⵉⵡⴻⵀⵀⴰ ⵉ ⵢⵉⵎⴻⵖⵏⴰⵙⴻⵏ-ⴰ.
