Asebter amenzawi

Aciri s tganzi : Tazizwert n ‘’taneccabt iteddu’’, taẓrigt tis snat taggara n yimalas-a deg Txeṛṛubt

LEZZAYER – Taẓrigt tis snat n tzizwert n uciri s tganzi ‘’taneccabt iteddu’’ ad tili ass 24 d 25 yulyu deg unrar ideg sluɣmuyen iɛewdiwen n Txeṛṛubt (Lezzayer tamaneɣt), i aɣ-d-nnan yemsuddsen.

Tazizwert-a ara d-yesgerwen kraḍ taggayin n leɛmer : imeẓyanen, ilemmasen d yimeqranen (tullas d warrac) ad ttekkin deg-s wufrinen n uciri s tganzi deg Lezzayer, i d-nnan CSA/CSTA Lḥarrac, asrir i d-yessudsen tazizwert.

Ass amezwaru, ad yili d lǧemɛa, ad iban deg-s wid ara ixeṣren sakin ad walin wid ara yeṭṭfen amḍiq wis 3 deg akk taggayin.

Taggara n tzizwert ad tili ass n ssebt tanzayt ɣef 9h30, sakin ad fken tizalɣiwin i wid irebḥen, ɣef wakken i d-yers deg uhil n tzizwert.