Asebter amenzawi

Abdelmalek Sellal di Madrid deg yiwet n tirza n uxeddim

MADRID- Aneɣlaf amenz, Abdelmalek Sellal, yewweḍ ass n ttlata ɣer tmanaɣt taṣbenyulit, Madrid, i yiwet n tirza n uxeddim s uneɛṛuḍ uselway unabaḍ asbenyuli, Mariano Rajoy.

Mas Sellal, ukud tedda yiwet n terbaɛt taneɣlafant, ad yesɛu ahil yeččuṛen ad yernu ad yesselwi akk d wemtil-is Rajoy anejmuɛ wis seddis (6) n tseqqamutt ger Lezzayer d Ṣbenyul n weswir ɛlayen.

Taṣebḥit, ad t-yemmager ugellid Felipe VI di lbeṛj n Zerzuela ad yernu ad yemdiwenni d wemtil-is, Rajoy, deg wexxam n tselwit unabaḍ aṣbenyuli.

Lawan n tqacuct-agi, ad d-ilint temliliyin tisnaɣlafin n yal aḥric ger yineɣlafen, yeddan akk d uneɣlaf amenzu, d yemtilen-nsen iṣbenyuliyen.

Terza temsalt aneɣlaf n ddewla, aneɣlaf n tɣawsiwin n wezɣaṛ d wemɛwen ageraɣlan, Ramtane Lamamra, akk d yineɣlafen n teẓweṛt, Salah Khebri, n imuhal iẓuyaẓ, Abdelkader Ouali, n tmezduɣt, akk d temdint, Abdelmadjid Tebboune, akk daɣen aneɣlaf n temguri akk d lminat, Abdessalem Bouchouareb.

Tẓa (9) n yemtawiyen n wemcarek deg yeḥricen yemxallafen ara yettwasenyin.

Uqbel ma d yeǧǧ tamanaɣt taṣbenyulit, Mas Sellal ad yexdem yiwen usarag d yimawlan isallen akk d uselway unabaḍ aṣbenyuli.