Asebter amenzawi

Aselway Bouteflika yessenya semmus n leqwanen n wemcarek ageraɣlan

LEZZAYER – Aselway n Tegduda, Abdelaziz Bouteflika, yessenya semmus (05) n leqwanen islawaniyen yerzan imtawiyen n wemcarek igeraɣlanen, am wakken yella deg umagrad 77-11 n tmendawt, id-iwekked ass n ttlata yiwen n wulɣu n Tselwit n Tegduda.

Lqanun amezwaru yerza "abrutukul n tedrimt ger unabaḍ n Tegududa Tazzayrit Tamagdayt akk d Tɣeṛfant akk d unabaḍ n Tegduda Tatunsit, syettwasenyan di Lezzayer tamanaɣt di 10 maɣres 2015", id-tessefhem teɣbalut-agi.

Lqanun wis sin yerza " amsefhem ɣef tikci imeḥbas ɣef d-yella laḥkem ger Tegududa Tazzayrit Tamagdayt akk d Tɣeṛfant akk d Tgelda Taɛṛabt Tasuɛudit, yettwasenyan di Riyaḍ ass n 13 yebrir 2013".

Ma d wis tlata, d amsefhem ɣef "lufaq ger unabaḍ n Tegududa Tazzayrit Tamagdayt akk d Tɣeṛfant akk d unabaḍ n ddewla n El Kuwayt akken ur d-tettili tukksa n tawsa snat n tikkwal d uḥder n trewla ɣef lexlaṣat-agi n tawsa, yettwasenyan di Koweït ass n 20 yebrir 2008",id-yerna yenna-d.

Wis kuẓ (4) yerza asenyi ɣef "lufaq n wemcarek adelsan ger Tegududa Tazzayrit Tamagdayt akk d Tɣeṛfant akk d unabaḍ n Tegduda n Colombie yettwasenyan di Bogota ass n 24 yennayer 2007".

Ma d aneggaru yerza "allus i tefyirt (c) (ii) n umagrad 12 n wemtawi yerzan asuddes ageraɣlan n tilitaɣwalit s ttawil n ṣatilit (INTELSAT), yettwaqeblen di temlilit tis 31 yellan s ddemma n tseqqamutt n tamiwin, d-yellan di Paris ger 20 d 23 maɣres 2007", ikemmel yenna wulɣu n tselwit.