Asebter amenzawi

Ugar n 4700 n lminat n tallit n listiɛmaṛ afṛensis ay d-skeflen deg Yunyu n 2015

LEZZAYER – S ujemmal, 4706 n lminat n tallit n ussehres afṛensis ay d-skeflen yerna rẓan-tent deg wayyur n Yunyu 2015 deg ukatar n temhelt n tukksa n lminat ay yetteg Yigen aɣelnaw aɣerfan deg tlisa n Ugmuḍ d Utaram n tmurt, ɣef wakken ay aɣ-d-txebber yiwet n teɣbalut deg yella laman.

S waya, deg temnaḍt taserdasit tis snat, 822 n lminat timeglemdanin d 815 n lminat timeglegrawin ay d-skeflen yerna rẓan-tent. Ma deg temnaḍt taserdasit tis 5, skeflen-d 3.020 n lminat timeglemdanin, 39 n lminat timeglegrawin d 10 n lminat n tafat yerna rẓan-tent.

S wanect-a, ajemmal n lminat ay d-yettwaskeflen yerna rẓan-tent yewweḍ, deg 30 Yunyu 2015 ɣer 780.116 n lminat, gar-asent 658.283 n lminat timeglemdanin, 117.108 n lminat timeglegrawin d 4725 n lminat n tafat, ɣef wakken ay d-yettwabder.