ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵎⵄⴰⵡⵏⴰ ⵉ ⵢⵉⵍⵉⴱⵉⵢⴻⵏ ⵢⴻⴷⴷⵔⴻⵏ ⵖⴻⴼ ⵜⵍⵉⵙⴰ ⴷ ⵍⴷⵣⴰⵢⴻⵔ (ⵜⴰⵣⵣⵉⵔⵜ ⵜⴰⵣⴻⵡⵡⴰⵖⵜ ⵜⴰⴷⵣⴰⵢⵔⵉⵜ)

ⵉⵍⵍⵉⵣⵉ – ⵙⴰⵜ ⵏ ⵜⵎⴻⵔⵡⵉⵏ (70) ⵏ ⵢⵉⵟⵓⵏⴻⵏ ⵏ ⵍⴻⵎⵄⴰⵡⵏⴰ ⵙⴻⴳ ⵢⴰⵍ ⵚⵚⴻⵏⴼ ⴰⵔⴰ ⵢⴻⵜⵜⵡⴰⵣⵏⴻⵏ ⵖⴻⵔ ⵢⵉⵎⴻⵣⴷⴰⵖⴻⵏ ⵉⵍⵉⴱⵉⵢⴻⵏ ⴰⵢ ⵢⴻⴷⴷⵔⴻⵏ ⵖⴻⴼ ⵜⵍⵉⵙⴰ ⴷ ⵍⴷⵣⴰⵢⴻⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⵜⵏⴰⵔⵉⵜ ⵏ ⵜⴰⵣⵣⵉⵔⵜ ⵜⴰⵣⴻⵡⵡⴰⵖⵜ ⵜⴰⴷⵣⴰⵢⵔⵉⵜ ⴷⴻⴳ ⵉⵍⵍⵉⵣⵉ.

ⴰⵢⴰ ⴷ ⴰⵃⵔⵉⵛ ⵙⴻⴳ ⵍⵎⴻⴵⵀⵓⴷ ⵏ ⵓⵡⴰⵏⴰⴽ (ⴷⴷⵓⵍⴰ) ⵉ ⵓⵄⴰⵡⴻⵏ ⵏ ⵓⵖⵔⴻⴼ ⴰⵍⵉⴱⵉ ⵢⴻⵔⵏⴰ ⵜⴻⵜⵜⵡⴰⵣⴻⵏ ⵍⴻⵎⵄⴰⵡⵏⴰ-ⴰ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵙⵉⵏ ⵏ ⵢⵉⵙⴰⴼⴰⴳⴻⵏ ⵉⵙⴻⵔⴷⴰⵙⵉⵢⴻⵏ ⵙⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⵖⴻ ⵔⵓⵏⴰⴼⴰⴳ ⵏ ⵜⵉⵙⴽⴰ ⴷⴻⴳ ⴵⴰⵏⴻⵜ. ⵍⴻⵎⵄⴰⵡⵏⴰ-ⴰ ⵍⵍⴰⵏ ⴷⴻⴳ-ⵙ ⵢⵉⴼⴰⵔⵉⵙⴻⵏ ⵏ ⵜⵓⵞⵞⵉⵜ ⵏ ⵍⵍⵙⴰⵙ, ⵉⵙⴰⴼⴰⵔⴻⵏ, ⵜⵉⵖⴰⵡⵙⵉⵡⵉⵏ ⵉ ⵢⵉⴳⴻⵔⴷⴰⵏ ⴷ ⵜⵖⴰⵡⵙⵉⵡⵉⵏ ⵢⴻⵎⴳⴻⵔⵔⴰⴷⴻⵏ ⵏⵉⴹⴻⵏ.

ⴰⴷ ⵙⵙⵉⴷⴼⴻⵏ ⵍⴻⵎⵄⴰⵡⵏⴰ-ⴰ ⵖⴻⵔ ⵍⵉⴱⵢⴰ ⵙⴻⴳ ⵜⴻⵏⵇⵉⴹⵜ ⵏ ⵓⵣⴳⴰⵔ ⵏ ⵜⵍⵉⵙⴰ ⵏ ⵜⵉⵏⴻⵍⴽⵓⵎ ⴰⵢ ⵉⴱⴻⵄⴷⴻⵏ 210 ⵏ ⵢⵉⴽⵉⵍⵓⵎⵉⵜⵔⴻⵏ ⵖⴻⴼ ⵜⴻⵎⴷⵉⵏⵜ ⵏ ⴵⴰⵏⴻⵜ, ⴷⴻⴳ ⵡⴰⴽⴰⵍ ⵏ ⵜⵡⵉⵍⴰⵢⵜ ⵏ ⵉⵍⵍⵉⵣⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⵏⴰⵔⵉⵜ ⵏ ⵜⴰⵣⵣⵉⵔⵜ ⵜⴰⵣⴻⵡⵡⴰⵖⵜ ⵜⴰⴷⵣⴰⵢⵔⵉⵜ, ⴱⴻⵏ ⴰⵣⵣⵧⵓⵣ ⴰⴱⴷⴻⵔⴰⵣⴰⴽ, ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ.

ⵙⵉⵏ ⵏ ⵢⵉⴽⴰⵎⵢⵓⵏⴻⵏ ⵉⵎⴻⵇⵔⴰⵏⴻⵏ, 11 ⵏ ⵢⵉⴽⴰⵎⵢⵓⵏⴻⵏ ⵏ ⵜⵜⴻⵄⴱⴻⵢⵢⴰ ⵜⴰⵎⴻⵇⵔⴰⵏⵜ ⴷ ⵢⵉⵡⴻⵏ ⵏ ⵓⴽⴰⵎⵢⵓⵏ ⵏ ⵜⵏⵓⵟⴼⵉ (ⵉ ⵓⵙⵙⵉⵡⴻⴹ ⵏ ⵓⵙⴻⵔⵖⵓ) ⴰⵢ ⴷ-ⵙⵡⴻⵊⴷⴻⵏ ⵢⵉⵎⴻⵥⵍⴰ (ⵙⵙⵔⴰⴱⴻⵙ) ⵏ ⵜⵡⵉⵍⴰⵢⵜ ⵏ ⵉⵍⵍⵉⵣⵉ ⴰⴽⴽⴻⵏ ⴰⴷ ⵙⵙⵉⵡⴹⴻⵏ ⵍⴻⵎⵄⴰⵡⵏⴰ-ⴰ ⵖⴻⵔ ⵜⴻⵏⵇⵉⴹⵜ ⵏ ⵓⵣⴳⴰⵔ ⵏ ⵜⵍⵉⵙⴰ ⵏ ⵜⵉⵏⴻⵍⴽⵓⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵖⴻⴼ ⵏ ⵜⴷⴰⵢⵕⴰ ⵏ ⴵⴰⵏⴻⵜ, ⴱⴻⵏ ⴽⴰⴷⵧⵓⵔ ⴰⴱⴷⴻⵍⴽⵔⵉⵎ.

ⵍⴰ ⵙⵙⴻⴼⵔⴰⵢⴻⵏ ⴰⴷ ⵔⵏⵓⵏ ⴰⴷ ⴰⵣⵏⴻⵏ ⵍⴻⵎⵄⴰⵡⵏⴰ ⵏⵉⴹⴻⵏ ⴷⴻⴳ ⵡⵓⵙⵙⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ, ⵢⴻⵔⵏⴰ ⴰⵢⴰ ⴷ ⴰⵃⵔⵉⵛ ⵙⴻⴳ ⵓⵙⵙⴻⴵⵀⴻⴷ ⵏ ⵡⴰⵙⵙⴰⵖⴻⵏ ⵏ ⵜⴻⴳⵎⴰⵜ ⴷ ⵜⴻⵎⵙⴻⵜⵍⴻⵍⵜ ⴳⴰⵔ ⵓⵖⵔⴻⴼ ⴰⴷⵣⴰⵢⵔⵉ ⴷ ⵓⵖⵔⴻⴼ ⴰⵍⵉⴱⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⵏⴰⵔⵉⵜ ⵏ ⵜⴰⵣⵣⵉⵔⵜ ⵜⴰⵣⴻⵡⵡⴰⵖⵜ ⵜⴰⴷⵣⴰⵢⵔⵉⵜ ⵏ ⵉⵍⵍⵉⵣⵉ.

ⴷⴻⴳ ⵜⴳⴰⵔⴰ ⵏ 2014, ⵉⵃⴰⵣ-ⴷ ⵓⵡⴰⵏⴰⴽ ⴰⴷⵣⴰⵢⵔⵉ ⵜⴰⵊⴻⵍⵍⴰⴱⵜ ⵏ 80 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵉ ⵜⵉⵖⵉⵏ ⵏ ⵜⵓⵞⵞⵉⵜ ⵏ ⵍⵍⵙⴰⵙ ⴷ ⵢⵉⵙⴰⴼⴰⵔⴻⵏ ⵉ ⵢⵉⵍⵉⴱⵉⵢⴻⵏ ⴰⵢ ⵢⴻⴷⴷⵔⴻⵏ ⴷⴻⴳ ⵜⵎⵉⵡⴰ ⴰⵢ ⴷ-ⵉⵇⴻⵔⴱⴻⵏ ⵖⴻⴼ ⵜⵍⵉⵙⴰ ⴷ ⵍⴷⵣⴰⵢⴻⵔ.