Asebter amenzawi
Lemɛawna i Yilibiyen yeddren ɣef tlisa d Ldzayer (Tazzirt Tazewwaɣt Tadzayrit)
ILLIZI – Sat n tmerwin (70) n yiṭunen n lemɛawna seg yal ṣṣenf ara yettwaznen ɣer yimezdaɣen ilibiyen ay yeddren ɣef tlisa d Ldzayer, ɣef wakken ay d-tenna ass n ttlata tnarit n Tazzirt Tazewwaɣt Tadzayrit deg Illizi.
Aya d aḥric seg lmeǧhud n uwanak (ddula) i uɛawen n uɣref alibi yerna tettwazen lemɛawna-a ass n ttlata deg sin n yisafagen iserdasiyen seg Ldzayer Tamaneɣt ɣe runafag n Tiska deg Ǧanet. Lemɛawna-a llan deg-s yifarisen n tuččit n llsas, isafaren, tiɣawsiwin i yigerdan d tɣawsiwin yemgerraden niḍen.
Ad ssidfen lemɛawna-a ɣer Libya seg tenqiḍt n uzgar n tlisa n Tinelkum ay ibeɛden 210 n yikilumitren ɣef temdint n Ǧanet, deg wakal n twilayt n Illizi, ɣef wakken ay d-yenna uselway n tnarit n Tazzirt Tazewwaɣt Tadzayrit, Ben Azzouz Abderazak, i Tnegga n Yisalan n Ldzayer.
Sin n yikamyunen imeqranen, 11 n yikamyunen n tteɛbeyya tameqrant d yiwen n ukamyun n tnuṭfi (i ussiweḍ n userɣu) ay d-swejden yimeẓla (ssrabes) n twilayt n Illizi akken ad ssiwḍen lemɛawna-a ɣer tenqiḍt n uzgar n tlisa n Tinelkum, ɣef wakken ay d-yenna yiɣef n tdayṛa n Ǧanet, Ben Kadour Abdelkrim.
La ssefrayen ad rnun ad aznen lemɛawna niḍen deg wussan ay d-yetteddun, yerna aya d aḥric seg usseǧhed n wassaɣen n tegmat d temsetlelt gar uɣref adzayri d uɣref alibi, ɣef wakken ay d-yenna uselway n tnarit n Tazzirt Tazewwaɣt Tadzayrit n Illizi.
Deg tgara n 2014, iḥaz-d uwanak adzayri tajellabt n 80 n yimelyunen n yidinaṛen i tiɣin n tuččit n llsas d yisafaren i Yilibiyen ay yeddren deg tmiwa ay d-iqerben ɣef tlisa d Ldzayer.
