Asebter amenzawi

Abdelmalek Sellal yessuli tirza-ines uxeddim di Madrid

MADRID- Aneɣlaf amenz, Abdelmalek Sellal, yessuli ass n ttlata tirza-ines uxeddim d-yellan di tmanaɣt taṣbenyulit, Madrid, anda yesselwi d wemtil-is aselway unabaḍ asbenyuli, Mariano Rajoy timlilit tis seddis yemmezdin n weswir ɛlayen.

Timlilit-agi tekfa s usenyi n seddis n yemtawiyen, anda llan kuẓ n yemsefhamayen yerzan aḥric n tezmert, n ttawilat akk d umesni, anadi ussnan akk d yelmeẓyen.

Am wakken llan daɣen kṛaḍ n wahilen yerzan tafellaḥt, d unegmu n yidurar akk d wulli, d weḥric usegmi, yiwen umsefhem iwatan yerzan ajmaɛ n teṛcibin am wakken yella uẓmẓ n wemcarek di tmesbaniyin tinaddalin di tallit 2015-2016 akk d tmerniwt i wahil n tfellaḥt.

Deg yiwen n wawal d-yenna lawan n weṛẓam n temlilit, Mas Sellal yessaḥṛeṣ ɣef usbeddi n wemɛawen astṛatiji yeqqwan ger Lezzayer d Ṣbenyul di lfayda n yiɣerfan-nsen, u yenna belli kulci iwata akken Lezzayer d Ṣbenyul ad sɛun assaɣ « iǧahden » ara « sfaydint i snat ».

"Assa-gi, nezmer ad d-nini belli kulci iwata akken timura-nneɣ i snat ad sɛunt assaɣ yeqqwan, ara nesfaydi meṛṛa ladɣa imi nella d igerakaliyen, tiqquṛbala, yezdi-yaɣ lmektub,",id-iwekked.

Yerna yenna belli Lezzayer d Ṣbenyul atenan tcerk-iten tdamsa imi ger snat n tmura yella "agerruj muqqṛen ara nessaxdem jmiɛ".

Aneɣlaf amezwaru yella yemmuger-it ugellid n Ṣbenyul, Felipe VI di lbeṛj n Zarzuela, tamezduɣt ugellid am wakken yemqabal udem ar udem akk d wemtil-is aṣbenyuli.