ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ: ⵍⴻⵣⵣⴰⵢⴻⵔ ⴷ ⵜⴰⵛⵔⵉⴽⵜ ⵏ « ⵓⵙⵡⵉⵔ ⵓⵏⵏⵉⴳ ⵎⵍⵉⵃ » ⴷⴻⴳ ⵜⴻⴼⵔⵉⵇⵜ ⵏ ⵓⴳⴰⴼⴰ
ⵍⴻⵣⵣⴰⵢⴻⵔ – ⵍⴻⵣⵣⴰⵢⴻⵔ ⴷ ⵜⴰⵛⵔⵉⴽⵜ ⵏ « ⵓⵙⵡⵉⵔ ⵓⵏⵏⵉⴳ ⵎⵍⵉⵃ » ⴷⴻⴳ ⵜⴻⴼⵔⵉⵇⵜ ⵏ ⵓⴳⴰⴼⴰ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⵜⵉⵖⴻⴼⵜ ⵏ ⵜⵎⴰⴳⵍⴰ ⵜⴰⵎⴰⵔⵉⴽⴰⵏⵉⵜ, ⵒⴰⵉⴳⴻ ⴰⵍⴻⵅⴰⵏⴷⴻⵔ ⴷⴻⴳ ⵓⵙⴰⵔⴰⴳ ⵏ ⵍⴻⵣⵣⴰⵢⴻⵔ ⵖⴻⴼ ⵢⵉⵎⴻⵏⵖⵉ ⵎⴳⴰⵍ ⵜⵉⵟⵟⵓⵔⴼⴰ ⴷ ⵜⵓⴽⴽⵙⴰ-ⵏⵏⴻⵙ.
Ɣⴻⴼ ⵍⴻⵃⵙⴰⴱ ⵏ ⵎⴰⵙⵙⴰ ⴰⵍⴻⵅⴰⵏⴷⴻⵔ, ⴰⵢ ⵢⴻⵙⵙⴰⵡⵍⴻⵏ ⴷ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⴷⴻⴳ ⵢⵉⵊⵉⴼⴻⵕ ⵏ ⵓⵙⴰⵔⴰⴳ-ⵏⵏⵉ, « ⵍⴻⵣⵣⴰⵢⴻⵔ ⵜⴻⵙⵄⴰ ⴰⵟⴰⵙ ⵏ ⵜⵜⴻⵊⵕⵉⴱⴰ ⴷ ⵓⵎⴻⵣⵔⵓⵢ ⴷⴻⴳ ⵢⵉⵎⴻⵏⵖⵉ-ⵏⵏⴻⵙ ⵎⴳⴰⵍ ⵔⵔⴻⴱⵔⴰⴱ. ⴰⵜⵜⴰⵏ ⴷⴻⴳ ⵚⵚⴻⴼ ⴰⵎⴻⵣⵡⴰⵔⵓ ⴷⴻⴳ ⵜⴻⵎⵏⴰⴹⵜ-ⴰ », ⴷⵖⴰ ⴷ ⴰⵢⴰ ⴰⵢ ⵢⴻⵔⵔⴰⵏ ⵜⴰⵎⵓⵔⵜ-ⴰ ⵏ ⵜⴻⴼⵔⵉⵇⵜ ⵏ ⵓⴳⴰⴼⴰ ⴷ « ⵜⴰⵛⵔⵉⴽⵜ ⵏ ⵓⵙⵡⵉⵔ ⵓⵏⵏⵉⴳ » ⴷⴻⴳ ⵜⴻⵎⵏⴰⴹⵜ.
« ⵏⴻⵙⵙⴰⵡⴻⵍ ⴰⵟⴰⵙ ⴷ ⵍⴻⵣⵣⴰⵢⴻⵔ ⴷ ⵢⵉⵛⵔⵉⴽⴻⵏ ⵏⵉⴹⴻⵏ ⴷⴻⴳ ⵜⴻⵎⵏⴰⴹⵜ ⵖⴻⴼ ⵜⴻⴳⵏⵉⵜ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ). ⴷⵖⴰ ⵏⵡⴰⵍⴰ ⴷ ⴰⴽⴽⴻⵏ ⴷ ⴰⵢⴻⵏ ⵢⴻⵙⵄⴰⵏ ⴰⵣⴰⵍ ⴰⴷ ⵏⴻⵅⴷⴻⵎ ⵢⴻⵔⵏⴰ ⴰⴷ ⵏⴻⵙⵙⴻⵇⴷⴻⵛ ⵜⵉⵎⵓⵙⵙⵏⵉⵡⵉⵏ-ⵏⵏⴻⵖ ⵜⵓⵎⵢⵉⴼⵉⵏ ⴷⴻⴳ ⵓⵅⴻⴷⴷⵉⵎ, ⵖⴻⵔ ⵢⵉⴷⵉⵙ ⵏ ⵍⴻⵣⵣⴰⵢⴻⵔ ⴰⵢ ⵏⴻⵜⵜⵡⴰⵍⵉ ⴷ ⵜⴰⵛⵔⵉⴽⵜ ⵎⴻⵖⵖⴻⵔ ⵡⴰⵣⴰⵍ-ⵏⵏⴻⵙ ⵢⴻⵔⵏⴰ ⴷ ⵓⵏⵏⵉⴳ ⵓⵙⵡⵉⵔ-ⵏⵏⴻⵙ (ⴷⴻⴳ ⵜⴻⴼⵔⵉⵇⵜ ⵏ ⵓⴳⴰⴼⴰ) ».
ⴰⵍⴻⵅⴰⵏⴷⴻⵔ ⵜⴻⵔⵔⴰ ⵜⴰⵊⵎⵉⵍⵜ ⵉ ⵍⴻⵣⵣⴰⵢⴻⵔ ⵉⵎⵉ ⴰⵢ ⴷ-ⵜⴻⵙⵙⵓⴷⴷⴻⵙ ⴰⵙⴰⵔⴰⴳ-ⴰ ⵢⴻⵔⵏⴰ ⵜⵡⴻⴽⴽⴻⴷ-ⴷ ⴷ ⴰⴽⴽⴻⵏ ⴰⵎⵢⴰⴳⴻⵔ-ⴰ ⴰⴳⵔⴰⵖⵍⴰⵏ ⵢⴻⵍⵍⴰ-ⴷ « ⴷ ⵜⴰⴳⵏⵉⵜ ⵢⴻⵍⵀⴰⵏ ⵉ ⵜⵎⵓⵔⵜ-ⴰ ⴷⴻⴳ ⴷ-ⵢⴻⵍⵍⴰ ⵓⵙⴰⵔⴰⴳ (ⵍⴻⵣⵣⴰⵢⴻⵔ) ⴷ ⵜⵉⴷ ⵢⴻⵜⵜⴻⴽⴽⴰⵏ ⴷⴻⴳ-ⵙ ⴰⴽⴽⴻⵏ ⴰⴷ ⵛⴻⵔⴽⴻⵏⵜ ⵜⵜⴻⵊⵕⵉⴱⴰⵜ-ⵏⵙⴻⵏⵜ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ».
« ⵏⴻⵙⵙⴰⵔⴰⵎ ⴰⴷ ⵢⴻⵙⵙⵉⵡⴻⴹ ⵢⴰⵍ ⵢⵉⵡⴻⵏ ⴰⴷ ⴷ-ⵢⴻⵍⵎⴻⴷ ⵙⴻⴳ ⵡⴰⵢⴻⴹ ⵢⴻⵔⵏⴰ ⴰⴷ ⴷ-ⵏⴻⵙⵙⴻⵡⵊⴻⴷ ⵜⴰⴼⵜⴰⵔⵜ ⵏ ⵢⵉⵅⴻⴷⴷⵉⵎⴻⵏ ⴰⵢ ⵉⵡⴰⵜⴰⵏ ⴰⵢ ⴷ-ⵜⴻⵍⵀⵓ ⵢⵉⴷ-ⵙⴻⵏ ⴰⵎⴰ ⴷ ⵍⴻⵣⵣⴰⵢⴻⵔ, ⴰⵎⴰ ⴷ ⵉⵛⵔⵉⴽⴻⵏ ⵏⵉⴹⴻⵏ ⴰⵢ ⵉⵃⴻⴷⵕⴻⵏ ⴷⴻⴳ ⵓⵙⴰⵔⴰⴳ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⴰⵙⵙⴰ ⴰⵍⴻⵅⴰⵏⴷⴻⵔ ⴰⵢ ⵢⴻⵍⵍⴰⵏ ⴷⴰⵖ ⴷ ⵜⴰⵎⴰⵍⴰⵍⵜ ⵏ ⵓⵏⴻⴷⴱⴰⵍ ⵏ ⵜⵏⴰⵔⵉⵜ ⵏ ⵜⵏⴻⴳⴳⴰ ⵜⴰⵎⴰⵔⵉⴽⴰⵏⵉⵜ ⵏ ⵜⵏⴻⴼⵍⵉⵜ ⵜⴰⴳⵔⴰⵖⵍⴰⵏⵜ (ⵓⵙⴰⵉⴷ).
ⵎⵉ ⵜⴻⵜⵜⵡⴰⵜⵜⴻⵔ ⵖⴻⴼ ⵜⵙⴻⵔⵜⵉⵜ ⵜⴰⵎⴰⵔⵉⴽⴰⵏⵉⵜ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ, ⵎⴰⵙⵙⴰ ⴰⵍⴻⵅⴰⵏⴷⴻⵔ ⵜⵡⴻⴽⴽⴻⴷ-ⴷ ⴷ ⴰⴽⴽⴻⵏ ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵏ ⵎⴰⵔⵉⴽⴰⵏ ⵙⵄⴰⵏ ⴰⵏⴰⴳⵔⴰⵡ ⴰⵙⴻⵔⴷⴰⵙⵉ ⵏ ⵡⵓⵎⴻⵍ ⵏ ⵜⵖⴻⵍⵍⵉⵙⵜ ⴰⴽⴽⴻⵏ ⴰⴷ ⵏⵏⴰⵖⴻⵏ ⵎⴳⴰⵍ ⵜⵉⵟⵟⵓⵔⴼⴰ ⵜⵓⴽⵔⵉⴹⵜ, ⴷ ⴰⵛⵓ ⴽⴰⵏ ⵜⴻⵏⵏⴰ-ⴷ ⴷ ⴰⴽⴽⴻⵏ « ⴰⵢⴰ ⵓⵔ ⴷ-ⵢⴻⵜⵜⵇⴰⵎ ⴰⵔⴰ ».
« ⵢⴻⵙⵙⴻⴼⴽ ⴰⴷ ⵏⴻⵅⴷⴻⵎ ⵖⴻⴼ ⵜⵓⴷⵙⵉⵡⵉⵏ ⵜⵉⵏⴰⴱⴹⴰⵏⵉⵏ ⴷ ⵜⴻⵏⵎⴻⵜⵜⵉⵢⵉⵏ ⵏⵉⴹⴻⵏ ⴰⴽⴽⴻⵏ ⴰⴷ ⵏⴻⵙⵙⵉⵡⴻⴹ ⴰⴷ ⵏⴻⴼⵀⴻⵎ ⵙⵙⴻⴱⴱⴰⵜ ⵏ ⵜⵉⵟⵟⵓⵔⴼⴰ ⵜⵓⴽⵔⵉⴹⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ ⴷ ⴰⴽⴽⴻⵏ ⵢⴻⵍⵍⴰ-ⴷ ⴰⵟⴰⵙ ⵏ ⵡⴰⵡⴰⵍ ⵖⴻⴼ ⵓⵃⴻⵣⵣⴻⴱ ⴷⴻⴳ ⵢⵉⵙⴰⵔⴰⴳⴻⵏ ⴰⵢ ⴷ-ⴳⴰⵏ ⴷⴻⴳ ⵓⵎⵢⴰⴳⴻⵔ-ⴰ.
ⵎⴰⵙⵙⴰ ⴰⵍⴻⵅⴰⵏⴷⴻⵔ ⵜⴳⴻⵔ ⵜⴰⵎⴰⵡⵜ ⴷ ⴰⴽⴽⴻⵏ ⵉⵎⵓⵣⵣⴰⴳ ⵃⴻⵜⵜⴻⵜⴻⵏ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⴻⵜⵜⵡⴰⴼⵀⴻⵎ ⵜⴰⵔⵔⴰⵢⵜ ⵏ ⵜⴻⵖⵡⴰⵍⵜ ⴷ ⵢⵉⵣⵏⴰⵏ ⴰⵢ ⵙⵙⴻⵇⴷⴰⵛⴻⵏⵜ ⵜⴻⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ ⵙ ⵢⵉⵥⴻⴹⵡⴰⵏ ⵉⵏⵎⴻⵜⵜⵉⵢⴻⵏ ⵉ ⵍⵎⴻⵏⴷ ⵏ ⵓⵙⵎⴰⵍ ⵏ ⵍⴻⵛⵖⴰⵍ ⴷ ⵜⴻⵙⵏⴰⴽⵜⴰ-ⵏⵙⴻⵏ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⵄⴰⵡⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵓⵏⵔⴰⵔ ⵏ ⵜⵖⴻⵍⵍⵉⵙⵜ ⴷⴻⴳ ⵜⴻⵎⵏⴰⴹⵜ ⵏ ⵙⵙⴰⵃⴻⵍ, ⵜⵉⵖⴻⴼⵜ ⵏ ⵜⵎⴰⴳⵍⴰ ⵜⴰⵎⴰⵔⵉⴽⴰⵏⵉⵜ ⵜⴻⵏⵏⴰ-ⴷ ⴷ ⴰⴽⴽⴻⵏ ⵙⵏⴰⵜ-ⴰ ⵏ ⵜⵎⵓⵔⴰ ⵍⴰ ⵜⵜⴻⵎⵄⴰⵡⴰⵏⴻⵏⵜ ⵎⵍⵉⵃ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ.
ⴰⵙⴰⵔⴰⴳ ⵏ ⵍⴻⵣⵣⴰⵢⴻⵔ ⵙⵙⴻⴼⵔⴰⵏ ⴰⴷ ⵉⴼⴰⴽ ⴰⵙⵙ ⵏ ⵍⴻⵅⵎⵉⵙ ⵙ ⵓⵀⴻⵢⵢⵉ ⵏ ⵜⴻⴼⵜⴰⵔⵜ ⵖⴻⴼ « ⵓⵄⴰⵀⴻⴷ, ⴰⵙⵙⴻⵡⵊⴻⴷ ⴷ ⵜⵉⵛⵛⵓⵔⴽⴰ ⴰⵔⴰ ⵢⴻⵙⴼⴻⵄⵍⴻⵏ ⴰⵢⴻⵏ ⴰⵢ ⴷ-ⵢⴻⵜⵜⵡⴰⵍⴻⵎⴷⴻⴱ ⵙⴻⴳ ⵢⵉⵙⴽⴰⵙⵉⵢⴻⵏ » ⵏ ⵓⵙⴰⵔⴰⴳ-ⴰ.
ⵍⴻⵡⵚⴰⵢⴰⵜ ⵏ ⵜⴻⴼⵜⴰⵔⵜ-ⴰ ⵏ ⵍⴻⵣⵣⴰⵢⴻⵔ ⴰⴷ ⵜⵜⵓⵏⴻⴼⴽⴻⵏⵜ ⵉ ⵜⵇⴰⵛⵓⵛⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵔⴰ ⴷ-ⵢⵉⵍⵉⵏ ⴷⴻⴳ ⵛⵜⴻⵎⴱⴻⵕ ⴰⵢ ⴷ-ⵢⴻⵜⵜⴻⴷⴷⵓⵏ ⴷⴻⴳ ⵡⴰⵙⵀⵉⵏⴳⵜⵧⵏ ⵖⴻⴼ ⵢⵉⵎⴻⵏⵖⵉ ⵎⴳⴰⵍ ⵜⵉⵟⵟⵓⵔⴼⴰ ⵜⵓⴽⵔⵉⴹⵜ.
