ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵜⵛⵉⵔⵜ ⵜⴰⵎⴰⴼⴰⴳⵜ: ⵍⴻⵣⵣⴰⵢⴻⵔ ⵜⴻⵔⵏⴰ ⴱⵧⵜⵙⵡⴰⵏⴰ (3 ⵖⴻⵔ 0)

ⵍⵇⴰⵀⵉⵔⴰ – ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵜⴰⵎⴰⴼⴰⴳⵜ ⵏ ⵢⵉⵔⴳⴰⵣⴻⵏ ⵜⴻⵔⵏⴰ ⵜⴰⵎⵜⵉⵍⵜ-ⵏⵏⴻⵙ ⵏ ⴱⵧⵜⵙⵡⴰⵏⴰ ⵙ 3 ⵏ ⵢⵉⵃⵔⵉⵛⴻⵏ ⵖⴻⵔ 0 (25-16, 25-22, 25-13) ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⵇⴰⵀⵉⵔⴰ, ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵡⴰⵙⵙ ⴰⵎⴻⵣⵡⴰⵔⵓ ⵏ ⵡⵓⵔⴰⵔ ⵏ ⵜⴻⴳⵔⴰⵡⵜ ⴰ ⵏ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ ⵏ 2015 (22 ⵖⴻⵔ 30 ⵢⵓⵍⵢⵓ).

ⴷⴻⴳ ⵜⴻⵎⵍⵉⵍⵉⵜ ⵏⵉⴹⴻⵏ ⵏ ⵜⴻⴳⵔⴰⵡⵜ ⴰ ⴰⵢ ⵓⵔⴰⵔⴻⵏ ⴰⵙⵙ ⵏ ⵍⴰⵕⴻⴱⵄⴰ, ⵎⴰⵚⴻⵔ ⵜⴻⵔⵏⴰ ⴽⴻⵏⵢⴰ ⵙ 3 ⵏ ⵢⵉⵃⵔⵉⵛⴻⵏ ⵖⴻⵔ 0 (25-19, 25-14, 25-14).

ⵎⴻⵏⵖⵉⵔ ⵍⴻⵣⵣⴰⵢⴻⵔ, ⵜⴰⴳⵔⴰⵡⵜ ⴰ ⵍⵍⴰⵏⵜ ⴷⴻⴳ-ⵙ ⴷⴰⵖ ⵎⴰⵚⴻⵔ (ⵜⴰⵎⵓⵔⵜ ⴷⴻⴳ ⴰⵢ ⵍⴰ ⴷ-ⵜⴻⵜⵜⵉⵍⵉ ⵜⴻⵍⵖⵓⵖⴰ), ⴽⴻⵏⵢⴰ ⴷ ⴱⵧⵜⵙⵡⴰⵏⴰ.

ⴰⵙⵙ ⵏ ⵍⴰⵕⴻⴱⵄⴰ, ⴽⴰⵎⵔⵓⵏ ⵜⴻⵔⵏⴰ ⵜⵉⴳⵣⵉⵔⵜ ⵏ ⵎⴰⵓⵔⵉⵛⴻ ⵙ 3 ⵖⴻⵔ 0 (25-21, 25-19, 25-18), ⵎⴰ ⴷ ⵎⴻⵕⵕⵓⴽ ⵜⴻⵔⵏⴰ ⵕⵡⴰⵏⴷⴰ ⵓⵍⴰ ⴷ ⵏⴻⵜⵜⴰⵜ ⵙ ⵓⴳⵎⵓⴹ ⵏ 3 ⵖⴻⵔ 0 (25-23, 25-13, 25-17) ⴷⴻⴳ ⵜⴻⴳⵔⴰⵡⵜ ⴱ. ⵎⴰ ⴷ ⵜⵓⵏⴻⵙ ⵜⴻⵜⵜⵡⴰⵄⴼⴰ ⵙⴻⴳ ⵡⵓⵔⴰⵔ.

ⵏⴰⵇⴰⵍ, 10 ⵏ ⵜⵎⵓⵔⴰ ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⵜⴻⵎⵙⵉⵣⵡⴻⵔⵜ-ⴰ, ⵎⴰⵛⴰ ⴷⴻⴳ ⵜⴳⴰⵔⴰ, ⵙⵓⴷⴰⵏ ⵓⵔ ⵜⴻⵜⵜⴻⴽⴽⴰ ⴰⵔⴰ.

ⵜⵉⵎⵓⵔⴰ ⴰⵔⴰ ⵢⴻⵙⵙⵉⵡⴹⴻⵏ ⵖⴻⵔ ⵜⵏⴻⴳⴳⴰⵔⵓⵜ ⴷⴻⴳ ⵜⴻⵍⵖⵓⵖⴰ-ⴰ ⵜⵉⵙ 20 ⵏ ⵜⴻⴼⵔⵉⵇⵜ ⴰⴷ ⵄⴻⴷⴷⵉⵏⵜ ⵙⵔⵉⴷ ⵖⴻⵔ ⵜⴻⵍⵖⵓⵖⴰ ⵏ ⵓⵎⴰⴹⴰⵍ 2015 ⴰⵔⴰ ⴷ-ⵢⵉⵍⵉⵏ ⴷⴻⴳ ⵊⴰⵒⵓⵏ ⵙⴻⴳ 8 ⵖⴻⵔ 26 ⵛⵜⴻⵎⴱⴻⵕ ⴰⵢ ⴷ-ⵢⴻⵜⵜⴻⴷⵓⵏ.