ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⵖⵓⵏⵜ ⵏ ⵢⵉⵍⵖⵓⵖⴻⵏ: ⴻⵙ ⵙⴹⵉⴼ ⵓⵔ ⴷ-ⵜⵃⴻⵕⵕ ⴰⵛⴻⵎⵎⴰ ⴷ ⴰⵍ ⵎⴻⵔⵔⴻⵉⴽⵀ ⵏ ⵙⵓⴷⴰⵏ (1 ⵖⴻⵔ 1)

ⵙⴹⵉⴼ – ⴻⵙ ⵙⴹⵉⴼ ⵜⴻⵜⵜⵡⴰⵅⴻⵢⵢⴻⴱ ⴷⴻⴳ ⵜⴻⵎⵍⵉⵍⵉⵜ-ⵏⵏⴻⵙ ⵎⴳⴰⵍ ⵜⴻⵖⵍⴰⵎⵜ ⵜⴰⵙⵓⴷⴰⵏⵉⵜ ⵏ ⴰⵍ ⵎⴻⵔⵔⴻⵉⴽⵀ ⵙ 1 ⵖⴻⵔ 1 ⴷⴻⴳ ⵜⴻⵎⵍⵉⵍⵉⵜ ⵢⵓⴷⴼⴻⵏ ⴷⴻⴳ ⵡⴰⵙⵙ ⵡⵉⵙ 3 ⵏ ⵡⵓⵔⴰⵔ ⵏ ⵓⵃⵔⵉⵛ ⵏ ⵜⴻⴳⵔⴰⵡⵉⵏ ⵏ ⵜⴻⵎⵖⵓⵏⵜ ⵏ ⵢⵉⵍⵖⵓⵖⴻⵏ ⵏ ⵜⴻⴼⵔⵉⵇⵜ ⵏ ⵜⵛⵉⵔⵜ ⵏ ⵓⴹⴰⵔ (ⵜⴰⴳⵔⴰⵡⵜ ⴱ) ⴰⵢ ⵓⵔⴰⵔⴻⵏ ⴰⵙⵙ ⵏ ⵙⵙⴻⴱⵜ ⵜⴰⵎⴻⴷⴷⵉⵜ ⴷⴻⴳ ⵓⵙⴰⵔⵉⵔ ⵏ 8 ⵎⴰⵢⵓ 1945 ⴷⴻⴳ ⵙⴹⵉⴼ.

ⵉⵙⵡⵉ ⵏ ⴻⵙ ⵙⴹⵉⴼ ⵢⴻⵙⵙⴰⴷⴻⴼ-ⵉⵜ ⴰⴱⴷⴻⵍⵎⴰⵍⴻⵉⴽ ⵣⵉⴰⵢⴰ (ⴷⴻⴳ ⵜⴻⴷⵇⵉⵇⵜ ⵜⵉⵙ 16), ⵎⴰ ⴷ ⵉⵙⵡⵍⵉ ⵏ ⴰⵍ ⵎⴻⵔⵔⴻⵉⴽⵀ ⵢⴻⵙⵙⴰⴷⴻⴼ-ⵉⵜ ⵙⵧⵍⵧⵎⵧⵏ ⵊⴰⴱⴰⵙⵧⵏ ⴷⴻⴳ ⵜⴻⴷⵇⵉⵇⵜ ⵜⵉⵙ 23.

ⴰⴳⵎⵓⴹ-ⴰ ⵢⴻⵙⵡⴰⵖ ⵎⵍⵉⵃ ⵜⴰⵍⴻⵎⵎⵉⵥⵜ ⵏ ⵓⵄⴻⴷⴷⵉ ⵏ ⴻⵙ ⵙⴹⵉⴼ ⵖⴻⵔ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ, ⵍⴰⴷⵖⴰ ⵉⵎⵉ ⵜⴰⵖⵍⴰⵎⵜ-ⴰ ⴰⴷ ⵜⵓⵔⴰⵔ ⵙⵏⴰⵜ ⵏ ⵜⴻⵎⵍⵉⵍⵉⵢⵉⵏ ⴰⵢ ⴷ-ⵢⴻⵜⵜⴻⴷⴷⵓⵏ ⴱⴻⵕⵕⴰ ⵉ ⵙⴹⵉⴼ. ⵜⴰⵎⴻⵣⵡⴰⵔⵓⵜ ⴷⴻⴳ ⵧⵎⴷⵓⵔⵎⴰⵏ (ⵙⵓⴷⴰⵏ) ⵙⴻⴳ-ⴰ ⵖⴻⴼ 15 ⵏ ⵡⵓⵙⵙⴰⵏ ⵎⴳⴰⵍ ⴰⵍ ⵎⴻⵔⵔⴻⵉⴽⵀ, ⵎⴰ ⴷ ⵜⵉⵎⵍⵉⵍⵉⵜ ⵜⵉⵙ ⵙⵏⴰⵜ ⴰⴷ ⴷ-ⵜⵉⵍⵉ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⵎⴳⴰⵍ ⵓⵙⵎ ⵍⴷⵣⴰⵢⴻⵔ. ⵎⴰ ⴷ ⵜⵉⵎⵍⵉⵍⵉⵜ ⵜⵉⵙ ⴽⵔⴰⴹⵜ ⴰⴷ ⵜⵜ-ⵜⵓⵔⴰⵔ ⴷⴻⴳ ⵜⴻⵎⴷⵉⵏⵜ ⵏ ⵙⴹⵉⴼ ⵎⴳⴰⵍ ⵎⵛ ⵍⵄⴻⵍⵎⴰ, ⵜⴰⵖⵍⴰⵎⵜ ⵜⴰⵏⴻⴳⴳⴰⵔⵓⵜ ⴷⴻⴳ ⵜⴻⴳⵔⴰⵡⵜ ⴱ.

ⵓⵙⵎ ⵍⴷⵣⴰⵢⴻⵔ ⵜⴻⵔⴱⴻⵃ ⴰⴽⴽ 3-ⵏⵏⵉ ⵏ ⵜⴻⵎⵍⵉⵍⵉⵢⵉⵏ-ⵏⵏⴻⵙ ⵜⵉⵎⴻⵣⵡⵓⵔⴰ. ⵜⴰⵏⴻⴳⴳⴰⵔⵓⵜ ⴷ ⵜⵉⵏ ⵏ ⵡⴰⵙⵙ ⵏ ⵍⵊⴻⵎⵄⴰ ⵎⴳⴰⵍ ⵍⵄⴻⵍⵎⴰ (2-1) ⵢⴻⵔⵏⴰ ⴷ ⵏⴻⵜⵜⴰⵜ ⴰⵢ ⴷ ⵜⴰⵖⵍⴰⵎⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵜⴻⴳⵔⴰⵡⵜ ⴱ ⵙ 9 ⵏ ⵜⴻⵏⵇⵉⴹⵉⵏ. ⴰⵎⴽⴰⵏ ⵡⵉⵙ ⵙⵉⵏ ⵉⵚⴰⵃ-ⴷ ⴰⵍ ⵎⴻⵔⵔⴻⵉⴽⵀ ⴷ ⴻⵙ ⵙⴹⵉⴼ ⵙ 4 ⵏ ⵜⴻⵏⵇⵉⴹⵉⵏ. ⵎⵛ ⵍⵄⴻⵍⵎⴰ ⴷ ⵜⴰⵏⴻⴳⴳⴰⵔⵓⵜ ⵙ 0 ⵏ ⵜⴻⵏⵇⵉⴹⵉⵏ.