ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴷⴰⵄⴻⵛ ⵜⴻⵎⵎⴻⵖ ⵖⴻⴼ ⵢⵉⵖⴰⵍⵍⴻⵏ ⵉⴽⵓⵔⴷⵉⵢⴻⵏ ⴷⴻⴳ ⵓⴳⴰⴼⴰ ⵏ ⵙⵓⵔⵢⴰ
ⴷⵉⵎⴻⵛⵇ – ⵉⵎⵙⴻⵍⵍⵃⴻⵏ ⵏ ⵜⴻⴳⵔⴰⵡⵜ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ « ⴰⵡⴰⵏⴰⴽ ⵉⵙⵍⴰⵎⴰⵏ » (ⴷⴰⵄⴻⵛ) ⴳⴰⵏ 3 ⵏ ⵜⵅⴰⵣⴰⴱⵉⵢⵉⵏ ⴰⵙⵙ ⵏ ⵙⵙⴻⴱⵜ ⵎⴳⴰⵍ ⵢⵉⵎⵓⴽⴰⵏ ⴰⵢⴷⴻⴳ ⵍⵍⴰⵏ ⵢⵉⵖⴰⵍⵍⴻⵏ ⵉⴽⵓⵔⴷⵉⵢⴻⵏ ⴷⴻⴳ ⵓⴳⴰⴼⴰ ⵏ ⵙⵓⵔⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴰⵏⴰⵢ ⴰⵙⵓⵔⵉ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ.
ⵙⵏⴰⵜ ⵏ ⵜⵅⴰⵣⴰⴱⵉⵢⵉⵏ ⵃⵓⵣⴰⵏⵜ ⵉⵎⵓⴽⴰⵏ ⴰⵢⴷⴻⴳ ⵍⵍⴰⵏ ⵢⵉⵎⴻⵏⵖⴰⵏ ⵉⴽⵓⵔⴷⵉⵢⴻⵏ ⴷⴻⴳ ⵜⴻⵎⴷⵉⵏ ⵏ ⵜⴰⵍ ⴰⴱⵢⴰⴷ (ⵖⴻⴼ ⵜⵍⵉⵙⴰ ⵏ ⵟⵟⴻⵔⴽ) ⴷⴻⴳ ⵓⴳⴰⴼⴰ ⵏ ⵜⴻⵎⴷⵉⵏⵜ ⵏ ⵔⴰⴽⴽⴰ ⴷ ⵜⴻⵎⴷⵉⵏⵜ ⵏ ⵙⵉⵔⵉⵏ ⴰⵢ ⴷ-ⵢⵓⵙⴰⵏ ⵔⵔⵉⴼ ⵜⴻⵎⴷⵉⵏⵜ ⵏ ⵃⴰⵍⴻⴱ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴰⵏⴰⵢ ⴰⵙⵓⵔⵉ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ.
ⴰⵙⴰⵏⴰⵢ-ⴰ ⵢⴻⵇⵔⴻⴱ ⵖⴻⵔ ⵜⴻⵏⵎⴻⴳⵍⴰ ⵜⴰⵙⵓⵔⵉⵜ ⵢⴻⵔⵏⴰ ⵉⵅⴻⴷⴷⴻⵎ ⴷⴻⴳ ⵍⵧⵏⴷⵧⵏ. ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵎⵙⴰⵍⵜ-ⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⵡⴻⵔⵄⴰⴷ ⵓⵔ ⵜ-ⵉⴷ-ⵢⴻⵡⵡⵉⴹ ⴰⵔⴰ ⵡⴰⵛⵃⴰⵍ ⴰⵢ ⵢⴻⵎⵎⵓⵜⴻⵏ ⴷⴻⴳ ⵙⵏⴰⵜ-ⴰ ⵏ ⵜⵅⴰⵣⴰⴱⵉⵢⵉⵏ.
ⴰⵡⴰⵏⴰⴽ ⵉⵙⵍⴰⵎⴰⵏ (ⴷⴰⵄⴻⵛ) ⵢⴻⴱⴷⴰ-ⴷ ⵉⵎⴻⵏⵖⵉ ⴷ ⴰⵇⴻⵙⵃⴰⵏ ⴷ ⵢⵉⵖⴰⵍⵍⴻⵏ ⵉⴽⵓⵔⴷⵉⵢⴻⵏ ⵉⵙⵓⵔⵉⵢⴻⵏ ⵏ ⵜⵢⵓⵏⵉⵏ ⵏ ⵓⵃⵓⴷⴷⵓ ⵏ ⵓⵖⵔⴻⴼ (ⵒⴻⵙⵀⵎⴻⵔⴳⴰ, ⵢⵒⴳ) ⴷⴻⴳ ⵓⴳⴰⴼⴰ ⵏ ⵜⵎⵓⵔⵜ, ⵍⴰⴷⵖⴰ ⵉⵎⵉ ⵉⵎⴻⵏⵖⴰⵏ ⵉⴽⵓⵔⴷⵉⵢⴻⵏ ⴷⴷⴰⵏ ⵖⴻⵔ ⵙⴷⴰⵜ ⵢⴻⵔⵏⴰ ⵃⴻⵕⵕⴻⵏ-ⴷ ⵓⴳⴰⵔ ⵏ ⵡⴰⴽⴰⵍ.
ⴷⴻⴳ ⵢⵓⵏⵢⵓ, ⵉⵖⴰⵍⵍⴻⵏ ⵏ ⵢⵒⴳ ⴹⴹⴼⴻⵏ ⵜⴰⵎⴷⵉⵏⵜ ⵏ ⵜⴰⵍ ⴰⴱⵢⴰⴷ ⴰⵢ ⴷ-ⵢⵓⵙⴰⵏ ⵖⴻⴼ ⵜⵍⵉⵙⴰ ⵏ ⵟⵟⴻⵔⴽ ⵢⴻⵔⵏⴰ ⵜⴻⵍⵍⴰ ⵏⴰⵇⴰⵍ ⴳⴰⵔ ⵢⵉⴼⴰⵙⵙⴻⵏ ⵏ ⵓⵡⴰⵏⴰⴽ ⵉⵙⵍⴰⵎⴰⵏ.
ⴽⵔⴰ ⵏ ⵢⵉⵎⴹⴻⴱⴱⵔⴻⵏ ⵉⵙⵓⵔⵉⵢⴻⵏ ⴷ ⵢⵉⵎⴻⵖⵏⴰⵙⴻⵏ ⵏ ⵜⴻⵏⵎⴻⴳⵍⴰ ⵜⵜⴻⵀⵎⴻⵏ, ⴰⵛⵃⴰⵍ ⴰⵢⴰ, ⵟⵟⴻⵔⴽ ⵙ ⵓⵄⴰⵡⴻⵏ ⵏ ⵜⴻⴳⵔⴰⵡⵉⵏ ⵜⵉⵎⴻⴹⴹⵓⵔⴼⴰ ⴷ ⵜⵉⴵⴵⵉⵏ ⵏ ⵢⵉⵎⴻⵏⵖⴰⵏ ⵉⴵⵉⵀⴰⴷⵉⵢⴻⵏ ⴰⴷ ⴰⴷⴼⴻⵏ ⵖⴻⵔ ⵙⵓⵔⵢⴰ ⵙⴻⴳ ⵡⴰⴽⴰⵍ ⴰⵟⴻⵔⴽⵉ.
