ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
17 ⵏ « ⵢⵉⵔⴻⴱⵔⴰⴱⴻⵏ » ⴰⵢ ⵢⴻⵜⵜⵡⴻⵏⵖⴻⵏ ⴷⴻⴳ ⵙⵉⵏⴰⵢ
ⴰⵔⵉⵙⵀ – ⵉⴳⴻⵏ ⴰⵎⴰⵚⵔⵉ ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵏⵖⴰ 17 ⵏ « ⵢⵉⵔⴻⴱⵔⴰⴱⴻⵏ ⴷⴻⴳ ⵢⵉⵎⴻⵏⵖⵉⵢⴻⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵎⴷⵉⵏⵜ ⵏ ⵙⵀⴻⵉⴽⵀ ⵣⵓⵡⴻⵉⴷ ⴷⴻⴳ ⵜⴻⵎⵏⴰⴹⵜ ⵏ ⵓⴳⴰⴼⴰ ⵏ ⵙⵉⵏⴰⵢ ⵖⴻⴼ ⵜⵍⵉⵙⴰ ⵏ Ɣⴻⵣⵣⴰ ⵜⴰⴼⴰⵍⴻⵙⵟⵉⵏⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⴰⵙⵙ ⵏ ⵍⵃⴻⴷⴷ. ⵉⵙⴰⵍⵉ-ⴰ ⵢⴻⵜⵜⵡⴰⵍⵇⴻⴹ-ⴷ ⵙⵖⵓⵔ ⵢⵉⵡⴻⵜ ⵏ ⵜⴻⵖⴱⴰⵍⵓⵜ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ).
« ⵉⵎⴻⵏⵖⵉⵢⴻⵏ-ⵏⵏⵉ ⵉⵇⴻⵙⵃⴰⵏⴻⵏ ⴹⴹⴼⴻⵏ ⴰⵛⵃⴰⵍ ⵏ ⵜⵙⴰⵄⵜⵉⵏ ⵢⴻⵔⵏⴰ ⴱⴷⴰⵏ-ⴷ ⵎⵉ ⴷ-ⵎⵎⵖⴻⵏ ⴽⵔⴰ ⵏ ⵢⵉⵔⴳⴰⵣⴻⵏ ⵉⵎⵙⴻⵍⵍⵃⴻⵏ ⵖⴻⴼ ⵢⵉⵡⴻⵏ ⵏ ⵓⵎⴽⴰⵏ ⵏ ⵜⵄⴻⵙⵙⴰⵙⵜ ⵏ ⵢⵉⵙⴻⵔⴷⴰⵙⴻⵏ ⴷⴻⴳ ⵓⵏⵥⵓⵍ ⵏ ⵙⵀⴻⵉⴽⵀ ⵣⵓⵡⴻⵉⴷ. ⵉⵖⴰⵍⵍⴻⵏ ⵏ ⵢⵉⴳⴻⵏ ⵃⴻⵜⵜⵎⴻⵏ-ⵜⴻⵏ ⴰⴷ ⵜⵜⵉⵅⵔⴻⵏ, ⵎⵎⵖⴻⵏ ⵖⴻⴼ ⵓⵎⴽⴰⵏ ⴰⵢⴷⴻⴳ ⵜⵜⴻⴼⴼⵔⴻⵏ ⴷⴻⴳ ⵜⴻⵎⴷⵉⵏⵜ-ⵏⵏⵉ ⴰⵢ ⴷ-ⵉⵇⴻⵔⴱⴻⵏ ⵢⴻⵔⵏⴰ ⵏⵖⴰⵏ 10 ⵙⴻⴳ-ⵙⴻⵏ » , ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏⵜ ⵜⴻⵖⴱⵓⵍⴰ-ⴰ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⴽⵔⴰ ⵏ ⵢⵉⵔⴳⴰⵣⴻⵏ ⵉⵎⵙⴻⵍⵍⵃⴻⵏ ⴰⵢ ⵢⴻⵍⵍⴰⵏ ⴷⴻⴳ ⵢⵉⵡⴻⵏ ⵏ ⵓⴳⵎⴰⵎ ⵏⵉⴹⴻⵏ ⵏ ⵜⴻⵎⴷⵉⵏⵜ ⵏ ⵙⵀⴻⵉⴽⵀ ⵣⵓⵡⴻⵉⴷ ⵜⵜⴻⵡⵜⴻⵏ-ⴷ ⵙⴻⴳ ⵢⵉⴳⴻⵏⵏⵉ ⵢⴻⵔⵏⴰ ⵎⵎⵓⵜⴻⵏ ⵙⴻⴳ-ⵙⴻⵏ 7, ⴷⴻⴳ ⵡⴰⴽⵓⴷ ⴰⵢⴷⴻⴳ ⵎⴰⵣⴰⵍ ⵍⴰ ⵢⴻⵜⵜⴽⴻⵎⵎⵉⵍ ⵢⵉⵎⴻⵏⵖⵉ ⴳⴰⵔ ⵙⵉⵏ-ⴰ ⵏ ⵢⵉⴷⵉⵙⴰⵏ.
« ⵉⵔⴻⴱⵔⴰⴱⴻⵏ »-ⴰ ⵛⵉⴽⴽⴻⵏ ⴷⴻⴳ-ⵙⴻⵏ ⴰⴷ ⵉⵍⵉⵏ ⵙⴻⴳ ⵜⴻⴳⵔⴰⵡⵜ ⵏ ⴰⵏⵙⴰⵔ ⴱⴻⵉⵜ ⴰⵍ-ⵎⴰⵇⴷⴻⵙⵙ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ « ⵜⴰⵏⴻⴱⴹⵉⵜ ⵏ ⵙⵉⵏⴰⵢ » ⴰⴽⴽⴻⵏ ⴰⴷ ⵜⴻⵇⵇⴻⵏ ⵉⵎⴰⵏ-ⵏⵏⴻⵙ ⵖⴻⵔ « ⵜⴻⵅⵍⵉⴼⵜ » ⵏ ⵜⴻⴳⵔⴰⵡⵜ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ ⴰⵡⴰⵏⴰⴽ ⵉⵙⵍⴰⵎⴰⵏ (ⴷⴰⵄⴻⵛ), ⴷ ⵜⴰⴳⵔⴰⵡⵜ ⴰⵢ ⵢⴻⴹⴹⴼⴻⵏ ⴰⵃⵔⵉⵛ ⵙⴻⴳ ⵍⵄⵉⵔⴰⵇ ⴷ ⵙⵓⵔⵢⴰ.
ⴰⵙⵙ ⵏ ⵍⴻⵅⵎⵉⵙ, ⵜⴻⵟⵟⴻⵔⴹⴻⵇ ⵢⵉⵡⴻⵜ ⵏ ⵍⴱⵓⵎⴱⴰ ⴰⵢ ⵢⴻⵏⵖⴰⵏ ⵢⵉⵡⴻⵏ ⵏ ⵓⴼⴻⵙⵢⴰⵏ ⴷ 3 ⵏ ⵢⵉⵙⴻⵔⴷⴰⵙⴻⵏ ⴰⵢ ⵢⴻⵍⵍⴰⵏ ⵜⵜⴳⴻⵏ ⵜⴰⵎⴻⵣⵣⴰⵢⵜ ⴷⴻⴳ ⵓⴳⴰⴼⴰ ⵏ ⵜⵣⵓⵏⴻⴳⵣⵉⵔⵜ ⵏ ⵙⵉⵏⴰⵢ.
