ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵡⴰⵍ ⵏ ⵙⴰⵔⴽⵧⵣⵢ ⵖⴻⴼ ⵍⴻⵣⵣⴰⵢⴻⵔ: ⴰⵎⴻⵣⵔⵓⵢ ⴷ ⴰⵏⴰⴳⵉ ⴷ ⴰⴽⴽⴻⵏ ⵍⵉⵙⵜⵉⵄⵎⴰⵕ ⵉⵄⴻⴷⴷⴰ-ⵜ ⵣⵣⵎⴰⵏ

ⵒⴰⵔⵉⵙ – ⴰⵡⴰⵍ ⴰⵏⴻⴳⴳⴰⵔⵓ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⴰⴼⵕⴰⵏⵙⵉⵙ ⴰⵇⴱⵓⵔ ⵏⵉⵛⵧⵍⴰⵙ ⵙⴰⵔⴽⵧⵣⵢ ⵖⴻⴼ ⵍⴻⵣⵣⴰⵢⴻⵔ ⴷⴻⴳ ⵜⴻⵔⵣⵉ-ⵏⵏⴻⵙ ⴷⴻⴳ ⵜⵓⵏⴻⵙ « ⵓⵔ ⴷ-ⵢⴻⵍⵍⵉ ⴰⵔⴰ ⴷⴻⴳ ⵍⴰⵡⴰⵏ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷ ⵓⵎⵢⴰⵍⴻⵍ ⴰⴳⵔⴰⵖⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ ⴰⵎⴻⵣⵔⵓⵢ ⵢⴻⵙⵙⴽⴻⵏ-ⴷ ⴷ ⴰⴽⴽⴻⵏ ⵍⵉⵙⵜⵉⵄⵎⴰⵕ ⵉⵄⴻⴷⴷⴰ-ⵜ ⵣⵣⵎⴰⵏ.

ⴷⴻⴳ ⵢⵉⵡⴻⵏ ⵏ ⵓⴷⵉⵡⴻⵏⵏⵉ ⴰⵢ ⵉⴳⴰ ⴷ ⴽⵔⴰ ⵏ ⵢⵉⴳⵎⴰⵏⴻⵏ ⵏ ⵜⵖⴻⵎⵙⴰ ⵜⴰⵖⴻⵍⵏⴰⵡⵜ ⴷⴻⴳ ⵒⴰⵔⵉⵙ (ⴰⵏⴷⴰ ⴰⵢ ⵢⴻⵍⵍⴰ ⴰⵢ ⵍⴰ ⵢⴻⵜⵜⴻⵎⵛⴰⵡⴰⵕ ⴷ ⵓⵎⵜⵉⵍ-ⵏⵏⴻⵙ ⴰⴼⵕⴻⵏⵙⵉⵙ ⵖⴻⴼ ⴽⵔⴰ ⵏ ⵜⵖⴰⵡⵙⵉⵡⵉⵏ ⵏ ⵜⵙⴻⵔⵜⵉⵜ), ⵎⴰⵙⵙ ⵍⴰⵎⴰⵎⵔⴰ ⵢⴻⵏⵏⴰ-ⴷ ⴷ ⴰⴽⴽⴻⵏ « ⵜⵓⴼⴼⵖⴰ-ⴰ ⵓⵔ ⴷ-ⵜⴻⵍⵍⵉ ⴰⵔⴰ ⴷⴻⴳ ⵍⴰⵡⴰⵏ-ⵏⵏⴻⵙ ».

ⵎⴰⵙⵙ ⵍⴰⵎⴰⵎⵔⴰ ⵢⴻⵏⵏⴰ-ⴷ ⴷ ⴰⴽⴽⴻⵏ « ⵏⴻⵜⵜⴰⵍⴰⵙ ⴰⴷ ⵏⵏⴰⴷⵉ ⴰⴷ ⵏⵥⴻⵔ ⴰⵙⵙ-ⴰ ⵎⴰ ⵢⴻⵍⵍⴰ, ⴰⵀⴰⵜ, ⴰⵅⴻⵎⵎⴻⵎ ⵏ ⵍⵉⵙⵜⵉⵄⵎⴰⵕ ⴰⵢ ⵉⵄⴻⴷⴷⴰ ⵓⵎⴻⵣⵔⵓⵢ, ⵍⴰ ⵉⵄⴻⵔⵔⴻⴹ ⴰⴷ ⴷ-ⵢⴻⵇⵇⴻⵍ ⵙ ⴽⵔⴰ ⵏ ⵍⴻⵛⵖⴰⵍ ⵓⵔ ⵢⴻⵎⵄⵉⵏⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵓⵔⴰⵔ ⵙ ⵜⴻⵙⵏⴰⵎⵓⵔⵜ ».

ⵎⵉ ⵢⴻⵜⵜⵡⴰⵜⵜⴻⵔ ⵖⴻⴼ ⵢⵉⵙⵡⵉ ⵏ ⵜⴻⵔⵣⵉ-ⵏⵏⴻⵙ ⵖⴻⴼ ⵒⴰⵔⵉⵙ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⵍⴻⵣⵣⴰⵢⴻⵔ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⵉⵔⵣⵉ-ⴰ ⵜⴻⵍⵍⴰ-ⴷ ⵉ ⵓⵙⵙⴻⴼⵄⴻⵍ ⵏ ⵍⴻⵡⵚⴰⵢⴰⵜ ⴰⵢ ⴼⴽⴰⵏ ⵢⵉⵙⴻⵍⵡⴰⵢⴻⵏ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⴷ ⴼⵔⴰⵏçⵧⵉⵙ ⵀⵧⵍⵍⴰⵏⴷⴻ ⵉ ⵢⵉⵏⴻⵖⵍⴰⴼⴻⵏ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⵙⵏⴰⵜ-ⴰ ⵏ ⵜⵎⵓⵔⴰ ⴷⴻⴳ ⵓⵎⵢⴰⴳⴻⵔ-ⵏⵙⴻⵏ ⵏ 15 ⵢⵓⵏⵢⵓ ⵢⴻⵣⵔⵉⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.

« ⵍⴻⵡⵚⴰⵢⴰⵜ-ⴰ ⵔⵣⴰⵏⵜ ⴰⵙⵙⴻⴼⵔⴻⴽ ⵏ ⵢⵉⵔⴰⵔⴰⵎⴻⵏ ⵏ ⵓⵎⵄⴰⵡⴻⵏ ⴰⴷⴰⵎⵙⴰⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⴷ ⵓⴽⴻⵎⵎⴻⵍ ⵏ ⵓⵎⵛⵉⵡⴻⵕ ⴰⵙⴻⵔⵜⵉ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵟⴰⵙ ⵏ ⵜⴻⵎⵙⴰⵍ ⵜⵉⵎⵏⴰⴹⴰⵏⵉⵏ ⴷ ⵜⴻⴳⵔⴰⵖⵍⴰⵏⵉⵏ ⵏ ⵏⵏⴼⴻⵄ ⵓⵛⵔⵉⴽ ⴰⵎ ⵓⵙⵙⴻⴼⵄⴻⵍ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ, ⵍⵎⴻⴵⵀⵓⴷ ⵏ ⵓⵙⵙⴻⵎⵙⵓⵖⴰⵍ ⴷ ⵜⴰⵍⵡⵉⵜ ⴷⴻⴳ ⵍⵉⴱⵢⴰ ⴷ ⵜⴻⴳⵏⵉⵜ ⴷⴻⴳ ⴼⴰⵍⴻⵙⵟⵉⵏ ⴷ ⵓⵎⴰⴹⴰⵍ ⴰⵄⵕⴰⴱ, ⴷ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵎⴰⵙⵙ ⵍⴰⵎⴰⵎⵔⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵙⵙⴰⵡⴻⵍ ⴷ ⵓⵎⵜⵉⵍ-ⵏⵏⴻⵙ ⴰⴼⵕⴻⵏⵙⵉⵙ, ⵍⴰⵓⵔⴻⵏⵜ ⴼⴰⴱⵉⵓⵙ, ⵖⴻⴼ ⵜⴻⵎⵙⴰⵍ ⴰⵢ ⵢⴻⵔⵣⴰⵏ ⵜⵉⴷⴷⵉⵜ ⵏ ⵎⴻⴷⴷⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⴼⵕⴰⵏⵙⴰ.

ⴷⵖⴰ ⵢⴻⵏⵏⴰ-ⴷ, ⴷⴻⴳ ⵜⴻⵎⵙⴰⵍⵜ-ⴰ, ⴷ ⴰⴽⴽⴻⵏ ⵉⴷⵓⴱⴰ ⵉⴼⵕⴻⵏⵙⵉⵙⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴹⴻⵎⵏⴻⵏ-ⴰⵙ ⴷ ⴰⴽⴽⴻⵏ « ⵍⵀⴰⵏ-ⴷ ⵙ ⵜⵉⴷⴻⵜ ⵙ ⵜⴻⵎⵙⴰⵍⵜ-ⴰ ⵢⴻⵔⵏⴰ ⵜⵜⵓⵏⴻⴼⴽⴻⵏⵜ ⵍⴻⵡⵚⴰⵢⴰⵜ ⵉ ⵢⵉⵎⴻⵥⵍⴰ ⴷ ⵢⵉⴳⵎⴰⵏⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⵓⵔ ⴷ-ⵜⵜⴳⴻⵏⵜ ⴰⵔⴰ ⵓⴳⵓⵔⴻⵏ ⵉ ⵢⵉⴷⵣⴰⵢⵔⵉⵢⴻⵏ ⵖⴻⴼ ⵍⴵⴰⵍ ⵏ ⵜⴻⴳⵏⵉⵜ-ⴰ ⵏ ⵜⵓⴽⵛⵉ ⵏ ⵢⵉⵒⴰⵙⵒⵓⵕⴻⵏ ⵉⴱⵢⵓⵎⵉⵜⵔⵉⵢⴻⵏ ⴷⴻⴳ ⵡⴰⵢⵢⵓⵔⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ ».

« ⵙⵙⴰⵔⴰⵎⴻⵖ ⵙ ⵜⵉⴷⴻⵜ ⴷ ⴰⴽⴽⴻⵏ ⴰⴷ ⴷ-ⵍⵀⵓⵏ ⵙ ⵜⴻⵎⵙⴰⵍ-ⴰ ⵢⴻⵔⵏⴰ ⵓⵔ ⴷ-ⵜⵜⵎⴰⴳⴰⵔⴻⵏ ⴰⵔⴰ ⵢⵉⵎⵙⵉⴽⵍⴻⵏ ⵓⴳⵓⵔⴻⵏ ⵓⵔ ⵢⴻⵎⵄⵉⵏⴻⵏ ⴰⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵎⴰⵙⵙ ⵍⴰⵎⴰⵎⵔⴰ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵍⴻⵎⵛⴰⵡⵕⴰⵜ ⵏ ⵓⵙⵙⴻⵡⵊⴻⴷ ⵏ ⵛⵧⵒ 21 (ⴰⵙⴰⵔⴰⴳ ⵏ ⵒⴰⵔⵉⵙ ⵖⴻⴼ ⵓⴱⴻⴷⴷⴻⵍ ⵏ ⵓⵏⴻⵣⵡⵓ) ⵢⴻⵏⵏⴰ-ⴷ ⴷ ⴰⴽⴽⴻⵏ « ⵍⴰ ⵜⵜⵡⴰⵍⵉⵖ ⴷ ⴰⴽⴽⴻⵏ ⴰⵙⵙⴻⵡⵊⴻⴷ ⵉ ⵓⵙⴰⵔⴰⴳ ⵏ ⵒⴰⵔⵉⵙ ⵏ ⵓⴱⴻⴷⴷⴻⵍ ⵏ ⵓⵏⴻⵣⵡⵓ ⴷ ⵕⵕⴰⵢ ⵢⴻⵍⵀⴰⵏ ».