ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⴵⴰⵡ ⵏ ⵙⵙⴻⵍⵄⴰ: ⴰⵙⵙⴻⵃⵕⴻⵙ ⵏ ⵛⵛⴻⵔⴹⵜ ⵏ ⵓⵙⵙⴻⵣⴷⴻⵖ ⴷⴻⴳ ⵜⴱⴰⵏⴽⴰ
ⵍⴻⵣⵣⴰⵢⴻⵔ – ⵜⴰⴷⵡⴰⵏⵜ ⴷ ⵜⴱⴰⵏⴽⵉⵡⵉⵏ ⴰⴷ ⵙⴵⴻⵀⴷⴻⵏⵜ ⴰⵙⵙⴻⴼⵇⴻⴷ-ⵏⵙⴻⵏⵜ ⵓⵛⵔⵉⴽ ⵉ ⵓⵙⵙⴻⵣⴷⴻⵖ ⵏ ⵜⴻⵎⵀⴰⵍ ⵏ ⵡⴰⴵⴰⵡ ⵏ ⵙⵙⴻⵍⵄⴰ ⵙⴻⴳ ⵓⵣⵖⴰⵔ ⵉ ⵍⵎⴻⵏⴷ ⵏ ⵓⵃⴰⵕⴻⴱ ⵏ ⵓⵙⵙⴻⴽⴽⵉ ⵏ ⵢⵉⴷⵔⵉⵎⴻⵏ ⵉⴱⴻⵕⵕⴰⵏⵉⵢⴻⵏ ⴰⵢ ⵜⵜⴳⴻⵏ ⴽⵔⴰ ⵏ ⵢⵉⵎⴰⴵⴰⵡⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⴻⴷⵡⴰⵏⵜ, ⵎⴰⵙⵙ ⴽⴰⴷⴷⵧⵓⵔ ⴱⴻⵏⵜⴰⵀⴰⵔ, ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.
ⵉ ⵍⵎⴻⵏⴷ ⵏ ⵓⵏⴰⴷⵉ ⵉⴳⴻⵔⵔⵣⴻⵏ ⵓⴳⴰⵔ ⵖⴻⴼ ⵢⵉⵎⴰⴵⴰⵡⴻⵏ ⴰⵢ ⵢⴻⵙⵙⵓⴼⴼⵓⵖⴻⵏ ⵉⴷⵔⵉⵎⴻⵏ ⵉⴱⴻⵕⵕⴰⵏⵉⵢⵉⵏ ⴱⴻⵕⵕⴰ ⵉ ⵍⵇⴰⵏⵓⵏ, ⵜⴰⵎⴻⵀⵍⴰ ⵜⴰⵎⴰⵜⵓⵜ ⵏ ⵜⴻⴷⵡⴰⵏⵜ ⴷ ⵜⵉⴷⴷⵓⴽⵍⴰ ⵏ ⵜⴱⴰⵏⴽⵉⵡⵉⵏ ⴷ ⵢⵉⵖⵙⵓⵔⴻⵏ ⵉⴷⵔⵉⵎⴰⵏⴻⵏ (ⴰⴱⴻⴼ) ⴰⴷ ⵙⵜⴻⵏⵢⵉⵏⵜ, ⴷⴻⴳ ⵡⵓⵙⵙⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ, ⵢⵉⵡⴻⵜ ⵏ ⵜⴻⵏⵡⵉ ⴰⵔⴰ ⵔⵏⵓⵏⵜ ⵖⴻⵔ ⵍⴻⵄⵇⴻⴷ-ⵏⵙⴻⵏⵜ ⵏ ⵓⵎⴱⴰⴷⴷⴻⵍ ⵏ ⵜⴻⵍⵖⴰ ⴰⵢ ⵙⵜⴻⵏⵢⴰⵏⵜ ⵢⴰⴳⵉ ⴷⴻⴳ ⵎⴻⵖⵔⴻⵙ ⵏ 2014.
ⵙ ⵜⴻⵏⵡⵉ-ⴰ, ⵎⵉ ⴰⵔⴰ ⵢⴻⵙⵙⵓⵜⴻⵔ ⵓⵎⴰⴵⴰⵡ ⴰⵙⵙⴻⵣⴷⴻⵖ ⴷⴻⴳ ⵜⴱⴰⵏⴽⴰ, ⴰⴷ ⵙⴼⴻⵇⴷⴻⵏ ⵎⴰ ⵢⴻⵍⵍⴰ ⵓⵔ ⵢⴻⵙⵄⵉ ⴰⵔⴰ ⵢⴰⴳⵉ ⵢⵉⵡⴻⵏ.
ⵖⴻⴼ ⵍⴻⵃⵙⴰⴱ ⵏ ⵎⴰⵙⵙ ⴱⴻⵏⵜⴰⵀⴰⵔ, ⵜⵉⵏⵡⵉ-ⴰ ⴷ ⵜⵉⵏ ⴰⵔⴰ ⵢⴻⴵⴵⴻⵏ ⵜⴰⴷⵡⴰⵏⵜ ⴷ ⵜⵉⴷⴷⵓⴽⵍⴰ ⵏ ⵜⴱⴰⵏⴽⵉⵡⵉⵏ ⴷ ⵢⵉⵖⵙⵓⵔⴻⵏ ⵏ ⵜⴻⴷⵔⵉⵎⵜ ⴰⴷ ⵎⴱⴰⴷⴷⴰⵍⴻⵏⵜ ⵜⵉⵍⵖⴰ ⵖⴻⴼ ⵡⴰⴽⴽ ⵉⵙⵙⵓⵜⵔⴻⵏ ⵏ ⵓⵙⵙⴻⵣⴷⴻⵖ ⴷⴻⴳ ⵜⴱⴰⵏⴽⴰ ⵏ ⵜⴽⴻⴱⴱⴰⵏⵉⵢⵉⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵜⵏⴻⵣⵣⵓⵜ ⵜⴰⴱⴻⵕⵕⴰⵏⵉⵜ.
ⴰⵎⴱⴰⴷⴷⴻⵍ-ⴰ ⴰⴷ ⴷ-ⵢⵉⵍⵉ ⵙ ⵓⵙⴻⵍⴽⵉⵎ ⵢⴻⵔⵏⴰ ⴰⴷ ⵢⴻⴵⴵ ⵜⵉⴱⴰⵏⴽⵉⵡⵉⵏ ⴰⴷ ⵙⵙⴻⵇⴷⴰⵛⴻⵏⵜ ⵉⵏⴰⴳⵔⴰⵡⴻⵏ ⵏ ⵓⵙⵙⴻⵍⵖⵓ ⵏ ⵜⴻⴷⵡⴰⵏⵜ (ⵙⵉⴳⴰⴷ) ⴰⴽⴽⴻⵏ ⴰⴷ ⵙⴼⴻⵇⴷⴻⵏ ⵎⴰ ⵢⴻⵍⵍⴰ ⵜⴰⴽⴻⴱⴱⴰⵏⵉⵜ ⵜⴰⵎⴰⴵⴰⵡⵜ ⵜⴻⵙⵄⴰ ⵜⵜⴻⵙⵔⵉⵃ ⵏ ⵡⴰⴵⴰⵡ ⵉⵚⴻⵃⵃⴰⵏ, ⵢⴻⵔⵏⴰ ⵜⵜⴻⵙⵔⵉⵃ-ⴰ ⴷ ⵛⵛⴻⵔⴹ ⵉ ⵍⵎⴻⵏⴷ ⵏ ⵓⵙⵙⴻⵣⴷⴻⵖ ⵏ ⵡⴰⴵⴰⵡ ⴷⴻⴳ ⵜⴱⴰⵏⴽⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵢⵉⵎⴹⴻⴱⴱⴻⵔ ⵏⵉⴹⴻⵏ ⵏ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⴻⴷⵡⴰⵏⵜ.
