ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴱⵓⵔⵓⵏⴷⵉ: ⴰⵅⵚⵉⵎ ⴰⴳⴻⵊⴷⴰⵏ ⵓⵔ ⵢⴻⵙⵜⴻⵄⵕⴻⴼ ⴰⵔⴰ ⵙ ⵢⵉⴳⵎⴰⴹ ⵏ ⵜⴻⴼⵔⴰⵏⵉⵏ

ⴱⵓⵊⵓⵎⴱⵓⵔⴰ (ⴱⵓⵔⵓⵏⴷⵉ) – ⴰⵏⵎⴻⴳⵍⴰⵢ ⴰⴳⴻⵊⴷⴰⵏ ⴷⴻⴳ ⴱⵓⵔⵓⵏⴷⵉ, ⴰⴳⴰⵜⵀⵧⵏ ⵔⵡⴰⵙⴰ, ⵢⴻⵏⵏⴰ-ⴷ ⴰⵙⵙ ⵏ ⵙⵙⴻⴱⵜ ⴷ ⴰⴽⴽⴻⵏ ⵓⵔ ⵢⴻⵙⵜⴻⵄⵕⴻⴼ ⴰⵔⴰ ⵙ ⵓⴳⵎⵓⴹ ⵏ ⵜⴻⴼⵔⴰⵏⵉⵏ ⵏ ⵜⵙⴻⵍⵡⵉⵜ ⴷⴻⴳ ⴰⵢ ⵉⵄⴰⵡⴻⴷ ⵢⴻⵜⵜⵡⴰⴼⵔⴻⵏ ⵒⵉⴻⵔⵔⴻ ⵏⴽⵓⵔⵓⵏⵣⵉⵣⴰ ⵉ ⵜⵉⴽⴽⴻⵍⵜ ⵜⵉⵙ 3 ⵢⴻⵔⵏⴰ ⵉⴳⴻⵔ-ⴷ ⵜⵉⵖⵔⵉ ⴰⴽⴽⴻⵏ ⴰⴷ ⵜⵜⵡⴰⵄⴰⵡⴷⴻⵏⵜ ⵜⴻⴼⵔⴰⵏⵉⵏ-ⴰ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵏⵎⴻⴳⵍⴰⵢ-ⴰ ⴰⵢ ⴷ-ⵢⴻⵣⴳⴰⵏ ⴷ ⵡⵉⵙ ⵙⵉⵏ ⴷⴻⴳ ⵜⴻⴼⵔⴰⵏⵉⵏ ⵏ ⵡⴰⵙⵙ ⵏ ⵜⵜⵍⴰⵜⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵓⵔ ⵢⵓⴳⵉ ⴰⵔⴰ ⴰⴷ ⴷ-ⵢⵉⵍⵉ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ, ⴷ ⴰⵛⵓ ⴽⴰⵏ, ⵢⴻⵙⵙⴻⴼⴽ ⴰⴷ ⴷ-« ⵢⵉⵍⵉ ⵛⵛⵖⴻⵍ ⴰⴳⴻⵊⴷⴰⵏ ⵏ ⵓⵏⴰⴱⴰⴹ-ⴰ ⴷ ⴰⵙⵙⴻⵡⵊⴻⴷ ⵏ ⵜⴻⴼⵔⴰⵏⵉⵏ ⵜⵉⵍⴻⵍⵍⵉⵢⵉⵏ ⴷ ⵜⵎⴻⴳⴷⴰⵢⵉⵏ ».

« ⴰⴳⵎⵓⴹ ⵏ ⵜⴻⴼⵔⴰⵏⵜ-ⴰ ⵏ ⵜⵙⴻⵍⵡⵉⵜ ⴷ ⵜⵉⴽⴻⵍⵍⴰⵅ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵔⵡⴰⵙⴰ ⵖⴻⴼ ⵍⴻⵃⵙⴰⴱ ⵏ ⴰⴼⵒ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ « ⵜⴰⵣⵖⵉⵏⵜ ⵍⵇⴰⵢⴻⵜ » ⴷⴻⴳ ⵜⵎⵓⵔⵜ-ⵏⵏⴻⵙ.

ⵎⵉ ⴷ-ⵢⴻⴼⴼⴻⵖ ⵢⵉⵙⴰⵍⵉ, ⴷⴻⴳ ⵜⴳⴰⵔⴰ ⵏ ⵢⴻⴱⵔⵉⵔ, ⴷ ⴰⴽⴽⴻⵏ ⵒⵉⴻⵔⵔⴻ ⵏⴽⵓⵔⵓⵏⵣⵉⵣⴰ ⵢⴻⵙⵙⴻⵔⵙ-ⴷ ⵉⵎⴰⵏ-ⵏⵏⴻⵙ ⵖⴻⵔ ⵜⵙⴻⵍⵡⵉⵜ ⵉ ⵜⵉⴽⴽⴻⵍⵜ ⵜⵉⵙ 3, ⵢⴻⵏⴽⴻⵔ ⵛⵛⵡⴰⵍ ⴷ ⴰⵎⴻⵇⵔⴰⵏ ⴷⴻⴳ ⵜⵎⵓⵔⵜ-ⴰ ⵏ ⵜⴻⴼⵔⵉⵇⵜ. ⴰⵎⵓⵙⵙⵓ-ⵏⵏⵉ ⵏ ⵜⵎⴻⵙⴱⴰⵏⵉⵢⵉⵏ ⴰⵢ ⴷ-ⵉⵏⴻⴽⵔⴻⵏ ⵜⴻⵎⵃⴻⵇ-ⵉⵜ ⵜⴻⵎⵙⵓⵍⵜⴰ ⵙ ⵢⵉⵖⵉⵍ, ⵢⴻⵔⵏⴰ ⵢⴻⵜⵜⵡⴰⵙⵙⴻⵇⴷⴻⵛ ⵓⵍⴰ ⴷ ⵔⵔⵚⴰⵚ ⴷⴻⴳ ⵓⵎⵃⴰⵇ-ⴰ. ⵎⴰ ⴷⴻⴳ ⵜⵍⴻⵎⵎⴰⵙⵜ ⵏ ⵎⴰⵢⵓ, ⵄⴻⵔⴹⴻⵏ ⴽⵔⴰ ⵏ ⵢⵉⵙⴻⵔⴷⴰⵙⴻⵏ ⴰⴷ ⴳⴻⵏ ⵜⵓⵜⵜⵢⴰ ⵜⴰⵙⴻⵔⴷⴰⵙⵉⵜ, ⵎⴰⵛⴰ ⵓⵔ ⵙⵙⴰⵡⴹⴻⵏ ⴰⵔⴰ. ⵙ ⵓⵊⴻⵎⵎⴰⵍ, ⵜⴰⴽⵔⵉⴹⵜ ⵜⴻⴳⵍⴰ ⵙ 80 ⵏ ⵢⵉⵎⴷⴰⵏⴻⵏ ⵢⴻⵔⵏⴰ 160.000 ⵏ ⵢⵉⴱⵓⵔⵓⵏⴷⵉⵢⴻⵏ ⴰⵢ ⵉⵔⴻⵡⵍⴻⵏ ⵙⴻⴳ ⵜⵎⵓⵔⵜ-ⵏⵙⴻⵏ ⵖⴻⵔ ⵜⵎⵓⵔⴰ ⵜⵉⵏⴰⵔⴰⴳⵉⵏ (ⵜⵉⵊⵉⵔⴰⵜⵉⵏ).

ⵓⵍⴰ ⵎⴰ ⵢⴻⵍⵍⴰ-ⴷ ⵛⵛⵡⴰⵍ-ⴰ ⴰⴽⴽ, ⴰⴷⴰⴱⵓ ⴰⴱⵓⵔⵓⵏⴷⵉ ⵢⵓⴳⵉ ⴰⴷ ⵉⵡⴻⵅⵅⴻⵔ ⵜⵉⴼⵔⴰⵏⵉⵏ ⵏ ⵓⵎⵏⵉ ⴷ ⵜⵖⵉⵡⴰⵏⵉⵏ (ⴰⵢ ⴷ-ⵢⴻⵍⵍⴰⵏ ⴷⴻⴳ 29 ⵢⵓⵏⵢⵓ) ⴷ ⵜⴻⴼⵔⴰⵏⵉⵏ ⵏ ⵜⵙⴻⵍⵡⵉⵜ (ⴰⵢ ⴷ-ⵢⴻⵍⵍⴰⵏ ⴷⴻⴳ 21 ⵢⵓⵍⵢⵓ) ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵓⵔ ⵢⴻⴱⵖⵉ ⴰⵔⴰ ⴰⴷ ⴷ-ⵢⵉⵍⵉ ⵢⵉⵍⴻⵎ ⴷⴻⴳ ⵜⵙⵓⴷⴰ ⴰⵙⵎⵉ ⴰⵔⴰ ⵜⴼⴰⴽ ⵜⵙⴻⵍⵡⵉⵜ ⵏ ⵒⵉⴻⵔⵔⴻ ⵏⴽⵓⵔⵓⵏⵣⵉⵣⴰ ⴷⴻⴳ 26 Ɣⵓⵛⵜ.

ⴷ ⴰⵙⴻⵍⵡⴰⵢ ⵏⴽⵓⵔⵓⵏⵣⵉⵣⴰ ⴰⵢ ⵉⵔⴻⴱⵃⴻⵏ ⵜⵉⴼⵔⴰⵏⵉⵏ ⵏ ⵜⵙⴻⵍⵡⵉⵜ ⵏ ⵡⴰⵙⵙ ⵏ ⵜⵜⵍⴰⵜⴰ ⵙ ⵓⴼⵎⵉⴹⵉ ⵏ 69%, ⵢⴻⵔⵏⴰ ⴷ ⴰⴽⴰⴱⴰⵔ-ⵏⵏⴻⵙ ⴰⵢ ⵉⵔⴻⴱⵃⴻⵏ ⵜⵉⴼⵔⴰⵏⵉⵏ ⵏ ⵓⵎⵏⵉ ⴷ ⵜⵖⵉⵡⴰⵏⵉⵏ.

ⴷ ⴰⵛⵓ ⴽⴰⵏ, ⴰⵏⴰⴱⴰⴹ ⵏ ⵏⴽⵓⵔⵓⵏⵣⵉⵣⴰ ⴰⴷ ⵉⵇⴰⴱⴻⵍ ⵓⵙⵙⴰⵏ ⴷ ⵉⵡⴻⵄⵕⴰⵏⴻⵏ: ⵜⴰⵎⵓⵔⵜ ⵜⴻⴱⴹⴰ ⵢⴻⵔⵏⴰ ⵜⴻⵜⵜⵡⴰⵄⵣⴻⵍ ⵙⴻⴳ ⵢⵉⴷⵉⵙ ⴰⴷⵉⵒⵍⵓⵎⴰⵜⵉ. ⴰⵎⵖⵉⵡⴰⵏ ⴰⴳⵔⴰⵖⵍⴰⵏ ⵉⵡⴻⵜ-ⴷ ⴷⴻⴳ ⵜⴻⴳⵏⵉⵜ ⵏ ⵛⵛⵡⴰⵍ ⴰⵢ ⴷ-ⵢⴻⵍⵍⴰⵏ ⵓⵇⴱⴻⵍ ⵜⴻⴼⵔⴰⵏⵉⵏ ⴷⴻⴳ ⵜⵎⵓⵔⵜ-ⴰ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⵉⴼⵔⴰⵏⵉⵏ-ⴰ « ⵓⵔ ⵢⴻⵍⵍⵉ ⴷⴻⴳ-ⵙⴻⵏⵜ ⵍⴰⵎⴰⵏ ».

ⵜⵉⵎⵓⵔⴰ ⵏ ⵓⵎⵖⵉⵡⴰⵏ ⵏ ⵜⴻⴼⵔⵉⵇⵜ ⵏ ⵓⴳⵎⵓⴹ (ⵜⴰⵏⵣⴰⵏⵢⴰ, ⴽⴻⵏⵢⴰ, ⴱⵓⵔⵓⵏⴷⵉ, ⵕⵡⴰⵏⴷⴰ ⴷ ⵓⴳⴰⵏⴰ) ⵙⵙⵓⵎⵔⴻⵏⵜ-ⴷ ⴰⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵉ ⵓⵙⵙⵓⴼⴼⴻⵖ ⵏ ⵜⵎⵓⵔⵜ ⵙⴻⴳ ⵜⴰⵍⵓⴼⵜ-ⴰ.

ⵖⴻⴼ ⵍⴻⵃⵙⴰⴱ ⵏ ⵎⴰⵙⵙ ⵔⵡⴰⵙⴰ, ⴰⵏⴰⴱⴰⴹ ⴰⵎ ⵡⴰ ⴰⴷ ⴷ-ⵢⵉⵍⵉ « ⴰⵎⵣⵓⵏ ⴷ ⵜⵓⴽⴽⵉⵜ ⵖⴰⵙ ⵎⴰ ⵓⵔ ⵙⴻⵎⵎⴰⵏ ⴰⵔⴰ ⴰⴽⴽⴰ ». ⴰ ⵡⵉⵏ ⵢⵓⴼⴰⵏ, ⴰⵏⴰⴱⴰⴹ-ⴰ ⴰⴷ ⵢⴻⵇⵇⵉⵎ « ⵎⴰ ⴰⵟⴰⵙ ⴰⵙⴻⴳⴳⴰⵙ ⴰⴽⴽⴻⵏ ⴰⴷ ⴷ-ⵢⴻⵔⵔ ⵜⴰⵎⵓⵔⵜ ⴰⴽⴽⴻⵏ ⵜⴻⵍⵍⴰ, ⵢⴻⵔⵏⴰ ⵓⵔ ⴷ-ⵢⴻⵜⵜⵉⵍⵉ ⴰⵔⴰ ⵓⵔⵡⴰⵢ ⴷ ⵟⵟⵔⴰⴷ ⴰⵖⴰⵔⵉⵎ ».