ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴼⴻⵙⵔⴻⵏ ⴰⵣⴰⵍ ⵏ 200 ⵢⵉⴷⵍⵉⵙⴻⵏ ⴷⴻⴳ ⴵⵉⴵⴻⵍ

ⴵⵉⴵⴻⵍ – ⵜⴻⵍⵍⴰ-ⴷ ⵢⵉⵡⴻⵜ ⵏ ⵜⴻⴼⵙⵉⵔⵜ ⴷⴻⴳ ⴵⵉⴵⴻⵍ, ⵙⴻⴳ ⵡⴰⵙⵙ ⵏ ⵙⵙⴻⴱⵜ ⴰⵔ ⴰⵙⵙ-ⴰ, ⵏ ⵡⴰⵣⴰⵍ ⵏ 200 ⵏ ⵢⵉⴷⵍⵉⵙⴻⵏ ⵢⴻⵜⵜⵡⴰⵥⴻⵔⴳⴻⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵉ ⵍⵎⴻⵏ-ⴷ ⵏ ⵜⵉⵍⵉⵏ ⵏ ⵜⴻⵎⵍⵉⵍⵉⵜ ⵜⵓⵙⵙⵏⴰⵏⵜ ⵜⴰⵖⴻⵍⵏⴰⵡⵜ, ⵉ ⴷ-ⵉⴳⴰ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵜⵉⵎⵎⵓⵣⵖⴰ (ⵀⵛⴰ), ⵢⴻⵔⵣⴰⵏ ⵉⵙⵎⴰⵡⴻⵏ ⵏ ⵢⵉⵎⴻⴹⵇⴰⵏ ⵉⵣⵣⴰⵢⵔⵉⵢⴻⵏ, ⵉ ⵏⵡⴰⵍⴰ.

ⵜⴰⴼⵙⵉⵔⵜ-ⴰ ⵉ ⴷ-ⵢⴻⵍⵍⴰⵏ ⴷⴻⴳ ⵢⵉⵡⴻⵜ ⵏ ⵜⴰⵎⴰ ⵙⴻⴳ ⴳⴻⵔ ⵜⵉⵢⴰⴹ ⵏ ⵜⵣⴻⵇⵇⴰ ⵏ ⵢⵉⵙⴰⵔⴰⴳⴻⵏ ⵏ ⵜⵉⵖⵔⴻⵎⵜ ⵜⴰⴷⴻⴱⵍⴰⵏⵜ ⵉ ⴷⴻⴳ ⵜⴻⵜⵜⴻⴷⴷⵓ ⵜⴻⵎⵍⵉⵍⵉⵜ ⵜⵓⵙⵙⵏⴰⵏⵜ, ⵜⴻⴼⴽⴰ-ⴷ ⵜⴰⵎⵓⵖⵍⵉ ⵖⴻⴼ ⵜⴱⴰⵖⵓⵔⵜ ⴷ ⵓⵎⴳⵉⵔⵔⴻⴷ ⵏ ⵜⴳⴻⵎⵎⵉ ⴷ ⵓⴷⵔⵉⵔⴰⵡ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.

ⵜⵉⵥⵔⵉⴳⵉⵏ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵜⵉⵎⵎⵓⵣⵖⴰ ⵙⴻⵎⵍⴻⵏⵜ-ⴷ ⵉⵣⵡⴰⵍ ⵏ ⵢⵉⵎⴻⵙⴽⴰⵔ ⵉⵣⵣⴰⵢⵔⵉⵢⴻⵏ, ⴷ ⵜⴻⵥⵔⵉⴳⵉⵏ ⵏⵏⵉⴹⴻⵏ ⵢⴻⵔⵣⴰⵏ ⵉⵎⴰⵀⵉⵍⴻⵏ ⵏ ⵜⴻⵎⵍⵉⵍⵉⵢⵉⵏ ⵜⵓⵙⵙⵏⴰⵏⵉⵏ ⵉⴷⴻⴳ ⵍⵍⴰⵏⵜ ⵜⵉⴷ ⵏ ’’ⵉⵎⵉⴷⵢⴰⵜⴻⵏ, ⵜⴰⵖⵡⴰⵍⵜ, ⵜⵓⵜⵍⴰⵢⵉⵏ ⴷ ⵜⵎⴻⵙⵍⴰⵢⵉⵏ’’ ⴷ ⵓⴷⵍⵉⵙ ⵏ ⵜⴻⵎⵍⵉⵍⵉⵜ ‘’ⵎⴰⵙⴻⵏⵙⴻⵏ, ⴷⴻⴳ ⵡⵓⵍ ⵏ ⵓⵡⴰⵏⴻⴽ ⴰⵎⴻⵣⵡⴰⵔⵓ ⵏ ⵏⵓⵎⵉⴷⵢⴰ’’, ⵉ ⵥⴻⵔⴳⴻⵏ ⴷⴻⴳ ⵢⵓⵏⵢⵓ ⴷ ⵛⵟⴻⵎⴱⴻⵔ 2014.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵥⵔⵉⴳⵉⵏ ⵜⵓⵛⵔⵉⴽⵉⵏ, ⵜⴻⵍⵍⴰ ⴻⵏⴰⴳ (ⵜⴰⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵜⵥⵓⵔⵢⵉⵏ ⵜⵉⵥⵔⵓⵏⵓⵖⵉⵏ) ⴷ ⴰⵏⴻⵒ (ⵜⴰⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵜⴻⵥⵔⵉⴳⵜ ⴷ ⵓⴷⴻⵍⵍⴻⵍ) ⵉ ⵢⴻⵜⵜⴻⴽⴽⴰⵏ ⵙ ⵎⵔⴰⵡ ⵙⵉⵏ ⵢⵉⴷⵍⵉⵙⴻⵏ ⴷ ⵢⵉⵙⴻⴳⵣⴰⵡⴰⵍⴻⵏ, ⴳⴻⵔ-ⴰⵙⴻⵏ, ⵢⴻⵔⵣⴰⵏ ⴰⴳⴻⵎⵎⴰⵢ ⴰⵎⴰⵣⵉⵖ ⴷⴻⴳ ⵍⴻⵣⵣⴰⵢⴻⵔ, ⴰⵎⴰⵡⴰⵍ ⵏ ⵡⴰⵡⴰⵍⴻⵏ ⵙⵙⴻⵎⵔⴰⵙⴻⵏ ⴷⴻⴳ ⵓⵙⴻⵎⵎⵉ ⵏ ⵢⵉⵎⴻⴹⵇⴰⵏ ⵉⵣⵣⴰⵢⵔⵉⵢⴻⵏ, ⵜⴰⵙⵏⵉⵔⴻⵎⵜ ⵜⴰⵍⵉⴽⵜⵕⵓⵜⴻⴽⵏⵉⵜ ⵜⴰⴼⵔⴰⵏⵙⵉⵙⵜ-ⵜⴰⵎⴰⵣⵉⵖⵜ ⴷ ⵜⴰⵎⵓⵔⵜ ⵏ ⵍⴻⵇⴱⴰⵢⴻⵍ ⴷⴻⴳ ⵜⵉⵔⴰ ⵓⵔⴰⵏ ⵢⵉⴼⵔⴰⵏⵙⵉⵙⴻⵏ ⵏ ⵍⵇⴻⵔⵏ ⵡⵉⵙ ⵅⵉⵅ.

ⵜⵉⵎⵍⵉⵍⵉⵜ ⵜⵓⵙⵙⵏⴰⵏⵜ ⵏ ⴵⵉⴵⴻⵍ, ⵉⵣⴻⵡⵍⴻⵏ ‘’ⴰⵙⴻⵎⵎⵉ ⵉⵎⴻⴹⵇⴰⵏ ⵉⵣⵣⴰⵢⵔⵉⵢⴻⵏ : ⵙⴻⴳ ⵓⴷⵉⴳⴰⵏ ⵙ ⴰⵖⴻⵍⵏⴰⵡ’’, ⵉ ⵉⴳⴰ ⵀⵛⴰ ⵙ ⵜⴰⵍⵍⴻⵍⵜ ⵏ ⵓⵖⵍⵉⴼ ⵏ ⵢⵉⴷⵍⴻⵙ ⴷ ⵜⵡⵉⵍⴰⵢⵜ ⵏ ⴵⵉⴵⴻⵍ, ⵉ ⵙⵙⵉⴷⵔⴻⵏ ⵢⵉⵙⴷⴰⵡⴰⵏⴻⵏ, ⴷ ⵢⵉⵎⴻⵙⵏⵉⵍⵙⵉⵢⴻⵏ, ⴷ ⵢⵉⵎⴻⵙⵏⵉⵍⵙⵉⵢⴻⵏ ⵢⴻⵎⵎⵓⵣⵣⴳⴻⵏ ⴷⴻⴳ ⵜⵎⴻⵜⵜⵉ ⴷ ⵢⵉⵎⵏⵓⴷⴰ ⵏ ⴷⴷⴻⵇⵙ ⵏ ⵜⴻⵙⴷⴰⵡⵉⵢⵉⵏ ⵏ ⵜⵎⵓⵔⵜ

ⵉⵙⵡⵉ ⵏ ⵜⴻⵎⵍⵉⵍⵉⵜ ⵜⵓⵙⵙⵏⴰⵏⵜ ‘’ⴷ ⴱⴻⴷⴷⵓ ⵏ ⵓⵙⵏⴻⵣⴳⴻⵎ (ⴰⵅⴻⵎⵎⴻⵎ) ⵖⴻⴼ ⵓⵏⴰⵎⴻⴽ ⵏ ⵢⵉⵙⵎⴰⵡⴻⵏ ⴷⴻⴳ ⵜⵓⵜⵍⴰⵢⵉⵏ ⵉ ⵙⵎⴻⵔⵙⴻⵏ ⴷⴻⴳ ⵢⵉⵡⴻⵏ ⵙⴻⴳ ⵢⵉⴽⵓⴷⴻⵏ ⵏ ⵓⵎⴻⵣⵔⵓⵢ’’, ⵉ ⴷ-ⵢⴻⵏⵏⴰ ⵉ ⵜⵏⴻⴳⴳⴰ ⵙⵉ ⴻⵍ ⵀⴰⵛⵀⴻⵎⵉ ⴰⵙⵙⴰⴷ, ⴰⵎⴰⵔⴰⵢ ⴰⵎⴰⵜⵓ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵜⵉⵎⵎⵓⵣⵖⴰ.