ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴰⵎⴰⵏ: ⵎⵎⵓⵜⴻⵏ 55 ⵏ ⵎⴻⴷⴷⴻⵏ ⴷⴻⴳ ⵢⵉⵡⴻⵜ ⵏ ⵜⵢⵉⵜⴰ ⵜⴰⴳⴻⵏⵡⴰⵏⵜ ⴷⴻⴳ ⵜⴰⵄⴻⵣ

ⵚⴻⵏⵄⴰ – ⵎⵎⵓⵜⴻⵏ, ⵎⴰ ⵓⵍⴰⵛ, 55 ⵏ ⵎⴻⴷⴷⴻⵏ ⴰⵎ ⵡⴰⴽⴽⴻⵏ ⴰⵢ ⵊⴻⵔⵃⴻⵏⵜ ⴰⵟⴰⵙ ⵏ ⵜⵎⴻⵔⵡⵉⵏ ⴷⴻⴳ ⵢⵉⵡⴻⵜ ⵏ ⵜⵢⵉⵜⴰ ⵜⴰⴳⴻⵏⵡⴰⵏⵜ ⴰⵢ ⵜⴳⴰ ⵜⴻⵎⵙⵉⵙⵉⵜ ⵢⴻⵍⵍⴰⵏ ⴷⴷⴰⵡ ⵕⵕⴰⵢ ⴰⵙⴰⵄⵓⴷⵉ ⵖⴻⴼ ⵜⴻⵎⴷⵉⵏⵜ ⵏ ⵜⴰⵄⴻⵣ, ⴷⴻⴳ ⵜⵍⴻⵎⵎⴰⵙⵜ ⵏ ⵢⴰⵎⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵙⴰⴱⴰ.

ⴰⵏⵟⴰⴳ-ⴰ ⴰⴳⴻⵏⵡⴰⵏ ⵉⵃⵓⴽⴻⵕ ⴰⴳⵎⴰⵎ ⵏ ⵎⵧⴽⵀⴰ, ⵖⴻⴼ ⵍⴻⵃⵙⴰⴱ ⵏ ⵢⵉⵡⴻⵜ ⵏ ⵜⴻⵖⴱⴰⵍⵓⵜ ⴰⵢ ⴷ-ⵜⴻⴱⴷⴻⵔ ⵙⴰⴱⴰ, ⵢⴻⵔⵏⴰ ⵢⴻⵣⵎⴻⵔ ⴰⴷ ⵢⵉⵎⵖⵓⵔ ⵍⴻⵃⵙⴰⴱ ⵏ ⵡⵉⴷ ⵢⴻⵎⵎⵓⵜⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ ⵜⴻⵖⴱⴰⵍⵓⵜ-ⴰ.

ⵜⴰⵎⵙⵉⵙⵉⵜ-ⴰ ⵢⴻⵍⵍⴰⵏ ⴷⴷⴰⵡ ⵕⵕⴰⵢ ⴰⵙⴰⵄⵓⴷⵉ ⵍⴰ ⵜⴻⴽⴽⴰⵜ ⵉⵎⵙⴻⵍⵍⵃⴻⵏ ⵏ ⵜⴻⵎⵍⵉⵛⵉⵏ ⵜⵉⵃⵓⵜⵉⵢⵉⵏ ⴷ ⵜⵢⵓⵏⵉⵏ ⵜⵉⵙⴻⵔⴷⴰⵙⵉⵢⵉⵏ ⵢⴻⴷⴷⴰⵏ ⴷ ⵓⵙⴻⵍⵡⴰⵢ ⴰⵇⴱⵓⵔ ⴰⵍⵉ ⴰⴱⴷⴰⵍⵍⴰⵀ ⵙⴰⵍⴻⵀ. ⵜⵉⵢⵉⵜⵉⵡⵉⵏ-ⴰ ⴱⴷⴰⵏⵜ-ⴷ ⵙⴻⴳ ⵜⴳⴰⵔⴰ ⵏ ⵎⴻⵖⵔⴻⵙ ⵢⴻⵔⵏⴰ ⵉⵙⵡⵉ-ⵏⵙⴻⵏⵜ ⵏⴻⵜⵜⴰ ⴷ ⵉⵔⵉⵔⵉ ⵏ ⵓⵙⴻⵍⵡⴰⵢ ⴰⴱⴷ-ⵔⴰⴱⴱⵧⵓ ⵎⴰⵏⵙⵧⵓⵔ ⵀⴰⴷⵉ ⵖⴻⵔ ⵓⴷⴰⴱⵓ. ⵉ ⵓⵙⵎⴻⴽⵜⵉ, ⴰⵙⴻⵍⵡⴰⵢ-ⴰ ⵢⴻⵏⵏⴻⵊⵍⵉ ⵙⴻⴳ ⵡⴰⵢⵢⵓⵔ ⵏ ⴼⵓⵕⴰⵕ ⵖⴻⵔ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ.

ⵉⵎⴻⵏⵖⴰⵏ ⴰⵢ ⵢⴻⴷⴷⴰⵏ ⴷ ⵓⵏⴰⴱⴰⴹ ⵄⴰⵡⴷⴻⵏ ⴹⴹⴼⴻⵏ ⴰⵏⴰⴼⴰⴳ ⴰⴳⵔⴰⵖⵍⴰⵏ ⵏ ⵄⴰⴷⴻⵏ ⴷ ⵓⵎⵓⵔ ⴰⵎⴻⵇⵔⴰⵏ ⵙⴻⴳ ⵜⴻⵎⴷⵉⵏⵜ-ⴰ ⵏ ⵢⵉⵔⵉ ⵏ ⵍⴻⴱⵃⴻⵕ ⴷⴻⴳ 14 ⵢⵓⵍⵢⵓ ⵢⴻⵣⵔⵉⵏ.

ⵙⵉⵏ ⵏ ⵢⵉⵙⴰⴼⴰⴳⴻⵏ ⵉⵙⴰⵄⵓⴷⵉⵢⴻⵏ ⴰⵢ ⴷ-ⵢⴻⵔⵙⴻⵏ ⴰⵙⵙ ⵏ ⵍⵊⴻⵎⵄⴰ ⴷⴻⴳ ⵓⵏⴰⴼⴰⴳ ⵏ ⵄⴰⴷⴻⵏ ⴰⴽⴽⴻⵏ ⴰⴷ ⴷ-ⵙⵙⵉⵡⴹⴻⵏ ⵜⵜⴰⵡⵉⵍ ⴰⵢ ⵢⴻⵙⵙⴻⴼⴽⴻⵏ ⵉ ⵓⵄⴰⵡⴻⴷ ⵏ ⵓⵔⵥⴰⵎ ⵏ ⵓⵏⴰⴼⴰⴳ-ⴰ ⴰⵢ ⵉⵎⴻⴷⵍⴻⵏ 4 ⵏ ⵡⴰⵢⵢⵓⵔⴻⵏ ⴰⵢⴰ ⵖⴻⴼ ⵍⴵⴰⵍ ⵏ ⵢⵉⵎⴻⵏⵖⵉ, ⵖⴻⴼ ⵍⴻⵃⵙⴰⴱ ⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ.

ⴰⵙⵙ ⵏ ⵜⵜⵍⴰⵜⴰ, ⴰⵙⴻⵇⵇⴰⵎⵓ ⵓⵏⵏⵉⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵢⴻⵙⵙⵓⵎⴻⵍ-ⴷ ⴰⵔⴽⴰⴹ ⵏ ⵍⵇⴰⵏⵓⵏ ⴰⵍⵙⴰⵏ ⴰⴳⵔⴰⵖⵍⴰⵏ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⵙⵖⵓⵔ ⵢⵉⴷⵉⵙⴰⵏ ⵢⴻⵎⵅⴰⵚⴰⵎⴻⵏ ⴷⴻⴳ ⵢⴰⵎⴰⵏ, ⵉⵎⵉ ⵉⴷⵉⵙⴰⵏ-ⴰ ⵣⴳⴰⵏ ⴽⴽⴰⵜⴻⵏ ⵉⵖⴰⵔⵉⵎⴻⵏ ⴷⴻⴳ ⵡⴰⴽⵓⴷ ⴰⵢⴷⴻⴳ ⵉⵎⴻⵏⵖⵉ ⵍⴰ ⵉⵔⴻⵏⵏⵓ ⴽⴰⵏ ⴷⴻⴳ ⵜⵎⵓⵔⵜ-ⴰ. ⵖⴻⴼ ⵍⴻⵃⵙⴰⴱ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ, « ⵙⴻⴳ 26 ⵎⴻⵖⵔⴻⵙ ⵢⴻⵣⵔⵉⵏ, ⵉⵎⴻⵏⵖⵉ-ⴰ ⵢⴻⴳⵍⴰ ⵙ 1693 ⵏ ⵢⵉⵖⴰⵔⵉⵎⴻⵏ ⵢⴻⵔⵏⴰ ⵊⴻⵔⵃⴻⵏ 3829 ⵏⵉⴹⴻⵏ ».