ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵍⵎⴻⴷ ⵏ ⵜⵎⴰⵣⵉⵖⵜ ⴰⴷ ⵢⴰⵡⴻⴹ ⵖⴻⵔ 20 ⵜⵡⵉⵍⴰⵢⵉⵏ ⴷⴻⴳ ⵓⵏⴻⴽⵛⵓⵎ ⴰⵖⵓⵔⴱⵉⵣ ⵉ ⴷ-ⵉⵜⴻⴷⴷⵓⵏ
ⵍⴻⵣⵣⴰⵢⴻⵔ – ⴰⵙⴻⵍⵎⴻⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴰⴷ ⵢⵉⵀⵔⵉⵡ, ⴰⴷ ⵢⴻⵔⵣⵓ 20 ⵜⵡⵉⵍⴰⵢⵉⵏ ⵏ ⵜⵎⵓⵔⵜ ⴷⴻⴳ ⵓⵏⴻⴽⵛⵓⵎ ⴰⵖⵓⵔⴱⵉⵣ ⵉ ⴷ-ⵉⵜⴻⴷⴷⵓⵏ, ⵉ ⴷ-ⵏⵏⴰⵏ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵢⵉⵎⴰⵙⴰⵢⴻⵏ ⵏ ⵓⵖⵍⵉⴼ ⵏ ⵓⵙⴻⴳⵎⵉ ⴰⵖⴻⵍⵏⴰⵡ.
‘’ⵀⴻⴳⴳⴰⵏ ⴰⴽⴽ ⵡⴰⵍⵍⴰⵍⴻⵏ ⵉ ⵓⵛⵉⵔⵉ ⵏ ⵓⵙⴻⵍⵎⴻⴷ ⵏ ⵜⵎⴰⵣⵉⵖⵜ ⴷⴻⴳ ⵓⵏⴻⴽⵛⵓⵎ ⴰⵖⵓⵔⴱⵉⵣ ⵉ ⴷ-ⵉⵜⴻⴷⴷⵓⵏ’’, ⵉ ⴷ-ⵏⵏⴰⵏ ⵎⴰⵙⵙ ⵎⴻⵙⵙⴻⴳⵓⴻⵎ ⵏⴻⴷⵊⴰⴷⵉ ⴷ ⴼⴰⵔⵉⴷ ⴱⴻⵏⵔⴰⵎⴷⴰⵏⴻ, ⴷ ⴰⵎⴰⵚⵡⴰⴹ ⴰⵎⴰⵜⵓ ⴷ ⵓⵙⴻⵎⵜⴰⵔ ⵢⴻⵜⵜⵓⴽⴻⵍⴼⴻⵏ ⵙ ⵜⴻⵙⵏⴻⴳⵎⵉⵜ ⴷⴻⴳ ⵓⵖⵍⵉⴼ ⵏ ⵓⵙⴻⴳⵎⵉ.
ⵖⴻⴼ ⵡⴰⴽⴽⴻⵏ ⵉ ⴷ-ⵏⵏⴰⵏ ⵙⵉⵏ-ⵏⵏⵉ ⵏ ⵢⵉⵎⴰⵙⴰⵢⴻⵏ ⵉ ⵢⴻⵎⵎⴰⵀⵍⴻⵏ ⵢⵉⵡⴻⵏ ⵏ ⵓⵙⴰⵔⴰⴳ ⴰⵖⴰⵎⵙⴰⵏ ⵓⵛⵔⵉⴽ, ⵉ ⵍⵎⴻⵏⴷ ⵏ ⵜⴰⴳⴳⴰⵔⴰ ⵏ ⵓⵙⴰⵔⴰⴳ ⴰⵖⴻⵍⵏⴰⵡ ⵖⴻⴼ ⵜⵙⴻⵎⵎⴻⵙⴽⴻⵍⵜ ⵏ ⵓⵖⴻⵔⴱⴰⵣ, ⴰⵖⵍⵉⴼ ⵉⵀⴻⴳⴳⴰ ⵉⵎⴰⵏ-ⵉⵙ ⴰⴽⴽⴻⵏ ⴰⴷ ⵢⴻⵍⴷⵉ ⵜⵉⵏⴻⵖⵔⵉⵢⵉⵏ-ⴰ, ⵓⵍⴰ ⴷⴻⴳ ⵜⵎⴰⵏⴻⵖⵜ ⵖⴰⵙ ⴰⴷ ⵢⵉⵍⵉ ⵙ ’’ⵢⵉⵡⴻⵏ ⵏ ⵓⵏⴻⵍⵎⴰⴷ’’.
ⵙⵙⴻⴳⵣⴰⵏ-ⴷ ⴱⴻⵍⵍⵉ ⴷⴻⴳ ⵜⴰⵣⵡⴰⵔⴰ ⵉⵙⵡⵉ ⵢⴻⵍⵍⴰ ⴷ ⵜⵉⵡⴹⵉⵏ ⵖⴻⵔ 11 ⵜⵡⵉⵍⴰⵢⵉⵏ, ⵎⴰⵛⴰ ⵏⴻⵙⵏⴻⵔⵏⴰ ⴰⵎⴹⴰⵏ, ⴰⵛⴽⵓ ‘’ⵓⵍⴰⵛ ⵓⴳⵓⵔ ⵏ ⵢⵉⵎⴷⴰⵏⴻⵏ ⵉⵎⵉ ⵍⵍⴰⵏ ⵢⵉⴽⴰⵜⴰⵔⴻⵏ ⴰⵔⴰ ⵢⴻⵙⵙⴻⴷⴷⵓⵏ.
ⴷⴻⴳ ⵓⴱⵔⵉⴷ-ⴰ, ⴰⵎⴰⵚⵡⴰⴹ ⴰⵎⴰⵜⵓ ⵢⴻⵏⵏⴰ-ⴷ ⴱⴻⵍⵍⵉ ⵉⵙⴻⵍⵎⴰⴷⴻⵏ ⵏ ⵜⵓⵜⵍⴰⵢⵜ-ⴰ ⴷⴻⴳ ⵜⵡⵉⵍⴰⵢⵜ ⵏ ⵜⴱⴰⵜⴻⵏⵜ ⴽⴽⴰⵏ-ⴷ ⵙⴻⴳ ⵜⵉⵣⵉ ⵡⴻⵣⵣⵓ, ⴰⵎⴻⴷⵢⴰ-ⴰ ⵢⴻⵣⵎⴻⵔ ⴰⴷ ⵢⵉⵍⵉ ⴷⴻⴳ ⵜⵡⵉⵍⴰⵢⵉⵏ ⵏⵏⵉⴹⴻⵏ, ⵢⴻⵔⵏⴰ ⵢⴻⵏⵏⴰ-ⴷ ⴱⴻⵍⵍⵉ ‘’ⵡⵉⵏ ⵢⴻⴱⵖⴰⵏ ⴰⴷ ⵢⴻⵙⵙⴻⵍⵎⴻⴷ ⴰⴷ ⵢⴻⵇⴱⴻⵍ ⴰⴷ ⵉⵔⵓⵃ ⵖⴻⵔ ⵜⴻⵎⵏⴰⴹⵉⵏ ⴰⴽⴽ ⵏ ⵜⵎⵓⵔⵜ’’.
ⵢⴻⵙⵎⴻⴽⵜⴰ-ⴷ ⴱⴻⵍⵍⵉ ⴷⴻⴳ ⵡⴰⵢⵢⵓⵔ ⵏ ⵢⴻⴱⵔⵉⵔ ⵉⵄⴻⴷⴷⴰⵏ, ⴰⵖⵍⵉⴼ ⵏ ⵓⵙⴻⴳⵎⵉ ⵉⵙⴻⵔⵙ ⴰⴷⴻⴼⵔⵉⵔ ⵓⵛⵔⵉⴽ ⴷ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵜⵉⵎⵎⵓⵣⵖⴰ (ⵀⵛⴰ) ⴰⴽⴽⴻⵏ ⴰⴷ ⵙⴷⵓⴽⵍⴻⵏ ⵉⵎⴰⵀⵉⵍⴻⵏ-ⵏⵙⴻⵏ ⵉ ⵓⵀⴻⴳⴳⵉ ⵏ ⵡⴰⵏⵏⴰⵔ ⵉ ⵓⵙⵎⴰⵜⵓ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ. (ⵜⴰⵏⴻⴳⴳⴰ)
