ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵏⵉⵊⵉⵔ ⵜⴻⴼⴽⴰ ⴰⵣⴰⵍ ⵉ ⵍⵎⴻⴵⵀⵓⴷ ⴰⵣⵣⴰⵢⵔⵉ « ⴰⵎⴻⵇⵔⴰⵏ » ⵉ ⴼⴻⵔⵔⵓ ⵏ ⵛⵛⵡⴰⵍ ⴷⴻⴳ ⵜⴻⵎⵏⴰⴹⵜ

ⵏⵉⴰⵎⴻⵢ- ⵏⵉⵊⵉⵔ ⵜⴻⴼⴽⴰ ⴰⵣⴰⵍ ⵉ ⵍⵎⴻⴵⵀⵓⴷ « ⴰⵎⴻⵇⵔⴰⵏ » ⴰⵢ ⵜⴻⵜⵜⴻⴳ ⵍⴻⵣⵣⴰⵢⴻⵔ ⴰⴽⴽⴻⵏ « ⴰⴷ ⵜⴻⵙⵙⴻⵔⴽⴻⴷ » ⵜⴰⵎⵏⴰⴹⵜ ⵏ ⵙⵙⴰⵃⴻⵍ, ⵢⴻⵔⵏⴰ ⵢⴻⵜⵜⴱⴰⵏ-ⴷ ⵡⴰⵢⴰ ⵙ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵏⵉⴰⵎⴻⵢ ⵜⵏⴻⵖⵍⴰⴼⵜ ⵜⴰⵏⵉⵊⵉⵔⵉⵜ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵏ ⵓⵎⵢⴰⵍⴻⵍ ⴷ ⵓⵏⵏⵓⵎⵎⴻⴷ ⴰⴼⵔⵉⵇⵉ ⴷ ⵢⵉⵏⵉⵊⵉⵔⵉⵢⴻⵏ ⵏ ⵓⵣⵖⴰⵔ, ⵎⴰⵙⵙⴰ ⴽⴰⵏⴻ ⴰⵉⵛⵀⴰⵜⵧⵓ ⴱⵧⵓⵍⴰⵎⴰ.

« ⵏⴻⴼⴽⴰ ⴰⵣⴰⵍ ⵉ ⵍⵎⴻⴵⵀⵓⴷ ⴰⵎⴻⵇⵔⴰⵏ ⵏ ⵍⴻⵣⵣⴰⵢⴻⵔ ⴰⵢ ⵢⴻⵙⵙⴰⵡⴹⴻⵏ ⴰⴷ ⵜⴻⴳ ⵍⵎⴻⴵⵀⵓⴷ ⴷ ⴰⵎⴻⵇⵔⴰⵏ ⴰⴽⴽⴻⵏ ⴰⴷ ⵜⴻⵔⴽⴻⴷ ⵜⴻⵎⵏⴰⴹⵜ (ⵏ ⵙⵙⴰⵃⴻⵍ) ⵢⴻⵔⵏⴰ ⴰⴷ ⵜⵉⵍⵉ ⴷⴻⴳ-ⵙ ⵜⴰⵍⵡⵉⵜ ⵙ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⴰⵙⵙⴰ ⴱⵧⵓⵍⴰⵎⴰ ⵉ ⵜⵖⴻⵎⵙⴰ ⴷⴻⴼⴼⵉⵔ ⴰⴷⵉⵡⴻⵏⵏⵉ-ⵏⵏⵉ ⴰⵢ ⵜⴳⴰ ⴷ ⵓⵎⵜⵉⵍ-ⵏⵏⴻⵙ ⴰⴷⵣⴰⵢⵔⵉ ⵔⴰⵎⵜⴰⵏⴻ ⵍⴰⵎⴰⵎⵔⴰ, ⴷ ⵜⵖⵉⵎⵉⵜ-ⵏⵏⵉ ⵏ ⵓⵅⴻⴷⴷⵉⵎ ⴰⵢ ⴷ-ⵢⴻⵍⵍⴰⵏ ⴳⴰⵔ ⵜⵎⴰⴳⵍⵉⵡⵉⵏ ⵏ ⵍⴻⵣⵣⴰⵢⴻⵔ ⴷ ⵏⵉⵊⵉⵔ.

« ⵏⴻⴽⴽⵏⵉ ⵏⴻⵜⵜⴻⴽⴽⴰ ⴷⴻⴳ ⵜⴻⴱⴷⴰⵎⵎⴰⵙⵜ-ⵏⵏⵉ ⵢⴻⵍⵍⴰⵏ ⴷⴷⴰⵡ ⵕⵕⴰⵢ ⵏ ⵍⴻⵣⵣⴰⵢⴻⵔ ⵢⴻⵔⵏⴰ ⵏⴻⵙⵙⴰⵡⴻⴹ, ⴷⴻⴳ ⵡⴰⵢⵢⵓⵔⴻⵏ-ⵏⵏⵉ ⵖⴻⵣⵣⵉⴼⴻⵏ ⵏ ⵍⴻⵎⵛⴰⵡⵕⴰⵜ, ⴰⴷ ⵏⴻⵙⵙⴻⵏ ⴰⵣⴰⵍ ⵎⴰⵙⵙ ⵍⴰⵎⴰⵎⵔⴰ ⴷ ⴷⴷⵓⵕ ⴰⵢ ⵢⵓⵔⴰⵔ ⴰⴽⴽⴻⵏ ⴰⴷ ⵏⴻⵙⵙⵉⵡⴻⴹ ⵖⴻⵔ ⵓⵎⵜⴰⵡⴰ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⵖⵍⴰⴼⵜ-ⴰ.

ⵜⴰⵏⴻⵖⵍⴰⴼⵜ ⵜⴻⵏⵏⴰ-ⴷ ⴷ ⴰⴽⴽⴻⵏ ⵏⵉⵊⵉⵔ ⵜⴻⵜⵜⵖⵉⵎⵉ ⴷⵉⵎⴰ ⵜⴻⵡⵊⴻⴷ ⴰⴽⴽⴻⵏ ⴰⴷ ⵜⴽⴻⵎⵎⴻⵍ ⵍⵎⴻⴵⵀⵓⴷ-ⵏⵏⴻⵙ ⴷⴻⴳ ⵓⴽⴰⵜⴰⵔ ⵏ ⵓⵙⴻⵇⵇⴰⵎⵓ ⵏ ⵓⴹⴼⴰⵔ ⵏ ⵓⵙⵙⴻⴼⵄⴻⵍ ⵏ ⵓⵎⵜⴰⵡⴰ-ⴰ.

ⵜⴰⵏⴻⵖⵍⴰⴼⵜ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⵏⵉⵊⵉⵔⵏ ⵜⴻⵏⵏⴰ-ⴷ ⴷ ⴰⴽⴽⴻⵏ ⴷⴻⴳ ⵜⴻⵎⵙⴰⵍⵜ-ⴰ, ⵏⵉⵊⵉⵔ ⵎⴰⵣⴰⵍ-ⵉⵜⵜ ⵍⴰ ⵜⴻⵜⵜⴻⵎⵄⴰⵡⴰⵏ ⵎⵍⵉⵃ ⴷ ⵍⴻⵣⵣⴰⵢⴻⵔ ⴷⴻⴳ ⵡⴰⴽⴽ ⵉⵏⵓⵔⴰⵔ ⴰⵢ ⵢⴻⵇⵇⵏⴻⵏ ⵖⴻⵔ ⵜⵖⴻⵍⵍⵉⵙⵜ ⴷ ⵓⵔⴽⴰⴷ ⴷⴻⴳ ⵜⴻⵎⵏⴰⴹⵜ-ⴰ ⴰⵎⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵍⵓⴼⵜ ⵏ ⵎⴰⵍⵉ ⵏⴻⵖ ⵜⵉⵏ ⵏ ⵍⵉⴱⵢⴰ.

ⵎⴰⵙⵙⴰ ⴱⵧⵓⵍⴰⵎⴰ ⵜⴻⵏⵏⴰ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷ ⴰⴽⴽⴻⵏ ⵜⵉⵖⵉⵎⵉⵜ ⵜⵉⵙ 5 ⵏ ⵓⵙⴻⵇⵇⴰⵎⵓ ⵓⵛⵔⵉⴽ ⵏ ⵜⵍⵉⵙⴰ ⴰⴷ ⴷ-ⵢⵉⵍⵉ ⴷⴻⴳ ⵏⵉⴰⵎⴻⵢ ⵓⵙⵙⴰⵏ ⵏ 30 ⴷ 31 ⵙⴻⴳ ⵡⴰⵢⵢⵓⵔ-ⴰ ⵢⴻⵔⵏⴰ ⴷ ⵉⵏⴻⵖⵍⴰⴼⴻⵏ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⵏ ⵍⴻⵣⵣⴰⵢⴻⵔ ⴷ ⵏⵉⵊⵉⵔ ⴰⵔⴰ ⵢⴻⵙⵙⴻⵍⵡⵉⵏ ⵜⵉⵎⵍⵉⵍⵉⵜ-ⴰ.

« ⴰⵙⴻⵇⵇⴰⵎⵓ-ⴰ ⴰⴷ ⴷ-ⵢⴻⴱⴷⴻⵔ ⵜⵉⵎⵙⴰⵍ ⵏ ⵜⵍⵉⵙⴰ ⵢⴻⵔⵏⴰ ⴰⴷ ⵉⵃⴻⵣⵣⴻⴱ ⵉ ⵡⴰⴽⴽ ⵓⴳⵓⵔⴻⵏ ⴰⵢ ⵉⵣⴻⵎⵔⴻⵏ ⴰⴷ ⴷ-ⵉⵍⵉⵏ ⴳⴰⵔ ⵜⵎⵓⵔⴰ-ⵏⵏⴻⵖ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵍⵉⵙⴰ, ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵜⵉⵍⵉ ⵜⴻⵎⵍⵉⵍⵉⵜ-ⴰ ⴷ ⵜⴰⵎⴻⵕⴽⴰⵏⵜⵉⵜ ⵢⴻⵔⵏⴰ ⴷ ⵜⵉⵏ ⴰⵔⴰ ⴷ-ⵢⴰⵡⵉ ⵍⴼⴰⵢⴷⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ.

ⵎⴰⵙⵙⴰ ⴱⵧⵓⵍⴰⵎⵧⵓ ⵜⴻⵏⵏⴰ-ⴷ ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⴷ ⵏⵉⵊⵉⵔ ⵜⴻⵛⵔⴻⴽ-ⵉⵜⴻⵏⵜ ⵜⴰⵍⴰⵙⵜ ⵏ ⵡⴰⵣⴰⵍ ⵏ 1000 ⵏ ⵢⵉⴽⵉⵍⵓⵎⵉⵜⵔⴻⵏ, ⵢⴻⵔⵏⴰ ⵙⵏⴰⵜ-ⴰ ⵏ ⵜⵎⵓⵔⴰ ⵙⵄⴰⵏⵜ « ⵜⴰⵎⵓⵖⵍⵉ ⵜⵓⵛⵔⵉⴽⵜ » ⵖⴻⴼ ⵜⴻⵎⵙⴰⵍ ⵜⵉⵎⴻⵇⵔⴰⵏⵉⵏ ⴰⵢ ⵢⴻⵔⵣⴰⵏ ⵜⴰⵏⴻⴼⵍⵉⵜ ⴷⴻⴳ ⵜⴻⴼⵔⵉⵇⵜ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴰⵏⴻⵖⵍⴰⴼⵜ ⵜⴰⵏⵉⵊⵉⵔⵉⵜ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵜⴻⵏⵏⴰ-ⴷ ⴷ ⴰⴽⴽⴻⵏ ⵜⴻⵙⵇⴻⵔⴷⴻⵛ ⵜⵉⵎⵙⴰⵍ ⵜⵓⵛⵔⵉⴽⵉⵏ ⴷ ⵎⴰⵙⵙ ⵍⴰⵎⴰⵎⵔⴰ.

« ⵢⴻⵍⵍⴰ ⵓⵎⵄⴰⵡⴻⵏ ⴷ ⴰⵏⴻⵥⵥⴰⵡ ⵢⴻⵔⵏⴰ ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ, ⴰⵎⴰ ⴷⴻⴳ ⵜⵙⴻⵔⵜⵉⵜ ⵏⴻⵖ ⴷⴻⴳ ⵜⴻⵎⵃⴰⴷⴷⵉⵜ, ⵏⴻⵖ ⴷⴻⴳ ⵜⵖⴻⵍⵍⵉⵙⵜ (ⵍⴰⵎⴰⵏ) » ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ.

ⵜⴰⵏⴻⵖⵍⴰⴼⵜ ⵜⴻⴱⴷⴻⵔ-ⴷ ⴷⴰⵖ ⵉⵏⵓⵔⴰⵔ ⵏ ⵜⴻⵥⵡⴻⵔⵜ ⴷ ⵍⵎⵉⵏⴰⵜ, ⵜⴰⴼⴻⵍⵍⴰⵃⵜ, ⵜⴰⴷⴰⵡⵙⴰ, ⴰⵙⵙⵉⵍⴻⵖ ⴰⵎⵙⴰⴷⵓⵔ ⴷ ⵜⴰⴳⴳⴰⵣⵉⵏ ⵏ ⵜⴻⵣⵔⴰⵡⵜ. ⵉ ⵓⵙⵎⴻⴽⵜⵉ, ⵍⴻⵣⵣⴰⵢⴻⵔ ⵜⴻⴼⴽⴰ, ⴰⵙⴻⴳⴳⴰⵙ-ⴰ, 200 ⵏ ⵜⴰⴳⴳⴰⵣⵉⵏ ⵏ ⵜⴻⵣⵔⴰⵡⵜ ⵉ ⵢⵉⵏⴻⵍⵎⴰⴷⴻⵏ ⵉⵏⵉⵊⵉⵔⵉⵢⴻⵏ.