ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵎⵍⵉⵍⵉⵜ ⵜⴰⵖⴻⵍⵏⴰⵡⵜ ⵖⴻⴼ ⵢⵉⵙⵎⴰⵡⴻⵏ ⵏ ⵢⵉⵎⵓⴽⴰⵏ ⵉⴷⵣⴰⵢⵔⵉⵢⴻⵏ: ⵍⴻⵡⵚⴰⵢⴰⵜ ⵉ ⵓⵚⴻⴳⴳⴻⵎ ⵏ ⵜⵉⵔⴰ ⵏ ⵢⵉⵙⵎⴰⵡⴻⵏ
ⴵⵉⴵⴻⵍ – ⵡⵉⴷ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵎⵍⵉⵍⵉⵜ ⵜⴰⵖⴻⵍⵏⴰⵡⵜ ⵖⴻⴼ ⵜⴻⵙⵎⵉⴷⴻⴳⵜ ⵜⴰⴷⵣⴰⵢⵔⵉⵜ ⴼⴽⴰⵏ-ⴷ ⵍⴻⵡⵚⴰⵢⴰⵜ, ⴰⵙⵙ ⵏ ⵍⴻⵜⵏⵉⵢⴻⵏ, ⵉ ⵍⵎⴻⵏⴷ ⵏ « ⵓⵙⵙⴰⴳⵏⵓ ⵏ ⵜⴻⵙⵏⵉⴷⴻⴳⵜ ».
ⴷⴻⴳ ⵜⴻⵎⵍⵉⵍⵉⵜ-ⴰ ⵏ 3 ⵏ ⵡⵓⵙⵙⴰⵏ ⴰⵢ ⴷ-ⵉⴳⴰ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ ⵙ ⵓⵄⴰⵡⴻⵏ ⵏ ⵓⵖⵍⵉⴼ ⵏ ⵢⵉⴷⵍⴻⵙ ⴷ ⵜⵡⵉⵍⴰⵢⵜ ⵏ ⴵⵉⴵⴻⵍ, ⵉⵎⵜⵜⴻⴽⴽⵉⵢⴻⵏ ⵃⴻⵜⵜⴻⵜⴻⵏ-ⴷ ⵖⴻⴼ ⵓⵙⵙⴻⴱⴷⴻⴷ ⵏ « ⵓⵏⴻⴳⴳⴰⴼ ⴰⴽⴰⵜⴰⵔ » ⴰⵢ ⵢⴻⵙⵙⴻⴼⴽ ⴰⴷ ⵜ-ⵇⴰⴷⵔⴻⵏⵜ ⵜⵙⵓⴷⴰ ⵏ ⵓⵡⴰⵏⴰⴽ ⴷ ⵜⴻⵙⴷⴰⵡⵉⵢⵉⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵔⴰⵡⵜ ⵏ ⵢⵉⵙⵎⴰⵡⴻⵏ ⵏ ⵢⵉⵎⵓⴽⴰⵏ, ⵢⴻⵔⵏⴰ ⴰⴷ ⴷ-ⵢⵉⵍⵉ ⵡⴰⵢⴰ ⵙ ⵓⵙⵙⵉⵍⴻⵖ ⵏ « ⵢⵉⵎⴷⴰⵏⴻⵏ ⴰⵢ ⴷ-ⵢⴻⵜⵜⵅⴻⴱⴱⵉⵔⴻⵏ » ⴰⵢ ⵉⵣⴻⵎⵔⴻⵏ ⴰⴷ ⴷ-ⴼⴽⴻⵏ ⵉⵙⵎⴰⵡⴻⵏ ⵏ ⵢⵉⵎⵓⴽⴰⵏ ⴰⴽⴽⴻⵏ ⴰⵢ ⴷ-ⵜⵜⵡⴰⵏⵟⴰⵇⴻⵏ ⵢⴻⵔⵏⴰ ⴰⴷ ⵜⴻⵏ-ⵉⴷ-ⴰⵔⵓⵏ ⵙ ⵓⴷⴻⵇⵇⴻⵇ ⴰⴽⴽⴻⵏ ⵓⵔ ⴷ-ⵜⵉⵍⵉ ⵜⵓⵛⵛⴹⴰ ⴷⴻⴳ-ⵙⴻⵏ.
ⵜⴰⴳⵔⴰⵡⵜ ⵏ ⵢⵉⵙⴷⴰⵡⴰⵏⴻⵏ, ⵉⵎⵏⴰⴷⵉⵢⴻⵏ ⴷ ⵢⵉⵎⵓⵣⵣⴰⴳ ⴰⵢ ⵢⴻⵜⵜⴻⴽⴽⴰⵏ ⵜⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⴷⴰⵖ ⴰⴷ ⴷ-ⵢⵉⵍⵉ « ⵜⵜⴰⵡⵉⵍ ⴰⵢⵖⴻⴼ ⴰⵔⴰ ⵢⵉⵍⵉ ⵓⵎⵙⴻⴼⵀⴰⵎ » ⵉ ⵍⵎⴻⵏⴷ ⵏ ⵓⵙⵙⴰⴳⵏⵓ ⵏ ⵜⵉⵔⴰⵡⵜ ⵏ ⵢⵉⵙⵎⴰⵡⴻⵏ ⵏ ⵢⵉⵎⵓⴽⴰⵏ ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⴷ-ⵢⴻⵙⵙⴽⴻⵏ ⵡⴰⵢⴰ ⵜⵉⵍⴰⵡⵜ ⵜⴰⵏⵎⴻⵜⵜⵉⵜ-ⵜⴰⴷⴻⵍⵙⴰⵏⵜ ⵏ ⵜⵎⵓⵔⵜ ⵙ ⵓⵄⴰⵡⴻⴷ ⵏ ⵜⵔⵉⵔⵉⵜ ⵏ ⵡⴰⵣⴰⵍ ⵉ ⵢⵉⵙⵎⴰⵡⴻⵏ ⵏ ⵜⵉⴷⴻⵜ ⵏ ⵢⵉⵎⵓⴽⴰⵏ ⴰⴽⴽⴻⵏ ⴰⵢ ⴷ-ⵜⵜⵡⴰⵏⵟⴰⵇⴻⵏ ⴷⴻⴳ ⵜⴻⵎⵏⴰⴹⵉⵏ-ⵏⵏⵉ, ⴰⵎ ⵡⴰⴽⴽⴻⵏ ⴰⵔⴰ ⴷ-ⵢⵉⵍⵉ ⵓⵎⵛⵉⵡⴻⵕ ⴷ ⵢⵉⵎⵓⵣⵣⴰⴳ ⵎⵉ ⴰⵔⴰ ⴼⴽⴻⵏ ⵉⵙⵎⴰⵡⴻⵏ ⵉ ⵢⵉⵣⴻⵏⵇⴰⵏ, ⵉⵖⴰⵔⴰⵎⴻⵏ ⴷ ⵢⵉⵎⵓⴽⴰⵏ. ⵏⵏⵉⴳ ⵡⴰⵢⴰ, ⵢⴻⵙⵙⴻⴼⴽ ⴷⴰⵖ ⴰⴷ ⴷ-ⵢⵉⵍⵉ ⵡⴰⵔⵔⴰⵣ ⴰⵖⴻⵍⵏⴰⵡ ⵖⴻⴼ ⵓⵅⴻⴷⴷⵉⵎ ⵓⵎⵢⵉⴼ ⵏ ⵓⵏⴰⴷⵉ ⵖⴻⴼ ⵢⵉⵙⵎⴰⵡⴻⵏ ⵏ ⵢⵉⵎⵓⴽⴰⵏ.
ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⴰⵢ ⴷ-ⵉⴳⴰ ⵓⵎⴰⵔⵓ ⴰⵎⴰⵜⵓ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ, ⵙⵉ ⴻⵍ-ⵀⴰⵛⵀⴻⵎⵉ ⴰⵙⵙⴰⴷ, ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ, ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵎⵢⴰⴳⴻⵔ-ⵏⵏⵉ ⵢⴻⵍⵍⴰ-ⴷ ⴷⴻⴳ-ⵙ ⵓⵜⵜⴻⴽⴽⵉ ⴷ ⴰⵎⴻⵇⵔⴰⵏ ⵏ ⵢⵉⵎⵓⵣⵣⴰⴳ ⴰⵢ ⵢⴻⵜⵜⵏⴰⴷⵉⵏ ⴷⴻⴳ ⵜⴻⵙⵎⵉⴷⴻⴳⵜ, ⵢⴻⵔⵏⴰ ⵢⴻⵍⵍⴰ-ⴷ ⴷⴻⴳ-ⵙ ⵡⴰⵡⴰⵍ ⵏ ⵓⵙⵡⵉⵔ « ⵉⴼⴰⵣⴻⵏ ». ⵜⵉⵎⵍⵉⵍⵉⵜ-ⴰ ⵏ ⴵⵉⴵⴻⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⵜⴳⴰ-ⴷ ⴷⴰⵖ ⴰⵙⵙⴰⵖ ⴳⴰⵔ ⵢⵉⵎⵓⵣⵣⴰⴳ ⵎⴻⵛⵀⵓⵕⴻⵏ ⴷ ⵡⵉⴷ ⵏ ⵜⵙⵓⵜⴰ ⵜⴰⵎⴰⵢⵏⵓⵜ ⴰⵢ ⵍⴰ ⴷ-ⵢⴻⵜⵜⵀⴻⵢⵢⵉⵏ ⵉⴷⵓⴽⵜⵓⵕⴰⵜⴻⵏ-ⵏⵙⴻⵏ ⵢⴻⵔⵏⴰ ⵍⴰ ⵜⵜⴽⴻⵎⵎⵉⵍⴻⵏ ⴰⵏⴰⴷⵉ ⴷⴻⴳ ⵜⴻⵙⵎⵉⴷⴻⴳⵜ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ.
«ⵜⵉⵎⵍⵉⵍⵉⵜ-ⴰ ⵍⵍⴰⵏ-ⴷ ⴷⴻⴳ-ⵙ ⵢⵉⵙⴽⴰⵙⵉⵢⴻⵏ ⵏ ⵓⵙⵡⵉⵔ ⴷ ⵓⵏⵏⵉⴳ ⵎⵍⵉⵃ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⵙⵙⴰⴷ, ⵎⴰⵛⴰ ⵢⴻⵙⵃⴰⵙⵙⴻⴼ ⴷⴰⵖ ⵉⵎⵉ ⵜⴰⵙⴷⴰⵡⵉⵜ ⵏ ⴵⵉⴵⴻⵍ ⵜⵖⴰⴱ ⴷⴻⴳ ⵜⴻⵎⵍⵉⵍⵉⵜ-ⴰ.
ⴰⵟⴰⵙ ⵏ ⵢⵉⵙⴰⵔⴰⴳⴻⵏ ⴰⵢ ⴷ-ⴳⴰⵏ ⵢⵉⵙⴷⴰⵡⴰⵏⴻⵏ, ⵉⵎⵏⴰⴷⵉⵢⴻⵏ, ⵉⵎⴻⵙⵏⵉⵍⵙⴻⵏ ⴷ ⵢⵉⵎⵓⵣⵣⴰⴳ ⵏ ⵜⴻⵙⵏⵉⵍⴻⵙⵜ ⵜⴰⵏⵎⴻⵜⵜⵉⵜ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵎⵍⵉⵍⵉⵜ-ⴰ ⵜⵓⵙⵙⵏⴰⵏⵜ ⴰⵢ ⵢⵓⴷⴼⴻⵏ ⴷⴻⴳ ⵡⴰⵀⵉⵍ ⴰⵎⴰⵜⵓ ⵏ ⵍⴻⵛⵖⴰⵍ ⴰⵢ ⵢⴻⵜⵜⴻⴳ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ.
