ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵛⵉⵔⵜ ⵏ ⵓⴹⴰⵔ ⴷ ⵢⵉⴷⵔⵉⵎⴻⵏ: ⴰⵎⴳⴻⵔⵔⴰⴷ ⴳⴰⵔ ⵜⴼⵉⴷⵉⵕⴰⵍⵉⵜ ⴷ ⵜⴻⵖⵍⴰⵎⵉⵏ

ⵍⴻⵣⵣⴰⵢⴻⵔ – ⵜⴰⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ ⵜⴻⵙⵙⴰⵡⴻⴹ ⴰⴷ ⵜⴻⵃⵔⴻⵣ ⵉⵎⴰⵏ-ⵏⵏⴻⵙ ⵙⴻⴳ ⵍⴻⵅⵚⴰⵚ ⵏ ⵜⴻⴷⵔⵉⵎⵜ ⴷⴻⴳ 6 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2015, ⴷ ⴰⵛⵓ ⴽⴰⵏ, ⵜⵉⵖⵍⴰⵎⵉⵏ ⵙⵉⵎⴰⵍ ⵍⴰ ⵔⴻⵏⵏⵓⵏ ⵡⵓⴳⵓⵔⴻⵏ-ⵏⵙⴻⵏⵜ ⵏ ⵜⴻⴷⵔⵉⵎⵜ ⵢⴻⵔⵏⴰ ⵖⴻⴼ ⵡⴰⵢⴰ, ⵜⴳⴻⵔ-ⴷ ⵜⴼⵉⴷⵉⵕⴰⵍⵉⵜ ⵜⵉⵖⵔⵉ ⴰⴽⴽⴻⵏ ⴰⴷ ⵄⴰⵡⴷⴻⵏⵜ ⴰⴷ ⵎⵎⵓⵇⵇⵍⴻⵏⵜ ⴰⵙⵙⴻⴼⵔⴻⴽ ⵏ ⵜⵖⴰⵡⵙⵉⵡⵉⵏ-ⵏⵙⴻⵏⵜ ⵜⵉⴷⵔⵉⵎⴰⵏⵉⵏ.

ⵜⴰⵏⴰⵔⵉⵜ ⵜⴰⴼⵉⴷⵉⵕⴰⵍⵉⵜ ⴰⵢ ⵉⴳⴰⵏ ⵜⵉⵎⵍⵉⵍⵉⵜ ⴰⵙⵙ ⵏ ⵙⵙⴻⴱⵜ ⵜⴻⵏⵏⴰ-ⴷ ⴷ ⴰⴽⴽⴻⵏ ⵜⴰⴳⵏⵉⵜ-ⵏⵏⴻⵙ ⵏ ⵜⴻⴷⵔⵉⵎⵜ ⵜⴳⴻⵔⵔⴻⵣ.

ⴷⴻⴳ ⵓⴳⵔⴰⵡ ⴰⵎⴰⵜⵓ ⴰⵎⴰⴳⵏⵓ ⴰⵢ ⵜⴳⴰ ⴷⴻⴳ ⵎⴻⵖⵔⴻⵙ, ⵜⴰⴼⵉⴷⵉⵕⴰⵍⵉⵜ ⵜⴻⵏⵏⴰ-ⴷ ⴷ ⴰⴽⴽⴻⵏ ⴰⵙⴻⴳⴳⴰⵙ-ⵏⵏⴻⵙ ⴰⴷⵔⵉⵎⴰⵏ ⵏ 2014 ⵢⴻⵙⵙⴰⴷⴻⴼ-ⴷ ⵍⴼⴰⵢⴷⴰ ⵏ 300%.

ⵜⴰⵙⴻⵔⵜⵉⵜ ⵏ ⵓⴷⴻⵍⵍⴻⵍ ⴷ ⵓⴳⴻⵔⵔⴻⵣ ⵏ ⵢⵉⴳⵎⴰⴹ ⵏ ⵜⵛⵉⵔⵜ ⵏ ⵓⴹⴰⵔ ⵏ ⵍⴻⵣⵣⴰⵢⴻⵔ ⵍⴰ ⵜⵜⴽⴻⵎⵎⵉⵍⴻⵏ ⵍⴰ ⴷ-ⵙⵙⴰⴷⴰⴼⴻⵏ ⵉⴷⵔⵉⵎⴻⵏ ⵉ ⵜⴼⵉⴷⵉⵕⴰⵍⵉⵜ ⵢⴻⵔⵏⴰ ⵜⴻⵇⵇⴻⵍ ⴷ ⴰⵎⴻⴷⵢⴰ ⵏ ⵔⵔⴱⴻⵃ ⵏ ⵜⴻⴷⵔⵉⵎⵜ ⴷⴻⴳ ⵓⵏⵔⴰⵔ-ⴰ.

ⵎⴰⵛⴰ ⴰⵎⴻⴷⵢⴰ-ⴰ ⵓⵔ ⵜ-ⴹⴼⵉⵔⴻⵏⵜ ⴰⵔⴰ ⵜⴻⵖⵍⴰⵎⵉⵏ ⵜⵉⵎⵙⴰⴷⵓⵔⵉⵏ ⵏ ⵜⵛⵉⵔⵜ ⵏ ⵓⴹⴰⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⴰⵏⴰⵢⴻⵏ. ⵜⵉⵖⵍⴰⵎⵉⵏ-ⴰ ⵇⵇⵍⴻⵏⵜ ⴷ ⵜⵉⵎⵙⴰⴷⵓⵔⵉⵏ ⴷⴻⴳ ⵓⵏⴻⴱⴷⵓ ⵏ 2010, ⵎⴰⵛⴰ ⵙⴻⴳ ⵢⵉⵎⵉⵔ-ⵏⵏⵉ ⴷ ⴰⵙⴰⵡⴻⵏ, ⵇⵇⵍⴻⵏⵜ ⵙⵄⴰⵏⵜ ⵓⴳⴰⵔ ⵏ ⵡⵓⴳⵓⵔⴻⵏ ⵉⴷⵔⵉⵎⴰⵏⴻⵏ ⵢⴻⵔⵏⴰ ⵓⵔ ⵙⵙⴰⵡⴹⴻⵏⵜ ⴰⵔⴰ ⴰⴷ ⴼⴰⵕⵙⴻⵏⵜ ⵙⴻⴳ ⵓⵏⴻⵡⵡⴻⵄ ⵏ ⵜⴻⵖⴱⵓⵍⴰ ⴰⵢ ⵉⵣⴻⵎⵔⴻⵏ ⴰⴷ ⴰⵙⴻⵏⵜ-ⴷ-ⵙⵙⵉⴷⴼⴻⵏ ⵉⴷⵔⵉⵎⴻⵏ.

ⵢⵉⵡⴻⵜ ⵙⴻⴳ ⵜⵖⴰⵡⵙⵉⵡⵉⵏ ⵓⵎⵉ ⵜⴳⴻⵔ ⵜⴰⵎⴰⵡⵜ ⵜⴼⵉⴷⵉⵕⴰⵍⵉⵜ ⵏⴻⵜⵜⴰⵜ ⴷ ⵜⵓⴳⴳⵜⴰ ⵏ ⵢⵉⵎⴰⵔⵉⵔⴻⵏ ⵓⵔ ⵢⴻⵜⵜⵡⴰⵙⵙⴻⵇⴷⴰⵛⴻⵏ ⴰⵔⴰ, ⵢⵉⵍⵉ ⴰⵅⴻⵍⵍⴻⵚ-ⵏⵙⴻⵏ ⵍⴰ ⵢⴻⵜⵜⵙⵓⵎⵎⵓ ⴰⵟⴰⵙ ⵏ ⵢⵉⴷⵔⵉⵎⴻⵏ.

ⴷ ⴰⵛⵓ ⴽⴰⵏ, ⵜⵉⵖⵔⵉ ⴰⵢ ⴷ-ⵜⴳⴻⵔ ⵜⴼⵉⴷⵉⵕⴰⵍⵉⵜ ⵓⵔ ⵢⴻⵍⵍⵉ ⴰⵔⴰ ⴰⵟⴰⵙ ⵏ ⵓⵙⵙⵉⵔⴻⵎ ⴰⴽⴽⴻⵏ ⴰⴷ ⵜⴻⵜⵜⵡⴰⴹⴼⴻⵔ ⵉⵎⵉ ⵉⵎⴹⴻⴱⴱⵔⴻⵏ ⵏ ⵜⴻⵖⵍⴰⵎⵉⵏ ⵜⵉⴷⵣⴰⵢⵔⵉⵢⵉⵏ ⵙⵄⴰⵏ « ⵢⵉⵔ ⴹⴹⴱⴰⵢⴻⵄ » ⵢⴻⵔⵏⴰ ⵓⵍⴰ ⴰⵙⴻⴳⴳⴰⵙ-ⴰ « ⴼⴽⴰⵏ ⵡⴰⵔ ⵛⵛⴻⵃⵃⴰ » ⵉ ⵢⵉⵎⴰⵔⵉⵔⴻⵏ ⵉⵎⴰⵢⵏⵓⵜⴻⵏ ⴰⵢ ⴷ-ⵙⵙⴰⴷⴼⴻⵏ.

ⴷ ⴰⵢⴰ ⴰⵢ ⵢⴻⴵⴵⴰⵏ ⵜⴰⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⴽⵓⵔⵜ ⵏ ⵓⴹⴰⵔ ⴰⴷ ⵜⴻⴳⴷⴻⵍ ⴰⵙⵙⵉⴷⴻⴼ ⵏ ⵢⵉⵎⴰⵔⵉⵔⴻⵏ ⵉⴱⴻⵕⵕⴰⵏⵉⵢⴻⵏ ⴷⴻⴳ ⵜⴻⴳⵔⴻⵙⵜ (ⵛⵛⴻⵜⵡⴰ) ⴰⵢ ⴷ-ⵢⴻⵜⵜⴻⴷⴷⵓⵏ ⵢⴻⵔⵏⴰ ⵜⴻⵙⵙⴰⵔⴰⵎ ⴰⴷ ⵜⴼⴰⴽ, ⵙ ⵡⴰⵢⴰ, ⵜⴰⵍⵓⴼⵜ ⵜⴰⵎⴻⵇⵔⴰⵏⵜ ⵏ ⵍⴻⵅⵚⴰⵚ ⵏ ⵜⴻⴷⵔⵉⵎⵜ ⴰⵢ ⵉⵃⵓⵣⴰⵏ ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵜⴻⵖⵍⴰⵎⵉⵏ.