ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵖⵔⵉ ⵉ ⵓⵃⵔⴰⵣ ⵏ ⵍⵇⵓⴷⵙ ⴷⴻⴼⴼⵉⵔ ⵎⴰ ⵥⴻⴷⵎⴻⵏ ⵢⵉⵎⴻⵟⵟⵓⵔⴼⴰ ⵓⴷⴰⵢⴻⵏ ⵖⴻⴼ ⵜⵎⴻⵙⴳⵉⴷⴰ ⵏ ⵍⴰⵇⵚⴰ
ⵍⵇⵓⴷⵙ ⵢⴻⵜⵜⵡⴰⵟⵟⴼⴻⵏ – ⴰⵏⴰⴱⴰⴹ ⴰⴼⴰⵍⴻⵙⵟⵉⵏⵉ ⵉⵄⴰⵡⴻⴷ ⵉⴳⴻⵔ-ⴷ ⵜⵉⵖⵔⵉ ⵉ ⵓⵃⵔⴰⵣ ⵏ ⵍⵇⵓⴷⵙ ⵢⴻⵜⵜⵡⴰⵟⵟⴼⴻⵏ ⴷⴻⴼⴼⵉⵔ ⵎⴰ ⵥⴻⴷⵎⴻⵏ ⵢⵉⵎⴻⴹⴹⵓⵔⴼⴰ ⵓⴷⴰⵢⴻⵏ ⵖⴻⴼ ⵜⵎⴻⵙⴳⵉⴷⴰ ⵏ ⵍⴰⵇⵚⴰ ⵙ ⵓⵃⵓⴷⴷⵓ ⵏ ⵢⵉⵎⵙⵓⵍⵜⴰ ⵉⵙⵕⴰⵢⵉⵍⵉⵢⴻⵏ, ⵢⴻⵔⵏⴰ ⵉⵄⴻⵢⵢⴻⵏ-ⴷ ⵓⵏⴰⴱⴰⴹ ⴰⴼⴰⵍⴻⵙⵟⵉⵏⵉ ⵎⴳⴰⵍ ⵓⵙⵙⵓⴷⴻⵢ ⵏ ⵜⴻⵎⴷⵉⵏⵜ-ⴰ ⵜⵉⵎⵇⴻⴷⴷⴻⵙⵜ.
ⴷⴻⴳ ⵢⵉⴹ ⵏ ⵙⵙⴻⴱⵜ ⴷ ⵍⵃⴻⴷⴷ, ⵜⴰⵎⵙⵓⵍⵜⴰ ⵜⵉⵙⵕⴰⵢⵉⵍⵉⵜ ⵜⵓⴼⴰ-ⴷ ⵙⵙⴻⴱⴱⴰ ⴰⴽⴽⴻⵏ ⴰⴷ ⵜⴻⵃⴱⴻⵙ ⵉⵎⴻⵏⵖⵉ ⴰⵢ ⴷ-ⵉⵏⴻⴽⵔⴻⵏ ⴳⴰⵔ ⵡⵓⴷⴰⵢⴻⵏ ⵉⵎⴻⴹⴹⵓⵔⴼⴰ ⴰⵢ ⵢⵓⴷⴼⴻⵏ ⵖⴻⵔ ⵜⵎⴻⵙⴳⵉⴷⴰ ⵏ ⵍⴰⵇⵚⴰ, ⴷⵖⴰ ⵜⴻⵥⴷⴻⵎ ⵖⴻⴼ ⵓⵎⴽⴰⵏ-ⴰ ⵉⵎⵇⴻⴷⴷⴻⵙ ⵏ ⵍⵉⵙⵍⴰⵎ ⴰⵢ ⴷ-ⵢⴻⵣⴳⴰⵏ ⴷⴻⴳ ⵜⴻⵎⴷⵉⵏⵜ ⵜⴰⵇⴱⵓⵔⵜ ⵏ ⵍⵇⵓⴷⵙ ⵢⴻⵜⵜⵡⴰⴹⴹⴼⴻⵏ.
ⵉⵎⴻⵏⵖⵉ ⵢⴻⵏⴽⴻⵔ ⵎⵉ ⵓⴷⴼⴻⵏ ⵡⵓⴷⴰⵢⴻⵏ ⵉⵎⴻⵟⵟⵓⵔⴼⴰ ⵙ ⵜⵄⴻⵙⵙⴰⵙⵜ ⵏ ⵜⴻⵎⵙⵓⵍⵜⴰ ⵖⴻⵔ ⵓⵎⵕⴰⵃ ⵏ ⵍⴰⵇⵚⴰ (ⴰⵎⴽⴰⵏ ⵉⵎⵇⴻⴷⴷⴻⵙ ⵡⵉⵙ 3 ⴷⴻⴳ ⵍⵉⵙⵍⴰⵎ).
ⴷ ⵜⵉⵎⴻⵔⵡⵉⵏ ⵏ ⵢⵉⵎⵙⵓⵍⵜⴰ ⵉⵙⵕⴰⵢⵉⵍⵉⵢⴻⵏ ⴰⵢ ⵉⵥⴻⴷⵎⴻⵏ ⵖⴻⴼ ⵓⵎⵕⴰⵃ ⵏ ⵜⵎⴻⵙⴳⵉⴷⴰ ⵙⴰⴽⴽⵉⵏ ⵓⴷⴼⴻⵏ « ⵙ ⵡⴰⵛⵃⴰⵍ ⵏ ⵍⵎⵉⵜⵔⴰⵜ » ⵖⴻⵔ ⴷⴰⵅⴻⵍ ⵏ ⵜⵎⴻⵙⴳⵉⴷⴰ ⵏ ⵍⴰⵇⵚⴰ ⵙ ⵜⵉⵎⵎⴰⴷ-ⵏⵏⴻⵙ.
ⴰⵜⵄⴻⴷⴷⵉ-ⴰ ⵢⴻⵙⵙⴻⴳⴳⵔⴰ-ⴷ ⴰⵟⴰⵙ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴷ ⵉⵎⴻⵊⵔⴰⵃ ⵖⴻⴼ ⵍⴻⵃⵙⴰⴱ ⵏ ⵢⵉⵏⴰⴳⴰⵏ, ⴰⵎ ⵡⴰⴽⴽⴻⵏ ⴰⵢ ⵜⵜⵡⴰⵟⵟⴼⴻⵏ 3 ⵏ ⵢⵉⵎⴷⴰⵏⴻⵏ. ⴰⵖⵍⵉⴼ ⴰⴼⴰⵍⴻⵙⵟⵉⵏⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵢⴻⵙⵙⴰⵥⴻⵔ ⴰⵜⵄⴻⴷⴷⵉ-ⴰ ⵏ ⵢⵉⴷⵓⴱⴰ ⵉⵙⵕⴰⵢⵉⵍⵉⵢⴻⵏ ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⵉⵔⵣⵉ ⵏ ⵡⵓⴷⴰⵢⴻⵏ ⵉⵎⴻⵟⵟⵓⵔⴼⴰ ⵖⴻⴼ ⵓⵎⴽⴰⵏ-ⴰ ⴷ « ⴰⵙⵎⴻⵏⵜⴻⵙ ».
