Asebter amenzawi

Tiɣri i uḥraz n Lquds deffir ma ẓedmen yimeṭṭurfa udayen ɣef Tmesgida n Laqṣa

Lquds Yettwaṭṭfen – Anabaḍ afalesṭini iɛawed iger-d tiɣri i uḥraz n Lquds Yettwaṭṭfen deffir ma ẓedmen yimeḍḍurfa udayen ɣef Tmesgida n Laqṣa s uḥuddu n yimsulta isṛayiliyen, yerna iɛeyyen-d unabaḍ afalesṭini mgal ussudey n temdint-a timqeddest.

Deg yiḍ n ssebt d lḥedd, tamsulta tisṛayilit tufa-d ssebba akken ad teḥbes imenɣi ay d-inekren gar Wudayen imeḍḍurfa ay yudfen ɣer tmesgida n Laqṣa, dɣa teẓdem ɣef umkan-a imqeddes n Lislam ay d-yezgan deg temdint taqburt n Lquds Yettwaḍḍfen.

Imenɣi yenker mi udfen Wudayen imeṭṭurfa s tɛessast n temsulta ɣer Umṛaḥ n Laqṣa (amkan imqeddes wis 3 deg Lislam).

D timerwin n yimsulta isṛayiliyen ay iẓedmen ɣef Umṛaḥ n tmesgida sakkin udfen « s wacḥal n lmitrat » ɣer daxel n tmesgida n Laqṣa s timmad-nnes.

Atɛeddi-a yesseggra-d aṭas n Yifalesṭiniyen d imejraḥ ɣef leḥsab n yinagan, am wakken ay ttwaṭṭfen 3 n yimdanen. Aɣlif afalesṭini n tɣawsiwin n uzɣar yessaẓer atɛeddi-a n yiduba isṛayiliyen yerna yenna-d d akken tirzi n Wudayen imeṭṭurfa ɣef umkan-a d « asmentes ».