ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵔⵔⴰⵣ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵏ ⵓⵏⴻⵖⵎⴰⵙ ⴰⵎⵙⴰⴷⵓⵔ ⵢⵓⵙⴰⴷ ⴰⴽⴽⴻⵏ ⴰⴷ ⵢⴻⵙⵙⴻⴵⵀⴻⴷ ⵜⴰⵙⴻⵎⵎⴻⵙⴽⴻⵍⵜ ⵏ ⵓⵃⵔⵉⵛ-ⴰ

ⵍⴻⵣⵣⴰⵢⴻⵔ – ⴰⵏⴻⵖⵍⴰⴼ ⵏ ⵜⴻⵖⵡⴰⵍⵜ, ⵀⴰⵎⵉⴷ ⴳⵔⵉⵏⴻ ⵢⴻⵏⵏⴰ-ⴷ ⴱⴻⵍⵍⵉ ⴰⵔⵔⴰⵣ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵏ ⵓⵏⴻⵖⵎⴰⵙ ⴰⵎⵙⴰⴷⵓⵔ ⵏⵙⴻⵔⵙ ⵉⵏⴻⵣⵔⴰⴼⴻⵏ-ⵉⵙ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵜⵎⴰⵏⴻⵖⵜ, ⴰⵢⴰ ⵢⵓⵙⴰ-ⴷ ‘’ⴰⴽⴽⴻⵏ ⴰⴷ ⵢⴻⵙⵙⴻⴵⵀⴻⴷ ⵜⴰⵙⴻⵎⵎⴻⵙⴽⴻⵍⵜ ⵏ ⵓⵃⵔⵉⵛ ⵏ ⵜⴻⵖⵡⴰⵍⵜ’’.

ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴻⴳ ⵜⴼⵓⴳⵍⴰ ⵏ ⵜⵔⵓⵙⵉ ⵏ ⵢⵉⵏⴻⵣⵔⴰⴼⴻⵏ, ⴱⴻⵍⵍⵉ ⴰⵔⵔⴰⵣ-ⴰ ⵉⵙⵡⵉ-ⵙ ⴷ ’’ⴰⵙⴻⴱⵖⴻⵙ ⴷ ⵓⵙⵎⴰⵍ ⵏ ⵓⴼⴰⵔⴻⵙ ⴰⵖⴰⵎⵙⴰⵏ ⵙ ⵜⵉⴽⵛⵉ ⵏ ⵡⴰⵔⵔⴰⵣ ⵉ ⵜⵚⴻⴽⴽⴰ ⵜⵓⴼⵔⵉⵏⵜ ⵏ ⵜⵖⴰⵎⵙⴰ’’. ⴰⵔⵔⴰⵣ-ⴰ ⵢⴻⴱⵄⴰ ⴰⴷ ⵢⵉⵍⵉ ⴷ ⵢⵉⵡⴻⵜ ⵏ ⵜⵖⴰⵡⵙⴰ ⵏ ‘’ⵓⵙⵜⴻⵄⵔⴻⴼ ⵏ ⵓⵎⴻⵏⵏⵓⵖ ⵏ ⵢⵉⵏⴻⵖⵎⴰⵙⴻⵏ ⴰⵎⴰ ⴷ ⴰⵔⴳⴰⵣ ⵏⴻⵖ ⴷ ⵜⴰⵎⴻⵟⵟⵓⵜ ⴷⴻⴳ ⵜⵎⵓⵔⵜ-ⵏⵏⴻⵖ ⵉ ⵢⴻⵎⵎⴰⵀⵍⴻⵏ ⴰⴽⴽⴻⵏ ⴰⴷ ⵚⵚⵉⵡⴹⴻⵏ ⵜⴰⵖⴻⵛⵜ ⵎⵓⵛⴰⵄⴻⵏ ⵏ ⵓⵎⴳⴰⵔⵓ ⵏ ⵓⵙⵍⴻⵍⵍⵉ ⴷ ⵓⵃⵓⴷⴷⵓ ⵏ ⵢⵉⵎⴻⵖⵍⴰⵍⴻⵏ ⴷ ⵡⴰⵢⵍⴰ ⵏ ⵓⵖⵔⴻⴼ, ⵎⴰ ⴷ ⵜⵓⵔⴰ ⴷ ⵜⵉⵡⵉⵏ ⴷ ⵓⵜⵜⴻⴽⴽⵉ ⴷⴻⴳ ⵜⵏⴻⴼⵍⵉⵜ ⵏ ⵜⵎⵓⵔⵜ’’, ⵉ ⴷ-ⵢⴻⵏⵏⴰ.

ⴷⴻⴳ ⵜⵔⵉⵔⵉⵜ ⵉ ⵜⵓⵜⵜⵔⵉⵡⵉⵏ ⵏ ⵢⵉⵏⴻⵖⵎⴰⵙⴻⵏ, ⵎⴰⵙⵙ ⴳⵔⵉⵏⴻ ⵢⴻⵙⵎⴻⴽⵜⴰ-ⴷ ⴱⴻⵍⵍⵉ ⴰⵔⵔⴰⵣ ⵢⴻⵔⵣⴰ ⴰⵍⴰ ⵉⵏⴻⵖⵎⴰⵙⴻⵏ ⵢⴻⵙⵄⴰⵏ ⵜⴰⴽⴻⵔⴹⴰ ⵜⴰⵖⴻⵍⵏⴰⵡⵜ ⵏ ⵓⵏⴻⵖⵎⴰⵙ ⴰⵎⵙⴰⴷⵓⵔ ⵉⴷⴻⴳ ⵍⵍⴰⵏ 2.800 ⵏ ⵢⵉⵏⴻⵖⵎⴰⵙⴻⵏ ⵉ ⵢⴻⴷⴷⵎⴻⵏ ⵜⵉⴽⴻⵔⴹⵉⵡⵉⵏ-ⵏⵏⵙⴻⵏ.

ⵎⴰⵙⵙ ⵍⴰⵎⵉⵏⴻ ⴱⴻⵛⵀⵉⵛⵀⵉ, ⴰⵙⴻⵍⵡⴰⵢ ⵏ ⵢⵉⵏⴻⵣⵔⴰⴼⴻⵏ, ⵙⴻⴳ ⵜⴰⵎⴰ-ⵙ, ⵢⴻⵏⵏⴰ-ⴷ ⵖⴻⴼ ⵢⵉⵏⴻⵣⵔⴰⴼⴻⵏ ⴱⴻⵍⵍⵉ ⴷ ’’ⵉⵎⴷⴰⵏⴻⵏ ⵢⴻⵎⵎⵓⵣⵣⴳⴻⵏ, ⵢⴻⵜⵜⵡⴰⵙⵏⴻⵏ, ⴷ ⴰⵢⴰ ⴰⵔⴰ ⵢⴻⵚⵚⵉⵡⴹⴻⵏ ⴰⵎⴰⵀⵉⵍ-ⵏⵙⴻⵏ ⵙ ⵉⵙⵡⵉ ⵉ ⴰⵙ-ⴼⴽⴰⵏ’’.

ⵙⴻⴳ ⵉ ⴷ-ⵢⴻⴼⴽⴰ ⵜⴰⵎⵓⵖⵍⵉ ⵖⴻⴼ ⵓⵖⵎⵉⵙ ‘’ⴰⵣⴱⵓ ⴰⵣⵣⴰⵢⵔⵉ’’ (ⴻⵍ ⵎⵧⵓⴽⴰⵡⴰⵎⴰ ⴻⵍ ⴷⵊⴰⵣⴰïⵔⵉⴰ) ⵉ ⴷ-ⵢⴻⴼⴼⴻⵖ ⴰⵙⵙ ⵏ 22 ⵜⵓⴱⴻⵔ 1955, ⴷ ⴰⵣⴻⵎⵣ-ⴰ ⵉ ⵢⴻⵟⵟⴻⴼ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⴽⴽⴻⵏ ⴰⴷ ⵜ-ⵢⴻⴳ ⴷ ⴰⵙⵙ ⴰⵖⴻⵍⵏⴰⵡ ⵏ ⵜⵖⴰⵎⵙⴰ, ⵎⴰⵙⵙ ⴱⴻⵛⵀⵉⵛⵀⵉ ⵢⴻⵙⵙⵓⵜⴻⵔ ⵙⴻⴳ ⵢⵉⵏⴻⵣⵔⴰⴼⴻⵏ ⴰⴽⴽⴻⵏ ⴰⴷ ⴳⴻⵏ ⴰⵎⴰⵀⵉⵍ-ⵏⵙⴻⵏ ⴰⴽⴽⴻⵏ ⵢⴻⵇⵡⴻⵎ ⴰⴽⴽⴻⵏ ⴰⴷ ⵢⴻⵙⵄⵓ ⴰⵣⴰⵍ ⴷ ⵍⴻⵇⴷⴻⵔ.

ⴰⵚⴰⴹⵓⴼ ⵏ ⵜⵙⴻⵍⵡⵉⵜ ⵢⴻⵔⵣⴰⵏ ⴰⵙⴻⵖⵏⴻⵡ ⵏ ⴰⵔⵔⴰⵣ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵏ ⵓⵏⴻⵖⵎⴰⵙ ⴰⵎⵙⴰⴷⵓⵔ ⵢⴻⵇⵇⴰⵔ-ⴷ ⴱⴻⵍⵍⵉ ⵡⵉⵏ ⴰⵔⴰ ⵢⴻⴼⴽⴻⵏ ⴰⵔⵔⴰⵣ ⴷ ⵉⵏⴻⵣⵔⴰⴼⴻⵏ ⵉⵎⵣⵓⵔⴰⴳ, ⵉⴷⴻⴳ ⵍⵍⴰⵏ ⵢⴻⵎⴷⴰⵏⴻⵏ ⵢⴻⵜⵜⵡⴰⵙⵏⴻⵏ ⴷⴻⴳ ⵜⴰⵖⵓⵍⵜ ⵏ ⵜⵖⴰⵎⵙⴰ ⵢⵓⵔⴰⵏ, ⵜⴰⵍⵉⴽⵜⵔⵓⵏⴰⵏⵜ, ⵕⵕⴰⴷⵢⵓ ⴷ ⵜⵍⵉⵥⵔⵉ. ⴰⵙⴻⵍⵡⴰⵢ ⵏ ⵢⵉⵏⴻⵣⵔⴰⴼⴻⵏ ⴷ ⴰⵎⴷⴰⵏ ⴰⵖⴻⵍⵏⴰⵡ ⴰⵔⴰ ⴷ-ⵢⴰⵡⵉ ⵓⵏⴻⵖⵍⴰⴼ ⵏ ⵜⴻⵖⵡⴰⵍⵜ.

ⴰⵔⵔⴰⵣ-ⴰ ⵉⵛⴰⵔ-ⵉⵜ-ⵉⴷ ⴰⵙⵙ ⵏ 3 ⵎⴰⵢⵓ ⵢⴻⵣⵔⵉⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵉ ⵍⵎⴻⵏⴷ ⵏ ⵓⵙⴼⵓⴳⴻⵍ ⵏ ⵡⴰⵙⵙ ⴰⴳⵔⴰⵖⵍⴰⵏ ⵏ ⵜⵖⴰⵎⵙⴰ.

ⵡⵉⴷ ⴰⵔⴰ ⵉⵔⴻⴱⵃⴻⵏ ⴰⵔⵔⴰⵣ-ⴰ, ⴰⴷ ⴰⵙⴻⵏ-ⵜ-ⴼⴽⴻⵏ ⴰⵙⵙ 22 ⵜⵓⴱⴻⵔ ⵉ ⵍⵎⴻⵏⴷ ⵏ ⵓⵙⴼⵓⴳⴻⵍ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵜⵖⴰⵎⵙⴰ.

ⴰⵔⵔⴰⵣ-ⴰ ⵢⴻⵔⵣⴰ ⵙⴻⵎⵎⵓⵙ ⵏ ⵜⴰⴳⴳⴰⵢⵉⵏ ⵏ ⵜⵖⴰⵎⵙⴰ, ⵉⵙⴰⵍⵍⴻⵏ ⵢⵓⵔⴰⵏ, ⵉⵙⴰⵍⵍⴻⵏ ⵏ ⵜⵍⵉⵥⵔⵉ, ⵉⵙⴰⵍⵍⴻⵏ ⵏ ⵕⵕⴰⴷⵢⵓ, ⵜⴰⵖⴰⵎⵙⴰ ⵜⴰⵍⵉⴽⵜⵔⵓⵏⴰⵏⵜ ⴷ ⵡⵓⵏⵓⵖⴻⵏ ⵏ ⵜⵖⴰⵎⵙⴰ.

ⴰⴷ ⵢⵉⵍⵉ ⴷⴻⴳ-ⵙ ⵓⵙⴻⵍⴽⵉⵏ ⵏ ⵓⴽⵍⴰⵍ ⵢⴻⴽⵍⴰⵍ ⴱⴰⴱ-ⵉⵙ ⴷ ⵜⵉⴽⵛⵉ ⵏ ⵜⴻⴷⵔⵉⵎⵜ ⵉ ⵢⴰⵍ ⵜⴰⴳⴳⴰⵢⵜ .

ⵎⴰ ⵢⴻⵍⵍⴰ ⴷ ⴽⵓⵥ ⵜⴰⴳⴳⴰⵢⵉⵏ ⵜⵉⵎⴻⵣⵡⵓⵔⴰ, ⵡⵉⵏ ⵉ ⴷ-ⵢⴻⵣⴳⴰⵏ ⴷ ⴰⵎⴻⵣⵡⴰⵔⵓ ⴰⴷ ⵢⴰⵡⵉ ⵜⴰⴷⵔⵉⵎⵜ ⴰⵣⴰⵍ-ⵉⵙ ⵢⵉⵡⴻⵏ (1) ⵓⵎⴻⵍⵢⵓⵏ ⵏ ⵢⵉⴷⵉⵏⴰⵔⴻⵏ, ⵡⵉⵙ ⵙⵉⵏ 500.000 ⵏ ⵢⵉⴷⵉⵏⴰⵔⴻⵏ ⴷ ⵡⵉⵙ ⴽⵔⴰⴹ 300.000 ⵏ ⵢⵉⴷⵉⵏⴰⵔⴻⵏ.

ⵎⴰ ⴷ ⵜⴰⴳⴳⴰⵢⵜ ⵜⵉⵙ ⵙⴻⵎⵎⵓⵙ, ⴰⴷ ⴰⵙ-ⴼⴽⴻⵏ ⴰⵣⴰⵍ ⵏ 100.000 ⵏ ⵢⵉⴷⵉⵏⴰⵔⴻⵏ ⵉ ⵜⵓⴼⵔⵉⵏⵜ ⵙⴻⴳ ⵜⴻⵡⵍⴰⴼⵉⵏ ⵏⴻⵖ ⵓⴼⵔⵉⵏ ⴷⴻⴳ ⵡⵓⵏⵓⵖⴻⵏ ⵏ ⵜⵖⴰⵎⵙⴰ.

ⴰⵣⴻⵎⵣ ⴰⵏⴻⴳⴳⴰⵔⵓ ⵏ ⵜⵔⵓⵙⵉ ⵏ ⵢⵉⴽⴰⵔⴰⵎⴻⵏ ⵏ ⵢⵉⵎⵜⵜⴻⴽⴽⵉⵢⴻⵏ ⴷ ⴰⵙⵙ ⵏ 20 ⵛⵟⴻⵎⴱⴻⵔ 2015.

ⴰⴼⵔⴰⵏ ⵏ ⵜⵚⴻⴽⴽⵉⵡⵉⵏ ⵏ ⵢⵉⵏⴻⵖⵎⴰⵙⴻⵏ ⴰⴷ ⵢⴻⴱⵏⵓ ⵖⴻⴼ ⵓⵙⴻⵏⵜⴻⵍ, ⵜⵉⴷⴻⵜ ⴷⴻⴳ ⵜⵉⵔⴰ ⵏ ⵓⵎⴰⴳⵔⴰⴷ, ⴷ ⵓⵚⵍⴰⴹ ⵉⴳⴻⵔⵣⴻⵏ, ⴰⴼⵔⴰⵏ ⵏ ⵓⵙⴻⵏⵜⴻⵍ, ⵜⴰⵎⵓⵙⵏⵉ ⴷⴻⴳ ⵜⵉⵔⴰ, ⵛⴱⴰⵃⴰ ⵏ ⵓⴹⵔⵉⵙ ⴷ ⵓⵄⴵⴰⴱ ⵏ ⵢⵉⵎⴻⵖⵔⵉⵢⴻⵏ.

ⵡⵉⵏ ⴰⵔⴰ ⵢⴻⵜⵜⴻⴽⴽⵉⵏ ⵢⴻⵙⵙⴻⴼⴽ ⴰⴷ ⵜⵉⵍⵉ ⵜⴻⵖⵍⴰⵏⵜ-ⵉⵙ ⴷ ⵜⴰⵣⵣⴰⵢⵔⵉⵜ, ⵢⴻⵙⵄⴰ ⴷⴰⵖⴻⵏ ⵜⴰⴽⴻⵔⴹⴰ ⵜⴰⵖⴻⵍⵏⴰⵡⵜ ⵏ ⵓⵏⴻⵖⵎⴰⵙ ⴰⵎⵙⴰⴷⵓⵔ. ⵓⵔ ⵢⴻⵙⵙⴻⴼⴽ ⴰⵔⴰ ⴷⴰⵖⴻⵏ ⴰⴷ ⵢⵉⵍⵉ ⵢⴻⵜⵜⴻⴽⴽⵉ ⴷⴻⴳ ⵢⵉⵏⴻⵣⵔⴰⴼⴻⵏ.

ⵜⵉⵚⴻⴽⴽⵉⵡⵉⵏ ⴰⵔⴰ ⵢⴻⵜⵜⴻⴽⴽⵉⵏ ⵢⴻⵙⵙⴻⴼⴽ ⴰⴷ ⵉⵍⵉⵏⵜ ⵏⵏⴻⵣⵡⵉⵏⵜ ⵏⴻⵖ ⵥⴻⵔⴳⴻⵏⵜ-ⴷ ⴷⴻⴳ ⵓⵖⵎⵉⵙ ⴰⵖⴻⵍⵏⴰⵡ ⴷⴻⴳ ⵢⵉⵡⴻⵏ ⵏ ⵓⴽⵓⴷ ⵢⴻⵔⵣⴰⵏ ⴰⵙⴻⴳⴳⴰⵙ 2014-2015. (ⵜⴰⵏⴻⴳⴳⴰ)