ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵣⵣⴰⵢⴻⵔ ⵓⵔ ⵜⴻⵜⵜⵓⵖⴰⵍ ⴰⵔⴰ ⴷⴻⴳ ⵡⴰⵡⴰⵍ-ⵏⵏⴻⵙ ⴷⴻⴳ ⵡⴰⵢⴻⵏ ⴰⵢ ⵜⴻⵄⵣⴻⵎ ⴰⴷ ⵜ-ⵜⴻⴳ

ⵖⵉⵍⵉⵣⴰⵏ – ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⴷ ⵜⵎⴰⵣⴷⴰⵢⵉⵏ ⵜⵉⴷⵉⴳⴰⵏⵉⵏ, ⵏⵧⵓⵔⴻⴷⵉⵏⴻ ⴱⴻⴷⵧⵓⵉ, ⵢⴻⵏⵏⴰ-ⴷ ⴰⵙⵙ ⵏ ⵜⵜⵍⴰⵜⴰ ⴷⴻⴳ Ɣⵉⵍⵉⵣⴰⵏ ⴷ ⴰⴽⴽⴻⵏ ⴰⵡⴰⵏⴰⴽ (ⴷⴷⵓⵍⴰ) ⴰⴷⵣⴰⵢⵔⵉ ⵓⵔ ⵢⴻⵜⵜⵓⵖⴰⵍ ⴰⵔⴰ ⴷⴻⴳ ⵡⴰⵡⴰⵍ-ⵏⵏⴻⵙ ⴷⴻⴳ ⵡⴰⵢⴻⵏ ⴰⵢ ⵢⴻⵄⵣⴻⵎ ⴰⴷ ⵜ-ⵢⴻⴳ.

« ⵙ ⵢⵉⵙⴻⵎ ⵏ ⵓⵏⴰⴱⴰⴹ ⵢⴻⵔⵏⴰ ⴷⴻⴳ ⵓⴽⴰⵜⴰⵔ ⵏ ⵓⵙⵙⴻⴼⵄⴻⵍ ⵏ ⵍⴻⵡⵚⴰⵢⴰⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷ ⵓⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⴰⴷ ⵄⴰⵡⴷⴻⵖ ⴰⴷ ⴷ-ⵡⴻⴽⴽⴷⴻⵖ ⴷ ⴰⴽⴽⴻⵏ ⴰⵡⴰⵏⴰⴽ ⴰⴷⵣⴰⵢⵔⵉ ⵓⵔ ⵢⴻⵜⵜⵓⵖⴰⵍ ⴰⵔⴰ ⴷⴻⴳ ⵡⴰⵡⴰⵍ-ⵏⵏⴻⵙ ⴰⵏⴰⵢⴰⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵢⴻⵏ ⴰⵢ ⵢⴻⵄⵣⴻⵎ ⴰⴷ ⵜ-ⵢⴻⴳ ⵢⴻⵔⵏⴰ ⵢⴻⴷⴷⴰ-ⴷ ⴷⴻⴳ ⵡⴰⵢⴰ ⵡⴰⵀⵉⵍ ⵏ ⵜⵉⴳⴰⵡⵜ ⵏ ⵓⵏⴰⴱⴰⴹ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴱⴻⴷⵧⵓⵉ ⴷⴻⴳ ⵜⵉⵏⴰⵡⵜ ⴰⵢ ⴷ-ⵢⴻⵖⵔⴰ ⵉ ⵍⵎⴻⵏⴷ ⵏ ⵓⵙⵙⴻⵏⵚⴻⴱ ⵏ ⵓⵡⴰⵍⵉ ⴰⵎⴰⵢⵏⵓ ⵏ Ɣⵉⵍⵉⵣⴰⵏ.

ⵎⴰⵙⵙ ⴱⴻⴷⵧⵓⵉ ⵢⴻⵔⵔⴰ ⴷⴰⵖ ⵜⴰⵊⵎⵉⵍⵜ ⵉ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⴷ ⵜⵙⵓⴷⴰ ⵏⵉⴹⴻⵏ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ « ⵍⴻⵎⵎⴻⵔ ⵓⵔ ⵎⵙⵓⵖⴰⵍⴻⵏ ⴰⵔⴰ ⵢⵉⴷⵣⴰⵢⵔⵉⵢⴻⵏ ⴳⴰⵔ-ⴰⵙⴻⵏ ⵙ ⵢⵉⵙⴻⵎ ⵏ ⵡⴰⵣⴰⵍⴻⵏ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴰⵖⴻⵍⵏⴰⵡ, ⵜⵉⵍⵉ ⵍⴻⵣⵣⴰⵢⴻⵔ ⵓⵔ ⵜⴻⵙⵙⴰⵡⴰⴹ ⴰⵔⴰ ⴰⴷ ⴷ-ⵜⴻⴱⴷⵓ ⵜⵉⴽⵍⵉ-ⵏⵏⴻⵙ ⵏ ⵜⵏⴻⴼⵍⵉⵜ ».

ⵍⴻⵣⵣⴰⵢⴻⵔ « ⵍⴰ ⵜⴻⵜⵜⴻⴽⴽ ⵖⴻⴼ ⵢⵉⵡⴻⵏ ⵏ ⵓⵎⴻⵛⵡⴰⵕ ⴷ ⴰⵡⴻⵄⵕⴰⵏ, ⴰⵎⴰ ⵙⴻⴳ ⵢⵉⴷⵉⵙ ⵏ ⵜⵖⴻⵍⵍⵉⵙⵜ, ⵖⴻⴼ ⵍⴻⵃⵙⴰⴱ ⵏ ⵜⴻⴳⵏⵉⵜ ⵏ ⵜⵡⴻⵏⵏⴰⴹⵜ ⴷⴻⴳ ⵜⴻⵍⵍⴰ, ⴰⵎⴰ ⵙⴻⴳ ⵢⵉⴷⵉⵙ ⵏ ⵜⴷⴰⵎⵙⴰ ⵉⵎⵉ ⴰⵢ ⵜⴻⵖⵍⵉ ⵙⵙⵓⵎⴰ ⵏ ⵓⵒⵉⵜⵕⵓⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷ ⴰⴽⴽⴻⵏ ⴰⵎⵙⵓⵖⴰⵍ ⴰⵖⴻⵍⵏⴰⵡ ⴷ ⵏⴻⵜⵜⴰ ⴰⵢ ⴷ ⵔⵔⴱⴻⵃ ⴰⵎⴻⵇⵔⴰⵏ ⴰⴽⴽ ⴰⵢ ⴷ-ⵢⴻⵍⵍⴰⵏ ⴷⴻⴳ ⵍⴻⵣⵣⴰⵢⴻⵔ ⵙⴻⴳ ⵡⴰⵙⵎⵉ ⴰⵢ ⵜⴻⵡⵡⵉ ⴰⵣⴰⵔⵓⴳ ⵉⵎⵉ ⴰⵎⵙⵓⵖⴰⵍ-ⴰ ⵍⵍⴰⵏ ⴷⴻⴳ-ⵙ ⵡⴰⵣⴰⵍⴻⵏ ⴰⵢ ⵉⵔⴻⵥⵎⴻⵏ ⵜⴰⵡⵡⵓⵔⵜ ⵉ ⵜⵏⴻⴼⵍⵉⵜ.

ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⵍⴰ ⵜⴻⵜⵜⵄⴻⴷⴷⵉ ⵖⴻⴼ ⵓⵎⴻⵛⵡⴰⵕ ⴰⴷⴰⵎⵙⴰⵏ ⵢⴻⵎⴳⴻⵔⵔⴰⴷⴻⵏ ⵖⴻⴼ ⵡⵉⵏ ⵢⴻⵣⵔⵉⵏ, ⴰⵏⴷⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⵢⴻⵙⵙⴻⴼⴽ « ⴰⴷ ⵢⴻⵜⵜⵡⴰⵡⴻⵀⵀⵉ ⵢⴻⵔⵏⴰ ⴰⴷ ⵢⴻⵜⵜⵡⴰⵙⵙⴻⴵⵀⴻⴷ ⵍⵎⴻⴵⵀⵓⴷ ⵉ ⵍⵎⴻⵏⴷ ⵏ ⵜⵏⴻⴼⵍⵉⵜ ⵏ ⵜⴷⴰⵎⵙⴰⵏⵜ ⴷ ⵓⵙⵙⴻⴼⵜⵉ ⴰⴷⵉⴳⴰⵏ ».

ⴱⴻⴷⵧⵓⵉ ⵉⵃⴻⵜⵜⴻⵜ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⴷ ⵜⵜⵡⴰⴽⴽⵙⴻⵏ ⵢⵉⵄⴻⵡⵡⵉⵇⴻⵏ ⵏ ⵜⴻⴷⴱⴻⵍⵜ, ⴰⴷ ⵢⴻⵜⵜⵡⴰⵄⴰⵡⴻⵏ ⵓⵅⴻⴷⴷⵉⵎ ⴰⵢ ⴷ-ⵢⴻⵜⵜⵉⵍⵉⵏ ⵉ ⵍⵎⴻⵏⴷ ⵏ ⵜⵏⴻⴼⵍⵉⵜ ⴷ ⵓⵙⵏⵓⵍⴼⵓ ⵏ ⵜⴱⴰⵖⵓⵔⵜ ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ ⵉ ⵓⵙⵙⴻⴼⵄⴻⵍ ⵏ ⵍⴻⵡⵚⴰⵢⴰⵜ ⵏ ⵓⵏⴰⴱⴰⴹ.

« ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⵏⴻⵙⵜⴻⵇⵏⴻⵄ ⵙ ⵡⴰⵢⴻⵏ ⴰⵢ ⴷ-ⵢⴻⵜⵜⵡⴰⵅⴻⴷⵎⴻⵏ ⵢⴰⴳⵉ ⴰⵛⴽⵓ ⵍⴻⵣⵣⴰⵢⴻⵔ ⵜⴻⵙⵄⴰ ⵉⵛⵇⵉⵔⵔⵡⴻⵏ ⴷ ⵉⵎⴰⵢⵏⵓⵜⴻⵏ ⵉⵎⵉ ⵢⴻⵔⵏⴰ ⵡⴰⵢⴻⵏ ⴰⵢ ⵃⵡⴰⴵⴻⵏ ⵎⴻⴷⴷⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ ⵢⵉⴷⵓⴱⴰ ⵉⴷⵉⴳⴰⵏⴻⵏ ⴰⴽⴽⴻⵏ ⴰⴷ ⵅⴻⴷⴷⵎⴻⵏ ⵡⴰⵔ ⴰⵃⴱⴰⵙ ⴰⴽⴽⴻⵏ ⴰⴷ ⴷ-ⵍⵀⵓⵏ ⵙ ⵡⴰⵢⴻⵏ ⴰⵢ ⵢⴻⵃⵡⴰⴵ ⵓⵎⴷⴰⵏ ⵢⴻⵔⵏⴰ ⴰⴷ ⴽⴻⵎⵎⵍⴻⵏ ⵍⵎⴻⴵⵀⵓⴷ-ⵏⵙⴻⵏ ⵉ ⵓⵙⵙⴻⴵⵀⴻⴷ ⵏ ⵜⵏⴻⴼⵍⵉⵜ ⵜⴰⴷⵉⴳⴰⵏⵜ.

ⴷⴻⴳ ⵜⴻⵔⵣⵉ-ⵏⵏⴻⵙ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⵢⴻⵙⵙⴻⵏⵚⴻⴱ ⴰⵡⴰⵍⵉ ⴰⵎⴰⵢⵏⵓ ⵏ Ɣⵉⵍⵉⵣⴰⵏ, ⵙⴰⴽⴽⵉⵏ, ⴰⴷ ⵉⴽⴻⵎⵎⴻⵍ ⵜⵉⵔⵣⵉ-ⵏⵏⴻⵙ ⴰⴽⴽⴻⵏ ⴰⴷ ⵢⴻⵙⵙⴻⵏⵚⴻⴱ ⵉⵡⴰⵍⵉⵢⴻⵏ ⵏ ⵄⵉⵏ ⴷⴷⴻⴼⵍⴰ ⴷ ⵍⴻⴱⵍⵉⴷⴰ.