ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵃⴱⴰⵙ ⵏ ⵓⵙⵙⵉⴷⴻⴼ ⵏ ⵢⵉⵎⴰⵔⵉⵔⴻⵏ ⵉⴱⴻⵕⵕⴰⵏⵉⵢⴻⵏ: ⵔⴰⵉⵙⵙⵉ ⵢⴻⵇⴱⴻⵍ ⵕⵕⴰⵢ ⵏ ⵜⴼⵉⴷⵉⵕⴰⵍⵉⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⴰⵙⴻⵍⵡⴰⵢ ⵏ ⵜⴻⵖⵍⴰⵎⵜ ⵏ ⵎⵛ ⵍⴻⵣⵣⴰⵢⴻⵔ (ⵜⴰⵎⵖⵓⵏⵜ 1ⵓⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ) ⴰⴱⴷⴻⵍⴽⵔⵉⵎ ⵔⴰⵉⵙⵙⵉ ⵢⴻⵇⴱⴻⵍ ⴰⵙⵙ ⵏ ⵜⵜⵍⴰⵜⴰ ⵕⵕⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ ⴰⵢ ⵉⴳⴻⴷⵍⴻⵏ (ⵉⵎⴻⵏⵄⴻⵏ) ⴰⵙⵙⵉⴷⴻⴼ ⵏ ⵢⵉⵎⴰⵔⵉⵔⴻⵏ ⵉⴱⴻⵕⵕⴰⵏⵉⵢⴻⵏ ⵙⴻⴳ ⵜⴻⴳⵔⴻⵙⵜ ⴰⵢ ⴷ-ⵢⴻⵜⵜⴻⴷⴷⵓⵏ.
« ⵜⵜⵡⴰⵍⵉⵖ ⴷ ⴰⴽⴽⴻⵏ ⵕⵕⴰⵢ-ⴰ ⴰⴷ ⵢⴻⴵⴵ ⵉⵎⴰⵔⵉⵔⴻⵏ ⵉⵖⴻⵍⵏⴰⵡⴻⵏ ⴰⴷ ⵙⵄⵓⵏ ⴰⵣⴰⵍ ⵎⴻⵖⵖⵔⴻⵏ ⵓⴳⴰⵔ, ⵢⴻⵔⵏⴰ ⵇⴻⵙⴷⴻⵖ-ⴷ ⵍⴰⴷⵖⴰ ⵉⵍⴻⵎⵥⵉⵢⴻⵏ, ⵉⵎⵉ ⵜⵉⴽⴽⴰⵍ, ⵜⵉⵖⵍⴰⵎⵉⵏ ⴰⵢⴷⴻⴳ ⴰⵢ ⵍⴻⵎⴷⴻⵏ ⴰⴷ ⵓⵔⴰⵔⴻⵏ ⵜⵜⴰⴵⴵⴰⵏⵜ-ⵜⴻⵏ ⵢⴻⵔⵏⴰ ⵜⵜⴰⵡⵉⵏⵜ-ⴷ ⵉⵎⴰⵔⵉⵔⴻⵏ ⵉⴱⴻⵕⵕⴰⵏⵉⵢⴻⵏ ⴷⴻⴳ ⵓⵎⵓⵔ-ⵏⵙⴻⵏ, ⵢⵉⵍⵉ ⵉⵎⴰⵔⵉⵔⴻⵏ-ⴰ, ⵙ ⵓⵎⴰⵜⴰ, ⵓⵔ ⴷ-ⵜⵜⴰⵡⵉⵏ ⴰⵛⴻⵎⵎⴰ ⵉⵣⴰⴷⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵎⵓⵍⵓⴷⴻⵢⵢⴰ ⵏ ⵜⵎⴰⵏⴻⵖⵜ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.
ⵜⴰⵏⴰⵔⵉⵜ ⵜⴰⴼⵉⴷⵉⵕⴰⵍⵉⵜ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ ⵜⴻⵎⵍⴰⵍ ⴰⵙⵙ ⵏ ⵙⵙⴻⴱⵜ ⴷⴻⴳ ⵢⵉⵡⴻⵜ ⵏ ⵜⵖⵉⵎⵉⵜ ⵜⴰⵏⵓⵎⴰⵏⵜ ⵢⴻⵔⵏⴰ ⵜⴻⵄⵣⴻⵎ ⴰⴷ ⵜⴻⴳⴷⴻⵍ ⴰⵙⵙⵉⴷⴻⴼ ⵏ ⵢⵉⵎⴰⵔⵉⵔⴻⵏ ⵉⴱⴻⵕⵕⴰⵏⵉⵢⴻⵏ ⵖⴻⵔ ⵜⴻⵖⵍⴰⵎⵉⵏ ⵜⵉⵎⵙⴰⴷⵓⵔⵉⵏ ⵙⴻⴳ ⵜⴻⴳⵔⴻⵙⵜ ⴰⵢ ⴷ-ⵢⴻⵜⵜⴻⴷⴷⵓⵏ.
ⵉⵎⴰⵔⵉⵔⴻⵏ ⵉⴱⴻⵕⵕⴰⵏⵉⵢⴻⵏ ⴰⵢ ⵢⴻⵙⵄⴰⵏ ⵢⴰⴳⵉ ⵍⴻⵄⵇⵓⴷⴰⵜ ⵣⴻⵎⵔⴻⵏ ⴰⴷ ⴽⴻⵎⵎⵍⴻⵏ ⴰⴷ ⵓⵔⴰⵔⴻⵏ ⴰⵔⵎⴰ ⴼⵓⴽⴻⵏ ⵍⴻⵄⵇⵓⴷⴰⵜ-ⵏⵙⴻⵏ ⴷ ⵜⴻⵖⵍⴰⵎⵉⵏ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.
« ⵙ ⵓⵃⴻⵣⵣⵉⴱ-ⴰ ⴰⵎⴰⵢⵏⵓ, ⴰⴷ ⵏⴻⵇⵇⴻⵍ ⵓⵔ ⵏⴻⵙⵕⵓⵃⵓⵢ ⴰⵔⴰ ⵉⵎⴰⵔⵉⵔⴻⵏ-ⵏⵏⴻⵖ ⵉⵍⴻⵎⵥⵉⵢⴻⵏ ⵢⴻⵔⵏⴰ ⴷ ⵏⵉⵜⵏⵉ ⴰⵢ ⴷ ⴰⵣⴻⴽⴽⴰ ⵏ ⵜⴻⵖⵍⴰⵎⵉⵏ-ⵏⵙⴻⵏ. ⴷ ⴰⵛⵓ ⴽⴰⵏ, ⵛⵉⴽⴽⴻⵖ ⴷ ⴰⴽⴽⴻⵏ ⵎⴰⵛⵉ ⴷⵉⵏⴷⵉⵏ ⴽⴰⵏ ⴰⵔⴰ ⴷ-ⵜⴱⴰⵏ ⵍⴼⴰⵢⴷⴰ ⵏ ⵕⵕⴰⵢ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵔⴰⵉⵙⵙⵉ.
ⵜⴰⵖⵍⴰⵎⵜ ⵏ ⵎⵛ ⵍⴻⵣⵣⴰⵢⴻⵔ ⵍⵍⴰⵏ ⴷⴻⴳ-ⵙ 3 ⵏ ⵢⵉⵎⴰⵔⵉⵔⴻⵏ ⵉⴱⴻⵕⵕⴰⵏⵉⵢⴻⵏ, ⵡⵉ ⴷ ⴰⵎⵃⴰⴷⴷⵉ ⴰⴽⴰⵎⵔⵓⵏⵉ ⵒⴰⵜⵔⵉⵛⴽ ⵏⴳⵧⵓⵍⴰ, ⴰⵎⴻⵏⵟⴰⴳ ⵉⵜⵢⵓⵒⵉ ⵙⴰⵍⴰⵀⴻⴷⴷⵉⵏⴻ ⵙⴰⵉⴷⵉ ⴷ ⵓⵍⴻⵎⵎⴰⵙ ⴰⴱⵔⵉⵣⵉⵍⵉ ⵔⵧⴱⴻⵔⵙⵧⵏ.
ⵉⵎⴰⵔⵉⵔⴻⵏ-ⴰ ⴰⴷ ⴼⴼⵖⴻⵏ ⵙⴻⴳ ⵜⴻⵖⵍⴰⵎⵜ-ⴰ ⴰⵙⵎⵉ ⴰⵔⴰ ⴼⴰⴽⴻⵏ ⵍⴻⵄⵇⵓⴷⴰⵜ-ⵏⵙⴻⵏ.
