ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⴻⵥⵔⵓⴼ ⵓⵜⵔⵉⵎ: ⵜⵉⴽⵍⵉ ⵜⴰⵎⴰⵢⵏⵓⵜ ⵉ ⵓⵅⴻⴱⴱⴻⵔ ⵏ ⵎⴻⴷⴷⴻⵏ ⵖⴻⴼ ⵜⴻⵎⵙⴰⵍⵜ ⵜⴰⵚⴻⵃⵔⴰⵡⵉⵜ
ⴱⵓⵎⴻⵔⴷⴰⵙ – ⵎⴰⵙⵙ ⴰⵀⵎⴻⴷ ⵀⴰⵎⴷⵉ, ⵢⴻⵍⵍⴰⵏ ⴷ ⴰⵎⴰⵣⵣⴰⴳ ⴷⴻⴳ ⵜⴻⵖⵡⴰⵍⵜ ⴷⴻⴳ ⵜⴻⵙⴷⴰⵡⵉⵜ ⵏ ⵍⴷⵣⴰⵢⴻⵔ, ⵉⴳⴻⵔ-ⴷ ⵜⵉⵖⵔⵉ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⴱⵓⵎⴻⵔⴷⴰⵙ ⵉ ⵓⵖⵔⴻⴼ ⴰⵚⴻⵃⵔⴰⵡⵉ ⴰⴽⴽⴻⵏ ⴰⴷ ⴷ-ⵢⴰⵡⵉ ⵜⵉⴽⵍⵉ ⵜⴰⵎⴰⵢⵏⵓⵜ ⵏ ⵜⴻⵖⵡⴰⵍⵜ ⵉ ⵓⵅⴻⴱⴱⴻⵔ ⵏ ⵡⵓⴳⴰⵔ ⵏ ⵎⴻⴷⴷⴻⵏ ⵖⴻⴼ ⵜⴻⵎⵙⴰⵍⵜ ⵜⴰⵚⴻⵃⵔⴰⵡⵉⵜ, ⵍⴰⴷⵖⴰ ⵡⵉⴷ ⵢⴻⵙⵄⴰⵏ ⵜⴰⵎⵓⵖⵍⵉ ⴷ ⵜⴰⵔⴰⵡⵙⴰⵏⵜ ⵖⴻⴼ ⵜⴻⵎⵙⴰⵍⵜ-ⴰ.
ⴷⴻⴳ ⵓⵙⴰⵔⴰⴳ ⴰⵢ ⴷ-ⵉⴳⴰ ⵓⴷⵓⴽⵜⵓⵔ ⵀⴰⵎⴷⵉ, ⵡⵉⵏ ⵓⵎⵉ ⵉⵙⴻⵎⵎⴰ « ⵜⴰⵖⵡⴰⵍⵜ ⴷ ⵜⴰⵍⵖⵉⵡⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵢⵉⵏⴰⵡ » ⴷⴻⴳ ⵓⴽⴰⵜⴰⵔ ⵏ ⵜⴻⵙⴷⴰⵡⵉⵜ ⵏ ⵓⵏⴻⴱⴷⵓ ⵏ ⵢⵉⴽⴰⵜⴰⵔⴻⵏ ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴷ ⵓⵏⴻⵥⵔⵓⴼ ⵓⵜⵔⵉⵎ, ⵢⴻⵏⵏⴰ-ⴷ ⵀⴰⵎⴷⵉ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵜⵉⵍⵉ ⵜⵉⴽⵍⵉ ⵜⴰⵎⴰⵢⵏⵓⵜ ⴷⴻⴳ ⵜⴰⵍⵍⵉⵜ-ⴰ ⴰⵢⴷⴻⴳ ⴰⵢ ⵍⴰ ⴷ-ⵢⴻⵜⵜⵉⵍⵉ ⵟⵟⵔⴰⴷ ⵙ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ, ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵜⵜⵡⴰⵙⵇⴻⴷⵛⴻⵏⵜ ⵅⵉⵔ ⵜⴻⴽⵏⵓⵙⵙⵏⵉⵡⵉⵏ ⵜⵉⵎⴰⵢⵏⵓⵜⵉⵏ ⵏ ⵓⵙⵙⴻⵍⵖⵓ ⴷ ⵜⴻⵖⵡⴰⵍⵜ.
ⴰⵖⵔⴻⴼ ⴰⵚⴻⵃⵔⴰⵡⵉ ⵢⴻⵙⵙⴻⴼⴽ ⴰⴷ ⵢⴻⵅⴷⴻⵎ ⵉ ⵍⵎⴻⵏⴷ ⵏ ⵍⴻⴱⵏⵉ ⵏ ⵕⵕⴰⵢ ⴰⵏⴰⴳⴷⵓⴷ ⴰⵔⴰ ⵢⴻⴼⴽⴻⵏ ⵍⵃⴻⵇⵇ ⵉ ⵜⴻⵎⵙⴰⵍⵜ ⵜⴰⵚⴻⵃⵔⴰⵡⵉⵜ ⵢⴻⵔⵏⴰ ⴰⴷ ⵢⴻⴱⴷⴻⴷ ⵖⴻⵔ ⵢⵉⴷⵉⵙ-ⵏⵏⴻⵙ. ⵙ ⵡⴰⵢⴰ, ⵢⴻⵙⵙⴻⴼⴽ ⵉⵚⴻⵃⵔⴰⵡⵉⵢⴻⵏ ⴰⴷ ⴷ-ⵜⵜⴰⴽⴼⴻⵏ ⵉⵙⴰⵍⴰⵏ ⵉⵚⴻⵃⵃⴰⵏ, ⵢⴻⵙⵙⴻⵇⵏⴰⵄⴻⵏ ⵢⴻⵔⵏⴰ ⵙⵙⴽⴰⵏⴰⵢⴻⵏ-ⴷ ⵜⵉⵍⴰⵡⵜ ⵏ ⵜⵎⴻⴷⴷⵓⵔⵜ-ⵏⵙⴻⵏ ⵉ ⵡⵉⴷ ⵓⵔ ⵢⴻⵙⵙⵉⵏⴻⵏ ⴰⵔⴰ ⵜⴰⵎⵙⴰⵍⵜ ⵜⴰⵚⴻⵃⵔⴰⵡⵉⵜ ⵢⴻⵔⵏⴰ ⵙⵄⴰⵏ ⵜⴰⵎⵓⵖⵍⵉ ⴷ ⵜⴰⵔⴰⵡⵙⴰⵏⵜ ⴼⴻⵍⵍ-ⴰⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵙⵙⴻⵣⴳⴻⵏ ⵉⵏⴰⵡ ⵖⴻⴼ ⵍⴻⵃⵙⴰⴱ ⵏ ⵡⵉⴷ ⵓⵎⵉ ⵢⴻⵜⵜⵡⴰⵡⴻⵀⵀⴰ.
ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵉⴳⴻⵔ-ⴷ ⵜⵉⵖⵔⵉ ⵓⴷⵓⴽⵜⵓⵔ ⵀⴰⵎⴷⵉ ⵉ ⵡⵉⴷ ⵢⴻⵔⵣⴰ ⵛⵛⵖⴻⵍ ⵏ ⵓⵅⴻⴱⴱⴻⵔ ⵖⴻⴼ ⵜⴻⵎⵙⴰⵍⵜ ⵜⴰⵚⴻⵃⵔⴰⵡⵉⵜ ⴰⴽⴽⴻⵏ ⴰⴷ ⵙⵄⵓⵏ ⵉⵏⴰⵡ « ⵢⴻⵙⵙⴻⵇⵏⴰⵄⴻⵏ ⵓⴳⴰⵔ », ⴰⴷ ⵙⵙⴻⵇⴷⴰⵛⴻⵏ ⵜⵜⴱⵓⵜ ⵓⵙⵙⵏⴰⵏ ⵢⴻⵔⵏⴰ ⵓⵔ ⵜⵜⵏⴰⴷⵉⵏ ⴰⵔⴰ ⴰⴷ ⵃⴰⵣⴻⵏ ⵎⴻⴷⴷⴻⵏ ⵙ ⵡⴰⴼⵔⴰⵢⴻⵏ ⴽⴰⵏ.
ⴰⴷⵓⴽⵜⵓⵔ ⵀⴰⵎⴷⵉ ⵉⴳⴻⵔ-ⴷ ⵜⴰⵎⴰⵡⵜ ⴷⴰⴽⴽⴻⵏ ⵜⴰⵎⵙⴰⵍⵜ ⵜⴰⵚⴻⵃⵔⴰⵡⵉⵜ « ⵢⴻⴱⴷⴻⴷ ⵖⴻⵔ ⵢⵉⴷⵉⵙ-ⵏⵏⴻⵙ ⵓⵎⵓⵔ ⴰⵎⴻⵇⵔⴰⵏ ⵏ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ ⵢⴻⵔⵏⴰ ⵇⴻⴱⵍⴻⵏⵜ ⵜⵎⵓⵔⴰ-ⴰ ⴰⵙⵙⵓⵜⴻⵔ ⵏ ⵜⵙⴻⴼⵔⴰⵏⵜ ⵉ ⵓⴳⴳⵓⵛⵛⴻⵍⵎⴰⵏ ⵏ ⵓⵖⵔⴻⴼ ⴰⵚⴻⵃⵔⴰⵡⵉ. ⵎⴰ ⴷ ⵜⵉⵎⵓⵔⴰ ⵜⴰⵄⵕⴰⴱⵉⵏ, ⵍⴰⴷⵖⴰ ⵜⵉⴷ ⵏ ⵍⵅⴰⵍⵉⴵ, ⴱⴻⴷⴷⴻⵏⵜ ⵖⴻⵔ ⵢⵉⴷⵉⵙ ⵏ ⵓⵙⴻⵀⵔⴰⵙ ⴰⵎⴻⵕⵕⵓⴽⵉ, ⵉⵎⵉ ⴰⵏⴻⴳⴳⴰⵔⵓ-ⴰ ⵍⴰ ⵢⴻⵙⵙⴻⴷⴷⴰⵢ ⵜⴰⵃⴻⵎⵍⴰ ⵏ ⵓⵙⵙⴻⴷⵔⴻⴳ ⵏ ⵜⵉⴷⴻⵜ ⴷⴻⴳ ⵜⵎⵓⵔⴰ ⵜⴰⵄⵕⴰⴱⵉⵏ ».
ⵀⴰⵎⴷⵉ ⵢⴻⵏⵏⴰ-ⴷ, ⴷⴻⴳ ⵜⴻⵎⵙⴰⵍⵜ-ⴰ, ⴷⴰⴽⴽⴻⵏ ⵕⵕⴰⵢ ⴰⵏⴰⴳⴷⵓⴷ ⴷⴻⴳ ⵜⵎⵓⵔⴰ ⵏⵉⴹⴻⵏ « ⵢⴻⴱⴹⴰ ⵉⵎⵉ ⴰⵢ ⴳⴳⵜⴻⵏ ⵢⵉⵙⴰⵍⴰⵏ ⵓⵛⵛⵉⴹⴻⵏ ⴰⵢ ⵣⴻⵔⵔⵄⴻⵏ ⴽⵔⴰ ⵏ ⵜⵜⴰⵡⵉⵍⴰⵜ ⵏ ⵜⵖⴻⵎⵙⴰ ⵜⵓⵜⵔⵉⵎⵜ (ⵜⴰⵖⴻⵔⴱⵉⵜ) ⵢⴻⵍⵍⴰⵏ ⵖⴻⵔ ⵢⵉⴷⵉⵙ ⵏ ⵓⵍⵓⴱⵉ ⴰⵚⴻⵃⵢⵓⵏⵉ ⴰⵢ ⵢⴻⴷⴷⴰⵏ ⴷ ⵎⴻⵕⵕⵓⴽ ».
ⴰⴷⵓⴽⵜⵓⵔ ⵀⴰⵎⴷⵉ ⵉⴳⴻⵔ-ⴷ ⵜⵉⵖⵔⵉ ⴰⴽⴽⴻⵏ ⵓⵔ ⵢⴻⵜⵜⵡⴰⵃⵇⴰⵔ ⴰⵔⴰ ⴷⴷⵓⵕ ⵏ ⵢⵉⵏⴻⴳⵎⵉⵢⴻⵏ ⵉⴱⴻⵕⵕⴰⵏⵉⵢⴻⵏ ⵏ ⵓⵏⴰⴷⵉ ⴷⴻⴳ ⵍⴻⴱⵏⵉ ⵏ ⵕⵕⴰⵢ ⴰⵏⴰⴳⴷⵓⴷ ⴷ ⵓⵡⴻⵀⵀⵉ ⵏ ⵜⵙⴻⵔⵜⵉⵢⵉⵏ ⵜⵉⵏⴰⴱⴹⴰⵏⵉⵏ. ⴷⵖⴰ, ⵖⴻⴼ ⵍⴻⵃⵙⴰⴱ-ⵏⵏⴻⵙ, ⵖⴻⴼ ⵡⴰⵢⴰ ⴰⵢ ⵢⴻⵙⵙⴻⴼⴽ ⵓⵖⵔⴻⴼ ⴰⵚⴻⵃⵔⴰⵡⵉ ⴰⴷ ⵢⴻⵜⵜⴻⴽⴽⵉ ⴷⴻⴳ ⵢⵉⵙⴽⴰⵙⵉⵢⴻⵏ ⴰⵢ ⴷ-ⵜⵜⴳⴻⵏ ⵢⵉⵏⴻⴳⵎⵉⵢⴻⵏ-ⴰ.
