ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴼⴰⵍⴻⵙⵟⵉⵏ: ⵉⵙⵕⴰⵢⵉⵍⵉⵢⴻⵏ ⵔⵏⴰⵏ ⵙⵏⴻⴽⵔⴻⵏ ⵛⵛⵡⴰⵍ ⴷⴻⴳ ⵜⵎⴻⵙⴳⵉⴷⴰ ⵏ ⵍⴰⵇⵚⴰ

ⵍⴷⵣⴰⵢⴻⵔ – ⴷ ⵜⵉⵎⴻⵔⵡⵉⵏ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵉⵊⴻⵔⵃⴻⵏ ⴰⵙⵙ ⵏ ⵜⵜⵍⴰⵜⴰ ⵎⵉ ⵄⴰⵡⴷⴻⵏ ⵥⴻⴷⵎⴻⵏ ⵢⵉⵎⵙⵓⵍⵜⴰ ⵉⵙⵕⴰⵢⵉⵍⵉⵢⴻⵏ ⵖⴻⵔ ⴷⴰⵅⴻⵍ ⵏ ⵜⵎⴻⵙⴳⵉⴷⴰ ⵏ ⵍⴰⵇⵚⴰ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵜⴻⴱⴷⴰ ⵍⴰ ⵜⵛⴻⵖⵖⴻⴱ ⵜⴻⵎⵙⴰⵍⵜ-ⴰ ⴰⵎⵖⵉⵡⴰⵏ ⴰⴳⵔⴰⵖⵍⴰⵏ ⴰⵢ ⴷ-ⵉⵡⵜⴻⵏ ⴷⴻⴳ ⵛⵛⵖⴻⵍ ⴰⵎ ⵡⴰ ⵢⴻⵔⵏⴰ ⵉⴳⴻⵔ-ⴷ ⵜⵉⵖⵔⵉ ⵉ ⵉⵙⵕⴰⵢⵉⵍ ⴰⴽⴽⴻⵏ ⴰⴷ ⵜⴻⵃⴱⴻⵙ ⴰⵢⴰ.

ⵉⵎⵀⵓⵔⴰⵙ ⵉⵙⵕⴰⵢⵉⵍⵉⵢⴻⵏ ⵄⴰⵡⴷⴻⵏ ⵥⴻⴷⵎⴻⵏ ⵜⴰⵚⴻⴱⵃⵉⵜ ⵏ ⵡⴰⵙⵙ ⵏ ⵜⵜⵍⴰⵜⴰ ⵖⴻⴼ ⵜⵎⴻⵙⴳⵉⴷⴰ ⵏ ⵍⴰⵇⵚⴰ ⵢⴻⵔⵏⴰ ⵓⵙⴰⵏ-ⴷ ⵙ ⵜⴻⵎⵃⴰⴷⴷⵉⵜ ⴷ ⵜⴰⵎⴻⵇⵔⴰⵏⵜ ⵙⵖⵓⵔ ⵢⵉⵎⵙⵓⵍⵜⴰ ⵉⵙⵕⴰⵢⵉⵍⵉⵢⴻⵏ.

ⴰⵥⴷⴰⵎ ⴰⵎⴻⵣⵡⴰⵔⵓ ⵢⴻⵍⵍⴰ-ⴷ ⴰⵙⵙ ⵏ ⵍⵃⴻⴷⴷ, ⵎⵉ ⵓⴷⴼⴻⵏ ⵢⵉⵎⵙⵓⵍⵜⴰ ⵉⵙⵕⴰⵢⵉⵍⵉⵢⴻⵏ ⵖⴻⵔ ⵜⵎⴻⵙⴳⵉⴷⴰ ⵏ ⵍⴰⵇⵚⴰ ⴰⴽⴽⴻⵏ ⴰⴷ ⵃⴻⴱⵙⴻⵏ ⵉⵎⴻⵏⵖⵉ ⴰⵢ ⵉⵏⴻⴽⵔⴻⵏ ⵎⵉ ⵓⴷⴼⴻⵏ ⴽⵔⴰ ⵏ ⵡⵓⴷⴰⵢⴻⵏ ⵉⵎⴻⴹⴹⵓⵔⴼⴰ ⵖⴻⵔ ⵓⵎⵕⴰⵃ ⵏ ⵜⵎⴻⵙⴳⵉⴷⴰ-ⴰ ⵢⴻⵔⵏⴰ ⵔⵥⴰⵏ ⴷⵉⵏ ⵙⵉⵏ ⵏ ⵍⴻⵎⵇⴰⵎⴰⵜ.

ⴷ ⴰⵢⴰ ⴰⵢ ⵢⴻⵙⵏⴻⴽⵔⴻⵏ ⵛⵛⵡⴰⵍ ⵢⴻⵔⵏⴰ ⵜⴽⴻⵎⵎⴻⵍ ⵜⴻⵏⴽⴻⵔ ⵓⵍⴰ ⴷⴻⴳ ⵜⴻⵎⴷⵉⵏⵜ ⵏ ⵍⵇⵓⴷⵙ ⵢⴻⵜⵜⵡⴰⴹⴹⴼⴻⵏ, ⴷ ⵛⵛⵡⴰⵍ ⴰⵢⴷⴻⴳ ⵜⵜⵡⴰⴹⴹⴼⴻⵏ ⴰⵟⴰⵙ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⵢⴻⵔⵏⴰ ⵊⴻⵔⵃⴻⵏ ⴰⵟⴰⵙ ⵏ ⵡⵉⵢⴰⴹ ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⴽⵔⴰ ⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ. ⵜⵉⵖⴱⵓⵍⴰ-ⴰ ⵏⵏⴰⵏⵜ-ⴷ ⴷⴰⴽⴽⴻⵏ ⵉⵖⴰⵍⵍⴻⵏ ⵏ ⵜⵓⴹⴹⴼⴰ ⵜⵉⵙⵕⴰⵢⵉⵍⵉⵜ ⵙⵇⴻⴷⵛⴻⵏ, ⴰⴽⴽⴻⵏ ⵏⵏⵓⵎⵎⴻⵏ, ⵍⴱⵓⵎⴱⴰⵜ ⵢⴻⵙⵙⴻⵄⵥⴰⴳⴻⵏ ⴷ ⵍⴳⴰⵣ ⵏ ⵢⵉⵎⴻⵟⵟⴰⵡⴻⵏ ⵙⴷⴰⵅⴻⵍ ⵜⵎⴻⵙⴳⵉⴷⴰ, ⵢⴻⵔⵏⴰ ⵊⴻⵔⵃⴻⵏ ⴰⵟⴰⵙ ⵏ ⵢⵉⵎⵥⵓⵍⵍⴰ, ⴳⴰⵔ-ⴰⵙⴻⵏ ⵓⵍⴰ ⴷ ⵉⵎⵖⴰⵔⴻⵏ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⵙⴻⵔⴷⴰⵙⴻⵏ ⵉⵙⵕⴰⵢⵉⵍⵉⵢⴻⵏ ⵏⵖⴰⵏ ⵢⵉⵡⴻⵏ ⵏ ⵢⵉⵍⴻⵎⵥⵉ ⴰⴼⴰⵍⴻⵙⵟⵉⵏⵉ ⴷⴻⴳ ⵓⵎⴰⵣⵉⵔ ⵏ ⵢⵉⵣⵔⵓⵣⴰⵖ ⵏ ⵇⴰⵍⴰⵏⴷⵉⴰ, ⵙⴷⴰⵜ ⵔⴰⵎⴰⵍⵍⴰⵀ.

ⴰⵏⴰⴱⴰⴹ ⴰⴼⴰⵍⴻⵙⵟⵉⵏⵉ ⵢⴻⵏⵏⴰ-ⴷ ⴷⴰⴽⴽⴻⵏ ⵍⴻⵛⵖⴰⵍ-ⴰ ⴰⵢ ⵍⴰ ⵜⴻⵜⵜⴻⴳ ⵉⵙⵕⴰⵢⵉⵍ ⴷ ⵡⵉⴷ ⴰⵔⴰ « ⵢⴻⵣⵣⵓⵖⵔⴻⵏ ⵜⴰⵎⵏⴰⴹⵜ ⵖⴻⵔ ⵟⵟⵔⴰⴷ ⵏ ⴷⴷⵉⵏ ».

ⵎⴰ ⴷ ⵃⴰⵎⴰⵙ ⵜⴻⵏⵏⴰ-ⴷ ⴷⴰⴽⴽⴻⵏ ⴰⴷⴰⴼ ⵏ ⵢⵉⵎⵙⵓⵍⵜⴰ ⵉⵙⵕⴰⵢⵉⵍⵉⵢⴻⵏ ⵖⴻⵔ ⵜⵎⴻⵙⴳⵉⴷⴰ ⵏ ⵍⴰⵇⵚⴰ ⴷ ⴰⵢⴻⵏ ⴰⵔⴰ ⵢⴻⵔⵏⵓⵏ ⵣⵣⵉⵜ ⵉ ⵜⵎⴻⵙ.

« ⴰⵖⵔⴻⴼ-ⵏⵏⴻⵖ ⴷ ⵜⴻⴳⵔⴰⵡⵉⵏ-ⵏⵏⴻⵙ ⵏ ⵓⵣⴱⵓ ⵓⵔ ⵜⵜⵖⵉⵎⵉⵏ ⴰⵔⴰ ⴽⴰⵏ ⴰⴽⴽⴰ ⵙⴷⴰⵜ ⵓⵜⵄⴻⴷⴷⵉ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵙⴰⵎⵉ ⴰⴱⵧⵓ ⵣⵧⵓⵀⵔⵉ, ⴰⵏⴻⵟⵟⴰⵇ ⵏ ⵓⵎⵓⵙⵙⵓ-ⴰ.

ⴰⵏⴻⵖⵍⴰⴼ ⴰⴼⴰⵍⴻⵙⵟⵉⵏⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵢⴻⵙⵙⴰⵥⴻⵔ ⵉⴷⵓⴱⴰ ⵉⵙⵕⴰⵢⵉⵍⵉⵢⴻⵏ ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵜⵉⵔⵣⵉ ⵏ ⵢⵉⵎⴻⴹⴹⵓⵔⴼⴰ ⵓⴷⴰⵢⴻⵏ ⴷ « ⴰⵙⵎⴻⵏⵜⴻⵙ ».

ⴰⵙⵙⵉⵥⴻⵔ ⴷ ⵜⴻⵖⵔⵉ ⵉ ⵓⵃⴱⴰⵙ ⵏ ⵛⵛⵡⴰⵍ==

ⵙⴷⴰⵜ ⵓⵔⴽⴰⴹ-ⴰ ⵏ ⵢⵉⵣⴻⵔⴼⴰⵏ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ, ⵜⴰⴷⵉⵒⵍⵓⵎⴰⵜⵉⵜ ⵜⴰⴼⴰⵍⴻⵙⵟⵉⵏⵉⵜ ⵜⴳⴻⵔ-ⴷ ⵜⵉⵖⵔⵉ ⵉ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⴰⴽⴽⴻⵏ ⴰⴷ ⴷ-ⵉⴳⴻⵔ ⵉⵎⴰⵏ-ⵏⵏⴻⵙ ⵉ ⵓⵃⵓⴷⴷⵓ ⵏ ⵜⵎⴰⴳⵉⵜ ⵏ ⵢⵉⵎⵓⴽⴰⵏ ⵉⵎⵇⴻⴷⴷⵙⴻⵏ ⵏ ⵢⵉⵏⵙⴻⵍⵎⴻⵏ ⴷ ⵢⵉⵎⴰⵙⵉⵃⵉⵢⴻⵏ ⴷⴻⴳ ⵍⵇⵓⴷⵙ ⵢⴻⵔⵏⴰ ⴰⴷ ⵜⵜⵡⴰⵃⴻⵔⵣⴻⵏ ⵢⵉⵎⵓⴽⴰⵏ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵄⴻⵢⵢⴻⵏ ⵎⴳⴰⵍ « ⵓⵙⵙⵓⴷⴻⵢ ⵏ ⵍⵇⵓⴷⵙ ».

ⵍⵓⵕⴷⵓⵏ ⵢⴻⵍⵍⴰⵏ ⴷ ⵜⴰⵄⴻⵙⵙⴰⵙⵜ ⵏ ⵢⵉⵎⵓⴽⴰⵏ ⵉⵎⵇⴻⴷⴷⵙⴻⵏ ⵏ ⵢⵉⵏⵙⴻⵍⵎⴻⵏ ⴷ ⵢⵉⵎⴰⵙⵉⵃⵉⵢⴻⵏ ⴷⴻⴳ ⵍⵇⵓⴷⵙ, ⴷ ⵏⴻⵜⵜⴰⵜ ⴰⵢ ⴷ ⵜⴰⵎⴻⵣⵡⴰⵔⵓⵜ ⴰⵢ ⵢⴻⵙⵙⴰⵥⵔⴻⵏ ⴰⵥⴷⴰⵎ-ⴰ ⵏ ⵢⵉⵖⴰⵍⵍⴻⵏ ⵉⵙⵕⴰⵢⵓⵉⵍⵉⵢⴻⵏ ⵖⴻⴼ ⵜⵎⴻⵙⴳⵉⴷⴰ ⵏ ⵍⴰⵇⵚⴰ, ⵢⴻⵔⵏⴰ ⵜⴳⴻⵔ-ⴷ ⵜⵉⵖⵔⵉ ⴰⴽⴽⴻⵏ ⴰⴷ ⴷ-ⵢⵉⵍⵉ ⵍⵎⴻⴵⵀⵓⴷ ⴰⴳⵔⴰⵖⵍⴰⵏ ⴰⴽⴽⴻⵏ ⴰⴷ ⵜⴻⵃⴱⴻⵙ ⵉⵙⵕⴰⵢⵉⵍ ⵍⴻⵛⵖⴰⵍ ⴰⵎ ⵡⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴷⴰⴽⴽⴻⵏ ⴰⴷⴰⴼ ⵖⴻⵔ ⵢⵉⵎⵕⴰⵃⴻⵏ ⵏ ⵜⵎⴻⵙⴳⵉⴷⴰ ⵏ ⵍⴰⵇⵚⴰ ⴷ ⴰⵔⴽⴰⴹ ⵓⴼⴹⵉⵃ ⵏ ⵍⵇⴰⵏⵓⵏ.

ⵎⴰ ⴷ ⴼⵕⴰⵏⵙⴰ ⵜⴻⵏⵏⴰ-ⴷ, ⵙ ⵢⵉⵍⴻⵙ ⵏ ⵓⵏⴻⵟⵟⴰⵇ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵔⵧⵎⴰⵉⵏ ⵏⴰⴷⴰⵍ, ⴷⴰⴽⴽⴻⵏ ⵜⴻⵛⵖⴻⴱ-ⵉⵜⵜ ⵜⴻⴳⵏⵉⵜ ⵢⴻⵍⵍⴰⵏ ⴷⴻⴳ ⵜⵎⴻⵙⴳⵉⴷⴰ ⵏ ⵍⴰⵇⵚⴰ ⴰⵎ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⴰⵄⴻⵡⵡⴻⵍ-ⵏⵏⴻⵙ ⴰⴽⴽⴻⵏ ⴰⴷ ⵜⴻⵙⵙⴻⴷⴷⵓ ⵍⴻⵎⵛⴰⵡⵕⴰⵜ ⵖⴻⵔ ⵙⴷⴰⵜ.

ⵟⵟⴻⵔⴽ, ⵙⴻⴳ ⵢⵉⴷⵉⵙ-ⵏⵏⴻⵙ, ⵜⴻⵙⵙⴰⵥⴻⵔ ⵙ ⵍⴵⴻⵀⴷ ⴰⵔⴽⴰⴹ ⵏ ⵜⴻⵎⵙⵓⵍⵜⴰ ⵜⵉⵙⵕⴰⵢⵉⵍⵉⵜ ⵉ ⵓⵎⴽⴰⵏ-ⴰ ⵉⵎⵇⴻⴷⴷⴻⵙ, ⵢⴻⵔⵏⴰ ⵜⴳⴻⵔ-ⴷ ⵜⵉⵖⵔⵉ ⵉ ⵓⵃⴱⴰⵙ ⵏ ⵍⴻⵛⵖⴰⵍ-ⴰ ⵢⴻⴼⴼⵖⴻⵏ ⵉ ⵍⵇⴰⵏⵓⵏ.

ⵜⴰⵎⵖⵓⵏⵜ ⵏ ⵜⵎⵓⵔⴰ ⵜⴰⵄⵕⴰⴱⵉⵏ, ⵙⴻⴳ ⵢⵉⴷⵉⵙ-ⵏⵏⴻⵙ, ⵜⴻⵙⵙⵓⵎⵎⴻⵍ-ⴷ ⴰⵔⴽⴰⴹ ⵏ ⵢⵉⵖⴰⵍⵍⴻⵏ ⵉⵙⵕⴰⵢⵉⵍⵉⵢⴻⵏ, ⵉⵎⵀⵓⵔⴰⵙ ⵉⵎⴻⴹⴹⵓⵔⴼⴰ ⴷ ⵢⵉⵡⴻⵏ ⵏ ⵓⵏⴻⵖⵍⴰⴼ ⵉⵙⵕⴰⵢⵉⵍⵉ ⴰⵢ ⵢⵓⴷⴼⴻⵏ ⵖⴻⵔ ⵓⵎⵕⴰⵃ ⵏ ⵜⵎⴻⵙⴳⵉⴷⴰ ⵏ ⵍⴰⵇⵚⴰ, ⵢⴻⵔⵏⴰ ⵜⵡⴻⴽⴽⴻⴷ-ⴷ ⴷⴰⴽⴽⴻⵏ ⵜⴰⵎⵖⵓⵏⵜ ⵍⴰ ⵜⴻⵜⵜⴹⴰⴼⴰⵔ ⵙ ⵍⵇⴻⵔⵏ ⴰⵢⴻⵏ ⴰⵢ ⵍⴰ ⵉⴹⴻⵔⵔⵓⵏ ⴷⴻⴳ ⵜⴻⵎⵙⴰⵍⵜ-ⴰ.

ⴰⴷ ⴷ-ⵜⵉⵍⵉ ⵜⴻⵎⵍⵉⵍⵉⵜ ⵏ ⵜⴻⵎⵖⵓⵏⵜ ⵜⴰⵄⵕⴰⴱⵜ ⵖⴻⴼ ⵜⴻⵎⵙⴰⵍⵜ ⵏ ⵍⴰⵇⵚⴰ==

ⵉⵏⴻⵖⵍⴰⴼⴻⵏ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⵜⴻⵎⵖⵓⵏⵜ ⵜⴰⵄⵕⴰⴱⵜ ⴰⴷ ⵎⵍⵉⵍⴻⵏ ⴰⵙⵙ ⵏ 5 Ɣⵓⵛⵜ ⴷⴻⴳ ⵍⵇⴰⵀⵉⵔⴰ ⴰⴽⴽⴻⵏ ⴰⴷ ⴷ-ⵙⵙⵓⴽⴽⴻⵏ ⵜⵉⵟ ⵖⴻⴼ ⵢⵉⵎⴻⵏⵖⵉ ⴰⵢ ⴷ-ⵢⴻⵍⵍⴰⵏ ⵙⴻⴳ ⵎⴻⵍⵎⵉ ⴽⴰⵏ ⴷⴻⴳ ⵜⵎⴻⵙⴳⵉⴷⴰ ⵏ ⵍⴰⵇⵚⴰ ⴷⴻⴳ ⵜⴻⵎⴷⵉⵏⵜ ⵏ ⵍⵇⵓⴷⵙ ⵢⴻⵜⵜⵡⴰⴹⴹⴼⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵜⵏⵉⵢⴻⵏ ⵢⵉⵡⴻⵏ ⵏ ⵢⵉⵎⴹⴻⴱⴱⴻⵔ ⴰⴼⴰⵍⴻⵙⵟⵉⵏⵉ.

ⵜⵉⵎⵍⵉⵍⵉⵜ-ⴰ ⵏ 15 ⵏ ⵢⵉⵏⴻⵖⵍⴰⴼⴻⵏ ⴰⵄⵕⴰⴱⴻⵏ ⴰⴷ ⴷ-ⵜⴻⵙⵙⵓⴽⴽ ⵜⵉⵟ ⵖⴻⴼ « ⵜⴻⴷⵢⴰⵏⵉⵏ ⵜⵉⵎⵉⵀⴰⵡⵉⵏ ⵜⵉⵏⴻⴳⴳⵓⵔⴰ » ⴰⵢ ⴷ-ⵢⴻⵍⵍⴰⵏ ⴷⴻⴳ ⵍⵇⵓⴷⵙ ⵢⴻⵜⵜⵡⴰⴹⴹⴼⴻⵏ, ⵉⵙⵕⴰⵢⵉⵍ ⴰⵢ ⵍⴰ ⵉⵔⴻⵏⵏⵓⵏ ⵣⵣⵉⵜ ⵉ ⵜⵎⴻⵙ ⴷⴻⴳ ⵜⴻⵎⵙⴰⵍⵜ ⵏ ⵜⵎⴻⵙⴳⵉⴷⴰ ⵏ ⵍⴰⵇⵚⴰ ⴷ ⵓⴽⴻⵎⵎⴻⵍ ⵏ ⵓⵙⵙⴻⵀⵔⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴻⵙⵜⴰⴳ ⴰⴼⴰⵍⴻⵙⵟⵉⵏⵉ ⴰⴳⴻⵊⴷⴰⵏ ⵙⴰⴻⴱ ⴻⵔⴰⴽⴰⵜ ⴷⴻⴼⴼⵉⵔ ⵢⵉⵡⴻⵏ ⵏ ⵓⵎⵢⴰⴳⴻⵔ ⴷ ⵓⵖⴻⵍⵍⴰ ⵏ ⵜⴻⵎⵖⵓⵏⵜ ⵜⴰⵄⵕⴰⴱⵜ, ⵏⴰⴱⵉⵍ ⴰⵍ-ⴰⵔⴰⴱⵉ.

ⵉⵏⴻⵖⵍⴰⴼⴻⵏ ⴰⴷ ⴷ-ⵙⵙⵓⴽⴽⴻⵏ ⵜⵉⵟ ⵖⴻⴼ ⵜⴻⴳⵏⵉⵜ ⵏ ⵍⴻⵎⵛⴰⵡⵕⴰⵜ ⵏ ⵜⴰⵍⵡⵉⵜ ⴳⴰⵔ ⵢⵉⴼⴰⵍⴻⵙⵟⵉⵏⵉⵢⴻⵏ ⴷ ⵢⵉⵙⵕⴰⵢⵉⵍⵉⵢⴻⵏ, ⵖⴻⴼ ⵍⴻⵃⵙⴰⴱ ⵏ ⵢⵉⵎⴹⴻⴱⴱⴻⵔ-ⴰ ⴰⴼⴰⵍⴻⵙⵟⵉⵏⵉ.

ⵍⴻⵎⵛⴰⵡⵕⴰⵜ-ⴰ ⵃⴻⴱⵙⴻⵏⵜ ⴰⴽⴽ ⵙⴻⴳ ⵡⴰⵙⵎⵉ ⴰⵢ ⵄⴻⵔⴹⴻⵏ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴰⴷ ⵜⴻⵏⵜ-ⵉⴷ-ⵙⵙⵓⴷⴷⵔⴻⵏ ⴷⴻⴳ ⵢⴻⴱⵔⵉⵔ ⵏ 2014 ⴷ ⵓⵜⵄⴻⴷⴷⵉ-ⵏⵏⵉ ⵉⵙⵕⴰⵢⵉⵍⵉ ⵖⴻⴼ Ɣⴻⵣⵣⴰ ⴷⴻⴳ ⵓⵏⴻⴱⴷⵓ ⵢⴻⵣⵔⵉⵏ ⴰⵢⴷⴻⴳ ⵎⵎⵓⵜⴻⵏ 2.200 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ.