ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ ⵜⵡⴻⵜ-ⴷ « ⵙ ⵍⴵⴻⵀⴷ » ⴷⴻⴳ ⵜⵅⴰⵣⴰⴱⵉⵜ ⵜⴰⵔⴻⴱⵔⴰⴱⵜ ⵏ ⵙⵉⵜⵔⴰ ⴷⴻⴳ ⴱⴻⵃⵕⵉⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⵍⴻⵣⵣⴰⵢⴻⵔ ⵜⴻⵙⵙⴰⵥⴻⵔ « ⵙ ⵍⴵⴻⵀⴷ » ⴰⵏⵟⴰⴳ-ⵏⵏⵧ ⴰⵔⴻⴱⵔⴰⴱ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵜⴰⴷⴷⴰⵔⵜ ⵏ ⵙⵉⵜⵔⴰ (ⴱⴻⵃⵕⵉⵏ) ⴰⵢⴷⴻⴳ ⵎⵎⵓⵜⴻⵏ ⵙⵉⵏ ⵏ ⵢⵉⵎⵙⵓⵍⵜⴰ ⵢⴻⵔⵏⴰ ⵊⴻⵔⵃⴻⵏ ⴰⵟⴰⵙ ⵏⵉⴹⴻⵏ ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴰⴱⴷⴻⵍⴰⵣⵉⵣ ⴱⴻⵏⴰⵍⵉ ⵛⵀⴻⵔⵉⴼ.
« ⵏⴻⵙⵙⴰⵥⴻⵔ ⵙ ⵍⴵⴻⵀⴷ ⵜⴰⵅⴰⵣⴰⴱⵉⵜ ⵜⴰⵔⴻⴱⵔⴰⴱⵜ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵙⵉⵜⵔⴰ ⴷⴻⴳ ⴱⴻⵃⵕⵉⵏ, ⵜⵉⵏ ⴰⵢ ⵢⴻⵏⵖⴰⵏ ⵙⵉⵏ ⵢⴻⵔⵏⴰ ⵜⴻⵊⵔⴻⵃ ⴰⵟⴰⵙ ⵏ ⵢⵉⵎⵙⵓⵍⵜⴰ »,ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴻⵏⴰⵍⵉ ⵛⵀⴻⵔⵉⴼ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⴰⵢ ⴷ-ⵉⴳⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.
« ⵏⴻⵜⵜⵄⴻⵣⵣⵉ ⵙⴻⴳ ⵡⵓⵍ ⵜⵉⵡⴰⵛⵓⵍⵉⵏ ⵏ ⵡⵉⴷ ⴰⵢ ⵜⵃⵓⵣⴰ ⵜⵅⴰⵣⴰⴱⵉⵜ-ⴰ ⵜⴰⵔⴻⴱⵔⴰⴱⵜ, ⵢⴻⵔⵏⴰ ⵏⴻⵙⵙⴻⵏⴼⴰⵍⴰⵢ-ⴷ ⵜⴰⵎⵙⴻⵜⵍⴻⵍⵜ-ⵏⵏⴻⵖ ⵖⴻⵔ ⵢⵉⴷⵉⵙ ⵏ ⵜⴳⴻⵍⴷⴰ ⴷ ⵓⵖⵔⴻⴼ ⵏ ⴱⴻⵃⵕⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵉ ⵍⵎⴻⵏⴷ ⵏ ⵡⴰⵢⴰ, ⵎⴰⵙⵙ ⴱⴻⵏⴰⵍⵉ ⵛⵀⴻⵔⵉⴼ ⵢⴻⵏⵏⴰ-ⴷ ⴷ ⴰⴽⴽⴻⵏ « ⵍⴻⵣⵣⴰⵢⴻⵔ ⵜⴻⵜⵜⵄⴰⵡⴻⴷ ⵜⴻⵜⵜⵡⴻⴽⴽⵉⴷ-ⴷ ⴰⵙⵙⵉⵥⴻⵔ-ⵏⵏⴻⵙ ⵉ ⵡⴰⴽⴽ ⵍⴻⵚⵏⴰⴼ ⵏ ⵔⵔⴻⴱⵔⴰⴱ ⴷ ⵓⴱⴷⴰⴷ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⵍⵎⴻⴵⵀⵓⴷ ⴰⴳⵔⴰⵖⵍⴰⵏ ⵉ ⵢⵉⵎⴻⵏⵖⵉ ⵎⴳⴰⵍ ⵓⵅⴻⵚⵚⴰⵔ-ⴰ ⵓⵃⵇⵉⵔ ⴰⵢ ⵉⵣⴻⵎⵔⴻⵏ ⴰⴷ ⵢⴻⵙⵙⵡⴰⵖ ⵜⴰⵍⵙⴰ ⵙ ⵍⴻⴽⵎⴰⵍ-ⵏⵏⴻⵙ ».
