Asebter amenzawi

Lezzayer twet-d « s lǧehd » deg txazabit tarebrabt n Sitra deg Beḥṛin

LEZZAYER TAMANEƔT – Lezzayer tessaẓer « s lǧehd » anṭag-nno arebrab ay d-yellan ass n ttlata deg taddart n Sitra (Beḥṛin) aydeg mmuten sin n yimsulta yerna jerḥen aṭas niḍen ɣef wakken ay d-yenna uneṭṭaq n uɣlif n tɣawsiwin n uzɣar, Abdelaziz Benali Cherif.

« Nessaẓer s lǧehd taxazabit tarebrabt ay d-yellan ass n ttlata deg Sitra deg Beḥṛin, tin ay yenɣan sin yerna tejreḥ aṭas n yimsulta »,ɣef wakken ay d-yenna Mass Benali Cherif deg yiwet n tseɣrut ay d-iga i Tnegga n Yisalan n Lezzayer.

« Nettɛezzi seg wul tiwaculin n wid ay tḥuza txazabit-a tarebrabt, yerna nessenfalay-d tamsetlelt-nneɣ ɣer yidis n Tgelda d uɣref n Beḥṛin », ɣef wakken ay d-yenna.

I lmend n waya, Mass Benali Cherif yenna-d d akken « Lezzayer tettɛawed tettwekkid-d assiẓer-nnes i wakk leṣnaf n rrebrab d ubdad-nnes ɣer yidis n lmeǧhud agraɣlan i yimenɣi mgal uxeṣṣar-a uḥqir ay izemren ad yesswaɣ talsa s lekmal-nnes ».