ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ ⴷ ⵏⵉⵊⵉⵔ ⵍⴰ ⵅⴻⴷⴷⵎⴻⵏⵜ ⵍⵡⴰⵃⵉⴷ ⴰⴽⴽⴻⵏ « ⴰⴷ ⴼⵔⵓⵏⵜ ⵓⴳⵓⵔⴻⵏ ⵉⵡⴻⵄⵕⴰⵏⴻⵏ »
ⵏⵉⴰⵎⴻⵢ – ⴰⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷ ⵓⵎⵢⴰⵍⴻⵍ (ⴰⵎⵄⴰⵡⴻⵏ) ⴰⴳⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⴷ ⵏⵉⵊⵉⵔ ⵍⴰ ⵅⴻⴷⴷⵎⴻⵏⵜ ⵉⴷⵉⵙ ⵙ ⵉⴷⵉⵙ ⴰⴽⴽⴻⵏ ⴰⴷ ⴼⵔⵓⵏⵜ « ⵓⴳⵓⵔⴻⵏ ⵓⴳⴳⵉⵜⴻⵏ ⴷ ⵢⵉⵡⴻⵄⵕⴰⵏⴻⵏ » ⴰⵢ ⵜⴻⵏⵜ-ⵢⴻⵜⵜⵎⴰⴳⴰⵔⴻⵏ, ⵍⴰⴷⵖⴰ ⴷⴻⴳ ⵡⴰⵢⴻⵏ ⴰⵢ ⵢⴻⵔⵣⴰⵏ ⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⴷ ⵓⵙⵙⴻⵜⵜⵉ ⵏ ⵜⴻⵀⵢⵓⴼⵉⵏ.
ⴷⴻⴳ ⵓⵎⴰⵢⴳⴻⵔ-ⵏⵏⴻⵙ ⴷ ⵢⵉⴷⵣⴰⵢⵔⵉⵢⴻⵏ ⴰⵢ ⵉⵣⴻⴷⵖⴻⵏ ⴷⴻⴳ ⵏⵉⵊⵉⵔ, ⵎⴰⵙⵙ ⵍⴰⵎⴰⵎⵔⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵙⵏⴰⵜ-ⴰ ⵏ ⵜⵎⵓⵔⴰ (ⵍⴻⵣⵣⴰⵢⴻⵔ ⴷ ⵏⵉⵊⵉⵔ) ⵍⴰ ⵅⴻⴷⴷⵎⴻⵏⵜ ⵉⴷⵉⵙ ⵙ ⵉⴷⵉⵙ ⴰⴽⴽⴻⵏ « ⴰⴷ ⴼⵔⵓⵏⵜ ⵓⴳⵓⵔⴻⵏ ⵓⴳⴳⵉⵜⴻⵏ ⴷ ⵢⵉⵡⴻⵄⵕⴰⵏⴻⵏ ⴰⵢ ⵢⴻⵇⵇⵏⴻⵏ ⵖⴻⵔ ⵜⴻⵎⵙⴰⵍ ⵢⴻⵎⴳⴻⵔⵔⴰⴷⴻⵏ ⴰⵎ ⵓⵏⴻⵣⵡⵓ ⴰⵡⴻⵄⵕⴰⵏ, ⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⴷ ⵓⵙⵙⴻⵜⵜⵉ ⵏ ⵜⴻⵀⵢⵓⴼⵉⵏ ».
ⵍⴻⵣⵣⴰⵢⴻⵔ, ⵉⵎⵉ ⴰⵢ ⴷ-ⵜⴻⵣⴳⴰ ⴷⴻⴳ ⵜⴻⵎⵏⴰⴹⵜ ⵙ ⵡⴰⵣⴰⵍ-ⵏⵏⴻⵙ, ⵜⴻⵇⵇⴻⵍ ⴷ « ⵉⵙⵡⵉ ⴰⵢ ⵜⵜⵃⴰⴽⴰⵕⴻⵏⵜ ⴰⵟⴰⵙ ⵏ ⵜⵍⵓⴼⴰ ⴰⵎ ⵔⵔⴻⴱⵔⴰⴱ ⴷ ⵜⴻⵊⵔⵉⵎⵜ ⵉⵣⴻⴳⵔⴻⵏ ⵉ ⵜⵍⵉⵙⴰ ⵙ ⵡⴰⴽⴽ ⵍⴻⵚⵏⴰⴼ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵍⴰⵎⴰⵎⵔⴰ ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ ⵍⴻⵣⵣⴰⵢⴻⵔ « ⵜⴻⵙⵄⴰ ⵜⵜⴻⵊⵕⵉⴱⴰ ⴷ ⵍⴻⴱⵖⵉ ⴷ ⴰⵎⴻⵇⵔⴰⵏ, ⴰⵎ ⵡⴰⴽⴽⴻⵏ ⴰⵢ ⵜⴻⵙⵄⴰ ⵉⵎⴻⵥⵍⴰ (ⵙⵙⵔⴰⴱⴻⵙ) ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⴰⵢ ⵢⴻⵙⵙⵏⴻⵏ ⵎⵍⵉⵃ ⴰⵅⴻⴷⴷⵉⵎ-ⵏⵙⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵇⴰⴱⴻⵍ ⵏ ⵡⵓⴳⵓⵔⴻⵏ ».
ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵢⴻⵏⵏⴰ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷ ⴰⴽⴽⴻⵏ ⴰⵙⵙⴰⵖⴻⵏ ⵏ ⵍⴻⵣⵣⴰⵢⴻⵔ ⴷ ⵢⵉⵏⴰⵔⴰⴳⴻⵏ-ⵏⵏⴻⵙ (ⵍⵊⵉⵔⴰⵏ), ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⵜⴳⴰ ⵍⵎⴻⴵⵀⵓⴷ ⴷ ⴰⵎⴻⵇⵔⴰⵏ ⵖⴻⵔ ⵢⵉⴷⵉⵙ ⵏ ⵜⵎⵓⵔⴰ ⵏⵉⴹⴻⵏ ⴰⴽⴽⴻⵏ ⴰⴷ ⵜⴻⴼⵔⵓ ⵜⴰⵍⵓⴼⵜ ⵏ ⵎⴰⵍⵉ.
ⵢⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⴷ ⵏⵉⵊⵉⵔ ⵜⵜⴻⴽⴽⴰⵏⵜ ⴷⴻⴳ ⵓⵙⴻⵇⵇⴰⵎⵓ ⵏ ⵓⴹⴼⴰⵔ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⵏ ⵎⴰⵍⵉ, ⵢⴻⵔⵏⴰ ⵜⴻⵙⵙⴻⵃⴱⵉⴱⵉⵔ ⵖⴻⴼ ⵓⵙⵙⴻⴼⵄⴻⵍ ⵏ ⵜⵉⴷⴻⵜ ⵏ ⵓⵎⵜⴰⵡⴰ-ⴰ.
ⵎⴰⵙⵙ ⵍⴰⵎⴰⵎⵔⴰ ⵢⴻⵙⵎⴻⴽⵜⵉ-ⴷ ⴷ ⴰⴽⴽⴻⵏ ⴰⵙⵙⴰⵖⴻⵏ ⴰⵢ ⵉⵛⴻⵔⴽⴻⵏ ⵍⴻⵣⵣⴰⵢⴻⵔ ⴷ ⵏⵉⵊⵉⵔ ⴷⴻⴳ ⵓⴽⴰⵜⴰⵔ ⵏ ⵓⵎⵜⴰⵡⴰ ⵏ ⵓⵎⵢⴰⵍⴻⵍ (ⴰⵎⵄⴰⵡⴻⵏ) ⴷ ⵜⵏⴰⵔⴳⴰ ⵢⴻⵍⵀⴰⵏ ⴷ ⵡⵉⵏ ⴰⵢ ⵢⴻⴵⴵⴰⵏ ⵙⵏⴰⵜ-ⴰ ⵏ ⵜⵎⵓⵔⴰ ⴰⴷ ⵙⵏⴻⴼⵍⵉⵏⵜ ⴰⵙⵙⴰⵖⴻⵏ-ⵏⵙⴻⵏⵜ ⵓⵛⵔⵉⴽⴻⵏ, ⵢⴻⵔⵏⴰ « ⵓⵍⴰⵛ ⴽⵔⴰ ⵏ ⵡⵓⴳⵓⵔ ⴰⵢ ⵉⵣⴻⵎⵔⴻⵏ ⴰⴷ ⵢⴻⵙⵡⴰⵖ ⴰⵙⵙⴰⵖⴻⵏ-ⴰ ⵓⴵⵀⵉⴷⴻⵏ ⴷ ⵡⵓⵔⴽⵉⴷⴻⵏ ⴰⵢ ⵢⴻⴱⵏⴰⵏ ⵖⴻⴼ ⵏⵏⴼⴻⵄ ⵓⵛⵔⵉⴽ ⴷ ⵓⵎⵇⴰⴷⴻⵔ ».
ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⵍⴻⵣⵣⴰⵢⴻⵔ ⵢⴻⵏⵏⴰ-ⴷ ⴷ ⴰⴽⴽⴻⵏ ⵉⴷⵣⴰⵢⵔⵉⵢⴻⵏ ⴰⵢ ⵉⵣⴻⴷⵖⴻⵏ ⴷⴻⴳ ⵏⵉⵊⵉⵔ ⵜⵜⵓⵔⴰⵔⴻⵏ « ⴷⴷⵓⵕ ⵙ ⵡⴰⵣⴰⵍ-ⵏⵏⴻⵙ » ⴷⴻⴳ ⵓⴳⴻⵏⵙⴻⵙ ⵏ ⵜⵎⵓⵔⵜ-ⵏⵙⴻⵏ ⵢⴻⵔⵏⴰ ⵙⵙⴻⵃⴱⵉⴱⵉⵔⴻⵏ ⵖⴻⴼ ⵜⵏⴻⴼⵍⵉⵜ-ⵏⵏⴻⵙ. ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵉⵖⴻⴱⵍⴰⵏ ⴰⵢ ⵉⵛⴻⵖⴱⴻⵏ ⵉⴷⵣⴰⵢⵔⵉⵢⴻⵏ ⴰⵢ ⵉⵣⴻⴷⵖⴻⵏ ⴷⴻⴳ ⵜⵎⵓⵔⵜ-ⴰ ⴰⴷ ⴷ-ⵜⴻⵙⵙⵓⴽⴽ ⴼⴻⵍⵍ-ⴰⵙⴻⵏ ⵜⵉⵟ ⵜⵙⴻⵇⵇⴰⵎⵓⵜ ⵏ ⵓⵎⵢⴰⵍⴻⵍ ⵏ ⵜⴻⵎⵏⴰⴹⵉⵏ ⵏ ⵜⵍⵉⵙⴰ ⴳⴰⵔ ⵍⴻⵣⵣⴰⵢⴻⵔ ⴷ ⵏⵉⵊⵉⵔ ⴰⵔⴰ ⵢⴻⵎⵍⵉⵍⴻⵏ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵏⵉⴰⵎⴻⵢ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵎⴰⵙⵙ ⵍⴰⵎⴰⵎⵔⴰ ⵢⴻⵙⵙⴰⵡⴻⵍ-ⴷ ⵖⴻⴼ « ⵡⵓⴳⵓⵔⴻⵏ ⴰⵢ ⵜⴻⵜⵜⵇⴰⴱⴰⵍ ⵍⴻⵣⵣⴰⵢⴻⵔ ⴷ ⵜⵎⵓⵔⴰ ⵏⵉⴹⴻⵏ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰ ⵜⴰⴳⵏⵉⵜ ⵜⴰⵡⴻⵄⵕⴰⵏⵜ ⵏ ⵜⴷⴰⵎⵙⴰ ⴰⵢⴷⴻⴳ ⵜⴻⵏⵇⴻⵙ ⵙⵙⵓⵎⴰ ⵏ ⵓⵒⵉⵜⵕⵓⵍ » ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⵉⵖⵜⴰⵙⴻⵏ ⴰⵢ ⵉⴳⴰ ⵏ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ ⴵⴵⴰⵏ ⵍⴻⵣⵣⴰⵢⴻⵔ ⴰⴷ ⵜⵅⴻⵍⵍⴻⵚ ⴹⴹⵍⴰⴱⴰ-ⵏⵏⴻⵙ ⵜⴰⴱⴻⵕⵕⴰⵏⵉⵜ ⵢⴻⵔⵏⴰ ⴰⴷ ⵜⴻⴷⴷⴻⵔ ⴷⴻⴳ ⵍⵉⵙⴻⵔ.
