ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⴱⵏⵉ ⵏ 31 ⵏ ⵢⵉⴼⵔⴰⴳⴻⵏ ⵏ ⵍⵍⵓⵣⵉⵏⴰⵜ ⵙⴻⴳ ⵟⵓⴱⴻⵔ ⴷ ⴰⵙⴰⵡⴻⵏ
ⵍⴻⵣⵣⴰⵢⴻⵔ – ⵢⴻⵙⵙⴻⴼⵔⴰ ⵓⵏⴰⴱⴰⴹ ⴰⴷ ⵢⴻⴱⵏⵓ 49 ⵏ ⵢⵉⴼⵔⴰⴳⴻⵏ ⵉⵎⴳⵓⵔⴰⵔⴻⵏ ⵢⴻⵔⵏⴰ 31 ⵙⴻⴳ-ⵙⴻⵏ ⴰⴷ ⵢⴻⴱⴷⵓ ⵍⴻⴱⵏⵉ-ⵏⵙⴻⵏ ⵙⴻⴳ ⵟⵓⴱⴻⵔ ⴰⵢ ⴷ-ⵢⴻⵜⵜⴻⴷⴷⵓⵏ ⵉ ⵍⵎⴻⵏⴷ ⵏ ⴼⴻⵔⵔⵓ ⵏ ⵡⵓⴳⵓⵔ ⵏ ⵍⴻⵅⵚⴰⵚ ⵏ ⵡⴰⴽⴰⵍ ⵉ ⵍⴻⴱⵏⵉ ⵏ ⵍⵍⵓⵣⵉⵏⴰⵜ ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ ⴷ ⵍⵎⵉⵏⴰⵜ, ⵎⴰⵙⵙ ⴰⴱⴷⴻⵙⵙⴻⵍⴰⵎ ⴱⵧⵓⵛⵀⵧⵓⴰⵔⴻⴱ.
ⴰⵏⴻⵖⵍⴰⴼ ⵢⴻⵏⵏⴰ-ⴷ ⴰⵢⴰ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴷ ⵜⵖⴻⵎⵙⴰ ⴷⴻⴼⴼⵉⵔ ⵜⴻⵎⵍⵉⵍⵉⵜ ⵏ ⵓⵙⵙⴻⵡⵊⴻⴷ ⵏ ⵓⵎⵢⴰⴳⴻⵔ ⵏ ⴽⵔⴰⴹ ⵏ ⵢⵉⴷⵉⵙⴰⵏ ⴰⵔⴰ ⴷ-ⵢⵉⵍⵉⵏ ⴷⴻⴳ ⵟⵓⴱⴻⵔ ⴷⴻⴳ ⵜⴱⴻⵙⴽⴻⵔⵜ, ⵢⴻⵔⵏⴰ ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ ⴷⴻⴳ ⵜⴳⴳⴰⵔⴰ ⵏ Ɣⵓⵛⵜ-ⴰ, ⴰⴷ ⴷ-ⵉⵇⴻⴷⴷⴻⵎ ⴰⵀⵉⵍ ⵏ ⵍⴻⴱⵏⵉ ⵏ ⵢⵉⴼⵔⴰⴳⴻⵏ ⵉⵎⴳⵓⵔⴰⵏⴻⵏ ⵏⵉⴹⴻⵏ ⴰⴽⴽⴻⵏ ⴰⴷ ⵢⴰⵡⴻⴹ ⵓⵎⴹⴰⵏ-ⵏⵙⴻⵏ ⵖⴻⵔ 40 ⵙ ⵓⵊⴻⵎⵎⴰⵍ.
ⵖⴻⴼ ⵍⴻⵃⵙⴰⴱ-ⵏⵏⴻⵙ, ⵙⴻⴳ-ⴰ ⵖⴻⵔ ⵜⴳⴳⴰⵔⴰ ⵏ 2015, ⴰⵖⵍⵉⴼ ⵏ ⵜⴻⵎⴳⵓⵔⵉ ⴷ ⵍⵎⵉⵏⴰⵜ ⴰⴷ ⵢⴻⵙⵙⵉⵡⴻⴹ ⴰⴷ ⴷ-ⵉⵃⴻⵕⵕ 15.000 ⵏ ⵢⵉⵇⴻⵟⵟⴰⵔⴻⵏ ⵏ ⵡⴰⴽⴰⵍ ⴰⴽⴽⴻⵏ ⴰⴷ ⴱⵏⵓⵏⵜ ⵜⴽⴻⴱⴱⴰⵏⵉⵢⵉⵏ ⵍⵍⵓⵣⵉⵏⴰⵜ-ⵏⵙⴻⵏⵜ, ⵢⴻⵔⵏⴰ ⴰⴷ ⴷ-ⵢⵉⵍⵉ ⵡⴰⵢⴰ ⵙⴷⴻⴼⴼⵉⵔ ⴼⴻⵔⵔⵓ ⵏ ⵡⵓⴳⵓⵔⴻⵏ ⵢⴻⵇⵇⵏⴻⵏ ⵖⴻⵔ ⵓⵥⴰⵢⴻⵔ ⵏ ⵡⴰⴽⴰⵍ ⴷ ⵓⵖⵔⴰⵎ ⵏ ⵢⵉⴷⵔⵉⵎⴻⵏ ⵉ ⵢⵉⵎⴰⵡⵍⴰⵏ ⵏ ⵡⴰⴽⴰⵍ ⴰⵢⴷⴻⴳ ⴰⵔⴰ ⵜⵜⵡⴰⴱⵓⵏ 17 ⵏ ⵢⵉⴼⴻⵔⴳⴰⵏ ⵉⵎⴳⵓⵔⴰⵏⴻⵏ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⵅⴻⴱⴱⴻⵔ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴷⴻⴳ ⵡⴰⵢⵢⵓⵔ ⵏ ⵟⵓⴱⴻⵔ ⴰⵔⴰ ⴷ-ⵉⴱⴰⵏ ⵍⴻⵃⵙⴰⴱ ⵏ ⵓⵊⴻⵎⵎⴰⵍ ⵏ ⵡⴰⴽⴰⵍ ⴰⵎⴳⵓⵔⴰⵏ ⵓⵔ ⵢⴻⵜⵜⵡⴰⵖⴻⵍⵍⵜⴻⵏ ⴰⵔⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⴷⴰⴽⴽⴻⵏ ⵍⵇⴰⵏⵓⵏ ⵏ ⵓⵙⵙⵎⴰⴷ ⵏ ⵜⴻⴷⵔⵉⵎⵜ ⵏ 2015 ⵢⴻⵙⵙⴻⴼⵔⴰ ⴰⴷ ⵜⵜⵡⴰⵄⴰⵇⴱⴻⵏ ⵡⵉⴷ ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵡⴰⴽⴰⵍ ⴰⵎⴳⵓⵔⴰⵏ ⵎⴰⵛⴰ ⵇⵇⵉⵎⴻⵏ 3 ⵏ ⵢⵉⵙⴻⴳⴳⴰⵙⴻⵏ ⵓⵔ ⵜ-ⵖⴻⵍⵍⵜⴻⵏ ⴰⵔⴰ.
ⵉⵎⵉ ⴰⵢ ⴷ-ⵢⴻⴳⴳⴻⵜ ⵓⵙⵙⵓⵜⴻⵔ ⵖⴻⴼ ⵡⴰⴽⴰⵍ ⴰⵢⴷⴻⴳ ⴰⵔⴰ ⵜⵜⵡⴰⴱⵏⵓⵏⵜ ⵍⵍⵓⵣⵉⵏⴰⵜ, ⴰⵏⴰⴱⴰⴹ ⵢⴻⴱⴷⴰ-ⴷ ⴰⵀⵉⵍ ⵉ ⵓⵀⴻⵢⵢⵉ ⵏ 49 ⵏ ⵢⵉⴼⴻⵔⴳⴰⵏ ⵉⵎⴳⵓⵔⴰⵏⴻⵏ. ⴰⵀⵉⵍ-ⴰ ⴰⴷ ⴷ-ⵢⴻⵙⵇⴰⵎ 288 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⵢⴻⵔⵏⴰ ⴰⴷ ⵢⴻⵙⵙⴻⴵⵀⴻⴷ ⵜⴰⵎⴳⵓⵔⵉ ⴷⴻⴳ ⵜⵎⵓⵔⵜ.
