ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵟⵟⵔⴰⴷ ⵏ ⵖⴻⵣⵣⴰ: ⴰⵎⵏⴻⵙⵜⵢ ⵉⵏⵜⴻⵔⵏⴰⵜⵉⵧⵏⴰⵍ ⵜⴻⵜⵜⵀⴻⵎ ⵉⵙⵕⴰⵢⵉⵍ ⵙ « ⵜⴻⵊⵔⵉⵎⵉⵏ ⵏ ⵟⵟⵔⴰⴷ »
ⵍⵇⵓⴷⵙ ⵢⴻⵜⵜⵡⴰⵟⵟⴼⴻⵏ – ⴰⵎⵏⴻⵙⵜⵢ ⵉⵏⵜⴻⵔⵏⴰⵜⵉⵧⵏⴰⵍ ⵜⴻⵜⵜⵀⴻⵎ ⴰⵙⵙ ⵏ ⵍⴰⵕⴻⴱⵄⴰ ⵉⵙⵕⴰⵢⵉⵍ ⵙ « ⵜⴻⵊⵔⵉⵎⵉⵏ ⵏ ⵟⵟⵔⴰⴷ » ⵉⵎⵉ ⴰⵢ ⵜⴻⵏⵖⴰ « ⵎⴰ ⵓⵍⴰⵛ, 135 ⵏ ⵢⵉⵖⴰⵔⵉⵎⴻⵏ » ⴷⴻⴳ ⵓⵜⵄⴻⴷⴷⵉ-ⵏⵏⵉ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵏⴻⴱⴷⵓ ⵏ 2014 ⵖⴻⴼ ⵜⴻⵙⴼⵉⴼⵜ ⵏ ⵖⴻⵣⵣⴰ.
« ⵢⴻⵍⵍⴰ ⵜⵜⴱⵓⵜ ⴰⵎⴰⵢⵏⵓ ⴰⵢ ⴷ-ⵢⴻⵙⵙⴻⴽⵏⴻⵏ ⴷ ⴰⴽⴽⴻⵏ ⵉⵖⴰⵍⵍⴻⵏ ⵉⵙⵕⴰⵢⵉⵍⵉⵢⴻⵏ ⴳⴰⵔ ⵜⵉⵊⵔⵉⵎⵉⵏ ⵏ ⵟⵟⵔⴰⴷ ⴰⴽⴽⴻⵏ ⴰⴷ ⴷ-ⵔⵔⴻⵏ ⵜⵜⴰⵕ ⵏ ⵜⵓⴹⴹⴼⴰ ⵏ ⵢⵉⵡⴻⵏ ⵏ ⵓⵙⴻⵔⴷⴰⵙ (…) ⵜⵉⵢⵉⵜⵉⵡⵉⵏ ⵜⵉⴳⴻⵏⵡⴰⵏⵉⵏ ⴷ ⵜⵉⴷ ⵏ ⵡⴰⴽⴰⵍ ⴰⵢ ⴷ-ⵢⴻⵍⵍⴰⵏ ⵎⴳⴰⵍ ⵜⴻⵎⴷⵉⵏⵜ ⵏ ⵔⴰⴼⴰⵀ ⵍⵍⴰⵏⵜ-ⴷ ⵙ ⵓⴱⵔⵉⴷ ⴰⵏⴰⴳⵔⴰⵡⴰⵏ, ⵙ ⵜⵎⴻⵄⵎⴰⴷⴰ, ⵢⴻⵔⵏⴰ ⵏⵖⴰⵏⵜ, ⵎⴰ ⵓⵍⴰⵛ, 135 ⵏ ⵢⵉⵖⴰⵔⵉⵎⴻⵏ ⵢⴻⵔⵏⴰ ⵓⵍⴰ ⴷ ⴰⵢⴰ ⵢⴻⵣⵎⴻⵔ ⴰⴷ ⵢⵉⵍⵉ ⴷ ⵜⴰⵊⵔⵉⵎⵜ ⵎⴳⴰⵍ ⵜⴰⵍⵙⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵓⴷⴷⵙⴰ ⵜⴰⵔⵏⴰⴱⴰⴹⵜ ⵏ ⴰⵎⵏⴻⵙⵜⵢ ⵉⵏⵜⴻⵔⵏⴰⵜⵉⵧⵏⴰⵍ ⴷⴻⴳ ⵢⵉⵡⴻⵏ ⵏ ⵓⵕⴰⴱⵓⵍ ⴰⵢ ⴷ-ⵜⴻⵙⵙⵓⴼⴼⴻⵖ ⵙ ⵓⵎⵄⴰⵡⴻⵏ ⴷ ⵜⴻⵖⵍⴰⵎⵜ ⵏ ⵓⵏⴰⴷⵉ ⴼⵧⵔⴻⵏⵙⵉⵛ ⴰⵔⵛⵀⵉⵜⴻⵛⵜⵓⵔⴻ ⴰⵢ ⵉⵅⴻⴷⴷⵎⴻⵏ ⴷⴻⴳ ⵍⵧⵏⴷⵧⵏ.
ⵉⵙⵕⴰⵢⵉⵍ ⵜⵡⴻⵜ ⵜⴰⵎⴷⵉⵏⵜ ⵏ ⵔⴰⴼⴰⵀ ⵙ ⵜⵢⵉⵜⵉⵡⵉⵏ ⵜⵉⴳⴻⵏⵡⴰⵏⵉⵏ ⵉⵄⴻⴷⴷⴰⵏ ⵉ ⵜⵍⵉⵙⴰ ⵢⴻⵔⵏⴰ ⵡⴰⵔ ⵎⴰ ⵜⴳⴰ ⴰⵎⴳⴻⵔⵔⴰⴷ ⴳⴰⵔ ⵢⵉⵙⵡⴰⵏ, ⵢⴻⵔⵏⴰ « ⵓⵔ ⵜⴳⵉ ⴰⵔⴰ ⵜⴰⵙⴻⵙⵜⴰⵏⵜ ⵜⵉⵎⵣⵉⵔⴻⴳⵜ ⵖⴻⴼ ⵡⴰⵢⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴰⵎⵏⴻⵙⵜⵢ ⵉⵏⵜⴻⵔⵏⴰⵜⵉⵧⵏⴰⵍ.
ⴰⵕⴰⴱⵓⵍ-ⴰ ⵙⴻⵎⵎⴰⵏ-ⴰⵙ « ⴱⵍⴰⵛⴽ ⴼⵔⵉⴷⴰⵢ [ⵍⵊⴻⵎⵄⴰ ⵜⴰⴱⴻⵔⴽⴰⵏⵜ]: ⵜⴰⵏⴻⴳⵣⴰⵔⵜ ⴷⴻⴳ ⵔⴰⴼⴰⵀ » ⵢⴻⵔⵏⴰ ⵢⴻⵜⵜⵡⴰⵀⴻⵢⵢⴰ-ⴷ ⵙ ⵓⵙⵙⴻⵇⴷⴻⵛ ⵏ « ⵜⵡⵉⵏⴰⵙ (ⵜⵉⵎⴻⵢⵢⴰⵜⵉⵏ) ⵏ ⵜⵓⴳⵏⵉⵡⵉⵏ, ⵜⵉⵥⵔⴰⵡⵉⵢⵉⵏ, ⵜⵓⴳⵏⵉⵡⵉⵏ ⵏ ⵓⴳⴻⵏⵙⴰ ⴷ ⵛⵛⵀⴰⴷⴰⵜ ⵏ ⵎⴻⴷⴷⴻⵏ ⴰⵢ ⵉⵃⴻⴷⵕⴻⵏ ⵉ ⵜⴻⴷⵢⴰⵏⵉⵏ-ⴰ », ⴷ ⵜⵉⵖⴰⵡⵙⵉⵡⵉⵏ ⴰⵢ ⴷ-ⵢⴻⵙⵙⴻⴽⵏⴻⵏ ⴰⵎⴻⴽ ⴰⵢ ⴷ-ⵍⵍⴰⵏⵜ ⵜⵓⵎⵎⵖⵉⵡⵉⵏ-ⴰ ⵜⵉⴳⴻⵏⵡⴰⵏⵉⵏ ⴰⵢ ⵢⴻⴱⴷⴰⵏ ⵙⴻⴳ ⵡⴰⵙⵙ ⵏ 1 ⵖⵓⵛⵜ ⴷ ⴰⵙⴰⵡⴻⵏ ⴷⴻⴳ ⵜⴻⵎⵏⴰⴹⵜ ⵏ ⵔⴰⴼⴰⵀ, ⴷⴻⴳ ⵓⵏⵥⵓⵍ ⵏ ⵜⴻⵙⴼⵉⴼⵜ ⵏ ⵖⴻⵣⵣⴰ.
ⴷⴻⴳ 50-ⵏⵏⵉ ⵏ ⵡⵓⵙⵙⴰⵏ ⵏ ⵓⵜⵄⴻⴷⴷⵉ ⵉⵙⵕⴰⵢⵉⵍⵉ ⵖⴻⴼ ⵜⴻⵙⴼⵉⴼⵜ ⵏ ⵖⴻⵣⵣⴰ, ⵎⵎⵓⵜⴻⵏ 2250 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ, ⴰⵎⵓⵔ ⴰⵎⴻⵇⵔⴰⵏ ⴷⴻⴳ-ⵙⴻⵏ ⴷ ⵉⵖⴰⵔⵉⵎⴻⵏ, ⴰⵎ ⵡⴰⴽⴽⴻⵏ ⴰⵢ ⵎⵎⵓⵜⴻⵏ 73 ⵏ ⵢⵉⵙⵕⴰⵢⵉⵍⵉⵢⴻⵏ, ⵇⵔⵉⴱ ⴰⴽⴽ ⴷ ⵉⵙⴻⵔⴷⴰⵙⴻⵏ.
