ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴷⴷⵉⵄⴰⵢⴰ ⵏ ⵓⵙⴻⴽⵛⴻⵎ ⵏ ⵜⴰⵄⵔⴰⴱⵜ ⵏ ⵍⴻⵣⵣⴰⵢⴻⵔ ⴷ "ⴰⵔⵡⴰⵢⴻⵏ ⵓⵔ ⵏⴻⵜⵜⵡⴰⵇⴱⴰⵍ"

ⵍⴻⵖⵡⴰⵟ - ⵜⴰⵏⴻⵖⵍⴰⴼⵜ ⵏ ⵓⵙⴻⴳⵎⵉ ⴰⵖⴻⵍⵏⴰⵡ, ⵏⵧⵓⵔⵉⴰ ⴱⴻⵏⴳⵀⴻⴱⵜⵉⵜ, ⵜⴻⵏⵏⴰ-ⴷ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵖⵡⴰⵟ, ⴷⴷⵉⵄⴰⵢⴰ ⵢⴻⵔⵣⴰⵏ ⴰⵙⴻⴽⵛⴻⵎ ⵏ ⵓⵙⴻⵍⵎⴻⴷ ⵏ ⵜⴰⵄⵔⴰⴱⵜ ⵏ ⵍⴻⵣⵣⴰⵢⴻⵔ ⴷⴻⴳ ⵓⵃⵔⵉⵛ ⴰⵎⴻⵣⵡⴰⵔⵓ ⴷ ’’ⴰⵔⵡⴰⵢⴻⵏ ⵓⵔ ⵏⴻⵜⵜⵡⴰⵇⴱⴰⵍ’’.

ⵜⴰⵏⴻⵖⵍⴰⴼⵜ ⵉ ⵢⴻⵍⵍⴰⵏ ⵜⴻⵜⵜⵎⴻⵙⵍⴰⵢ ⴷⴻⴳ ⵕⵕⴰⴷⵢⵓ ⵜⴰⴷⵉⴳⴰⵏⵜ, ⵜⴻⵏⵏⴰ-ⴷ ⴱⴻⵍⵍⵉ ‘’ⵜⵓⵜⵍⴰⵢⵜ ⵜⴰⵄⵔⴰⴱⵜ ⴰⴷ ⵜⴻⵇⵇⵉⵎ ⴷ ⵜⵓⵜⵍⴰⵢⵜ ⵜⴰⵎⴻⵣⵡⴰⵔⵓⵜ ⵏ ⵓⵙⴻⵍⵎⴻⴷ ⵉ ⵢⴻⵙ-ⵙ ⵏⴻⵙⵙⴻⵍⵎⴰⴷ ⵜⵉⵏⴳⴰⵡⵉⵏ ⴰⴽⴽ ⵏⵏⵉⴹⴻⵏ’’, ⵜⴻⵔⵏⴰ ⵜⴻⵏⵏⴰ-ⴷ, ⴱⴻⵍⵍⵉ ‘’ⴰⵢⴰ ⴷ ⴰⵢⴻⵏ ⵉⴱⴰⵏⴻⵏ ⴷⴻⴳ ⵜⵎⴻⵏⴹⴰⵡⵜ’’.

‘’ⵢⴻⵙⵙⴻⴼⴽ ⴰⴷ ⵏⴻⵙⵄⵓ ⵍⴻⵄⵇⴻⵍ, ⵢⵉⴼ ⴰⴷ ⵏⴻⵍⵀⵓ ⵓⴳⴰⵔ ⵙ ⵜⵓⵜⵜⵔⵉⵡⵉⵏ ⵢⴻⵔⵣⴰⵏ ⵜⴰⵙⴻⵏⵙⴻⴳⵎⵉⵜ’’, ⵉ ⴷ-ⵜⴻⵏⵏⴰ ⵎⴰⵙⵙⴰ ⴱⴻⵏⴳⵀⴻⴱⵔⵉⵜ, ⵙⴰⴽⵉⵏ ⵜⴻⵏⵏⴰ-ⴷ ⵉⵙⵓⵎⴰⵔ ⵉ ⴷ-ⵙⵙⵓⵎⵔⴻⵏ ⵢⵉⵎⵓⵣⵣⴰⴳ ⵉ ⵢⴻⵜⵜⴻⴽⴽⴰⵏ ⴷⴻⴳ ⵓⵙⴰⵔⴰⴳ ⴰⵎⵏⴰⴹⴰⵏ ⵏ ⵓⵙⴻⴽⵜⴰⵣⴰⵍ ⵏ ⴱⴻⴷⴷⵓ ⵏ ⵜⵙⴻⵎⵎⴻⵙⴽⴻⵍⵜ ⵜⴰⵖⵓⵔⴱⵉⵣⵜ, ⵜⴻⵙⵙⴰⵡⴻⵍ ⴰⴽⴽⴻⵏ ⴰⴷ ⵏⴻⵙⵙⴻⴷⴷⵓ ⴷⴻⴳ ⵓⵙⵉⴹⴻⵏ, ⵛⵡⵉⵟ ⵛⵡⵉⵟ, ⵍⵡⴻⵔⵜ ⴰⵙⵏⵉⵍⵙⴰⵏ ⵏ ⵓⴳⵔⵓⴷ.

ⵜⴰⵏⴻⵖⵍⴰⴼⵜ ⵏ ⵓⵙⴻⴳⵎⵉ ⴰⵖⴻⵍⵏⴰⵡ ⵜⴻⵜⵜⵡⴰⵍⵉ, ⵙⴻⴳ ⵜⴰⵎⴰ ⵏⵏⵉⴹⴻⵏ, ⴰⵣⵔⴰⵡ ⵏ ⵢⵉⴹⵔⵉⵙⴻⵏ ⵏ ⵓⵡⴼⵓⵙ ⴰⵖⵓⵔⴱⵉⵣ ⵢⴻⵙⵙⴻⴱⴳⴻⵏ-ⴷ ⴱⴻⵍⵍⵉ ⵢⴻⵍⵍⴰ ‘’ⵍⴻⵅⵚⴰⵙ’’ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⴳⴻⵎⵎⵉ ⵜⴰⵖⴻⵍⵏⴰⵡⵜ, ⵉ ⵍⵎⴻⵏⴷ ⵏ ⵡⴰⵢⴰ ⵉ ⵜⴻⵙⵙⴰⵔⴻⵎ, ⵙⵢⴰ ⵖⴻⵔ ⵙⴷⴰⵜ, ⴰⴷ ⵏⴻⵙⵙⴻⴱⴳⴻⵏ ⵓⴳⴰⵔ, ⵙⴻⴳ ⵜⴰⵎⴰ ⵜⴰⵙⴻⴳⵎⴰⵏⵜ, ⵜⵉⴳⴻⵎⵎⵉ-ⴰ, ⵉⴷⴻⴳ ⵜⴻⵍⵍⴰ ⵜⵎⴻⴷⵢⴰⵣⵜ ⵜⴰⵖⴻⵔⴼⴰⵏⵜ.

‘’ⴰⵎⴻⴽ ⴰⵔⴰ ⵏⴻⴱⵏⵓ ⵜⴰⵙⴻⴽⵜⴰ ⵜⴰⵣⵣⴰⵢⵔⵉⵜ, ⵎⴰ ⵢⴻⵍⵍⴰ ⴰⵃⵔⵉⵛ ⵏ ⵓⵙⴻⴳⵎⵉ ⵓⵔ ⴷ-ⵢⴻⵜⵜⴰⴳⴻⵎ ⴰⵔⴰ ⵙⴻⴳ ⵡⴰⵢⴻⵏ ⴷ-ⵜⴻⵡⵡⵉ ⴷ ⴰⵎⴰⵢⵏⵓⵜ ⵜⵓⵜⵍⴰⵢⵜ ⵜⴰⵄⵔⴰⴱⵜ ⴷ ⵜⵎⴰⵣⵉⵖⵜ’’, ⵉ ⴷ ⵜⴻⴼⴽⴰ ⴷ ⵜⵓⵜⵜⵔⴰ.

ⵙⴻⴳ ⵜⴰⵎⴰ ⵏⵏⵉⴹⴻⵏ, ⵜⴰⵏⴻⵖⵍⴰⴼⵜ ⵏ ⵓⵙⴻⴳⵎⵉ ⵜⴻⵙⵎⴻⴽⵜⴰ-ⴷ ⴱⴻⵍⵍⵉ 75.000 ⵏ ⵢⵉⵏⴰⵡⴰⵔⴻⵏ ⴰⵔⴰ ⴷ-ⵢⴻⵙⴼⴰⵢⴷⵉⵏ, ⴷⴻⴳ ⵓⵏⴻⴽⵛⵓⵎ ⴰⵖⵓⵔⴱⵉⵣ ⵉ ⴷ-ⵉⵜⴻⴷⴷⵓⵏ, ⵙⴻⴳ ⵜⵓⴽⴽⵙⴰ ⵏ ⵓⵎⴰⴳⵔⴰⴷ 87 ⵓⵙⵍⵉⴳ, ⵉ ⵍⵎⴻⵏⴷ ⵏ ⵓⵕⴻⴳⴳⴻⵎ ⵏ ⵓⵏⴰⴱⴰⴹ ⴷⴻⴳ ⵜⴰⵖⵓⵍⵜ-ⴰ, ⵙⴰⴽⵉⵏ ⵜⴻⵏⵏⴰ-ⴷ ⴱⴻⵍⵍⵉ ⵏⴻⵙⵙⴻⴳⵔⴻⵡ-ⴷ ⴰⴽⴽ ⴰⵍⵍⴰⵍⴻⵏ ⴰⴽⴽⴻⵏ ⴰⴷ ⵢⵉⵍⵉ ⵓⵏⴻⴽⵛⵓⵎ ⵉ ⴷ-ⵉⵜⴻⴷⴷⵓⵏ ⴰⴽⴽⴻⵏ ⵢⴻⵇⵡⴻⵎ.

ⵜⴰⵡⵉⵍⴰⵢⵜ ⵏ ⵍⴻⵖⵡⴰⵟ ⵉⴷⴻⴳ ⴷ-ⴹⵔⴰⵏ ⵢⵉⵎⴰⵀⵉⵍⴻⵏ ⵏ ⵓⵙⴰⵔⴰⴳ ⴰⵎⵏⴰⴹⴰⵏ ⵖⴻⴼ ⵓⵙⴻⴽⵜⴰⵣⴰⵍ ⵏ ⵢⵉⴳⵎⵓⴹⴻⵏ ⵏ ⵢⵉⴽⴰⵢⴰⴷⴻⵏ ⵓⵏⵚⵉⴱⴻⵏ ⵏ ⴽⵔⴰ ⵏ ⵜⵡⵉⵍⴰⵢⵉⵏ ⵏ ⵓⵏⵥⵓⵍ (28 ⵢⵓⵍⵢⵓ-1 ⵖⵓⵛⵜ), ⵉ ⵜⴻⵍⴷⵉ ⵜⵏⴻⵖⵍⴰⴼⵜ ⵏ ⵓⵙⴻⴳⵎⵉ ⴰⵖⴻⵍⵏⴰⵡ ⵉ ⵢⴻⵙⴳⴻⵔⵡⴻⵏ ⵉⴳⴻⵏⵙⴰⵙⴻⵏ ⵏ 10 ⵜⵡⵉⵍⴰⵢⵉⵏ (ⵜⴰⵎⴻⵏⵖⴰⵙⵜ, ⴰⴷⵔⴰⵔ, ⵍⴻⵖⵡⴰⵟ, ⵡⴰⵔⴳⵍⴰ, ⵍⵡⴰⴷ, ⴱⴻⵛⵛⴰⵕ, ⵜⵉⵏⴷⵓⴼ, ⵜⴰⵖⴻⵔⴷⴰⵢⵜ, ⵜⵉⴱⴻⵙⴽⴻⵔⵜ ⴷ ⵉⵍⵉⵣⵉ). (ⵜⴰⵏⴻⴳⴳⴰ)