Asebter amenzawi

Ali Amrane, Rock aqbayli deg taggara n teẓrigt tis 8 n Feliv

LEZZAYER TAMANEƔT – Acennay azzayri icennun s teqbaylit Ali Amrane yexdem ass n larebɛa tameddit yiwet n tmeɣra i yimeshanayen t-iḥemmlen, i lmend n taggara n teẓrigt tis 8 tfaska tagraɣlan n tsekla d udlis n yilmeẓyen (FELIV) yeldin ass n 23 yulyu yezrin.

Sdat yimeshanayen i d-yusan s waṭas akken ad wten aceqqir deg tzeqqa n Ibn Zeïdoun deg Oref, yefka-d Ali Amrane i wid i t-iḥemmlen, azal n tsaɛet d uzgen, ammud n yisefra i yura netta, i umi iga daɛen aẓawan.

Ddan-d yid-s yemẓawnen Daniel Largent, Khoualef Hassane, Nazim Krideche, Younes Kati d Samir Sebban.

Yecna-d 20 tezlatin seg kraḍ yiḍebsiyen-is, Amsebrid (2001), Xali Sliman (2005), Akka i d amur (2009) d Tizi n Leryaḥ (2015) deg tewsit n rock, acennay bu cebbub aɣezfan am Mick Jagger, aɣella n udefrir yettwasnen n legliz Rolling Stones.