ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴼⴰⵍⴻⵙⵟⵉⵏ: ⵛⵛⵡⴰⵍ ⴷ ⵓⵙⵃⵉⵙⵙⴻⴼ ⵏ ⵓⵎⴰⴹⴰⵍ ⵖⴻⴼ ⵜⵎⴻⵜⵜⴰⵏⵜ ⵏ ⵓⵍⵓⴼⴰⵏ ⴰⵢ ⵏⵖⴰⵏ ⵢⵉⵎⴻⵟⵟⵓⵔⴼⴰ ⵉⵙⵕⴰⵢⵉⵍⵉⵢⴻⵏ

ⵍⴻⵣⵣⴰⵢⴻⵔ – ⵢⴻⵔⵏⴰ ⵎⵍⵉⵃ ⵛⵛⵡⴰⵍ ⵓⵙⵙⴰ-ⴰ ⴷⴻⴳ ⴼⴰⵍⴻⵙⵟⵉⵏ ⴷⴻⴼⴼⵉⵔ ⵜⵎⴻⵜⵜⴰⵏⵜ ⵏ ⵢⵉⵡⴻⵏ ⵏ ⵓⵍⵓⴼⴰⵏ ⴰⴼⴰⵍⴻⵙⵟⵉⵏⵉ ⵏ 18 ⵏ ⵡⴰⵢⵢⵓⵔⴻⵏ ⴰⵢ ⵏⵖⴰⵏ ⵢⵉⵎⴻⴹⴹⵓⵔⴼⴰ ⵉⵙⵕⴰⵢⵉⵍⵉⵢⴻⵏ ⴷⴻⴳ ⵏⴰⴱⵍⵓⵙ, ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ ⵢⴻⵜⵜⵡⴰⵟⵟⴼⴻⵏ, ⵢⴻⵔⵏⴰ ⵜⴻⵍⵍⴰ-ⴷ ⵜⴻⴷⵢⴰⵏⵜ-ⴰ ⴷ ⵉⴳⵉ « ⴰⵔⴻⴱⵔⴰⴱ » ⴰⵢ ⴷ-ⵢⴻⵙⵏⴻⴽⵔⴻⵏ ⵓⵔⴼⴰⵏ ⴷ ⵓⵙⵃⵉⵙⵙⴻⴼ ⴰⵎⴰ ⵏ ⵍⴻⵣⵣⴰⵢⴻⵔ, ⴰⵎⴰ ⵏ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ.

ⴷⴻⴳ ⵢⵉⴹ ⵏ ⵍⵊⴻⵎⵄⴰ ⴷ ⵙⵙⴻⴱⵜ, ⴷⴻⴼⴼⵉⵔ ⵢⵉⵡⴻⵏ ⵏ ⵡⴰⵙⵙ ⵏ ⵛⵛⵡⴰⵍ ⴰⵢⴷⴻⴳ ⵜⵜⵡⴻⵏⵖⴻⵏ 3 ⵏ ⵢⵉⵍⴻⵎⵥⵉⵢⴻⵏ ⵉⴼⴰⵍⴻⵙⵟⵉⵏⵉⵢⴻⵏ, ⴳⴰⵔ-ⴰⵙⴻⵏ ⵢⵉⵡⴻⵏ ⵏ ⵓⵍⵓⴼⴰⵏ ⴰⵢ ⵙⵙⴻⵔⵖⴻⵏ ⵢⵉⵎⴻⴹⴹⵓⵔⴼⴰ ⵉⵙⵕⴰⵢⵉⵍⵉⵢⴻⵏ ⴷ ⴰⵎⵓⴷⴷⵉⵔ, ⵢⴻⵜⵜⵡⴻⵜ ⵢⵉⵡⴻⵏ ⵏ ⵓⵇⵛⵉⵛ ⴰⴼⴰⵍⴻⵙⵟⵉⵏⵉ ⵏ 14 ⵏ ⵢⵉⵙⴻⴳⴳⴰⵙⴻⵏ ⵙ ⵜⴻⵔⵚⴰⵚⵜ ⴷⴻⴳ ⵢⵉⴷⵎⴰⵔⴻⵏ ⴷⴻⴳ ⵓⵎⴰⵣⵉⵔ ⵏ ⵢⵉⵣⵔⵓⵣⴰⵖ ⵏ ⵊⴰⵍⴰⵣⵧⵏ ⴷ ⵛⵛⵡⴰⵍ ⴰⵢ ⵉⵏⴻⴽⵔⴻⵏ ⵙⴷⴰⵜ ⵜⴻⵏⵇⵉⴹⵜ ⵏ ⵜⵄⴻⵙⵙⴰⵙⵜ ⵏ ⴰⵜⴰⵔⴰ ⴰⵙⵙ ⵏ ⵍⵊⴻⵎⵄⴰ ⵜⴰⵎⴻⴷⴷⵉⵜ. ⴰⵇⵛⵉⵛ-ⴰ ⵢⴻⵎⵎⵓⵜ ⴽⵔⴰ ⵏ ⵜⵙⴰⵄⵜⵉⵏ ⵙⴰⴽⴽⵉⵏ ⴷⴻⴳ ⵓⵙⴱⵉⵟⴰⵔ.

ⴰⵙⵙ ⵏ ⵍⵊⴻⵎⵄⴰ, ⵢⴻⵜⵜⵡⴻⵏⵖ ⵢⵉⵡⴻⵏ ⵏ ⵓⴼⴰⵍⴻⵙⵟⵉⵏⵉ ⵏⵉⴹⴻⵏ ⴰⵎ ⵡⴰⴽⴽⴻⵏ ⴰⵢ ⵢⴻⵜⵜⵡⴰⵊⵔⴻⵃ ⵡⴰⵢⴻⴹ ⵎⵉ ⵇⴻⵔⵔⵙⴻⵏ ⵢⵉⵙⵕⴰⵢⵉⵍⵉⵢⴻⵏ ⴼⴻⵍⵍ-ⴰⵙⴻⵏ ⵉⵎⵉ ⴰⵢ ⵇⴻⵔⵔⴱⴻⵏ ⵖⴻⵔ ⵜⴰⵍⴰⵙⵜ ⴳⴰⵔ ⵜⴻⵙⴼⵉⴼⵜ ⵏ Ɣⴻⵣⵣⴰ ⴷ ⵉⵙⵕⴰⵢⵉⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏⵜ ⵜⴻⵖⴱⵓⵍⴰ ⵜⵉⵙⵏⴰⵊⵢⴰⵏⵉⵏ ⴷ ⵜⵙⴻⵔⴷⴰⵙⵉⵢⵉⵏ.

ⴰⵎⵖⵉⵡⴰⵏ ⴰⴳⵔⴰⵖⵍⴰⵏ ⵢⴻⵙⵙⴰⵥⴻⵔ ⵓⵖⴰⵍ-ⴰ ⵏ ⵛⵛⵡⴰⵍ ⵢⴻⵔⵏⴰ ⵉⴳⴻⵔ-ⴷ ⵜⵉⵖⵔⵉ ⵉ ⵜⵓⵟⵟⴼⴰ ⴷ ⵓⵛⴰⵕⴻⵄ ⵏ ⵡⵉⴷ ⴰⵢ ⵉⴳⴰⵏ ⵍⴻⵛⵖⴰⵍ-ⴰ.

ⵜⵉⵎⴻⵔⵏⵉⵡⵜ ⵏ ⵛⵛⵡⴰⵍ==

ⵛⵛⵡⴰⵍ-ⴰ ⴰⵎⴰⵢⵏⵓ ⴰⵢ ⵉⵏⴻⴽⵔⴻⵏ ⴰⵙⵙ ⵏ ⵍⵊⴻⵎⵄⴰ ⵜⴰⴼⴻⵊⵔⵉⵜ ⵢⴻⴱⴷⴰ-ⴷ ⵎⵉ ⴷ-ⵓⵙⴰⵏ ⵙⵉⵏ ⵏ ⵢⵉⵔⴳⴰⵣⴻⵏ ⴰⵢ ⴷ-ⵢⴻⴼⴼⵔⴻⵏ ⵓⴷⵎⴰⵡⴻⵏ-ⵏⵙⴻⵏ ⵖⴻⵔ ⵓⵅⵅⴰⵎ ⵏ ⵜⵡⴰⵛⵓⵍⵜ ⵏ ⴷⴰⵡⴰⴱⵙⵀⴻⵀ ⵢⴻⵔⵏⴰ ⵣⴻⵍⵍⵉⵏ ⵖⴻⵔ-ⵙ ⵜⴰⵇⴻⵄⵓⵏⵜ ⵏ ⵎⵧⵍⵧⵜⵧⵠ ⴰⵢ ⵢⴻⵙⵙⴻⵔⵖⴻⵏ ⴰⵅⵅⴰⵎ-ⵏⵏⵉ ⵙ ⵜⵡⴰⵛⵓⵍⵜ-ⵏⵏⴻⵙ ⴷⴻⴳ ⵓⴳⴰⴼⴰ ⵏ ⵓⴳⴻⵎⵎⴰⴹ ⵓⵜⵔⵉⵎ. ⴰⵙⵙ ⵏ ⵍⵊⴻⵎⵄⴰ, ⵔⵔⴰⵏ ⵜⴰⵊⵎⵉⵍⵜ ⵉ ⵓⵍⵓⴼⴰⵏ-ⵏⵏⵉ ⴰⵢ ⵢⴻⵎⵎⵓⵜⴻⵏ ⵎⵉ ⵜ-ⵡⵡⵉⵏ ⴰⴷ ⵜ-ⵎⴻⴹⵍⴻⵏ, ⵎⴰⵛⴰ ⵜⴰⵎⴹⴻⵍⵜ-ⵏⵏⵉ ⵜⴻⵇⵇⴻⵍ ⴷ ⵜⴰⵎⴻⵙⴱⴰⵏⵉⵜ ⴰⵢⴷⴻⴳ ⴷ-ⵢⴻⵍⵍⴰ ⵢⵉⵎⴻⵏⵖⵉ ⴷ ⵢⵉⵖⴰⵍⵍⴻⵏ ⵉⵙⵕⴰⵢⵉⵍⵉⵢⴻⵏ, ⵢⴻⵔⵏⴰ ⴷ ⴰⵢⴰ ⴰⵢ ⵢⴻⴳⵍⴰⵏ ⵙ ⵜⵎⴻⴷⴷⵓⵔⵜ ⵏ ⵢⵉⵡⴻⵏ ⵏ ⵢⵉⵍⴻⵎⵥⵉ ⴰⴼⴰⵍⴻⵙⵟⵉⵏⵉ ⵏ 17 ⵏ ⵢⵉⵙⴻⴳⴳⴰⵙⴻⵏ.

ⴷⴻⴳ ⵢⵉⴹ, ⴰⵣⴰⵍ ⵏ 10 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵢⴻⵜⵜⵡⴰⵊⴻⵔⵃⴻⵏ ⵍⴻⵊⵔⵓⵃ ⴷ ⵉⴼⴻⵙⵙⴰⵙⴻⵏ ⴷⴻⴳ ⵛⵛⵡⴰⵍ ⴰⵢ ⵉⵏⴻⴽⵔⴻⵏ ⴷⴻⴳ ⵜⴻⵎⴷⵉⵏⵜ ⵏ ⵍⵇⵓⴷⵙ ⵜⴰⴳⵎⵓⴹⴰⵏⵜ (ⵜⴰⵛⴻⵔⵇⵉⵜ) ⴰⵢ ⵜⴻⴹⴹⴻⴼ ⵉⵙⵕⴰⵢⵉⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵢⵉⵡⴻⵜ ⵏ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵜⴰⴼⴰⵍⴻⵙⵟⵉⵏⵉⵜ.

ⴰⵙⵙ ⵏ ⵙⵙⴻⴱⵜ, ⴷⴻⴳ ⵜⵍⴻⵎⵎⴰⵙⵜ ⵏ ⵡⴰⵙⵙ, ⵢⴻⵏⴽⴻⵔ ⵛⵛⵡⴰⵍ ⴳⴰⵔ ⵢⵉⵎⵀⴰⵔⵙⴻⵏ ⵉⵙⵕⴰⵢⵉⵍⵉⵢⴻⵏ ⴷ ⵢⵉⴼⴰⵍⴻⵙⵟⵉⵏⵉⵢⴻⵏ ⴷⴻⴳ ⵢⵉⵡⴻⵜ ⵏ ⵜⴰⴷⴷⴰⵔⵜ ⵏ ⵓⴳⴰⴼⴰ ⵏ ⵓⴳⴻⵎⵎⴰⴹ ⵓⵜⵔⵉⵎ. ⴰⵙⵙ ⵏ ⵍⴰⵕⴻⴱⵄⴰ, ⵉⵙⵕⴰⵢⵉⵍ ⵜⴻⵙⵙⴻⴷⵔⴻⵎ ⵙⵉⵏ ⵏ ⵢⵉⵅⵅⴰⵎⴻⵏ ⴰⵢ ⵡⴻⵔⵄⴰⴷ ⵓⵔ ⴼⵓⴽⴻⵏ ⵙ ⵍⴻⴱⵏⵉ ⴷⴻⴳ ⵜⴻⵀⵔⴻⵙⵜ ⵏ ⴱⴻⵜ-ⴻⵍ, ⵙⴷⴰⵜ ⵔⴰⵎⴰⵍⵍⴰⵀ. ⵙⵉⵏ ⵏ ⵡⵓⵙⵙⴰⵏ ⵙⴰⴽⴽⵉⵏ, ⴰⵅⵅⴰⵎ ⵏ ⴷⴰⵡⴰⴱⵙⵀⴻⵀ ⵎⵎⵖⴻⵏ ⴼⴻⵍⵍ-ⴰⵙ ⵢⵉⵎⵀⴰⵔⵙⴻⵏ ⵉⵙⵕⴰⵢⵉⵍⵉⵢⴻⵏ ⴰⵏⴷⴰ ⴰⵢ ⵙⵙⴻⵔⵖⴻⵏ ⴰⵍⵓⴼⴰⵏ ⴰⵍⵉ ⴰⵢ ⵢⴻⵙⵄⴰⵏ 18 ⵏ ⵢⵉⵙⴻⴳⴳⴰⵙⴻⵏ, ⵢⴻⵔⵏⴰ ⵊⴻⵔⵃⴻⵏ ⵉⵎⴰⵡⵍⴰⵏ-ⵏⵏⴻⵙ, ⵙⴰⴰⴷ ⴷ ⵔⵉⵀⴰⵎ, ⴷ ⴳⵎⴰ-ⵙ ⵏ 4, ⴰⵢ ⵢⴻⵍⵍⴰⵏ ⵉⵎⵉⵔ-ⴰ ⴷⴻⴳ ⵓⵙⴱⵉⵟⴰⵔ ⴳⴰⵔ ⵜⵎⴻⴷⴷⵓⵔⵜ ⴷ ⵜⵎⴻⵜⵜⴰⵏⵜ. ⵉⵎⵀⴰⵔⵙⴻⵏ-ⵏⵏⵉ ⴰⵢ ⵉⴳⴰⵏ ⴰⵢⴰ ⵙⵙⵓⵏⵖⴻⵏ-ⴷ ⴷⴰⵖ ⵉⵜⵔⵉ ⵏ ⴷⴰⵡⴻⴷ (ⵉⵜⵔⵉ ⵏ ⵡⵓⴷⴰⵢⴻⵏ) ⵖⴻⴼ ⵢⵉⵡⴻⵏ ⵙⴻⴳ ⵢⵉⵖⴻⵔⴱⴰⵏ ⵏ ⵓⵅⵅⴰⵎ-ⵏⵏⵉ.

ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵜⵓⵎⵎⵖⵉⵡⵉⵏ-ⴰ ⵓⵔ ⵜⵜⵡⴰⵄⴰⵇⴱⴻⵏ ⵡⵉⴷ ⴰⵢ ⵜⴻⵏⵜ-ⵉⴳⴰⵏ, ⵢⴻⵔⵏⴰ, ⵖⴻⴼ ⵍⴻⵃⵙⴰⴱ ⵏ ⵡⴰⴽⴽ ⵜⵉⴷⴷⵓⴽⵍⵉⵡⵉⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵜⵉⴼⴰⵍⴻⵙⵟⵉⵏⵉⵢⵉⵏ ⴷ ⵜⴱⴻⵕⵕⴰⵏⵉⵢⵉⵏ, ⴷ ⴰⵢⴰ ⴰⵢ ⵉⴳⴰⵏ ⵉⴼⴰⴷⴷⴻⵏ ⵉ ⵡⵉⴷ ⴰⵢ ⵜⴻⵏⵜ-ⵢⴻⵜⵜⴳⴻⵏ ⴰⴽⴽⴻⵏ ⴰⴷ ⴽⴻⵎⵎⵍⴻⵏ ⴰⵢⴰ.

ⴰⵙⴻⵍⵡⴰⵢ ⴰⴼⴰⵍⴻⵙⵟⵉⵏⵉ ⵎⴰⵀⵎⵧⵓⴷ ⴰⴱⴱⴰⵙ ⵉⵄⴻⵢⵢⴻⵏ-ⴷ ⴷ ⴰⴽⴽⴻⵏ ⴰⴷ ⵢⴻⵛⵛⴻⵜⴽⵉ ⵉ ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ ⵖⴻⴼ ⵜⵎⴻⵜⵜⴰⵏⵜ ⵏ ⵓⵍⵓⴼⴰⵏ-ⴰ ⴰⴼⴰⵍⴻⵙⵟⵉⵏⵉ ⴰⵢ ⵙⵙⴻⵔⵖⴻⵏ ⴷ ⴰⵎⵓⴷⴷⵉⵔ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵢⴰ ⴷ « ⵜⴰⵊⵔⵉⵎⵜ ⵏ ⵟⵟⵔⴰⴷ » ⵜⴰⵎⴰⵢⵏⵓⵜ ⴰⵢ ⵜⴳⴰ ⵉⵙⵕⴰⵢⵉⵍ. ⵍⴻⵣⵣⴰⵢⴻⵔ ⵜⴻⵙⵙⴰⵥⴻⵔ ⵜⵉⵎⴻⵏⵖⵉⵡⵜ-ⴰ ⵢⴻⵔⵏⴰ ⵜⴳⴻⵔ-ⴷ ⵜⵉⵖⵔⵉ ⵉ ⵓⵃⵓⴷⴷⵓ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ== ⵍⴻⵣⵣⴰⵢⴻⵔ ⴰⵢ ⵢⴻⵙⵄⴰⵏ ⴰⴷⴷⵓⴷ ⵉⴵⴻⵀⴷⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵎⵙⴰⵍⵜ ⵜⴰⴼⴰⵍⴻⵙⵟⵉⵏⵉⵜ, ⵜⴻⵙⵙⴰⵥⴻⵔ ⴰⵙⵙ ⵏ ⵙⵙⴻⴱⵜ ⵙ ⵍⴵⴻⵀⴷ « ⵜⵉⵎⴻⵏⵖⵉⵡⵜ-ⴰ ⵜⵓⵛⵎⵉⵜ » ⴰⵢ ⴳⴰⵏ ⵢⵉⵎⵀⴰⵔⵙⴻⵏ ⵉⵙⵕⴰⵢⵉⵍⵉⵢⴻⵏ ⵉⵎⴻⴹⴹⵓⵔⴼⴰ ⴷⴻⴳ ⵓⵅⵅⴰⵎ ⵏ ⵜⵡⴰⵛⵓⵍⵜ ⵜⴰⴼⴰⵍⴻⵙⵟⵉⵏⵉⵜ, ⴷ ⵜⵉⵏ ⴰⵢⴷⴻⴳ ⴰⵢ ⵙⵙⴻⵔⵖⴻⵏ ⴰⵍⵓⴼⴰⵏ ⴷ ⴰⵎⵓⴷⴷⵉⵔ, ⵢⴻⵔⵏⴰ ⵜⵙⴻⵎⵎⴰ ⵉ ⵛⵛⵖⴻⵍ ⴰⵎ ⵡⴰ « ⵔⵔⴻⴱⵔⴰⴱ ⵓⵔⵅⵉⵙ ».

ⵜⴰⴷⵉⵒⵍⵓⵎⴰⵜⵉⵜ ⵜⴰⴷⵣⴰⵢⵔⵉⵜ ⵜⵄⴰⵡⴻⴷ ⵜⴳⴻⵔ-ⴷ, ⴷⴰⵖ, ⵜⵖⵉⵔⵉ ⵉ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⴰⴽⴽⴻⵏ ⴰⴷ ⴷ-ⵉⴳⴻⵔ ⵉⵎⴰⵏ-ⵏⵏⴻⵙ ⵙ ⵜⵖⴰⵡⵍⴰ ⵉ ⵓⵃⵓⴷⴷⵓ ⵏ ⵓⵖⵔⴻⴼ ⴰⴼⴰⵍⴻⵙⵟⵉⵏⵉ ⴷ ⵓⵃⴱⴰⵙ ⵏ ⵜⴻⵊⵔⵉⵎⵉⵏ-ⴰ.

ⴰⵏⴻⵟⵟⴰⵇ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴰⴱⴷⴻⵍⴰⵣⵉⵣ ⴱⴻⵏⴰⵍⵉ ⵛⵀⴻⵔⵉⴼ, ⵢⴻⵙⵙⴻⵏⴼⴰⵍⵉ-ⴷ « ⵜⴰⵎⵙⴻⵜⵍⴻⵍⵜ ⵜⵓⵎⵎⵉⴷⵜ ⵏ ⵍⴻⵣⵣⴰⵢⴻⵔ, ⵙ ⵓⵏⴰⴱⴰⴹ-ⵏⵏⴻⵙ ⴷ ⵓⵖⵔⴻⴼ-ⵏⵏⴻⵙ, ⵖⴻⵔ ⵢⵉⴷⵉⵙ ⵏ ⵓⵡⴰⵏⴰⴽ ⴰⴼⴰⵍⴻⵙⵟⵉⵏⵉ ⵢⴻⵔⵏⴰ ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⴰⴱⴷⴰⴷ ⵏ ⵍⴻⵣⵣⴰⵢⴻⵔ ⵖⴻⵔ ⵢⵉⴷⵉⵙ ⵏ ⵓⵖⵔⴻⴼ ⴰⴼⴰⵍⴻⵙⵟⵉⵏⵉ ⴷⴻⴳ ⵢⵉⵎⴻⵏⵖⵉ-ⵏⵏⴻⵙ ⵓⵖⴷⵉⵎ ⴰⴽⴽⴻⵏ ⴰⴷ ⴷ-ⵢⴻⵔⵔ ⵉⵣⴻⵔⴼⴰⵏ-ⵏⵏⴻⵙ ⵓⵣⵔⵉⴼⴻⵏ ⵍⴰⴷⵖⴰ ⴰⵣⵔⴻⴼ ⵏ ⵓⵙⵙⴻⴱⴷⴻⴷ ⵏ ⵓⵡⴰⵏⴰⴽ ⵉⵎⵣⵉⵔⴻⴳ ⴰⵔⴰ ⵢⴻⵙⵄⵓⵏ ⵍⵇⵓⴷⵙ ⴷ ⵜⴰⵎⴰⵏⴻⵖⵜ-ⵏⵏⴻⵙ ».

ⴰⵙⵃⵉⵙⵙⴻⴼ ⴰⴳⵔⴰⵖⵍⴰⵏ==

ⴰⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴱⴰⵏ ⴽⵉ-ⵎⵧⵧⵏ, ⵢⴻⵙⵙⴰⵥⴻⵔ « ⵙ ⵡⴰⵡⴰⵍ ⵇⴻⵙⵙⵉⵃⴻⵏ ⵎⵍⵉⵃ » ⵜⴰⵎⴻⵜⵜⴰⵏⵜ ⵏ ⵢⵉⵡⴻⵏ ⵏ ⵓⵍⵓⴼⴰⵏ ⴰⴼⴰⵍⴻⵙⵟⵉⵏⵉ ⴰⵢ ⵙⵙⴻⵔⵖⴻⵏ ⵢⵉⵎⵀⴰⵔⵙⴻⵏ ⵉⵙⵕⴰⵢⵉⵍⵉⵢⴻⵏ ⴷ ⴰⵎⵓⴷⴷⵉⵔ ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ ⵢⴻⵜⵜⵡⴰⵟⵟⴼⴻⵏ, ⵢⴻⵔⵏⴰ ⵉⴳⴻⵔ-ⴷ ⵜⵉⵖⵔⵉ ⵉ ⵓⵛⴰⵕⴻⵄ ⵏ ⵡⵉⴷ ⴰⵢ ⵉⴳⴰⵏ ⴰⵢⴰ. ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ « ⵙⵙⴰⵥⵔⴻⵏ ⵙ ⵍⴵⴻⵀⴷ ⴷ ⴰⵎⴻⵇⵔⴰⵏ », ⴰⵙⵙ ⵏ ⵍⵊⴻⵎⵄⴰ, ⵜⴰⵎⴻⵜⵜⴰⵏⵜ ⵏ ⵓⵍⵓⴼⴰⵏ-ⵏⵏⵉ ⴰⴼⴰⵍⴻⵙⵟⵉⵏⵉ ⴰⵢ ⵙⵙⴻⵔⵖⴻⵏ ⵢⵉⵎⵀⴰⵔⵙⴻⵏ ⵉⵙⵕⴰⵢⵉⵍⵉⵢⴻⵏ ⴷ ⴰⵎⵓⴷⴷⵉⵔ ⴷⴻⴳ ⵓⵅⵅⴰⵎ ⵏ ⵜⵡⴰⵛⵓⵍⵜ-ⵏⵏⴻⵙ, ⵢⴻⵔⵏⴰ ⵏⵏⴰⵏ-ⴷ ⴷ ⴰⴽⴽⴻⵏ ⵛⵛⵖⴻⵍ-ⴰ ⴷ « ⵜⵓⵎⵎⵖⴰ ⵜⴰⵔⴻⴱⵔⴰⴱⵜ ⵜⵓⴽⵔⵉⴹⵜ », ⴰⵎ ⵡⴰⴽⴽⴻⵏ ⴰⵢ ⴷ-ⴳⵔⴻⵏ ⵜⵉⵖⵔⵉ ⵉ ⵓⵀⴻⴷⴷⴻⵏ ⴷ ⵓⵙⵙⵉⵏⴻⴼ ⵉ ⵓⵙⵎⴻⵏⴷⴻⴳ ⵏ ⵛⵛⵡⴰⵍ ⴷⴻⴼⴼⵉⵔ ⵜⴻⴷⵢⴰⵏⵜ-ⴰ ⵢⴻⵙⵙⴻⵃⵣⴰⵏⴻⵏ.

ⵎⴰ ⴷ ⵜⴰⴷⵓⴽⵍⵉ ⵜⵓⵕⵓⴼⵉⵜ ⵜⴳⴻⵔ-ⴷ ⵜⵉⵖⵔⵉ ⵉ « ⵜⵎⴰⵙⵉⵜ ⵜⵓⵎⵎⵉⴷⵜ, ⴰⵇⴰⴷⴻⵔ ⵏ ⵜⵉⴷⴻⵜ ⵏ ⵍⵇⴰⵏⵓⵏ ⴷ ⴰⵔⴳⴰⵍ ⵏ ⵓⴱⵔⵉⴷ ⵉ ⵜⴻⴽⵔⵉⴹⵜ ⵏ ⵢⵉⵎⵀⴰⵔⴻⵏ ». ⵍⵓⵕⴷⵓⵏ, ⵙⴻⴳ ⵢⵉⴷⵉⵙ-ⵏⵏⴻⵙ, ⵜⴻⵙⵙⴰⵥⴻⵔ « ⵜⴰⵊⵔⵉⵎⵜ-ⴰ ⵜⵓⵛⵎⵉⵜ ⴰⵢ ⵢⴻⵍⵍⴰⵏ ⵜⴻⵣⵎⴻⵔ ⵓⵔ ⴷ-ⵜⴻⵜⵜⵉⵍⵉ ⴰⵔⴰ ⵍⴻⵎⵎⴻⵔ ⵓⵔ ⵢⴻⴼⴽⵉ ⴰⵔⴰ ⵓⵏⴰⴱⴰⴹ (ⵉⵙⵕⴰⵢⵉⵍⵉ) ⵙ ⵓⵄⵔⵓⵔ ⵉ ⵜⴰⵍⵡⵉⵜ ».