Asebter amenzawi
Talɣuɣa n umaḍal n vovinam viet vo dao deg tzeqqa n Harcha Hacene
LEZZAYER – Inaddalen idzayriyen rebḥen-d 5 n tzalɣiwin timaynutin n wureɣ mi ifuk wass wis sin n Telɣuɣa n umaḍal n waddal n vovinam viet vo dao (gar 30 Yulyu d 1 Ɣuct) ass n lǧemɛa deg tzeɣɣa n Harcha-Hacene (Lezzayer Tamaneɣt), deg wakud deg mazal d Vietnam ay yeḍḍfen amkan amezwaru deg usettef s 11 n tzalɣiwin n wureɣ.
Tizalɣiwin n wureɣ n Lezzayer rebḥen-tent-id Zakaria Harmal (taggayt n 68-72 n yikiluten), Bouzid Belkir (72-77 n yikiluten), Hiba Rahmani (60-65 n yikiluten), ma deg yimenɣi atekni, d aymaten Nadjib d Youcef Hakani ay irebḥen tazalɣi n wureɣ (deg tmezzugt n Song Luyen Kiem Nam), ma d taɣlamt n Bouhraoua-Kantouli-Halimi-Bendjaber terbeḥ-d tazalɣi deg tmezzugt n Da Luyen Tay Khong Nu.
Menɣir tizalɣiwin n wureɣ, Lezzayer tewwi-d daɣ 3 n tzalɣiwin n uẓref d snat n tzalɣiwin n ubṛunz, yerna tessaweḍ, s waya, ɣer 17 n tzalɣiwin (8 n wureɣ, 7 n uẓref d 2 n uẓref).
Deg usettef s tzalɣiwin, Lezzayer d tis snat s 8 n tzalɣiwin n wureɣ, ma d Vietnam d tamezwarut s 11 n tzalɣiwin n wureɣ.
Taneggarut n taggayt n 60-65 n yikiluten (tilawin) ay d-yellan gar Tdzayrit Hiba Rahmani d Tbyilurusit Sviatlana Baranuskaya d nettat ay d imenɣi ifazen akk deg wass-nni wis sin.
Deg snat n tuzzyiwin timezwura, d Tabyilurusit-nni ay yernan Rahmani s 6 n tenqiḍin ɣer 4, d acu kan, deg tuzzya taneggarut n yimenɣi, Rahmani tessaweḍ ad d-terbed iman-nnes yerna terna taxṣimt-nnes 30 n tsinit uqbel ad tfak tuzzya.
« Snat-nni n tuzzyiwin timezwura usant-iyi-d weɛṛent, maca deg tuzzya taneggarut, fkiɣ-d akk ayen sɛiɣ akken ad d-rebḥeɣ tazalɣi-a i tmurt-inu. D ayen ifazen mi ara yeqqel yiwen d alɣuɣ n umaḍal deg tmurt-nnes », ɣef wakken ay d-tenna Rahmani mi terbeḥ.
