ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ ⵓⵎⴰⴹⴰⵍ ⵏ ⵠⵧⵠⵉⵏⴰⵎ ⵠⵉⴻⵜ ⵠⵧ ⴷⴰⵧ ⴷⴻⴳ ⵜⵣⴻⵇⵇⴰ ⵏ ⵀⴰⵔⵛⵀⴰ ⵀⴰⵛⴻⵏⴻ

ⵍⴻⵣⵣⴰⵢⴻⵔ – ⵉⵏⴰⴷⴷⴰⵍⴻⵏ ⵉⴷⵣⴰⵢⵔⵉⵢⴻⵏ ⵔⴻⴱⵃⴻⵏ-ⴷ 5 ⵏ ⵜⵣⴰⵍⵖⵉⵡⵉⵏ ⵜⵉⵎⴰⵢⵏⵓⵜⵉⵏ ⵏ ⵡⵓⵔⴻⵖ ⵎⵉ ⵉⴼⵓⴽ ⵡⴰⵙⵙ ⵡⵉⵙ ⵙⵉⵏ ⵏ ⵜⴻⵍⵖⵓⵖⴰ ⵏ ⵓⵎⴰⴹⴰⵍ ⵏ ⵡⴰⴷⴷⴰⵍ ⵏ ⵠⵧⵠⵉⵏⴰⵎ ⵠⵉⴻⵜ ⵠⵧ ⴷⴰⵧ (ⴳⴰⵔ 30 ⵢⵓⵍⵢⵓ ⴷ 1 Ɣⵓⵛⵜ) ⴰⵙⵙ ⵏ ⵍⴵⴻⵎⵄⴰ ⴷⴻⴳ ⵜⵣⴻⵖⵖⴰ ⵏ ⵀⴰⵔⵛⵀⴰ-ⵀⴰⵛⴻⵏⴻ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ), ⴷⴻⴳ ⵡⴰⴽⵓⴷ ⴷⴻⴳ ⵎⴰⵣⴰⵍ ⴷ ⵠⵉⴻⵜⵏⴰⵎ ⴰⵢ ⵢⴻⴹⴹⴼⴻⵏ ⴰⵎⴽⴰⵏ ⴰⵎⴻⵣⵡⴰⵔⵓ ⴷⴻⴳ ⵓⵙⴻⵜⵜⴻⴼ ⵙ 11 ⵏ ⵜⵣⴰⵍⵖⵉⵡⵉⵏ ⵏ ⵡⵓⵔⴻⵖ.

ⵜⵉⵣⴰⵍⵖⵉⵡⵉⵏ ⵏ ⵡⵓⵔⴻⵖ ⵏ ⵍⴻⵣⵣⴰⵢⴻⵔ ⵔⴻⴱⵃⴻⵏ-ⵜⴻⵏⵜ-ⵉⴷ ⵣⴰⴽⴰⵔⵉⴰ ⵀⴰⵔⵎⴰⵍ (ⵜⴰⴳⴳⴰⵢⵜ ⵏ 68-72 ⵏ ⵢⵉⴽⵉⵍⵓⵜⴻⵏ), ⴱⵧⵓⵣⵉⴷ ⴱⴻⵍⴽⵉⵔ (72-77 ⵏ ⵢⵉⴽⵉⵍⵓⵜⴻⵏ), ⵀⵉⴱⴰ ⵔⴰⵀⵎⴰⵏⵉ (60-65 ⵏ ⵢⵉⴽⵉⵍⵓⵜⴻⵏ), ⵎⴰ ⴷⴻⴳ ⵢⵉⵎⴻⵏⵖⵉ ⴰⵜⴻⴽⵏⵉ, ⴷ ⴰⵢⵎⴰⵜⴻⵏ ⵏⴰⴷⵊⵉⴱ ⴷ ⵢⵧⵓⵛⴻⴼ ⵀⴰⴽⴰⵏⵉ ⴰⵢ ⵉⵔⴻⴱⵃⴻⵏ ⵜⴰⵣⴰⵍⵖⵉ ⵏ ⵡⵓⵔⴻⵖ (ⴷⴻⴳ ⵜⵎⴻⵣⵣⵓⴳⵜ ⵏ ⵙⵧⵏⴳ ⵍⵓⵢⴻⵏ ⴽⵉⴻⵎ ⵏⴰⵎ), ⵎⴰ ⴷ ⵜⴰⵖⵍⴰⵎⵜ ⵏ ⴱⵧⵓⵀⵔⴰⵧⵓⴰ-ⴽⴰⵏⵜⵧⵓⵍⵉ-ⵀⴰⵍⵉⵎⵉ-ⴱⴻⵏⴷⵊⴰⴱⴻⵔ ⵜⴻⵔⴱⴻⵃ-ⴷ ⵜⴰⵣⴰⵍⵖⵉ ⴷⴻⴳ ⵜⵎⴻⵣⵣⵓⴳⵜ ⵏ ⴷⴰ ⵍⵓⵢⴻⵏ ⵜⴰⵢ ⴽⵀⵧⵏⴳ ⵏⵓ.

ⵎⴻⵏⵖⵉⵔ ⵜⵉⵣⴰⵍⵖⵉⵡⵉⵏ ⵏ ⵡⵓⵔⴻⵖ, ⵍⴻⵣⵣⴰⵢⴻⵔ ⵜⴻⵡⵡⵉ-ⴷ ⴷⴰⵖ 3 ⵏ ⵜⵣⴰⵍⵖⵉⵡⵉⵏ ⵏ ⵓⵥⵔⴻⴼ ⴷ ⵙⵏⴰⵜ ⵏ ⵜⵣⴰⵍⵖⵉⵡⵉⵏ ⵏ ⵓⴱⵕⵓⵏⵣ, ⵢⴻⵔⵏⴰ ⵜⴻⵙⵙⴰⵡⴻⴹ, ⵙ ⵡⴰⵢⴰ, ⵖⴻⵔ 17 ⵏ ⵜⵣⴰⵍⵖⵉⵡⵉⵏ (8 ⵏ ⵡⵓⵔⴻⵖ, 7 ⵏ ⵓⵥⵔⴻⴼ ⴷ 2 ⵏ ⵓⵥⵔⴻⴼ).

ⴷⴻⴳ ⵓⵙⴻⵜⵜⴻⴼ ⵙ ⵜⵣⴰⵍⵖⵉⵡⵉⵏ, ⵍⴻⵣⵣⴰⵢⴻⵔ ⴷ ⵜⵉⵙ ⵙⵏⴰⵜ ⵙ 8 ⵏ ⵜⵣⴰⵍⵖⵉⵡⵉⵏ ⵏ ⵡⵓⵔⴻⵖ, ⵎⴰ ⴷ ⵠⵉⴻⵜⵏⴰⵎ ⴷ ⵜⴰⵎⴻⵣⵡⴰⵔⵓⵜ ⵙ 11 ⵏ ⵜⵣⴰⵍⵖⵉⵡⵉⵏ ⵏ ⵡⵓⵔⴻⵖ.

ⵜⴰⵏⴻⴳⴳⴰⵔⵓⵜ ⵏ ⵜⴰⴳⴳⴰⵢⵜ ⵏ 60-65 ⵏ ⵢⵉⴽⵉⵍⵓⵜⴻⵏ (ⵜⵉⵍⴰⵡⵉⵏ) ⴰⵢ ⴷ-ⵢⴻⵍⵍⴰⵏ ⴳⴰⵔ ⵜⴷⵣⴰⵢⵔⵉⵜ ⵀⵉⴱⴰ ⵔⴰⵀⵎⴰⵏⵉ ⴷ ⵜⴱⵢⵉⵍⵓⵔⵓⵙⵉⵜ ⵙⵠⵉⴰⵜⵍⴰⵏⴰ ⴱⴰⵔⴰⵏⵓⵙⴽⴰⵢⴰ ⴷ ⵏⴻⵜⵜⴰⵜ ⴰⵢ ⴷ ⵉⵎⴻⵏⵖⵉ ⵉⴼⴰⵣⴻⵏ ⴰⴽⴽ ⴷⴻⴳ ⵡⴰⵙⵙ-ⵏⵏⵉ ⵡⵉⵙ ⵙⵉⵏ.

ⴷⴻⴳ ⵙⵏⴰⵜ ⵏ ⵜⵓⵣⵣⵢⵉⵡⵉⵏ ⵜⵉⵎⴻⵣⵡⵓⵔⴰ, ⴷ ⵜⴰⴱⵢⵉⵍⵓⵔⵓⵙⵉⵜ-ⵏⵏⵉ ⴰⵢ ⵢⴻⵔⵏⴰⵏ ⵔⴰⵀⵎⴰⵏⵉ ⵙ 6 ⵏ ⵜⴻⵏⵇⵉⴹⵉⵏ ⵖⴻⵔ 4, ⴷ ⴰⵛⵓ ⴽⴰⵏ, ⴷⴻⴳ ⵜⵓⵣⵣⵢⴰ ⵜⴰⵏⴻⴳⴳⴰⵔⵓⵜ ⵏ ⵢⵉⵎⴻⵏⵖⵉ, ⵔⴰⵀⵎⴰⵏⵉ ⵜⴻⵙⵙⴰⵡⴻⴹ ⴰⴷ ⴷ-ⵜⴻⵔⴱⴻⴷ ⵉⵎⴰⵏ-ⵏⵏⴻⵙ ⵢⴻⵔⵏⴰ ⵜⴻⵔⵏⴰ ⵜⴰⵅⵚⵉⵎⵜ-ⵏⵏⴻⵙ 30 ⵏ ⵜⵙⵉⵏⵉⵜ ⵓⵇⴱⴻⵍ ⴰⴷ ⵜⴼⴰⴽ ⵜⵓⵣⵣⵢⴰ.

« ⵙⵏⴰⵜ-ⵏⵏⵉ ⵏ ⵜⵓⵣⵣⵢⵉⵡⵉⵏ ⵜⵉⵎⴻⵣⵡⵓⵔⴰ ⵓⵙⴰⵏⵜ-ⵉⵢⵉ-ⴷ ⵡⴻⵄⵕⴻⵏⵜ, ⵎⴰⵛⴰ ⴷⴻⴳ ⵜⵓⵣⵣⵢⴰ ⵜⴰⵏⴻⴳⴳⴰⵔⵓⵜ, ⴼⴽⵉⵖ-ⴷ ⴰⴽⴽ ⴰⵢⴻⵏ ⵙⵄⵉⵖ ⴰⴽⴽⴻⵏ ⴰⴷ ⴷ-ⵔⴻⴱⵃⴻⵖ ⵜⴰⵣⴰⵍⵖⵉ-ⴰ ⵉ ⵜⵎⵓⵔⵜ-ⵉⵏⵓ. ⴷ ⴰⵢⴻⵏ ⵉⴼⴰⵣⴻⵏ ⵎⵉ ⴰⵔⴰ ⵢⴻⵇⵇⴻⵍ ⵢⵉⵡⴻⵏ ⴷ ⴰⵍⵖⵓⵖ ⵏ ⵓⵎⴰⴹⴰⵍ ⴷⴻⴳ ⵜⵎⵓⵔⵜ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵔⴰⵀⵎⴰⵏⵉ ⵎⵉ ⵜⴻⵔⴱⴻⵃ.