Asebter amenzawi

Axeddim aɣelnaw: aseggem n liḥalat tḥuz 200 igiman iɣermanen

LEZZAYER – Ugar n 200.000 n yiɣermanen iɛeddan i 30 iseggasen di laɛmeṛ di 31 duǧambeṛ 2014 sfaydin s useggem n lihalat-nsen zdat n srabes n uxeddim aɣelnaw seg wasmi tebda tigawt useggem di maɣṛes 2011, id-iwekked ass n lḥedd weɣlif n temḥaddit taɣelnawt, d-yesfahmen belli tigawt mazal tettkemmil «  akken iwata ».

"Aɣlif n temḥaddit taɣelnawt MDN ixebbeṛ-d d akken aseggem n liḥalat n yemdanen akk d uxeddim aɣelnaw yellan di laɛmer n 30 iseggase armi d 31 duǧambeṛ 2014, yeɛni wid ilulen 1984 neɣ uqbel, d ṛṛay n uselway n Tegduda, amḍebber ɛlayen n yiɣallen n yigen, aneɣlaf n temḥaddit taɣelnawt, ad ikemmel akken iwata di tegnatin yelhan", i yettwaru deg wulɣu.

"Ɣef wayagi, seg wasmi tebda tigawt-agi armi d 25 yunyu 2015, a,ḍan n yemdanen i yefaydin s ṛṛay-agi aselwayan yewweḍ ɣer 201.154 n yemdanen , gar-asen 2.585 ttidiren di lbeṛṛani", id-twekked teɣbalut-agi.

Ilemmasen n uxeddim aɣelnaw yellan di yal idis n tmurt ad kemmlen amagger d wexdam akken ilaq akk d yemdanen ten-iqesden mebla ma sḥeṛṣen ɣef wussan d ttiɛadat yezrin ", ikemmel yura wulɣu-yagi.