ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴻⴳⴳⴰⵙ ⴰⵖⵓⵔⴱⵉⵣ 2015-2016: ⵓⵖⴰⵍ ⵖⴻⵔ ⵓⵖⴻⵔⴱⴰⵣ ⴰⴷ ⴷ-ⵢⵉⵍⵉ ⴰⵙⵙ ⵏ 6 ⵛⵜⴻⵎⴱⴻⵕ

ⵍⴻⵣⵣⴰⵢⴻⵔ – ⴱⴻⴷⴷⵓ ⵏ ⵓⵙⴻⴳⴳⴰⵙ ⴰⵖⵓⵔⴱⵉⵣ ⵏ 2015-2016 ⴰⴷ ⴷ-ⵢⵉⵍⵉ ⴰⵙⵙ ⵏ 6 ⵛⵜⴻⵎⴱⴻⵕ ⴰⵢ ⴷ-ⵢⴻⵜⵜⴻⴷⴷⵓⵏ ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵜⵏⴻⵖⵍⴰⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ.

ⵎⵉ ⵉⴼⵓⴽ ⵓⵙⴰⵔⴰⴳ ⴰⵎⵏⴰⴹⴰⵏ ⵏ ⵓⵇⴻⵢⵢⴻⵎ ⵏ ⵢⵉⴳⵎⴰⴹ ⵏ ⵢⵉⴽⴰⵢⴰⴷⴻⵏ ⵏ ⵜⵡⵉⵍⴰⵢⵉⵏ ⵏ ⵓⴳⴰⴼⴰ ⴷ ⵢⵉⴳⵏⴰⵏ ⵓⵏⵏⵉⴳⴻⵏ, ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⵜⴳⴻⵔ-ⴷ ⵜⵉⵖⵔⵉ ⵉ ⵡⴰⴽⴽ ⵉⵃⵔⵉⵛⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵙⵙⴻⴳⵎⵉ, ⵍⴰⴷⵖⴰ ⵉⵙⴻⵍⵎⴰⴷⴻⵏ ⴷ ⵢⵉⵏⴻⵍⵎⴰⴷⴻⵏ, ⴰⴽⴽⴻⵏ ⴰⴷ ⴷ-ⵉⵍⵉⵏ ⴷⴻⴳ ⵜⵜⵉⵄⴰⴷ ⵉ ⵍⵎⴻⵏⴷ ⵏ ⵓⴹⵎⴰⵏ ⵏ ⵔⵔⴱⴻⵃ ⵏ ⵡⵓⵖⴰⵍ-ⴰ ⵖⴻⵔ ⵓⵖⴻⵔⴱⴰⵣ.

ⴷⵖⴰ, ⵉ ⵍⵎⴻⵏⴷ ⵏ ⵡⴰⵢⴰ, ⵜⴻⵏⵏⴰ-ⴷ ⴷ ⴰⴽⴽⴻⵏ ⵜⵉⵎⴻⵖⵔⵉⵢⵉⵏ ⵏ ⵓⵙⵙⴻⵡⵊⴻⴷ ⴷⴻⴳ ⵓⵖⴻⵔⴱⴰⵣ ⴰⵎⴻⵏⵣⵓ ⵙⵄⴰⵏⵜ ⴰⵣⴰⵍ ⵢⴻⵔⵏⴰ ⵉⵖⴻⵔⴱⴰⵣⴻⵏ ⴷⴻⴳ ⴰⵢ ⴷ-ⵢⴻⵍⵍⴰ ⵓⵍⵎⵓⴷ ⵏ ⵓⵙⵙⴻⵡⵊⴻⴷ ⵢⴻⵍⵍⴰ-ⴷ ⴷⴻⴳ-ⵙⴻⵏ ⵓⴼⵎⵉⴹⵉ ⵏ ⵔⵔⴱⴻⵃ ⵏ 90%.

ⵜⴰⵏⴻⵖⵍⴰⴼⵜ ⵜⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ ⵜⵉⵎⴻⵖⵔⵉⵢⵉⵏ ⵏ ⵓⵙⵙⴻⵡⵊⴻⴷ ⴰⴷ ⵇⵇⵍⴻⵏⵜ ⴰⴷ ⴷ-ⵜⵜⵉⵍⵉⵏⵜ ⴷⴻⴳ ⵡⴰⴽⴽ ⵉⵖⴻⵔⴱⴰⵣⴻⵏ ⵏ ⵜⵎⵓⵔⵜ, ⵢⴻⵔⵏⴰ ⵉⵙⵡⵉ ⵏ ⵡⴰⵢⴰ ⵏⴻⵜⵜⴰ ⴷ « ⴰⵇⴰⴷⴻⵔ ⵏ ⵢⵉⵎⴻⵏⵣⴰⵢⴻⵏ ⵏ ⵜⴳⴰⴷⴷⴰ ⴳⴰⵔ ⵢⵉⴱⴰⵍⵎⵓⴷⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵔⵔⴱⴻⵃ ».

ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⵜⴻⵏⵏⴰ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷⴻⴳ ⵓⵙⴻⴳⴳⴰⵙ ⴰⵖⵓⵔⴱⵉⵣ ⴰⵢ ⴷ-ⵢⴻⵜⵜⴻⴷⴷⵓⵏ, ⴰⵙⵙⴻⵍⵎⴻⴷ ⵏ ⵜⵎⴰⵣⵉⵖⵜ ⴰⴷ ⴷ-ⵉⵃⴰⵣ 20 ⵏ ⵜⵡⵉⵍⴰⵢⵉⵏ ⵢⴻⵔⵏⴰ ⵜⴻⵏⵏⴰ-ⴷ ⴷ ⴰⴽⴽⴻⵏ ⴰⴽⴽ ⵜⵜⴰⵡⵉⵍⴰⵜ ⵉⵙⵏⴻⴳⵎⴰⵏⴻⵏ ⵜⵜⵡⴰⵙⵡⴻⵊⴷⴻⵏ-ⴷ ⵉ ⵓⴹⵎⴰⵏ ⵏ ⵔⵔⴱⴻⵃ ⵏ ⵛⵛⵖⴻⵍ-ⴰ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵙⵎⴰⵍ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.

ⴷⴻⴳ ⵜⴳⴰⵔⴰ, ⵜⵅⴻⴱⴱⴻⵔ-ⴷ ⴷⴰⵖ ⵜⵏⴻⵖⵍⴰⴼⵜ ⴷ ⴰⴽⴽⴻⵏ ⴰⴷ ⴷ-ⵙⴱⴻⴷⴷⴻⵏ ⵜⴰⵙⵓⴷⵉⵜ ⵏ ⵓⵙⵙⴻⵎⵢⵓⴷⴷⴻⵙ ⴳⴰⵔ ⵢⵉⵎⴻⵙⵏⴻⴳⵎⵉⵢⴻⵏ ⴷ ⵢⵉⵏⴻⴷⴱⴰⵍⴻⵏ ⴰⴽⴽⴻⵏ ⵓⵔ ⴷ-ⵢⴻⵜⵜⵉⵍⵉ ⴰⵔⴰ ⵓⵔⵡⴰⵢ ⴷⴻⴳ ⵍⴻⵛⵖⴰⵍ-ⵏⵙⴻⵏ.