Asebter amenzawi

Awal ɣef usseqdec n tutlayt tayemmat deg uɣerbaz ad d-yawi « ayen yelhan »

LEZZAYER – Taneɣlaft n ussegmi aɣelnaw, Nouria Benghebrit, tenna-d ass n letniyen deg Lezzayer Tamaneɣt d akken askasi ɣef usseqdec n tutlayt tayemmat deg uɣerbaz amenzu d ayen ara d-yawin « ayen yelhan », yerna twekked-d d akken « asselmed n tutlayt taɛṛabt ur d-yelli ccek deg-s yerna ur yessefk ara ad tettwaḍellel tmetti ».

Massa Benghebrit, ay d-yessawlen deg tgara n usarag amnaḍan n uqeyyem n yikayaden deg twilayin n ugafa n Yignan Unnigen, tenna-d d akken « kra n tenfaliyin ay d-yelmed ugrud seg twennaḍt-nnes, ma ttwasqedcent deg uɣerbaz, zemrent ad t-ǧǧen ad d-yerbeḥ tamussni s tefses yerna ur ixeṣṣer ara deg tezrawin-nnes tiɣurbizin ».

Taneɣlaft tenna-d, seg yidis niḍen d akken askasi-a ara d-yawin « ayen yelhan » d win ay yeǧǧan idisan ad mbaddalen timuɣliwin ɣef lewṣayat n usarag aɣelnaw n uqeyyem n tsemmeskelt n uɣerbaz, am wakken ay d-terna d akken « timetti teḥwaǧ ad tessen lmeǧhud ay la yetteg uɣlif ».

Lewṣayat n usarag amnaḍan rzant, gar tɣawsiwin niḍen, asselhu n ugerrez deg tutlayin d tnegwa n llsas am tusnakt d tutlayt taɛṛabt i usnerni n ufmiḍi n rrbeḥ.

Lewṣayat-a rzant daɣ assugget n tneɣriyin yetteddun seg temnaḍt ɣer tayeḍ deg temnaḍin tubɛidin deg ukatar n ussefɛel n « umenzay n tgadda n tlemmiẓin ».