ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵏⴻⵔⵏⵉ ⵏ ⵜⴽⴻⴱⴱⴰⵏⵉⵜ ⵜⴰⵎⴻⵥⵢⴰⵏⵜ ⴷ ⵓⵙⵙⴻⴼⵜⵉ ⴷⴻⴳ ⵜⴷⴰⵎⵙⴰ

ⵜⵉⵣⵉ ⵡⴻⵣⵣⵓ – ⴰⵖⵍⵉⴼ ⵏ ⵓⵎⴰⵀⵉⵍ, ⴰⵙⵙⴻⵎⵔⴻⵙ ⴷ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ ⵍⴰ ⵢⴻⵙⵙⴻⴱⵖⴰⵙ ⴰⵙⵙⴻⴱⴷⴻⴷ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ ⴷ ⵓⵙⵙⴻⴼⵜⵉ ⴷⴻⴳ ⵓⵃⵔⵉⵛ ⵏ ⵜⴷⴰⵎⵙⴰ ⵢⴻⵅⴹⴰⵏ ⴰⵒⵉⵜⵕⵓⵍ ⴷ ⵍⴳⴰⵣ ⴰⴽⴽⴻⵏ ⴰⴷ ⴰⴼⴻⵏ ⵢⵉⵍⴻⵎⵥⵉⵢⴻⵏ ⴰⵎⴰⵀⵉⵍ (ⴰⵅⴻⴷⴷⵉⵎ) ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵜⵉⵣⵉ ⵡⴻⵣⵣⵓ ⵓⵏⴻⵖⵍⴰⴼ ⵏ ⵓⵎⴰⵀⵉⵍ, ⵎⵧⵀⴰⵎⴻⴷ ⴻⵍ ⴳⵀⴰⵣⵉ.

ⵓⴳⵓⵔ ⵏ ⵓⵎⴰⵀⵉⵍ ⴷ ⵢⵉⵡⴻⵏ ⵏ ⵢⵉⵖⴻⴱⵍⴰⵏ ⵉⵎⴻⵇⵔⴰⵏⴻⵏ ⴰⴽⴽ ⵏ ⵓⵏⴰⴱⴰⴹ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵓⵎⴰⵀⵉⵍ, ⵏ ⵓⵙⵙⴻⵎⵔⴻⵙ ⴷ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ ⴷⴻⴳ ⵜⴻⵔⵣⵉ-ⵏⵏⴻⵙ ⵏ ⵓⵎⴰⵀⵉⵍ ⴷ ⵓⵙⵙⴻⴼⵇⴻⴷ ⵏ ⵜⵡⵉⵍⴰⵢⵜ ⵏ ⵜⵉⵣⵉ ⵡⴻⵣⵣⵓ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵜⴰⵎⵙⴰⵍⵜ ⵏ ⵜⵔⴻⴱⴱⴰⵡⵜ (ⵛⵛⵓⵎⴰⵊ) « ⵓⵔ ⵢⴻⵣⵎⵉⵔ ⴰⴷ ⴷ-ⵢⴻⵍⵀⵓ ⵢⵉⴷ-ⵙ ⵢⴻⵔⵏⴰ ⴰⴷ ⵜⵜ-ⵢⴻⴼⵔⵓ ⴰⵍⴰ ⵓⵃⵔⵉⵛ ⵏ ⵜⴷⴰⵎⵙⴰ ».

ⵛⵛⵖⴻⵍ ⴰⵢⵢⴻⵙ ⴰⵢ ⵢⴻⵜⵜⵡⴰⴽⴻⵍⵍⴻⴼ ⵓⵖⵍⵉⴼ-ⵏⵏⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⵏⴻⵜⵜⴰ ⴷ « ⴰⴱⴷⴰⴷ ⵉ ⵍⵎⴻⵏⴷⴰⴷ, ⴰⴹⴼⴰⵔ ⴷ ⵓⵄⴰⵡⴻⵏ ⵡⴰⴽⴽ ⵉⵣⵡⵓⵔⴻⵏ ⴰⵔⴰ ⵢⴻⴵⴵⴻⵏ ⵎⴻⴷⴷⴻⵏ ⴰⴷ ⴰⴼⴻⵏ ⴰⵎⴰⵀⵉⵍ ⴷⴻⴳ ⵢⵉⵃⵔⵉⵛⴻⵏ ⵏ ⵜⴻⵎⴳⵓⵔⵉ, ⵏ ⵜⴼⴻⵍⵍⴰⵃⵜ, ⵏ ⵜⵎⴻⵔⵔⵉⵜ ⴷ ⵢⵉⵎⴻⵥⵍⴰ (ⵙⵙⵔⴰⴱⴻⵙ), ⴳⴰⵔ ⵢⵉⵃⵔⵉⵛⴻⵏ ⵏⵉⴹⴻⵏ ».

ⵜⴰⴽⴻⴱⴱⴰⵏⵉⵜ ⵜⴰⵎⴻⵥⵢⴰⵏⵜ ⵜⴻⵙⵄⴰ ⴷⴰⵖ ⴷⴷⵓⵕ ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵜⵉⴷⴷⵉⵜ-ⴰ, ⵖⴻⴼ ⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⴰⵏⴰⴳⵔⴰⵡ ⵏ ⵓⵄⴰⵡⴻⵏ ⵉ ⵓⵙⵏⵓⵍⴼⵓ ⵏ ⵓⵎⴰⵀⵉⵍ ⵙ ⵜⵏⴻⴳⴳⵉⵡⵉⵏ ⵜⵉⵖⴻⵍⵏⴰⵡⵉⵏ ⵏ ⵜⴻⴷⵀⴻⵍⵜ ⵏ ⵓⵙⵙⴻⵎⵔⴻⵙ ⵏ ⵢⵉⵍⴻⵎⵥⵉⵢⴻⵏ (ⴰⵏⵙⴻⵊ) ⴷ ⵓⵙⴻⵏⴽⵉⴷ ⵏ ⵜⵔⴻⴱⴱⴰⵡⵜ (ⵛⵏⴰⵛ) ⴰⵢ ⴷ-ⵢⴻⵙⵙⴻⴱⴷⴻⴷ ⵓⵖⵍⵉⴼ-ⵏⵏⴻⵙ « ⵢⴻⵙⵙⴽⴻⵏ-ⴷ ⵍⴼⴰⵢⴷⴰ-ⵏⵏⴻⵙ ⴷⴻⴳ ⵜⵎⵓⵔⵜ », ⵉⵎⵉ ⵉⵙⴻⵏⴼⴰⵔⴻⵏ ⴰⵢ ⴷ-ⵢⴻⵜⵜⵡⴰⵙⵏⵓⵍⴼⴰⵏ ⵙ ⵓⵏⴰⴳⵔⴰⵡ-ⴰ ⵔⴻⴱⵃⴻⵏ ⵙ 90% ⵢⴻⵔⵏⴰ ⵏⵏⵓⵍⴼⴰⵏⵜ-ⴷ 350.000 ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ. ⵎⴰ ⴷ ⵜⵉⵔⵉⵔⵉⵜ ⵏ ⵢⵉⴷⵔⵉⵎⴻⵏ ⵜⴻⵡⵡⴻⴹ ⵖⴻⵔ 70%, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⴼⴽⴰ-ⴷ ⵓⵏⴻⵖⵍⴰⴼ ⴰⵎⴻⴷⵢⴰ ⵏ ⵍⵍⵓⵣⵉⵏ ⵏ ⵓⵖⵔⴰⴼ ⵏ ⵓⵎⵖⵓⵣ ⴰⵢ ⴷ-ⵢⴻⵏⵏⵓⵍⴼⴰⵏ ⵙ ⵓⵏⴰⴳⵔⴰⵡ ⵏ ⴰⵏⵙⴻⵊ ⴷⴻⴳ ⵜⵖⵉⵡⴰⵏⵜ ⵏ ⴼⵕⵉⵃⴰ (ⵜⵉⵣⵉ ⵡⴻⵣⵣⵓ). ⵍⵍⵓⵣⵉⵏ-ⴰ ⵜⴻⴱⴷⴰ ⵙ ⵙⵉⵏ ⵏ ⵢⵉⵅⴻⴷⴷⴰⵎⴻⵏ ⵢⴻⵔⵏⴰ ⵜⴻⵙⵙⴰⵡⴻⴹ ⴰⴷ ⵜⴻⵙⵙⴻⵅⴷⴻⵎ ⴰⵙⵙ-ⴰ 35 ⵏ ⵢⵉⵅⴻⴷⴷⴰⵎⴻⵏ.

ⵎⴰⵙⵙ ⴻⵍ ⴳⵀⴰⵣⵉ ⵢⴻⴽⵛⴻⴼ-ⴷ ⴷⴰⴽⴽⴻⵏ « ⴰⵎⴰⵀⵉⵍ ⵏ ⵜⵉⴷⴻⵜ ⴷ ⵡⵉⵏ ⴰⵔⴰ ⴷ-ⵢⴻⵏⵏⵓⵍⴼⵓⵏ ⵙⴻⴳ ⵓⵃⵔⵉⵛ ⵏ ⵜⴷⴰⵎⵙⴰ ⵢⴻⵔⵏⴰ 75% ⵙⴻⴳ ⵢⵉⵎⵓⴽⴰⵏ ⵏ ⵓⵎⴰⵀⵉⵍ ⴷⴻⴳ ⵙⵙⵓⵇ ⴰⴷⵣⴰⵢⵔⵉ ⵏ ⵓⵎⴰⵀⵉⵍ ⵅⴻⴷⴷⵎⴻⵏ ⴷⴻⴳ ⵓⵃⵔⵉⵛ ⴰⴷⴰⵎⵙⴰⵏ ».

ⴰⵙⵙⴱⴻⴷⴻⴷ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ ⴰⴷ ⵢⴻⵜⵜⵡⴰⵙⵙⴻⴱⵖⴻⵙ ⵍⴰⴷⵖⴰ ⴷⴻⴳ ⵢⵉⵃⵔⵉⵛⴻⵏ ⵏ ⵜⴻⵎⴳⵓⵔⵉ, ⵜⵉⴽⵏⵓⵙⵙⵏⵉⵡⵉⵏ ⵏ ⵓⵙⵙⴻⵍⵖⵓ ⴷ ⵜⴻⵖⵡⴰⵍⵜ ⵢⴻⵔⵏⴰ ⴰⵢⴰ ⴰⴷ ⵉⵃⴰⴽⴻⵕ ⵍⴰⴷⵖⴰ ⵉⵍⴻⵎⵥⵉⵢⴻⵏ ⴰⵢ ⴷ-ⵢⴻⵡⵡⵉⵏ ⵉⴳⴻⵔⴷⴰⵙⴻⵏ ⵉⵙⴷⴰⵡⴰⵏⴻⵏ ⴷ ⵡⵉⴷ ⴰⵢ ⵉⵣⴻⵔⵡⴻⵏ ⴷⴻⴳ ⵡⴰⵎⵎⴰⵙⴻⵏ ⵏ ⵓⵙⵙⵉⵍⴻⵖ ⴰⵎⵙⴰⴷⵓⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⴻⵅⵚⴰⵔⴰ ⵏ ⴽⵔⴰ ⵏ ⵜⴽⴻⴱⴱⴰⵏⵉⵢⵉⵏ, ⵍⴰⴷⵖⴰ ⵜⵉⴷ ⵏ ⵓⵏⴰⴳⵔⴰⵡ ⵏ ⵓⵙⵙⴻⴱⴷⴻⴷ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⵍⴻⵅⵚⴰⵔⴰ-ⴰ ⵜⴻⵜⵜⴻⴽⴽ-ⴷ, ⵙ ⵓⵎⴰⵜⴰ, ⵍⴰⴷⵖⴰ ⵉⵎⵉ ⴱⴰⴱ ⵏ ⵓⵙⴻⵏⴼⴰⵔ ⵉⵅⵓⵚⵚ ⴷⴻⴳ ⵜⵎⵓⵙⵙⵏⵉ ⵏ ⵡⴰⵎⴻⴽ ⴰⵔⴰ ⵢⴻⵙⵙⴻⴷⴷⵓ ⵜⴰⴽⴻⴱⴱⴰⵏⵉⵜ-ⵏⵏⴻⵙ. « ⵜⵉⴽⴻⴱⴱⴰⵏⵉⵢⵉⵏ-ⴰ ⵉⵅⴻⵚⵔⴻⵏ ⵍⴰ ⵜⴻⵏⵜ-ⵜⵜⴹⴰⴼⴰⵔⴻⵏ ⵢⵉⵎⴻⵥⵍⴰ-ⵏⵏⴻⵖ (ⵙⵙⵔⴰⴱⴻⵙ), ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵄⴰⵡⴻⴷ ⵏ ⵜⵎⵓⵖⵍⵉ ⵏ ⵜⴻⴳⵏⵉⵜ-ⵏⵙⴻⵏ ⴷⴻⴳ ⵓⵙⴻⵏⴷⵓⵇ ⵏ ⴹⴹⵎⴰⵏⴰ ⴷ ⵓⵄⴰⵡⴻⴷ ⵏ ⵓⵙⵙⵉⵀⴻⵍ ⵏ ⴹⴹⵍⴰⴱⴰ-ⵏⵙⴻⵏⵜ ⴰⵢ ⴰⵙⴻⵏ-ⵜⵜⴰⵍⴰⵙⴻⵏⵜ ⵜⴱⴰⵏⴽⵉⵡⵉⵏ », ⵖⴻⴼ ⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵓⵍⴰ ⴷ ⴰⵃⴻⵣⵣⵉⴱ-ⵏⵏⵉ ⵏ ⵓⵃⴰⵣⵉ ⵏ 20% ⵙⴻⴳ ⵍⴻⵙⵡⴰⵇ ⵉⵏⴰⴳⴷⵓⴷⴻⵏ ⵉ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ ⵢⴻⵜⵜⴻⴽⴽⴰ ⴷⴻⴳ ⵜⵉⴷⴷⵉⵜ-ⴰ ⵏ ⵓⵄⴰⵡⴻⵏ ⵏ ⵜⴽⴻⴱⴱⴰⵏⵉⵢⵉⵏ-ⴰ.

ⵙⴻⴳ ⵜⴰⵎⴰ ⵏⵉⴹⴻⵏ, ⴰⵏⴻⵖⵍⴰⴼ ⵢⴻⵙⵎⴻⴽⵜⵉ-ⴷ ⴷⴰⴽⴽⴻⵏ ⵜⴰⵙⴻⵔⵜⵉⵜ ⵏ ⵓⵏⴰⴱⴰⴹ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⵎⵔⴻⵙ ⴰⴷ ⵜⴽⴻⵎⵎⴻⵍ ⵉⵎⵉ ⴰⵢ ⵍⴰ ⵢⴻⵙⵙⴻⴼⵔⴰⵢ ⵓⵏⴰⴱⴰⴹ ⴰⴷ ⴷ-ⵢⴻⴼⴽ ⵉⴷⵔⵉⵎⴻⵏ ⵉ ⵓⵙⵏⵓⵍⴼⵓ ⵏ 90 000 ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⴰⵢⵏⵓⵜⵉⵏ ⴷⴻⴳ ⵓⵙⴻⴳⴳⴰⵙ ⴰⴷⴰⵎⵙⴰⵏ ⵏ 2015/2016, ⴳⴰⵔ-ⴰⵙⴻⵏⵜ 60 000 ⵏ ⵜⴽⴻⴱⴱⴰⵏⵉⵢⵉⵏ ⴷⴻⴳ ⵓⴽⴰⵜⴰⵔ ⵏ ⵓⵏⴰⴳⵔⴰⵡ ⵏ ⴰⵏⵙⴻⵊ ⴷ 30 000 ⵏ ⵜⴽⴻⴱⴱⴰⵏⵉⵢⵉⵏ ⴷⴻⴳ ⵓⴽⴰⵜⴰⵔ ⵏ ⵛⵏⴰⵛ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵓⴳⵓⵔ ⵏ ⵓⵊⵎⴰⵄ ⵏ ⵜⴻⴱⵣⴰⵔⵉⵏ ⵏ ⵛⴰⵙⵏⵧⵙ ⴷ ⵛⵏⴰⵙ, ⵎⴰⵙⵙ ⴻⵍ ⴳⵀⴰⵣⵉ ⵢⴻⵏⵏⴰ-ⴷ ⴷⴰⴽⴽⴻⵏ ⵜⵜⵓⵏⴻⴼⴽⴻⵏⵜ ⵍⴻⵡⵚⴰⵢⴰⵜ ⵉ ⵙⵉⵏ-ⴰ ⵏ ⵢⵉⵙⴻⵏⴷⵓⵇⴻⵏ ⴰⴽⴽⴻⵏ ⴰⴷ ⴷ-ⵙⵙⵓⵜⵔⴻⵏ ⴰⵍⴰ ⵜⵉⴱⵣⴰⵔⵉⵏ ⵢⴻⵜⵜⵡⴰⵃⴻⵜⵜⵎⴻⵏ. « ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵄⴰⵇⴻⴱ ⵖⴻⴼ ⵓⵄⴻⴹⴹⴻⵍ, ⵏⴻⵙⵙⵓⵜⴻⵔ ⵙⴻⴳ ⵢⵉⵙⴻⵏⴷⵓⵇⴻⵏ-ⴰ ⴰⴷ ⵜ-ⴵⴵⴻⵏ ⴷⴻⴳ ⵢⵉⴷⵉⵙ, ⴰⵛⴽⵓ ⴰⵢⴻⵏ ⵢⴻⵙⵄⴰⵏ ⴰⵣⴰⵍ ⵖⴻⵔ-ⵏⴻⵖ ⵏⴻⵜⵜⴰ ⴷ ⵜⵓⴹⴹⴼⴰ ⵏ ⵍⵎⵓⴼⵉⴷ ⴰⴽⴽⴻⵏ ⴰⴷ ⵙⵄⵓⵏ ⵢⵉⵙⴻⵏⴷⵓⵇⴻⵏ-ⴰ ⵉⴷⵔⵉⵎⴻⵏ ⵢⴻⵔⵏⴰ ⵓⵔ ⵙⴻⵄⵄⵓⵏ ⴰⵔⴰ ⵓⴳⵓⵔⴻⵏ ⵏ ⵍⴻⵅⵚⴰⵚ ⵙ ⵜⴻⵖⵣⴻⴼ ».