ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵄⴻⵏⵏⴰⴱⴰ: ⵜⴻⵎⴷⴻⵍ ⵍⵍⵓⵣⵉⵏ ⵏ ⴰⵎⵒⵜⴰ ⵏ ⴰⵔⵛⴻⵍⵧⵜⵎⵉⵜⵜⴰⵍ

ⵄⴻⵏⵏⴰⴱⴰ – ⴰⵣⴰⵍ ⵏ 60 ⵏ ⵢⵉⵅⴻⴷⴷⴰⵎⴻⵏ ⵏ ⵍⵍⵓⵣⵉⵏ ⵏ ⵢⵉⵊⴻⵄⴱⵓⴱⴻⵏ ⵏ ⴰⵔⵛⴻⵍⵧⵔⵎⵉⵜⵜⴰⵍ ⵒⵉⵒⴻⵙ ⴰⵏⴷ ⵜⵓⴱⴻⵙ (ⴰⵎⵜⵔⴰ) (ⵍⵍⵓⵣⵉⵏ ⵜⴰⵇⴱⵓⵔⵜ ⵏ ⵜⵙⵙ) ⴰⵢ ⵉⵎⴻⴷⵍⴻⵏ ⴰⴷⴰⴼ ⵏ ⵓⵙⵓⴷⴷⵉⵙ ⵏ ⵡⵓⵣⵣⴰⵍ ⴷ ⵓⵏⴼⴻⴷ ⵏ ⵍⵃⴻⴵⴵⴰⵕ (ⵄⴻⵏⵏⴰⴱⴰ) ⵢⴻⵔⵏⴰ ⴷ ⴰⵎⴷⴰⵍ-ⴰ ⵢⴻⵃⴱⴻⵙ ⴰⵅⴻⴷⴷⵉⵎ ⴷⴻⴳ ⵡⴰⴽⴽ ⵍⵍⵓⵣⵉⵏⴰⵜ ⵏⵉⴹⴻⵏ ⵏ ⵓⴷⴻⴳ-ⴰ ⴰⵎⴳⵓⵔⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵡⴰⵍⴰ ⴰⵙⵙ ⵏ ⵍⴻⵜⵏⵉⵢⴻⵏ.

ⵉⵅⴻⴷⴷⴰⵎⴻⵏ-ⴰ ⵉⵎⴻⵙⴱⴰⵏⵉⵢⴻⵏ ⵡⵡⵉⵏ-ⴷ ⵢⵉⴷ-ⵙⴻⵏ ⵜⵉⴷⴻⴱⴱⵓⵣⵉⵏ, ⵉⴼⴻⴳⴳⴰⴳⴻⵏ ⵏ ⵡⵓⵣⵣⴰⵍ ⴷ ⵢⵉⵥⵔⴰ ⴰⴽⴽⴻⵏ ⴰⴷ ⵃⴻⴱⵙⴻⵏ ⵙ ⴽⵔⴰ ⵏ ⵡⵉⵏ ⴰⵔⴰ ⵉⵄⴻⵔⴹⴻⵏ ⴰⴷ ⵢⴰⴷⴻⴼ ⵖⴻⵔ ⵓⵙⵓⴷⴷⵉⵙ-ⴰ, ⵢⴻⵔⵏⴰ ⵍⵍⴰⵏ ⴷⵉⵏ ⵙⴻⴳ ⵡⴰⵙⵙ ⵏ ⵍⵃⴻⴷⴷ. ⴷ ⴰⵢⴰ ⴰⵢ ⵉⵔⴻⴳⵍⴻⵏ ⴰⴱⵔⵉⴷ ⵉ ⵡⴰⵣⴰⵍ ⵏ 5.000 ⵏ ⵢⵉⵅⴻⴷⴷⴰⵎⴻⵏ ⴰⴽⴽⴻⵏ ⴰⴷ ⴰⴷⴼⴻⵏ ⵖⴻⵔ ⵍⵍⵓⵣⵉⵏⴰⵜ-ⵏⵙⴻⵏ ⵢⴻⵎⴳⴻⵔⵔⴰⴷⴻⵏ.

ⵖⴻⴼ ⵍⴻⵃⵙⴰⴱ ⵏ ⵢⵉⵎⴹⴻⴱⴱⵔⴻⵏ ⵏ ⵍⵍⵓⵣⵉⵏⴰⵜ ⵏ ⵓⵙⵓⴷⴷⵉⵙ-ⴰ, ⵜⴰⴳⵏⵉⵜ-ⴰ « ⵡⴻⵔⴵⵉⵏ ⴷ-ⵜⴻⵍⵍⵉ » ⴰⵛⴽⵓ ⵉⵎⴻⵙⴱⴰⵏⵉⵢⵉⵏ ⵓⴳⵉⵏ ⴰⴷ ⴵⴵⴻⵏ ⵓⵍⴰ ⴷ ⵉⵅⴻⴷⴷⴰⵎⴻⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵍⵍⵓⵣⵉⵏⴰⵜ ⵏⵉⴹⴻⵏ ⴰⴷ ⴰⴷⴼⴻⵏ ⴰⴽⴽⴻⵏ ⴰⴷ ⴳⴻⵏ ⴰⵎⴻⵥⵍⵓ-ⵏⵙⴻⵏ ⴰⴷⴷⴰⵢ.

ⵖⴻⴼ ⵍⴻⵃⵙⴰⴱ ⵏ ⵢⵉⵎⴽⴻⵍⵍⴻⴼ ⵙ ⵜⴻⵖⵡⴰⵍⵜ ⴷⴻⴳ ⵜⴽⴻⴱⴱⴰⵏⵉⵜ ⵏ ⴰⵔⵛⴻⵍⵧⵔⵎⵉⵜⵜⴰⵍ ⴰⵍⴳⴻⵔⵉⴻ, ⵎⵧⵀⴰⵎⴻⴷ ⴽⴻⴷⴻⵀⴰ, ⵍⵍⵓⵣⵣⵉⵏⴰⵜ ⴰⵢ ⵢⴻⵍⵍⴰⵏ ⴷⴻⴳ ⵓⵙⵓⴷⴷⵉⵙ-ⵏⵏⵉ ⴰⵜⴻⵏⵜⵉ ⴷⴻⴳ ⵓⵎⵉⵀⵉ ⵉⵎⵉ ⴰⵢ ⵃⴻⴱⵙⴻⵏⵜ ⵓⴳⴰⵔ ⵏ 24 ⵏ ⵜⵙⴰⵄⵜⵉⵏ ⵖⴻⴼ ⵍⴵⴰⵍ ⵏ ⵡⵓⴳⵓⵔ « ⵓⵔ ⵜⴻⵏⵜ-ⵢⴻⵔⵣⵉⵏ ⴰⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵜⴰⴳⵔⴰⵡⵜ-ⴰ ⵏ ⵢⵉⵅⴻⴷⴷⴰⵎⴻⵏ ⵜⴻⵔⴳⴻⵍ ⴰⴱⵔⵉⴷ ⵉ ⵓⵙⵙⴻⴷⴷⵓ ⵏ ⵍⵍⵓⵣⵉⵏⴰⵜ ⵏⵉⴹⴻⵏ, « ⵢⴻⵔⵏⴰ ⵡⴻⵔⴵⵉⵏ ⴷ-ⵢⴻⵍⵍⵉ ⵡⴰⵢⴰ ⵓⵇⴱⴻⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵉⵅⴻⴷⴷⴰⵎⴻⵏ-ⴰ ⵉⵎⴻⵙⴱⴰⵏⵉⵢⴻⵏ ⴳⴰⵏ ⴰⵙⵓⵏⴷⴻⴷ (ⵍⴰⴳⵔⵉⴼ) 3 ⵏ ⵡⴰⵢⵢⵓⵔⴻⵏ ⴰⵢⴰ ⴰⴽⴽⴻⵏ ⴰⴷ ⴷ-ⵙⵙⵓⵜⵔⴻⵏ ⵜⵉⵎⴻⵔⵏⵉⵡⵜ ⴷⴻⴳ ⵍⴻⵅⵍⴰⵚ ⴷ ⵓⵄⴰⵡⴻⴷ ⵏ ⵜⵎⵓⵖⵍⵉ ⴷⴻⴳ ⵓⵙⴻⵜⵜⴻⴼ ⵏ ⵜⵓⵛⴽⵉ ⵏ ⵢⵉⴷⵔⵉⵎⴻⵏ ⵏ ⵓⴵⴰⵣⵉ.

ⵎⴰ ⴷ ⵜⴰⵖⴷⴻⵎⵜ, ⵙⵉⵏ ⵏ ⵍⴻⴷⵡⴰⵕ ⴰⵢⴰ ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⵔⵔⴰ ⵙ ⵍⴻⵅⴱⴰⵔ ⴷ ⴰⴽⴽⴻⵏ ⴰⵙⵓⵏⴷⴻⴷ-ⴰ ⵢⴻⴼⴼⴻⵖ ⵉ ⵍⵇⴰⵏⵓⵏ.

ⵍⵍⵓⵣⵉⵏ ⵏ ⴰⵎⵒⵜⴰ ⵜⴻⵙⵙⴻⵅⴷⴰⵎ 350 ⵏ ⵢⵉⵅⴻⴷⴷⴰⵎⴻⵏ. ⵕⴰⵙⴻⵍⵎⴰⵍ-ⵏⵏⴻⵙ ⵜⴻⴹⴹⴻⴼ-ⵉⵜ ⴰⵔⵛⴻⵍⵧⵔⵎⵉⵜⵜⴰⵍ ⵙ 70%, ⵎⴰ ⴷ ⵙⵉⴷⴻⵔ ⵜⴻⵛⵔⴻⴽ ⵙ 30%. ⴰⵛⵃⴰⵍ ⵏ ⵡⴰⵢⵢⵓⵔⴻⵏ ⴰⵢⴰ ⵙⴻⴳ ⵡⴰⵙⵎⵉ ⴰⵢ ⵍⴰ ⵉⵏⴻⵇⵇⴻⵙ ⵓⴼⴰⵔⴻⵙ ⵏ ⵍⵍⵓⵣⵉⵏ-ⴰ ⵉⵎⵉ ⴰⴼⴰⵔⵉⵙ-ⵏⵏⴻⵙ ⵓⵔ ⵉⵣⴰⴷ ⴰⵔⴰ ⵖⴻⴼ ⵍⴻⵃⵙⴰⴱ ⵏ ⵡⴰⵢⴻⵏ ⵢⴻⵍⵍⴰⵏ ⴷⴻⴳ ⵙⵙⵓⵇ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ.