ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵅⴻⴷⴷⴰⵎⴻⵏ ⵏ ⴰⵔⵛⴻⵍⵧⵔⵎⵉⵜⵜⴰⵍ ⵒⵉⵒⴻⵙ ⴰⵏⴷ ⵜⵓⴱⴻⵙ ⵓⵖⴰⵍⴻⵏ ⵖⴻⵔ ⵓⵅⴻⴷⴷⵉⵎ

ⵄⴻⵏⵏⴰⴱⴰ –ⵉⵅⴻⴷⴷⴰⵎⴻⵏ ⵏ ⵍⵍⵓⵣⵉⵏ ⵏ ⵢⵉⵊⴻⵄⴱⵓⴱⴻⵏ ⵏ ⴰⵔⵛⴻⵍⵧⵔⵎⵉⵜⵜⴰⵍ ⵒⵉⵒⴻⵙ ⴰⵏⴷ ⵜⵓⴱⴻⵙ (ⴰⵎⵒⵜⴰ) (ⵍⵍⵓⵣⵉⵏ ⵜⴰⵇⴱⵓⵔⵜ ⵏ ⵢⵉⵊⴻⵄⴱⵓⴱⴻⵏ ⵏ ⵜⵙⵙ) ⵓⵖⴰⵍⴻⵏ ⵖⴻⵔ ⵓⵅⴻⴷⴷⵉⵎ ⴰⵙⵙ ⵏ ⵜⵜⵍⴰⵜⴰ ⴷⴻⴼⴼⵉⵔ ⵎⴰ ⵎⴻⴷⵍⴻⵏ ⵙⴻⴳ ⵡⴰⵙⵙ ⵏ ⵍⵃⴻⴷⴷ ⴰⴷⴰⴼ ⵖⴻⵔ ⵓⵙⵓⴷⴷⵉⵙ ⵏ ⵍⵃⴻⴵⴵⴰⵕ, ⴷ ⴰⵎⴷⴰⵍ ⴰⵢ ⵉⵃⴻⴱⵙⴻⵏ ⴰⵅⴻⴷⴷⵉⵎ ⴷⴻⴳ ⵡⴰⴽⴽ ⵍⵍⵓⵣⵉⵏⴰⵜ ⴷ ⵜⴽⴻⴱⴱⴰⵏⵉⵢⵉⵏ ⵏ ⵓⴷⴻⴳ-ⴰ ⴰⵎⴳⵓⵔⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵡⴰⵍⴰ.

ⵜⴰⴳⵔⴰⵡⵜ-ⵏⵏⵉ ⵏ ⵢⵉⵅⴻⴷⴷⴰⵎⴻⵏ ⴰⵢ ⵉⵎⴻⴷⵍⴻⵏ ⴰⵎⴽⴰⵏ-ⴰ, ⴷⴻⴳ ⵡⴰⵣⴰⵍ ⵏ 60 ⵢⵉⴷ-ⵙⴻⵏ, ⵄⴰⵡⴷⴻⵏ ⵔⴻⵥⵎⴻⵏ-ⵜ ⵢⴻⵔⵏⴰ ⵇⵇⵍⴻⵏ ⵖⴻⵔ ⵓⵎⴰⵀⵉⵍ (ⴰⵅⴻⴷⴷⵉⵎ) ⴷⴻⴼⴼⵉⵔ ⵎⴰ ⵡⵡⴹⴻⵏ-ⴷ ⵢⵉⵖⴰⵍⵍⴻⵏ ⵏ ⵜⴻⵎⵙⴻⵜⵍⴰ ⴰⵢ ⵜⴻⵏ-ⵢⵓⵎⵕⴻⵏ ⴰⴷ ⵔⴻⵥⵎⴻⵏ ⴰⵎⴽⴰⵏ-ⴰ ⵙ ⵢⵉⵙⴻⵎ ⵏ ⵢⵉⵡⴻⵏ ⵏ ⵍⴻⵃⴽⴻⵎ ⵏ ⵛⵛⵕⴻⵄ.

ⵍⵍⵓⵣⵉⵏ ⵏ ⴰⵎⵒⵜⴰ ⵅⴻⴷⴷⵎⴻⵏ ⴷⴻⴳ-ⵙ 350 ⵏ ⵢⵉⵅⴻⴷⴷⴰⵎⴻⵏ. ⵕⴰⵙⴻⵍⵎⴰⵍ-ⵏⵏⴻⵙ ⵜⴻⵛⵔⴻⴽ ⴷⴻⴳ-ⵙ ⴰⵔⵛⴻⵍⵧⵔⵎⵉⵜⵜⴰⵍ ⵙ 70%, ⵎⴰ ⴷ ⵙⵉⴷⴻⵔ ⵜⴻⵜⵜⴻⴽⴽⴰ ⴷⴻⴳ-ⵙ ⵙ 30%. ⴷ ⴰⵢⵢⵓⵔⴻⵏ ⴰⵢⴰ ⵙⴻⴳ ⵡⴰⵙⵎⵉ ⴰⵢ ⵢⴻⵏⵇⴻⵙ ⵓⴼⴰⵔⴻⵙ ⴷⴻⴳ ⵍⵍⵓⵣⵉⵏ-ⴰ ⵉⵎⵉ ⴰⴼⴰⵔⵉⵙ-ⵏⵏⴻⵙ ⵓⵔ ⵉⴼⴰⵣ ⴰⵔⴰ ⴷⴻⴳ ⵙⵙⵓⵇ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⴻⵜⵜⵡⴰⵅⴻⴱⴱⴻⵔ.