ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵃⴻⵣⵣⵉⴱⴻⵏ ⵉⵎⴰⵢⵏⵓⵜⴻⵏ ⵉ ⵓⵙⴷⵓⵇⵇⴻⵙ ⵏ ⵓⵙⵙⴻⴼⵜⵉ ⴷⴻⴳ ⵜⵎⴻⵔⵔⵉⵜ ⴷⴻⴳ ⵛⵜⴻⵎⴱⴻⵕ
ⵄⴻⵏⵏⴰⴱⴰ – ⴰⵏⴻⵖⵍⴰⴼ ⵏ ⵓⵀⴻⵢⵢⵉ ⵏ ⵡⴰⴽⴰⵍ, ⵏ ⵜⵎⴻⵔⵔⵉⵜ ⴷ ⵜⴻⵏⴹⵉ ⵜⴰⵎⴻⵏⵙⴰⵢⵜ, ⴰⵎⴰⵔ ⴳⵀⵧⵓⵍ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵙⴻⴳ ⵛⵜⴻⵎⴱⴻⵕ ⴷ ⴰⵙⴰⵡⴻⵏ, ⴰⴷ ⵜⵜⵡⴰⵙⴼⴻⵄⵍⴻⵏ ⵢⵉⵃⴻⵣⵣⵉⴱⴻⵏ ⴰⵔⴰ ⵢⴻⵙⵙⴻⴷⴷⵓⵏ ⵜⵉⵖⴰⵡⵙⵉⵡⵉⵏ ⵖⴻⵔ ⵙⴷⴰⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⴼⵜⵉ ⴰⵔⴰ ⵉⴷⵓⵎⴻⵏ ⴷⴻⴳ ⵜⵎⴻⵔⵔⵉⵜ. ⴰⵡⴰⵍ-ⴰ ⵢⴻⵏⵏⴰ-ⵜ-ⵉⴷ ⵓⵏⴻⵖⵍⴰⴼ ⵎⵉ ⵢⴻⵔⵣⴰ ⴰⵙⵙ ⵏ ⵜⵜⵍⴰⵜⴰ ⵖⴻⴼ ⵜⴻⵎⴷⵉⵏⵜ ⵏ ⵄⴻⵏⵏⴰⴱⴰ.
ⵉⵃⴻⵣⵣⵉⴱⴻⵏ-ⴰ ⴰⴷ ⵔⵔⴻⵏ ⵉⵎⵙⴻⴼⵜⵉ ⴷ « ⵍⵍⵙⴰⵙ » ⴷⴻⴳ ⵓⵙⵏⴻⵔⵏⵉ ⵏ ⵓⵃⵔⵉⵛ ⵏ ⵜⵎⴻⵔⵔⵉⵜ ⵢⴻⵔⵏⴰ ⵉⵙⵡⵉ-ⵏⵙⴻⵏ ⵏⴻⵜⵜⴰ ⴷ « ⴰⵙⵙⵉⴼⵙⴻⵙ ⵏ ⵓⵙⵙⴻⵡⵊⴻⴷ ⵏ ⵍⴻⴽⵡⴰⵖⴻⴹ ⴷⴻⴳ ⵜⴻⴷⴱⴻⵍⵜ, ⴷ ⵜⵓⴽⴽⵙⴰ ⵏ ⵢⵉⵄⴻⵡⵡⵉⵇⴻⵏ ⴷⴻⴳ ⵓⵏⴰⴷⵉ ⵖⴻⴼ ⵡⴰⴽⴰⵍ ⴷ ⵓⴹⵎⴰⵏ ⵏ ⵢⵉⴷⵔⵉⵎⴻⵏ ⴰⵢ ⵢⴻⵙⵙⴻⴼⴽⴻⵏ ⵉ ⵓⵙⵙⴻⴼⵜⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵏⴻⵖⵍⴰⴼ.
ⵎⵉ ⵢⴻⵙⵙⴻⴼⵇⴻⴷ ⵜⴰⵎⵏⴰⴹⵜ ⵏ ⵓⵙⵙⴻⵎⵖⴻⵔ ⵏ ⵜⵎⴻⵔⵔⵉⵜ ⴷⴻⴳ ⵜⴻⵎⴷⴰ ⵜⵓⵜⵔⵉⵎⵜ (ⵜⴰⵖⴻⵔⴱⵉⵜ) ⵏ ⵛⵟⴰⵢⴱⵉ (ⴷ ⵜⴰⵎⵏⴰⴹⵜ ⵎⴻⵖⵖⵔⴻⵏ 21 ⵏ ⵢⵉⵇⴻⵟⵟⴰⵔⴻⵏ), ⵎⴰⵙⵙ ⴳⵀⵧⵓⵍ ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ ⵜⴰⴷⴱⴻⵍⵜ ⵢⴻⵙⵙⴻⴼⴽ, ⴷⴻⴳ ⵜⴰⵍⵍⵉⵜ-ⴰ ⵜⴰⵎⴰⵢⵏⵓⵜ, « ⴰⴷ ⴷ-ⵜⴻⵜⵜⴻⴽⴽⵉ » ⴷⴻⴳ ⵜⵉⴷⴷⵉⵜ ⵏ ⵓⵙⵙⴻⴼⵜⵉ, ⵎⴰ ⴷ ⵉⵎⵙⴻⴼⵜⵉ ⵢⴻⵙⵙⵙⴻⴼⴽ « ⴰⴷ ⵉⵇⴰⴷⴻⵔ ⵍⴻⵇⵡⴰⵏⵉⵏ ⴷ ⵢⵉⵍⵓⴳⴰⵏ ⵢⴻⵍⵍⴰⵏ ⴷⴻⴳ ⵡⴰⵍⵓⴳ ⵏ ⵛⵛⵓⵔⵓⴹ ⵏ ⵓⵙⴻⵏⴼⴰⵔ ».
ⵜⵉⴷⴷⵉⵜ-ⴰ ⴰⵔⴰ ⵢⴻⵜⵜⵡⴰⴱⵏⵓⵏ ⵙ ⵓⵙⵙⴻⴼⵜⵉ ⵢⴻⵏⵏⵓⵎⵎⴷⴻⵏ ⴰⵔⴰ ⴰⵙ-ⵉⴹⴻⵎⵏⴻⵏ ⵉ ⵜⵎⴻⵔⵔⵉⵜ ⴰⴷ ⵜⴷⵓⵎ ⵢⴻⵔⵏⴰ ⵉⵎⴻⵥⵍⴰ-ⵏⵏⴻⵙ (ⵙⵙⵔⴰⴱⴻⵙ) ⴰⴷ ⵜⵜⵡⴰⵙⴼⴻⵔⴽⴻⵏ ⵙ ⵜⴰⵔⵔⴰⵢⵜ ⵜⴰⵜⵔⴰⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴳⵀⵧⵓⵍ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⴷ ⴰⴽⴽⴻⵏ ⴷⴻⴳ ⵡⵓⵖⴰⵍ ⴰⵏⵎⴻⵜⵜⵉ ⵏ ⵓⵙⴻⴳⴳⴰⵙ-ⴰ (ⵛⵜⴻⵎⴱⴻⵕ), ⴰⵟⴰⵙ ⵏ ⵍⴻⵄⵇⵓⴷⴰⵜ ⴰⵔⴰ ⵢⴻⵜⵜⵡⴰⵙⵜⴻⵏⵢⵉⵏ ⵉ ⵍⵎⴻⵏⴷ ⵏ ⴱⴻⴷⴷⵓ ⵏ ⵢⵉⵙⴻⵏⴼⴰⵔⴻⵏ ⴰⵔⴰ ⴷ-ⵢⴻⵙⵙⵉⴷⴼⴻⵏ ⵉⴷⵔⵉⵎⴻⵏ ⵢⴻⵔⵏⴰ ⴰⴷ ⴷ-ⵙⵏⵓⵍⴼⵓⵏ ⵉⵎⵓⴽⴰⵏ ⵏ ⵓⵎⴰⵀⵉⵍ (ⴰⵅⴻⴷⴷⵉⵎ).
ⴷⴻⴳ ⵓⵎⴽⴰⵏ-ⵏⵏⵉ, ⴰⵏⴻⵖⵍⴰⴼ ⵉⴳⴻⵔ-ⴷ ⵜⵉⵖⵔⵉ ⵉ ⵓⵙⵙⴻⵄⵊⴻⵍ ⵏ ⴱⴻⴷⴷⵓ ⵏ ⵢⵉⵙⴻⵏⴼⴰⵔⴻⵏ ⴰⵢ ⵢⴻⴳⴳⵓⵏⵉⵏ. ⵙⴰⴽⴽⵉⵏ, ⵢⴻⵔⵣⴰ ⵖⴻⴼ ⵓⵙⴻⵏⴼⴰⵔ ⵏ ⵍⴻⴱⵏⵉ ⵏ ⵢⵉⵡⴻⵏ ⵏ ⵓⵙⴻⵏⵙⵓ ⵏ ⵜⴽⴻⴱⴱⴰⵏⵉⵜ ⵏ ⵙⵀⴻⵔⴰⵜⵧⵏ, ⵢⴰⴼ-ⵉⵜ-ⵉⵏ ⵢⴻⵡⵊⴻⴷ ⵙ 70%. ⴰⵙⴻⵏⵙⵓ-ⴰ ⴰⴷ ⵢⴻⵙⵄⵓ 203 ⵏ ⵡⵓⵙⵓⵜⴻⵏ, 21 ⵏ ⵡⴰⵏⵏⴰⴳⴻⵏ, ⵢⴻⵔⵏⴰ, ⵍⴻⵎⵎⴻⵔ ⴷ ⵍⴻⴱⵖⵉ ⴰⴷ ⴷ-ⵢⴻⵡⵊⴻⴷ ⵓⵇⴱⴻⵍ ⵜⴳⴰⵔⴰ ⵏ 2015. ⴰⵣⴰⵍ ⵏ 150 ⵏ ⵢⵉⵅⴻⴷⴷⴰⵎⴻⵏ ⴰⵔⴰ ⵉⵅⴻⴷⵎⴻⵏ ⴷⴻⴳ-ⵙ.
ⴰⵏⴻⵖⵍⴰⴼ ⵢⴻⵔⵣⴰ ⴷⴰⵖ ⵖⴻⴼ ⵓⵛⴰⵏⵟⵉ ⵏ ⵍⴻⴱⵏⵉ ⵏ ⵓⵙⴻⵏⵙⵓ ⵏ ⴷⴰⵔ ⵛⵀⴰⴷⵍⵉ ⴰⵢ ⵢⴻⵙⵄⴰⵏ 80 ⵏ ⵡⵓⵙⵓⵜⴻⵏ, ⴷⴻⴳ ⵜⴻⵎⴷⵉⵏⵜ ⵏ ⵄⴻⵏⵏⴰⴱⴰ, ⴰⵎ ⵡⴰⴽⴽⴻⵏ ⴰⵢ ⵢⴻⵔⵣⴰ ⵖⴻⴼ ⵜⴻⵎⵣⵉⴽⴽⴻⵏⵜ ⵏ ⵜⴻⵏⴹⵉ ⵜⴰⵎⴻⵏⵙⴰⵢⵜ ⵏ ⵜⵡⵉⵍⴰⵢⵜ ⵏ ⵡⴰⵔⴻⴳⵍⴰ ⴰⵢ ⴳⴰⵏ ⴷⴻⴳ ⵜⴻⴼⵜⵉⵙⵜ ⵏ ⵔⵉⵣⵉ ⴰⵎⵧⵔ.
ⴷⴻⴳ ⵜⴻⵔⵣⵉ-ⵏⵏⴻⵙ ⵏ ⵓⵎⴰⵀⵉⵍ ⵖⴻⴼ ⵜⵡⵉⵍⴰⵢⵜ-ⴰ, ⴰⵏⴻⵖⵍⴰⴼ ⵉⵃⴻⵜⵜⴻⵜ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⵜⵡⴰⵏⴻⵡⵡⵄⴻⵏ ⵢⵉⵎⴻⵥⵍⴰ ⴰⵎ ⵡⴰⴽⴽⴻⵏ ⴰⵔⴰ ⵜⴻⵜⵜⵡⴰⵙⵎⴻⵍ ⵜⵖⴻⵔⵎⴰ ⴷ ⵓⵎⴻⵣⵔⵓⵢ ⵏ ⵢⵉⴷⴻⴳⴳⴻⵏ ⴰⵢⵖⴻⴼ ⴰⵢ ⵔⴻⵣⵣⵓⵏ ⵢⵉⵎⴻⵔⵔⴰⵢⴻⵏ.
