ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵚⴻⵃⵔⴰⵡⵉⵢⴻⵏ ⵏⴹⴻⵔⵔⴻⵏ ⵙⴻⴳ ⵓⵔⴽⴰⴹ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ

ⴱⵓⵎⴻⵔⴷⴰⵙ – ⴰⵖⵔⴻⴼ ⴰⵚⴻⵃⵔⴰⵡⵉ « ⴷ ⵜⴰⵖⵜⴻⵙⵜ ⵏ ⵡⴰⵟⴰⵙ ⵏ ⵢⵉⵔⴽⴰⴹⴻⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴰⵢ ⵢⴻⵜⵜⴻⴳ ⵓⵏⴰⴳⵔⴰⵡ ⴰⵀⴻⵔⵙⴰⵏ ⴰⵎⴻⵕⵕⵓⴽⵉ » ⴷⴻⴳ ⵢⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⴱⵓⵎⴻⵔⴷⴰⵙ ⵓⵙⴻⵍⵡⴰⵢ ⵏ ⵜⵙⴻⵇⵇⴰⵎⵓⵜ ⵜⴰⵖⴻⵍⴰⵏⵡⵜ ⵜⴰⵚⴻⵃⵔⴰⵡⵉⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ (ⵛⵏⵙⴷⵀ) ⵙⴰⵉⴷ ⴼⵉⵍⴰⵍⵉ.

ⵎⴰⵙⵙ ⴼⵉⵍⴰⵍⵉ, ⴰⵢ ⴷ-ⵉⴳⴰⵏ ⴰⵙⴰⵔⴰⴳ ⴷⴻⴳ ⵓⴽⴰⵜⴰⵔ ⵏ ⵜⴻⵙⴷⴰⵡⵉⵜ ⵏ ⵓⵏⴻⴱⴷⵓ ⵏ ⵢⵉⴽⴰⵜⴰⵔⴻⵏ ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴷ ⵜⴻⴳⴷⵓⴷⴰ ⵜⴰⵄⵕⴰⴱⵜ ⵜⴰⵚⴻⵃⵔⴰⵡⵉⵜ ⵜⴰⵎⴻⴳⴷⴰⵢⵜ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⴻⴳ ⵜⵡⵉⵍⴰⵢⵜ ⵏ ⴱⵓⵎⴻⵔⴷⴰⵙ ⵙⴻⴳ 25 ⵢⵓⵍⵢⵓ ⵖⴻⵔ 12 Ɣⵓⵛⵜ, ⵢⴻⵏⵏⴰ-ⴷ ⴷⴻⴳ « ⴰⵙⵙⵓⵜⴻⵔ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⵉ ⵓⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ ⵏ ⵓⴳⴳⵓⵛⵛⴻⵍⵎⴰⵏ ⵍⴰ ⵢⴻⵜⵜⴰⵥ ⵖⴻⵔ ⵙⴷⴰⵜ ⵙⴻⴳ ⵓⵙⴻⴳⴳⴰⵙ ⴰⵔ ⴰⵙⴻⴳⴳⴰⵙ, ⵓⵍⴰ ⵎⴰ ⴰⵙⴻⵀⵔⴰⵙ ⴰⵎⴻⵕⵕⵓⴽⵉ ⵢⴻⵙⵙⵖⴻⵔ ⵉⵖⴻⴼ-ⵏⵏⴻⵙ ⵢⴻⵔⵏⴰ ⵢⵓⴳⵉ ⴰⵢⴰ ».

ⴷⵖⴰ ⵢⴻⵏⵏⴰ-ⴷ, ⴷⴻⴳ ⵜⴻⵎⵙⴰⵍⵜ-ⴰ, ⴷⴻⴳ ⵜⴰⵙⴻⵇⵇⴰⵎⵓⵜ ⵜⴰⵖⴻⵍⵏⴰⵡⵜ ⵜⴰⵚⴻⵃⵔⴰⵡⵉⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵜⵃⴻⵕⵕ-ⴷ ⵜⵉⵖⴰⵡⵉⵙⵉⵡⵉⵏ ⴷ ⵜⵉⵎⴻⵇⵔⴰⵏⵉⵏ ⴷⴻⴳ ⵓⵙⵡⵉⵔ ⴰⴳⵔⴰⵖⵍⴰⵏ, ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⵏⵏⵓⵍⴼⴰ ⴷⴻⴳ 2014.

ⵎⴰⵙⵙ ⴼⵉⵍⴰⵍⵉ ⵉⴳⴻⵔ-ⴷ ⵜⵉⵖⵔⵉ ⵉ ⵢⵉⴷⵉⵙⴰⵏ ⴰⵢ ⵍⴰ ⵉⵅⴻⴷⴷⵎⴻⵏ ⴷⴻⴳ ⵜⵎⴻⵜⵜⵉ ⵜⴰⵖⴰⵔⵉⵎⵜ ⵜⴰⵚⴻⵃⵔⴰⵡⵉⵜ ⴰⴽⴽⴻⵏ ⴰⴷ ⴷ-ⴽⴻⵛⴼⴻⵏ ⴰⴽⴽ ⵉⵔⴽⴰⴹⴻⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷ ⵜⵍⴻⵍⵍⵉⵢⵉⵏ ⵜⵉⵏⴰⴳⴷⵓⴷⵉⵏ ⴰⵢ ⵢⴻⵜⵜⴻⴳ ⵓⵏⴰⴳⵔⴰⵡ ⴰⵎⴻⵕⵕⵓⴽⵉ ⵎⴳⴰⵍ ⵓⵖⵔⴻⴼ ⴰⵚⴻⵃⵔⴰⵡⵉ, ⵢⴻⵔⵏⴰ ⴰⴷ ⵜⴻⵏ-ⴰⵣⵏⴻⵏ ⵉ ⵜⵓⴷⴷⵙⵉⵡⵉⵏ ⵜⵉⴳⵔⴰⵖⵍⴰⵏⵉⵏ ⴰⵢ ⵉⵣⴻⵎⵔⴻⵏ ⴰⴷ ⵓⵔⴰⵔⴻⵏⵜ ⴷⴷⵓⵕ ⵉⴵⴻⵀⴷⴻⵏ ⴷⴻⴳ ⵓⵄⴰⵡⴻⵏ ⵏ ⵢⵉⵎⴻⵏⵖⵉ ⴰⵚⴻⵃⵔⴰⵡⵉ.

ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵎⴰⵏⴰⵢ ⵏ ⵢⵉⵎⴻⵏⵖⵉ ⴰⵚⴻⵕⵀⴰⵡⵉ, ⵙⴰⴷⴻⴽ ⴱⵧⵓⴳⵓⴻⵜⴰⵢⴰ, ⵢⴻⵏⵏⴰ-ⴷ ⴷⴻⴳ ⵎⴻⵕⵕⵓⴽ « ⴰⵜⵜⴰⵏ ⵜⴻⴷⴷⴻⵔ ⴷⴻⴳ ⵜⴻⴳⵏⵉⵜ ⴷⴻⴳ ⵜⴻⵜⵜⵡⴰⵄⵣⴻⵍ ⵙⴻⴳ ⵓⵎⴰⴹⴰⵍ ⵙⴻⴳ ⵢⵉⴷⵉⵙ ⴰⵙⴻⵔⵜⵉ » ⵉⵎⵉ « ⵓⵔ ⵜⴻⵜⵜⵇⴰⴷⴰⵔ ⴰⵔⴰ ⵍⵇⴰⵏⵓⵏ ⴰⴳⵔⴰⵖⵍⴰⵏ ⴷⴻⴳ ⵜⴻⵎⵙⴰⵍⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵔⵏⴰ ⵍⴰ ⴷ-ⵜⴻⵜⵜⴻⴳ ⵉⵄⴻⵇⵇⵉⵡⴻⵏ ⵉ ⵍⴻⵎⵛⴰⵡⵕⴰⵜ, ⴰⵎ ⵡⴰⴽⴽⴻⵏ ⴰⵢ ⵜⵓⴳⵉ ⴰⴷ ⵜⴻⵙⵙⴻⴼⵄⴻⵍ ⵉⵖⵜⴰⵙⴻⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵢ ⵢⴻⵔⵣⴰⵏ ⴰⵢⴰ ».