Asebter amenzawi

Imariren imxeyyren n tcirt n uḍar deg Tefriqt: Rabah Madjer gar 10 imezwura

JuHANESBURG – Amarir agraɣlan adzayri Rabah Madjer yedda-d gar 10 n yimariren imxeyyren n tcirt n uḍar n yal tallit deg Tefriqt, ɣef leḥsab n yiwen n ussenqed n udeg yemmuzzgen (yetxeṣṣeṣen) « Insude Futbol ».

Amarir-a igerrzen ay yuraren deg FC Porto deg yiseggasen n 1980, yedda-d gar yimariren imeqranen n Tefriqt, ɣer yidis n umarir alibiri George Weah d umarir akamruni Roger Mila.

Imezwura deg usettef-a n 10 n yimariren imxeyyren n tcirt n uḍar tafriqit nitni d Ikamruniyen Roger Mila, Samuel Eto’o d uɛessas n yiswi Thomas N’kono.

Llan daɣ sin n Yimaṣriyen deg wumuɣ-a: Hossam Hassan d Mahmoud El Khatib. Ghana tesɛa daɣ sin n yimariren: Abedi Pele d Michael Essien.

Maca umuɣ-a ur d-yeddi deg-s ula d yiwen n umarir n unẓul n Tefriqt am Lucas Radebe (Tafriqt n Unẓul), Kalusha Bwalya (Zambya) neɣ aɛessas azimbabwi Bruce Grobbelaar.

Umuɣ n 10 n yimariren imxeyyren n yal tallit deg tcirt n uḍar tafriqit:

1. George Weah - Libirya

2. Roger Mila - Kamrun

3. Samuel Eto'o - Kamrun

4. Abedi Ayew - Ghana

5. Jay-Jay Okocha - Nijirya

6. Hossam Hassan –Maṣer

7. Rabah Madjer - Lezzayer

8. Thomas N’kono - Kamrun

9. Mahmoud El-Khatib –Maṣer

10. Michael Essien - Gana