ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵎⴰⵔⵉⵔⴻⵏ ⵉⵎⵅⴻⵢⵢⵔⴻⵏ ⵏ ⵜⵛⵉⵔⵜ ⵏ ⵓⴹⴰⵔ ⴷⴻⴳ ⵜⴻⴼⵔⵉⵇⵜ: ⵔⴰⴱⴰⵀ ⵎⴰⴷⵊⴻⵔ ⴳⴰⵔ 10 ⵉⵎⴻⵣⵡⵓⵔⴰ

ⵊⵓⵀⴰⵏⴻⵙⴱⵓⵔⴳ – ⴰⵎⴰⵔⵉⵔ ⴰⴳⵔⴰⵖⵍⴰⵏ ⴰⴷⵣⴰⵢⵔⵉ ⵔⴰⴱⴰⵀ ⵎⴰⴷⵊⴻⵔ ⵢⴻⴷⴷⴰ-ⴷ ⴳⴰⵔ 10 ⵏ ⵢⵉⵎⴰⵔⵉⵔⴻⵏ ⵉⵎⵅⴻⵢⵢⵔⴻⵏ ⵏ ⵜⵛⵉⵔⵜ ⵏ ⵓⴹⴰⵔ ⵏ ⵢⴰⵍ ⵜⴰⵍⵍⵉⵜ ⴷⴻⴳ ⵜⴻⴼⵔⵉⵇⵜ, ⵖⴻⴼ ⵍⴻⵃⵙⴰⴱ ⵏ ⵢⵉⵡⴻⵏ ⵏ ⵓⵙⵙⴻⵏⵇⴻⴷ ⵏ ⵓⴷⴻⴳ ⵢⴻⵎⵎⵓⵣⵣⴳⴻⵏ (ⵢⴻⵜⵅⴻⵚⵚⴻⵚⴻⵏ) « ⵉⵏⵙⵓⴷⴻ ⴼⵓⵜⴱⵧⵍ ».

ⴰⵎⴰⵔⵉⵔ-ⴰ ⵉⴳⴻⵔⵔⵣⴻⵏ ⴰⵢ ⵢⵓⵔⴰⵔⴻⵏ ⴷⴻⴳ ⴼⵛ ⵒⵧⵔⵜⵧ ⴷⴻⴳ ⵢⵉⵙⴻⴳⴳⴰⵙⴻⵏ ⵏ 1980, ⵢⴻⴷⴷⴰ-ⴷ ⴳⴰⵔ ⵢⵉⵎⴰⵔⵉⵔⴻⵏ ⵉⵎⴻⵇⵔⴰⵏⴻⵏ ⵏ ⵜⴻⴼⵔⵉⵇⵜ, ⵖⴻⵔ ⵢⵉⴷⵉⵙ ⵏ ⵓⵎⴰⵔⵉⵔ ⴰⵍⵉⴱⵉⵔⵉ ⴳⴻⵧⵔⴳⴻ ⵡⴻⴰⵀ ⴷ ⵓⵎⴰⵔⵉⵔ ⴰⴽⴰⵎⵔⵓⵏⵉ ⵔⵧⴳⴻⵔ ⵎⵉⵍⴰ.

ⵉⵎⴻⵣⵡⵓⵔⴰ ⴷⴻⴳ ⵓⵙⴻⵜⵜⴻⴼ-ⴰ ⵏ 10 ⵏ ⵢⵉⵎⴰⵔⵉⵔⴻⵏ ⵉⵎⵅⴻⵢⵢⵔⴻⵏ ⵏ ⵜⵛⵉⵔⵜ ⵏ ⵓⴹⴰⵔ ⵜⴰⴼⵔⵉⵇⵉⵜ ⵏⵉⵜⵏⵉ ⴷ ⵉⴽⴰⵎⵔⵓⵏⵉⵢⴻⵏ ⵔⵧⴳⴻⵔ ⵎⵉⵍⴰ, ⵙⴰⵎⵓⴻⵍ ⴻⵜⵧ’ⵧ ⴷ ⵓⵄⴻⵙⵙⴰⵙ ⵏ ⵢⵉⵙⵡⵉ ⵜⵀⵧⵎⴰⵙ ⵏ’ⴽⵧⵏⵧ.

ⵍⵍⴰⵏ ⴷⴰⵖ ⵙⵉⵏ ⵏ ⵢⵉⵎⴰⵚⵔⵉⵢⴻⵏ ⴷⴻⴳ ⵡⵓⵎⵓⵖ-ⴰ: ⵀⵧⵙⵙⴰⵎ ⵀⴰⵙⵙⴰⵏ ⴷ ⵎⴰⵀⵎⵧⵓⴷ ⴻⵍ ⴽⵀⴰⵜⵉⴱ. ⴳⵀⴰⵏⴰ ⵜⴻⵙⵄⴰ ⴷⴰⵖ ⵙⵉⵏ ⵏ ⵢⵉⵎⴰⵔⵉⵔⴻⵏ: ⴰⴱⴻⴷⵉ ⵒⴻⵍⴻ ⴷ ⵎⵉⵛⵀⴰⴻⵍ ⴻⵙⵙⵉⴻⵏ.

ⵎⴰⵛⴰ ⵓⵎⵓⵖ-ⴰ ⵓⵔ ⴷ-ⵢⴻⴷⴷⵉ ⴷⴻⴳ-ⵙ ⵓⵍⴰ ⴷ ⵢⵉⵡⴻⵏ ⵏ ⵓⵎⴰⵔⵉⵔ ⵏ ⵓⵏⵥⵓⵍ ⵏ ⵜⴻⴼⵔⵉⵇⵜ ⴰⵎ ⵍⵓⵛⴰⵙ ⵔⴰⴷⴻⴱⴻ (ⵜⴰⴼⵔⵉⵇⵜ ⵏ ⵓⵏⵥⵓⵍ), ⴽⴰⵍⵓⵙⵀⴰ ⴱⵡⴰⵍⵢⴰ (ⵣⴰⵎⴱⵢⴰ) ⵏⴻⵖ ⴰⵄⴻⵙⵙⴰⵙ ⴰⵣⵉⵎⴱⴰⴱⵡⵉ ⴱⵔⵓⵛⴻ ⴳⵔⵧⴱⴱⴻⵍⴰⴰⵔ.

ⵓⵎⵓⵖ ⵏ 10 ⵏ ⵢⵉⵎⴰⵔⵉⵔⴻⵏ ⵉⵎⵅⴻⵢⵢⵔⴻⵏ ⵏ ⵢⴰⵍ ⵜⴰⵍⵍⵉⵜ ⴷⴻⴳ ⵜⵛⵉⵔⵜ ⵏ ⵓⴹⴰⵔ ⵜⴰⴼⵔⵉⵇⵉⵜ:

1. ⴳⴻⵧⵔⴳⴻ ⵡⴻⴰⵀ - ⵍⵉⴱⵉⵔⵢⴰ

2. ⵔⵧⴳⴻⵔ ⵎⵉⵍⴰ - ⴽⴰⵎⵔⵓⵏ

3. ⵙⴰⵎⵓⴻⵍ ⴻⵜⵧ'ⵧ - ⴽⴰⵎⵔⵓⵏ

4. ⴰⴱⴻⴷⵉ ⴰⵢⴻⵡ - ⴳⵀⴰⵏⴰ

5. ⵊⴰⵢ-ⵊⴰⵢ ⵧⴽⵧⵛⵀⴰ - ⵏⵉⵊⵉⵔⵢⴰ

6. ⵀⵧⵙⵙⴰⵎ ⵀⴰⵙⵙⴰⵏ –ⵎⴰⵚⴻⵔ

7. ⵔⴰⴱⴰⵀ ⵎⴰⴷⵊⴻⵔ - ⵍⴻⵣⵣⴰⵢⴻⵔ

8. ⵜⵀⵧⵎⴰⵙ ⵏ’ⴽⵧⵏⵧ - ⴽⴰⵎⵔⵓⵏ

9. ⵎⴰⵀⵎⵧⵓⴷ ⴻⵍ-ⴽⵀⴰⵜⵉⴱ –ⵎⴰⵚⴻⵔ

10. ⵎⵉⵛⵀⴰⴻⵍ ⴻⵙⵙⵉⴻⵏ - ⴳⴰⵏⴰ